|
|
 دسته بنات ولا ولد واحد
|
تعالوا النسالكم يا الوليدات انتوا ليه متعبين كدا ؟؟؟!!
بالله الزول فينا يربي دسته بنات ولا ولد واحد اححححي روحي مرقت
|
|
 
|
|
|
|
|
|
|
|
Re: دسته بنات ولا ولد واحد (Re: وليد التلب)
|
ماما دومه
والله انا برضو بقول نفس الكلام احيا من الاولاد متعبين جدا جدا وانا اولادي صغار لكن انا خلاص قلت الروب لكن يا سلام علي البنات حنينات وهادئات ومؤدبات الواحده لو عاينت ليها ساكت تعرف انا قاصده شنو لكن الولد تعيدي وتكرري وعذاب شديد حتي بعد ما يكبرو انا شايفاهم عند اخواني عذاب شديد ، الله يديهم العافية
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ما تعملوا فيها زايغين
وصلاه النبي فيكم لا تعبتوا اهلكم لا شئ
كل ما يقولوا فلان جابو ليه ولد والناس تبارك وهو فرحان
اقول يا حليلو ما عارف الراجيهو
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
الله يعينك ............... ويعين زوجتي .......
سارة كرودي احتمال كبير تطلب لجوء سياسي ......... 
ماشاء الله اربعة اولاد + ابوهم .......... كان قدمت ما بدوها
| |
|
|
|
|
|
|
|
|
Re: دسته بنات ولا ولد واحد (Re: doma)
|
والله يا بت الحلال فعلا الأولاد يقوموا القرون لكن أنا اسع عندي الآية معكوسة عندنا وليدات وأمهم دايرة البت وما دايرة البت اخيرا جات البنت والله شيطنة الاولاد الفاتوا ديل كلها جات فيها هي أظنها اخدت منهم لكن هي أكتر زول في البيت غلبنا في سنها دي ، إمكن لما تكبر تهدأ لكن اسع حكاية عجيبة
| |
|
|
|
|
|
|
|
|
|
Re: دسته بنات ولا ولد واحد (Re: كمال عكود)
|
يومة
والله صدقتي....
ولد واحد زي الفي الصورة بتاعتي دي يضوقك نوم الكيعان زي ما قلتي لووووووووووول
البنت حلوة وحنينة وجميلة ومستحيلة
ياسلام علي البنت وعلى الولد كمان ونحمدالله عليها من نعمة
الصادق
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
بت الفحل
سلامات يامطول الغيبات
| Quote: دسته بنات ولا ولد واحد |
وحاتك....
احمد زي سيد احمد...!!!!
وخمسة ببصل....وبصل بخمسة....!!!!
لكن....
بعد سن ال13 ....!!!!
احيييييييييي يابطني
عندي صور كده لو نزلتها ليكي
الا كان تحرديهم كلهم.
سلامات
| |
|
|
|
|
|
|
|
|
|
Re: دسته بنات ولا ولد واحد (Re: haroon diyab)
|
Quote: بعد سن ال13 ....!!!!
احيييييييييي يابطني
عندي صور كده لو نزلتها ليكي
الا كان تحرديهم كلهم. |
لوووووووووووول ابالله لو ما نزلت الصوره انت عارف يا هارون قالوا اي زول بيرجع في النهايه للحال الكان عليه وهو عمر 13 سنه
غايتوا كان كدي ولدي دا عمر 13 سنه الناس يلدوا وعليه يسموا
| |
|
|
|
|
|
|
|
|
 Re: دسته بنات ولا ولد واحد (Re: Rawia)
|
ماما دومة...سلامات عوَافي كيف حالك؟؟
اها هسي ..دايرة الولد يكبر سريع , عشان ترتاحي من الجوطة والجري والتعب
وتعرسي ليهو...
بس لكن بعد العرس ح تبدأي تاني في تربية أولادو, يعني
لو جاب ليهو أولاد ذكور,, يعني
الساقية لسّة مدورة..
لووووووووووووووول
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
| Quote: اللعب وكسير الحاجات وعايز يرجع بعد الساعة 8 مساء البيت في نهاية الاسبوع |
هي يا ولدي كسير الحاجات دي ابسط شئ ضرب باب الاوضه ام دلدوم عمل فيه خرم كبير
قلت ليه لما تزعل تاني قد الحيطه .
لووول الساعه 8 دي هنا بتكون التلفونات تتخابت يا دابهم بيخططوا للسهره
قال موبايلو خسران اظن دفق فيه مويه قلت ليه خلاص انتظر لما ينشف يوم يومين قال لي
انا زول مهم جدا في وسطي الاجتماعي لو ما قدروا يتصلوا بي بتحصل ربكه لووووووووول
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
| Quote: وهراسمنت البتعملو فيهو دا |
لووووووووووووووول والله الهراسمنت دا حاصل علي انا بس
ا ها النبي كان ما رسلتي ليه حق التذكره دفعتوا ليك صدقه رسول الله
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
بكرة يكبروا و تتمنوا الشقاوة دي ما تلقوها ؟؟؟؟
و الله من ما قمت تعودت علي العيال و الشقاوة و يا ولد اقعد ساي
يا بابا فلان دقاني و فلان شال مني و كنت وقتها منزعج من تلك الاشياء
و لكن بعد فراقي لهم تمنت ان يكون دوما معي و ان كانوا مزعجين و اشاء الله يجنوني ذاتوا
لك التحية يا دوما و لهم و لكل ابناءنا الشوق والحنين
| |
|
|
|
|
|
|
|
|
|
Re: دسته بنات ولا ولد واحد (Re: موسي عيسي)
|
Quote: بس لكن بعد العرس ح تبدأي تاني في تربية أولادو, يعني
لو جاب ليهو أولاد ذكور, |
منو انا دي ؟؟!!
مالي يا هواري ولدي ومال ربايه اولادهم
كل زول يربي جناهو ابدا ما داخله في دور الحبوبات دا
كل زول يشيل شيلتو
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
Quote: قال موبايلو خسران اظن دفق فيه مويه قلت ليه خلاص انتظر لما ينشف يوم يومين قال لي
انا زول مهم جدا في وسطي الاجتماعي لو ما قدروا يتصلوا بي بتحصل ربكه لووووووووول
|
يشهد الله يادومة المزعوم ولدى قومنى
من النوم ..مسكين انا جيت من الشغل
تعبان............ انجدعت فى الصالون
قال لى لو سمحت..... قوم نوم بهناك
اصحابى واقفين بره..قلت اقعدواانتوا
فى الصاله..قال انت امشى الصاله
مع العلم ..انا دافع (قروش)العفش
دى مش .........56 لووووووول
| |
|
|
|
|
|
|
|
|
|
Re: دسته بنات ولا ولد واحد (Re: معاوية عبيد الصائم)
|
Quote: قال لى لو سمحت..... قوم نوم بهناك
اصحابى واقفين بره..قلت اقعدواانتوا
فى الصاله..قال انت امشى الصاله
مع العلم ..انا دافع (قروش)العفش |
لووووووووووووووول يا معاويه هو بس قروش العفش
غايتوا الامل انهم لما يكبروا ينفعونا
دا لو ما ودونا بيوت العجائز
| |
|
|
|
|
|
|
|
|
 Re: دسته بنات ولا ولد واحد (Re: موسي عيسي)
|
تحياتي يا خالة دوما
أنا دائماً دا كان رأيي في البنات والأولاد
شخصياً عندي همسة - سنة وشهرين - وما مقصرة الحمد لله
خمش وتكسير حسب الاستطاعة .. ومعاها عناد وإصرار وأحيانا مشاكل عديل
لكن زي ما قالو الجماعة الفوق ديل .. البنت بتكبر وتنسى
والأولاد بكبرو ويزيدو جنون
ربنا يحفظ ليك أولادك وأولاد الجماعة السبقوني والحا يكتبو بعدي
..
| |
|
|
|
|
|
|
|
|
|
Re: دسته بنات ولا ولد واحد (Re: نادر النور آدم)
|
Quote: لووووووووووووووول والله الهراسمنت دا حاصل علي انا بس
ا ها النبي كان ما رسلتي ليه حق التذكره دفعتوا ليك صدقه رسول الله |
لووووووووووول
اها يا راوية . شيلي شيلتك وطلعي حق التذكرة..هههههه
| |
|
|
|
|
|
|
|
|
|
Re: دسته بنات ولا ولد واحد (Re: هواري نمر)
|
ذكرتيني قصة ...قيل ان احد ظرفاء المدينة ..حكى بان والدته ..هو داخل ومارق ناقة فيهو ..اتزوج ..اتزوج ..يوم سالها قال ليها دايراني اتزوج ليه ...قالت ليهو عشان تجيب اولاد ينفعوك ...قال ليها عليك الله يا امي هسع انا نفعتك في شنو ؟؟؟
فعلا يا سلام على البنات .....
| |
|
|
|
|
|
|
|
|
|
Re: دسته بنات ولا ولد واحد (Re: احمد محمد احمد عتيق)
|
Quote: ذكرتيني قصة ...قيل ان احد ظرفاء المدينة ..حكى بان والدته ..هو داخل ومارق ناقة فيهو ..اتزوج ..اتزوج ..يوم سالها قال ليها دايراني اتزوج ليه ...قالت ليهو عشان تجيب اولاد ينفعوك ...قال ليها عليك الله يا امي هسع انا نفعتك في شنو ؟؟؟
|
مرحب يا احمد محمد احمد عتيق
لووووول الحاجه دبلوماسيه تكون عايزه تفكه من رقبتها وبس
| |
|
|
|
|
|
|
|
|
|
Re: دسته بنات ولا ولد واحد (Re: هواري نمر)
|
| Quote: اها يا راوية . شيلي شيلتك وطلعي حق التذكرة..هههههه |
اي يا هواري ولدي ما يطلع تضامن اسفيري وبس
وتعمل فيها زائغه
متل ما انتوا زايغيين من اجابه السؤال
انه ليه ربايتكم اصعب من ربايه البنات ؟؟؟!!
| |
|
|
|
|
|
|
|
|
|
Re: دسته بنات ولا ولد واحد (Re: فاروق عثمان)
|
Quote: قال موبايلو خسران اظن دفق فيه مويه قلت ليه خلاص انتظر لما ينشف يوم يومين قال لي
انا زول مهم جدا في وسطي الاجتماعي لو ما قدروا يتصلوا بي بتحصل ربكه |
 زولك ده مافاضي في المستشار الالماني ذات نفسو ...
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ماما دومة..
كل سنة وإنتى طيبة..
والله ما عرفت إنى كنت معذب أهلى قدر شنو إلا بعد ما أنجبت ولد وكبر..
وينك يا زولة..
عساك وأسرتك بخير
لك المحبة والأشواق
| |
|
|
|
|
|
|
|
|
|
Re: دسته بنات ولا ولد واحد (Re: azhary awad elkareem)
|
Quote: ماما دومة..
كل سنة وإنتى طيبة..
والله ما عرفت إنى كنت معذب أهلى قدر شنو إلا بعد ما أنجبت ولد وكبر. |
شكرا يا ازهري اول زول يعترف
والله مشتاقين كثير
اتمناك انت والاسره الصغيره والكبيره بخير وعافيه
| |
|
|
|
|
|
|
|
|
|
Re: دسته بنات ولا ولد واحد (Re: tmbis)
|
Quote: متل ما انتوا زايغيين من اجابه السؤال
انه ليه ربايتكم اصعب من ربايه البنات ؟؟؟!! |
موش زائغين والله
لكن لاّنو ما إتزوجت لسه وبالتالي ما عندي أولاد, فما ح أعرف الفرق هسي...!
اها
تنظير مني كده ::
الاولاد كلما يكبرو, ويدخلو مرحلة (المراهقة) بكونو , قلقين ,وعندهم حساسية شديدة, عايزين يكتشفو الحاجات الحوالييهم, وكمان في عناد و شعور
بالرجولة ,ما بحبو التوجيه والنصيحة, خاصة لو كانت شديدة وقدام زول تاني, بكونو عايزين يكوّنو نفسهم مع شلتهم, السينما ,الكورة, السهر, الحفلة
والجكس,وعايزين يثبتو إنهم (رجال) بكون صوتهم عالي,وفيه نهرة كمان في الفترة دي ما بحبو (الامومة أو الآبوة) المفروضة عليهم لانهم شايفين
نفسهم كبار خلاص , يعني (شمو ريحة إباطهم) زي ما بقولو,
البنات كلما يكبرو, بتكبر معاهم كلمة (العيب), طوالي بتكون مربوطة ليهن في (ضفائرهن), والتوجيه القريب من الآم( عيب, بقيتِ مرة, وبقيتِ عروس,
ما تلعبي مع الاولاد ,غطي راسك),.........وقربها من مدرسة المطبخ بتاعة البيت مع أمها, بخليها تهدأ, (تحاكي) حركات أمهاو خالاتها أو أخواتها الكبار, وبكبروهــــــــــا قبل زمانها
وبشيلوها المسؤلية وهي شافعة لسه... يعني ما تعيش سنوات عمرها الحقيقية.
غايتو ده تنظيـــــــــر مني سّاي
لكن هسي شايف
الرجال عايزين يلدو بنات
والنسوان عايزات يلدن أولاد
| |
|
|
|
|
|
|
|
|
|
Re: دسته بنات ولا ولد واحد (Re: هواري نمر)
|
Quote: موش زائغين والله
لكن لاّنو ما إتزوجت لسه وبالتالي ما عندي أولاد, فما ح أعرف الفرق هسي.. |
لوووووووول
انا قاصده انتوا ذاتكم تعبتوا اهلكم قدر شنو ؟؟
مش اطفالكم انتوا ذاتكم ؟؟؟!!!
والجماعه عاملين رايحين
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
Quote: لوووووووول
انا قاصده انتوا ذاتكم تعبتوا اهلكم قدر شنو ؟؟
مش اطفالكم انتوا ذاتكم ؟؟؟!!!
والجماعه عاملين رايحين |
غايتو قدُر ما نكّبر اللفة
ماما دوما , لفتّها أكبر.
هههههههههههههه
أنا لو قلته ليك إحنا( 5)
4 أولاد وفرّد بِتْ... و البنية زاتها جاااااات متأخرة شديد ....يعني الوالدة الله يديهاالعافية
تعبت تعب شدييييييييد.
مرات كده ...بحس بيها كأنها بتقول..
هسي كان جيتو بنات كان ريحتوني
لوووووووووووووووووووول
أما عن العبد لله
حوامة بن لواصة الكدرابي
وما تقولي كمان , (السكاكات طوال) يعني جِنس حوامة وجري
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ربنا يحفظم ليكم
ويخليكم ليهم
دا أهم شيء
والباقي هين ومقدور عليهو
تعرفي شقاوة الأولاد لذيذة
وهي مستمدة من ما فُعل سابقاً
من الأب أو الأم
يعني شقاوتكم زمان بتهد فيهم
إن لم تكونوا أشقياء الآن
شخشياً
لدي ثلاثة من العفاريت (سامر العصبي، محمد الغتت، عمار الشرير الموجود في الصورة)
وبالطبع في نظر أمهم أربعة بإضافتي إليهم
تربية الأولاد تحتاج إلى انتباه أكثر
وتربية البنات أظنها تحتاج إلى الحنان والمصاحبة
غايتو
ربنا يدينا بنية
بالله دعواتك معانا
وكل العابرين
سلام
| |
|
|
|
|
|
|
|
|
|
Re: دسته بنات ولا ولد واحد (Re: بله محمد الفاضل)
|
Quote: تعرفي شقاوة الأولاد لذيذة
وهي مستمدة من ما فُعل سابقاً
من الأب أو الأم
يعني شقاوتكم زمان بتهد فيهم |
غايتوا يا بله يا ولدي كلامك دا بيكون صا ح
لاني لاحظت انه عندي ولدين من زوجين مختلفين والفرق بين الولدين في العمر كبير جدا
لكنهم صوره بالكربون في العمائل والغتاته معانا
والتهذيب والجدعنه مع الناس الغيرنا تحلف تقول ملائكه
في النهايه قلت بما اني انا انسانه مسكينه والغنمايه تاكل عشاي
الا يكون دا ابوي انا هد فيهم الرحمه وسادته البركه في اولاده واحفاده
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
غايتو انا عندي البدخل الجنة -تلاتة بنات- صاحبي قال لي جيب ليك ولد
عشان تدخل التجاني الماحي هههههههههههه.
ربنا يحفظهم كلهم بنات علي اولاد
| |
|
|
|
|
|
|
|
|
|
Re: دسته بنات ولا ولد واحد (Re: الخير محمد عوض)
|
Quote: صاحبي قال لي جيب ليك ولد
عشان تدخل التجاني الماحي هههههههههههه. |
لووووول صدق صاحبك يا الخير يا ولدي
ابوي الله يرحمه كان بحب الاولاد وكل ما امي تلد ولد يموت
اها ما عاش منهم الا واحد واصغر مننا
اها ابوي مات وامي لحقته في ظرف تسعه شهور
وانا بقيت الام والاب والاخت
ربيت اخواتي احمد الله ما تعبت معاهن نهائي شاطرات ومؤدبات وحافظات حدودهن .
قلت سبحان الله اسع لو تركوهم لي اولاد كان ودوني التجاني الماحي .
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ماما دوما
التحايا النواضر
الولاده حلوه وعدم مر
لكن الأولاد فعلا متعبييييييييين ساااااي الأتنين حقني ديل مفكر أقايض بأربعة بنوتات حلوات كده
مين يدخل المزاد !!!
،،،،أبوقصي،،،،
| |
|
|
|
|
|
|
|
|
|
Re: دسته بنات ولا ولد واحد (Re: مجدي عبدالرحيم فضل)
|
Quote: لكن الأولاد فعلا متعبييييييييين ساااااي الأتنين حقني ديل مفكر أقايض بأربعة بنوتات حلوات كده
|
أنا موافق ...!
عندنا الأربعة بنوتات ...!
ولو عاوز تقسم الصفقة برضو ما عندنا مانع ..
يعني بنتين بولد واحد ...!
لكن الجملة جميلة ...!!
هوي أنا بهظر ساكت ما تقولوا لي بعدين نطيت وما عارف شنو ....!
| |
|
|
|
|
|
|
|
|
|
Re: دسته بنات ولا ولد واحد (Re: عثمان دغيس)
|
أنا موافق ...!
عندنا الأربعة بنوتات ...!
ولو عاوز تقسم الصفقة برضو ما عندنا مانع ..
يعني بنتين بولد واحد ...!
لكن الجملة جميلة ...!!
هوي أنا بهظر ساكت ما تقولوا لي بعدين نطيت وما عارف شنو !
أخونا عثمان ربنا حفظكم ماتخليها كويس أتنين بأتنين يكون عندك ولدين وبنتين وانا راضي بأتنين يااااه البنيات حلوات ياجدعان.
،،،،أبوقصي،،،،
| |
|
|
|
|
|
|
|
|
|
Re: دسته بنات ولا ولد واحد (Re: مجدي عبدالرحيم فضل)
|
مجدي ولدي حياك الله
غايتوا نقول شنو غير ربنا يعيننا عليهم
انت عارف دا يوم هو عمره اربع سنوات قال هو بات مان طلع في محل عالي وطار دق راسه علي مدرجات من الرخام
اخته صرخت جيت جاريه لقيتو غمران حصل ليه كسر في الجمجمه 4 شهور ناس الروضه رفضوا يتحملوا مسئوليته .
البت هادئه وما هباشه دا ما كنت بقدر انوم الا هو يكون نائم
هو صاحي انا لازم اكون واقفه ديدبان لعمايلو وخاصه بنكون ساكنيين في شقق عاليه الطابق 24 وكدا اها اكون حارسه البيبان والبلكونات والكهرباء والمويه الحاره
سكنت في بيت ارضي بقيت خايفه يمرق يغرق حيث تكثر البحيرات الصناعيه بالمناطق السكنيه ببانكوك .
انتهينا من شقاوه الطفوله اسع بقينا في فوره الشباب غايتوا الله يكون في العون .
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ماما دوما
ديل بتحملم هسي بس بعدين يشتتوا السودان وازرب ليهم حوش حدادي مدادي ويقعدوا فرادي عذابه سااااااي الله يكون في عونا والله والدينا ديل الواحد يزور فيهم اتحملونا كيف ماعارف نحن اتنين قربوا يدخلونا الطائف ذي ماقال الخير عوض ربك يهون سااااااي المهم برضوا نقول الحمدلله
علي شقاوتهم ووجودهم بيننا هم البيربو فينا مانحن البنربيهم.
،،،،أبوقصي،،،،
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ماما دومه ازيك
امي الله يديها العافية جابتني انا، وبعداك مازن اخوي.. اي زول بعدنا كانت بتتمناه بت... كلهم جوها اولاد... وكل ما يتعبوها، تقول ولادة الاولاد لا بدورها لا لعدو لا حبيب..
محمود ولدي مأدبنا أدب المدايح... نادر ميت موت في بت، تكون حنينه وهاديه... في حاجه لزيزه في الولد انه بريد أمه شديد ... محمود تاعب نادر في الحته دي شديد، وتلقيهم الاتنين متشاكلين فيني.. انا طبعا متكيفه... وبناءا عليه قررت ما اجيب بت عشان اكبر كومي.. ;)... شفتي النظرية دي كيف..
اما الجنونه بتاعت بعد 14 سنة، اسكتي ساي... اخواني الهادئين العاقلين البيتوتيين جنّوا... الواحد يمرق يجيك بمصيبه.. اخوي الاصغر منّي عامل تلاته حوداث في ظرف ستة شهور.. لكن ابشّرك.. بعدها برجعوا لطبيعتهم حتى لو ما اتزوجوا... لما محمود يجن، انا بجيك زياره في الصين لحدي ما يعود إلى رشده..
مشتاقين
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
| Quote: واحد بيحفر للعقرب في جحره |
ل
وووووووووول غايتوا لو اخوك بحفر للعقرب انت بتمسكها من ضنبها عدييييل
غايتوا الله يكون في عون داليا من الجماعه
| |
|
|
|
|
|
|
|
|
|
Re: دسته بنات ولا ولد واحد (Re: هالة الأقرع)
|
ماما دومة
كل سنة وأنتِ طيبة وربنا يحقق كل امنياتك " يتوب عليك من نوم الكيعان"
نحن معسكر بنات 1:3 , فأمى بتقول نفس كلامك دة وعندها نغمة وحيدة بترددا كل ماغلبت حيلة "نشف ريقى , وح أطلع اسيب ليو البيت" على الرغم من انو مُصنف من الأولاد الهاديين .
ياريت لو أمى كانت فى , كنت خليتها شاركت معاك فى البوست دة بحكم خبرتها , لكنها مسافرة .
| |
|
|
|
|
|
|
|
|
|
Re: دسته بنات ولا ولد واحد (Re: ندى عثمان حسن)
|
| Quote: لووووووووول هي يا وليد التلب يا ولدي هو غير يا الشارع جاك زول دي التاعبنا شنو؟؟؟ |
غايتو لو عندك واحد تاعبك خليهو يجي بهنا يلم مع أخيه ذا، منها تبقى المحاحاة في جهة واحدة، ولا يفوتنا كمان أن نصب رحيق خبراتنا من الهملة والزمبعة فيه.
سريع خليهو يجي، الهرتيدج دا مفروض يعيش وينتقل عبر الأجيال المختلفة والمتعاقبة
| |
|
|
|
|
|
|
|
|
|
Re: دسته بنات ولا ولد واحد (Re: محسن خالد)
|
Quote: تعالوا النسالكم يا الوليدات انتوا ليه متعبين كدا ؟؟؟!!
بالله الزول فينا يربي دسته بنات ولا ولد واحد اححححي روحي مرقت |
بنتي جمانة عمرها 25 شهر
يومياً شكلة مع أمها
أمها قالت الرّوب
| |
|
|
|
|
|
|
|
|
|
Re: دسته بنات ولا ولد واحد (Re: رانيه محمد الشيخ)
|
العزيزة دومه السلام عليكم..
والله بعد ما جيت أمرق من الدوام جذبنى بوستك الحلو ده قلت والله دومة دى زولة ظريف وبوستاته حلوه وكلامه هادى .الناخد لى معاها حبة ونسة أصلو كلامك ماشاء الله بتقعديهو وبتحليهو برواقة..
ربنا أكرمنى بثلاثة بنات دى وره دى شذى وعبير وياسمين..حتى بعد داك أحمد وصلاح..أسأل الله ان يطرح فيهم وفى أولادك والجميع الخير وابركة.
ألأولاد ألأم دائمآ بتقول تربيهم صعبة مابقدر عليهم إلا ألأب..والبنات فعلآ حنينات وعايزات تعامل يختلف من ألأولاد ودى فى نظرنا نحن أمهم أدرى بهم...لكن فى رأى التربية هى التربية والما بهدى الكريم تعبان. كان بنت كان ولد.
ألأولاد بعد ال13 بحسوا إنهم بقوا رجال والنعرة الذكورية بتظهر فيهم وما بريدوا أخواتهم حتى لو اكبر منهم ان يتأمروا عليهم..ودى بتعمل مشاكل كثيرة بينهم..وعايزة حكمة من الوالدين..
زمان نحن قايلين العرس ركوب طائرات ورقيص حفلات......أها إتورطنا بالتربية وما أدراك مالتربية....فلنعمل بحكمة كان كبر ولدك خاوى..وبتك صاحبه..الصراحة بتساعد فى التربية كثير وإنت ست العارفين.
لك وللمتداخلين خالص التقدير.[/B]
| |
|
|
|
|
|
|
|
|
|
Re: دسته بنات ولا ولد واحد (Re: عمران حسن صالح)
|
Quote: مُتعــــة والله البوست يا أختنا الغالية دوما وخليهم يتعبونا
نحن ما قصرنا |
العزيز عمران تسلم
المشكله انه زوجي عامل فيها انه كان برئ خالص واصلوا ما اتشيطن وناسي انه حكي لي عمايلو ا كلها
بس هو بيقول كلها كانت بعد امتحان الشهاده .
سافر جنوب امريكا قال عايز يعمل الثوره هناك
الذ شئ قال في احدي الاجتماعات الثوريه واحد من اهل البلد قال ليهم اعملوا الثور ه في بلدكم اولا دا بيفيدنا نحن اكثر
امه قالت لي لما جاء راجع ما عرفته
الشعر للاكتاف الدقن للصدر ولبس عجيب غريب .
اسع لوولده اتاخر لي الساعه 12 بالليل يشكل ليه محكمه ويعاقبه .
| |
|
|
|
|
|
|
|
|
|
Re: دسته بنات ولا ولد واحد (Re: EMU إيمو)
|
Quote: بنتي جمانة عمرها 25 شهر
يومياً شكلة مع أمها
أمها قالت الرّوب |
عارف يا ايمو يا ولدي جمانه تتم 14 سنه تبقي صاحبه امها
واوعك حينها تغلط بتقيف في صف امها طوالي
| |
|
|
|
|
|
|
|
|
|
Re: دسته بنات ولا ولد واحد (Re: ندى عثمان حسن)
|
| Quote: الما عندها بنيّة مدفونة هي حيّة |
اهلا هلوله السمح قولا
بيني وبينك ديل كانوا بنات زمان بنوت الزمن دا نادر البتكون متلك يا ستهن .
غايتوا بتي ما بتعرف تشتغل في المطبخ الا بس مساعداني بالروقه وسماع الكلام . وبتقيف في صفي . البنت من تكبر بتبقي صديقه امها .
لكين انا السبب ما بعرف اقول لزول اعمل او حقيقه ما بقتنع الا بشغلي براي .
.( يا حليلها اسع الله ورقبتها
تقابلني بالاسكايبي يا امي وصفي لي اعمل الاكل
قلت ليها تعالي الاجازه اقيفي معاي في المطبخ عشان تتمرني
| |
|
|
|
|
|
|
|
|
|
Re: دسته بنات ولا ولد واحد (Re: ندى عثمان حسن)
|
| Quote: وربنا يحقق كل امنياتك " يتوب عليك من نوم الكيعان" |
الحبيبه ندي عثمان حسن
يسمع منك يا بنيتي ويتوب علي من نوم الكيعان ونشاف الريق وربنا يكتب سلامه الوالده
غايتوا امك برضها منصوره بالبنيات .
ربنا يخليكم ليها الاولاد ما ممكن تعتمدي عليهم متل البنات .
لو غبتي يوم او يومين تجي تلقي القيامه قامت
. يا ربي دا من فشل تربيتنا السودانيه للاولاد ؟
عندي صديقه المانيه ما عندها ولا بت تسافر هي وراجلها تخلي اولادها 4 بالله يمسكوا البيت وتلقاهم في امن وامان وكانه هي موجوده.
اها ولدي وهو طفل في اولي كان في المدرسه السويسريه
بدوهم اعمال يدويه
اها ادوهم يشتغلوا بابره الكروشي ولدي رفض رفضا قاطعا انه يمسكها في يده
قال للاستاذه انه دا شغل بنات وهو ما بت
لما استدعوني وبرضوا ما قبل الا جبتها البيت وعملتها ليهو انا في النهايه
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
والله تعبنانهم تعب السنين وصبروا علينا صبر ايوب برضو قليل ..
..الله يغفر لينا ويجزيهم عنا كل خير ورحمة ..
بس برضو البنيات متعبات مرات :)
| |
|
|
|
|
|
|
|
|
|
Re: دسته بنات ولا ولد واحد (Re: نيازي مصطفى)
|
ماما دوما يا غالية ليك مليون سلام وتحية
والله صدقتي انا بعاني من النقطة دي
عندي تلاتة اولاد وبنت واحدة مع انها اخدت من شقاوة اخوانها شوية
لكن في النهاية بترجع لي طبيعتها وبتكون بت حلوة ومطيعة وهي الوحيدة الفي البيت
البتقيف معاي وتنصفني برغم صغر سنها ابسط شي لو ما باستني ما بتنوم وحاتك انت الاولاد عشان إنوموا الا بالحزام
ولما تاكل الوحيدة البتقول لي تسلم إيدك يا ماما اما الجماعة الطيبين فلا حياة لمن تنادي
الله إخليهم لينا بي تعبهم ده وربنا إرزق الما عندهم
| |
|
|
|
|
|
|
|
|
 Re: دسته بنات ولا ولد واحد (Re: خالد العبيد)
|
يارييييت ياحبيبة
أنا لاقياهو ويييييين الغالي ود الغالية
بس ابوهو بيرضى يديهو؟
___________
طبعاً محمد أخوي تعبنا جداً جداً جداً في مراهقته
لما غلبنا عندنا صديقنا وزميلنا في هندسة القاهرة الرشيد عبدالرحيم
إتعهدو عديييل بقى كل يوم يجروا من كبري عباس لغاية كبري الجامعة بالجيزة ويلفوا المنيل شارع النيل ويرجعو بكبري عباس تاني زي اربعة مرات
اها بيجيبوا لينا مهدود وزول نوم
| |
|
|
|
|
|
|
|
|
|
Re: دسته بنات ولا ولد واحد (Re: Rawia)
|
الخالة دوما
(أريتكم كان كنتو بنات) الله يرحمه الوالد كان بقول العبارة دي اكتر مره يوميا وكل ما نعمل كارثة وكنا بالجد زمان كواراث
هسع جبت لي كارثة حمود يادوب تم السنتين كل يوم كارثة أتصلت على أمه قبل أيام قالت هسع راجعين من المستشفي في شنو قالت ضرب بت ضيفة بي عصاية في عينها وأحرجنا وياهو داك متدسي ورى حبوبته وماسك العصاية لسه
خلال السنتين لي هسع مدمر خمسة موبايلات أربعه لي أمه وواحد حقي (ختيت كباية جنبي والموبايل والمفاتيح وأخدت لي رقدة صحيت اتلفت اشوف موبايلي الما بغباني قاعد مرتاح جوه كباية المويه ومع المفاتيح أمي قالت لي لسه أنت ماشفت حاجه الغريق قدام وياكا هسع بتلد في ذنوبك
| |
|
|
|
|
|
|
|
|
|
Re: دسته بنات ولا ولد واحد (Re: عبدالعزيز حسين عبدالرحيم)
|
Quote: الخالة دوما
(أريتكم كان كنتو بنات) الله يرحمه الوالد كان بقول العبارة دي اكتر مره يوميا وكل ما نعمل كارثة وكنا بالجد زمان كواراث
هسع جبت لي كارثة حمود يادوب تم السنتين كل يوم كارثة أتصلت على أمه قبل أيام قالت هسع راجعين من المستشفي في شنو قالت ضرب بت ضيفة بي عصاية في عينها وأحرجنا وياهو داك متدسي ورى حبوبته وماسك العصاية لسه
خلال السنتين لي هسع مدمر خمسة موبايلات أربعه لي أمه وواحد حقي (ختيت كباية جنبي والموبايل والمفاتيح وأخدت لي رقدة صحيت اتلفت اشوف موبايلي الما بغباني قاعد مرتاح جوه كباية المويه ومع المفاتيح أمي قالت لي لسه أنت ماشفت حاجه الغريق قدام وياكا هسع بتلد في ذنوبك |
لووووووووووووول غايتوا يا عبد العزيزولدي من شابه اباه فما ظلم
لكين قلبي مع زوجتك ومع الضيفان البجوكم
| |
|
|
|
|
|
|
|
|
|
Re: دسته بنات ولا ولد واحد (Re: ساميه حامد)
|
الحبيبه ساميه حامد
تحياتي وامنياتي الطيبه ليكم علي الدوام
تسلمي بتي انا وربنا يحفظهم ليك من كل شر
وكلامك حقيقه البنت مهما تكون
حبيبه امها في النهايه
وكل ما تكبر قلبها عليك بيكون احن .
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
دومة سلامات...
الأولاد شيبوني قبل اليوم...
ما شاء الله أربعة وبينهم بنت واحدة...
طبعا أنا الوحيد الكنت عايز الآية معكوسة وأكثر
يعني يكونوا أربعة بنات وبينهم بنت برضو...
بس مرات مرات بنيتي الوحيدة مرات مرات
بكفشها بتلعب مع أخوانها كوتشينة وخارتاهم كلهم
تحياتي
| |
|
|
|
|
|
|
|
|
|
Re: دسته بنات ولا ولد واحد (Re: Kamal Karrar)
|
العزيز كمال كرار ود الزينيين حبابك وربنا يحفظهم ليك ويخليكم ليهم
انتوا اولادكم علي بناتكم ماشاء الله شطاره وادب وحاشاهم امور اللف والدوران . بتذكر استاذ محمد واخيه حجازي اولاد عمتك والله ادبهم في البنات معدوم
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
الخالة دوما
لك التحية والاحترام
طبعاً إنت عارفة أنا ومريم ما عندنا بنات ، وهي مجرسة لحد بعيد عشان البنية ولكن الأرزاق والأولاد بيد الله
الأولاد نعم متعبين وعليهم قساوة وكلفة حياتهم في بعض المراحل في متناول اليد ،،، البنيات سمحات ظريفات حنينات وكلفتهم عالية .
المجننا في بيت الولد الأصغر محمد اللي عملتي فيهو بوست بمناسبة قدموا قبل كم سنة ، الأكبر منو عليهم هدوء وطاعة للوالدين أما العرفيت الصغير ، فانه متمرد لأبعد الحدود .
أحد أبناء عمومة مريم يزورنا دايماً وفي أحدى المرات ، قال ليها : يا مريم أختي أنت عاملة زي ست الشاي ، كنت ومعي ابنائي حولها نشرب الشاي .
اللهم يحفظ جميع الابناء ويستر على البنيات .
والله يرزقنا ببنية حلويوووووووووونا .
| |
|
|
|
|
|
|
|
|
|
Re: دسته بنات ولا ولد واحد (Re: ولياب)
|
البنات يكبروا يزدو حلا
والاولاد يكبر رافعين شعار ان شالله اجن وازيد في الجن
بالله مافي زول عايز يعرس لبتو ويربي العريس على يده؟؟
الاميل في البروفايل
مودتي يا زينب
| |
|
|
|
|
|
|
|
|
|
Re: دسته بنات ولا ولد واحد (Re: د.نجاة محمود)
|
Quote: بالله مافي زول عايز يعرس لبتو ويربي العريس على يده؟؟
الاميل في البروفايل
مودتي يا زينب |
لووووووووووول نجاه النبي خليهم عريسين كمان ومستعده اساهم في تكاليف التربيه الماديه
| |
|
|
|
|
|
|
|
|
|
Re: دسته بنات ولا ولد واحد (Re: ولياب)
|
احمد حبيب امك دومه والله مسشتااقه ليكم تحياتي لمريم والوليدات
وكل عام وانتم بخير وربنا يخليكم لبعض ويخلي ليكم الوليدات ويرزقكم اختهم كمان
ما شاء الله تبارك الله ومحمد ولدي لما يكبر بيكون زول تمام بس انتوا خلوه علي راحته .
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
أختنا المحترمة دوما
تحايا ماكنة و سلام متين
دستة بنات و لا ولد واحد
أنا غايتو معاك لحد ما
لأنو مع دستة بنات صراحة دي قمة السعادة ، و ممكن ببساطة جدا يقومن بغسل كل عكننة الولد.
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
ألأخت/الراقية دومه..............
جيتك صاد...
Quote: الشعر للاكتاف الدقن للصدر ولبس عجيب غريب .
اسع لوولده اتاخر لي الساعه 12 بالليل يشكل ليه محكمه ويعاقبه |
حقيقة ده الحاصل...مره لقيت احمد فاكى الزرارة الفوق بتاعة القميص قلت ليهو يا أحمد لوسمحت زرر القميص ..قال لى معليش يابابا ما لاحظت ليها...بعد كم يوم انا وامه بنتفرج فى الألبوم وبنجتر الذكريات والله لقيت لى صورة أنا شعرى منفوش زى الشيطان والقميص مفتوح لنص بطنى.أنا ذاتى أخدت لى خجيله كده.قلت ليها دسى الصورة دى أحمد ما يشوفه لحدى ما نمهد ليهو بظروف زمنا الفات.ونحكى ليهو
والله نحن زمان زى ماقال عمران ماقصرنا...يقصر الملح..
وأبهاتنا كانوا براعونا بفهم ووعى بس ما نقرب الخطوط الحمراء.
تقدير وأحترامى لك وتحياتى لآسرتك.
| |
|
|
|
|
|
|
|
|
|
Re: دسته بنات ولا ولد واحد (Re: ismeil abbas)
|
[B]
بوست جميل يا دومة
وكلام في محلوا ،،، أسأليني ان دة ابو بنات ،،،،، ولد واحد مافي
كمية من الحنان والبيت منظم والجمال موجود في اي مكان في البيت ويحسسوك بأنك أهم زول في الدنيا ،،،،،،، ربنا يحفظهم يا رب
| |
|
|
|
|
|
|
|
|
|
Re: دسته بنات ولا ولد واحد (Re: Abd-Elrhman sorkati)
|
| Quote: قلت ليها دسى الصورة دى أحمد ما يشوفه لحدى ما نمهد ليهو بظروف زمنا الفات.ونحكى ليهو |
. تجيك العافيه والسعاده الدائمه يا اخي العزيز
لوووووووووووووووووووول و الله ضحكتني شديد
تضحك كل ايامكم يا رب . ظروف زمنا الفات دي عسل بس.
اها نحن الابو كان اخر زمبعه .
مرقها في كلومبيا وعاش 3 شهور في بوقوتا من اخطر المدن علي الاطلاق
وبكين مدينه آمنه جدا وبيكون متابعه بالموبايل من يمرق لما يرجع ولو اتاخر ربع ساعه القيامه تربط .
غايتوا نقول شنو حق الابوات بالاستار وحق وليداتهم يدقوا ليهو الطار .
| |
|
|
|
|
|
|
|
|
|
Re: دسته بنات ولا ولد واحد (Re: Abd-Elrhman sorkati)
|
Quote: بوست جميل يا دومة
وكلام في محلوا ،،، أسأليني ان دة ابو بنات ،،،،، ولد واحد مافي
كمية من الحنان والبيت منظم والجمال موجود في اي مكان في البيت ويحسسوك بأنك أهم زول في الدنيا ،،،،،،، ربنا يحفظهم يا رب |
البنات نعمه ان شاء الله تدوم عليكم يا عبد الرحمن سوركتي يا خوي
يا رب تحفظهن ويجملن حياتكم دوما .
ليهن حبي الكثير
| |
|
|
|
|
|
|
|
|
|
Re: دسته بنات ولا ولد واحد (Re: doma)
|
غايتو الأولاد ماهم سعاية.
إما أن يظل عمرو أقل من عشرة سنين أو يشيلوهو منك ويسلموك ليهو بعد العشرين.
لكن ما بين العمرين ديل عايز ليهو عشرة حبوبات يربن معاك.
| |
|
|
|
|
|
|
| |
doma
وليد التلب
هويدا شرف الدين
omer osman
كمال عكود
الصادق صديق سلمان
saif massad ali
haroon diyab
Rawia
هواري نمر
موسي عيسي
معاوية عبيد الصائم
نادر النور آدم
فاروق عثمان
tmbis
علاء الدين حيموره
بله محمد الفاضل
الخير محمد عوض
مجدي عبدالرحيم فضل
مريم بنت الحسين
هالة الأقرع
محسن خالد
EMU إيمو
عبد الدائم سيد أحمد
ismeil abbas
عمران حسن صالح
نيازي مصطفى
ساميه حامد
خالد العبيد
Kamal Karrar
ولياب
ابو جهينة
Abd-Elrhman sorkati
حبيب نورة
فيس بوك
تويتر
انستقرام
يوتيوب
بنتيريست