|
Re: حبيب نورة... (Re: مُحَمَّدٍ عِوَضٌ احْمَدُ)
|
Quote: البوست ده مهم جداً
شيلو معاك الربع الجديد
وقرّط علي كده |
غايتو اصلو ما عندكم اتنين تلاتة يا يا حبيب نورة..وقوم سودانيز اون لاين تبرلمو الزول طوالى..ياخى امبارح اليوم انا ميت من الضحك
| |
|
|
|
|
|
|
Re: حبيب نورة... (Re: مُحَمَّدٍ عِوَضٌ احْمَدُ)
|
يا راجل ياتو بوست؟
إنت ما عارف الغيبوبة وظروفها ؟ هسه علي اليمين بوستيك ده شفتو بالصدفة المحضة الفيديو حالف بالتقطعو كان يشتغل لكن بتصرف فيه هسه
وكمان الرابط بتاع البوست برضو طلع مخستك
كدب فطمني علي الحكاية بي رواقة
| |
|
|
|
|
|
|
Re: حبيب نورة... (Re: حبيب نورة)
|
Quote: يا راجل ياتو بوست؟
إنت ما عارف الغيبوبة وظروفها ؟ هسه علي اليمين بوستيك ده شفتو بالصدفة المحضة الفيديو حالف بالتقطعو كان يشتغل لكن بتصرف فيه هسه
وكمان الرابط بتاع البوست برضو طلع مخستك
كدب فطمني علي الحكاية بي رواقة |
سلامات يا حبيب.. ده الرابط..الفيديو الجديد الفوق ده شغال
البنقـو زمـان..
| |
|
|
|
|
|
|
Re: حبيب نورة... (Re: مُحَمَّدٍ عِوَضٌ احْمَدُ)
|
أيوااااا إنت ما تقول لي يا عمك ياخي ده أهم بوست أتلفّ في الغرزة الفاتت دي لكن الظاهر ريكس شتّت بيه طالما الحكاية بقت فيها شيل حال ودق طار أعمل لينا منو نسخة كده إنشاء الله شوشاوة
| |
|
|
|
|
|
|
Re: حبيب نورة... (Re: حبيب نورة)
|
Quote: أيوااااا إنت ما تقول لي يا عمك ياخي ده أهم بوست أتلفّ في الغرزة الفاتت دي لكن الظاهر ريكس شتّت بيه طالما الحكاية بقت فيها شيل حال ودق طار أعمل لينا منو نسخة كده إنشاء الله شوشاوة |
تابع معاى بس فى نسخة معدلة باضافات عجيبة من منبر مجاور وعلى قول احد المتداخلين..فيهو..قال خشا البوست عيونو حمرن
| |
|
|
|
|
|
|
Re: حبيب نورة... (Re: مُحَمَّدٍ عِوَضٌ احْمَدُ)
|
Quote: البنقو دنيا عجيبه جداًَ جداً بتبدي من المزارع الكثيره الموجوده فى الغرب
مروراً بمرحلة اللبكه واللي هي تحويل النبات ده إلي الشكل النهائي المعروف بالرأس وفى العمليه دي بتم فرم الأوراق والسيقان الرقيقه للنبته مع العسل ولفها فى قطعه دموريه وبرمها للاخر حتي يتشكل وتجي الفرمه بتاعت الراس
لانو قطعه الدموريه زاتو بتكون مربوطه من الجنبات وبتخت فيها الخليط بتاع النبات والعسل ومن هنا بجي الشكل المطاول والمقسم علي دوائر ومسنن بالأطراف دائما ما بتكون الحته بتاعت اللبكه دي بره وبعيد من المزرعه ويفضل تكون جنب مكان الريحه بتاعتو قويه جداً زي سلخانه, مدبغه, كمينه طوب عشان تغطي علي الريحه القويه جداً بتاعتو وفيها برضو مقاسات لإتجاه الريح عشان ما يشيل الريحه وتجيب هوا ده حتي فى حمير مدربه وحافظه الطريق بحملو فيها البنقو من محل اللبكه لي سيد المزرعه وبتلقى كم حمار محملين بالبنقو وماشين براهم مافى زول معاهم وبوصلو البضاعه من غير ما تلفت أي نظر عليها.
بعد ما تتشكل الروسين بقوم بتختا فى مطموره زيو وزي العيش لعده اسباب اهمها إنو يهمد شويه لانو الفريش شرابو بكون صعب جداً وتأثيرو من الصعب التحكم فيه وتاني حاجه نظريه العرض والطلب الفى السوق ممكن يكون السوق اساسا غرقان بضاعه فمافي داعي تغرقو زياده عشان السعر بتاعو ما ينزل شديد, مع إنو تكلفة الراس من محل الإنتاج من 5 الي 7 جنيه للراس لكن فى المدينه طوالي
اضرب فى 10. |
| |
|
|
|
|
|
|
Re: حبيب نورة... (Re: حبيب نورة)
|
Quote: والله انا زعلان منك شديد ياخ |
مالو الولد الشقى دا هبسك وخستك وين كماان ؟؟؟؟
قاسم المهداوى هامش جابت ليها فيديوهات كمان
| |
|
|
|
|
|
|
Re: حبيب نورة... (Re: قاسم المهداوى)
|
Quote: مالو الولد الشقى دا هبسك وخستك وين كماان ؟؟؟؟ |
حبابك يا مهدواى حبيب نوره ده رغم انو متصور قاعد فى الواطة لكن هو عكس كده..وبدقس البرالمة...
| |
|
|
|
|
|
|
Re: حبيب نورة... (Re: حبيب نورة)
|
Quote: إشرح يا أستاااااااذ |
ياخى اشرح شنو ده ما كلامى..وحتى سيدو زول الله ساى احنا لا بنعرف اخدر ولا احمر اللهم الا اللخدر داكـ المن شوفتو بنخدر
| |
|
|
|
|
|
|
Re: حبيب نورة... (Re: مُحَمَّدٍ عِوَضٌ احْمَدُ)
|
صديقى كاف..فى مداخلته الاخيرة له التحية من هنا
Quote: نسيت اقول ليك انه المخخنجية دائما بكونو ناس ظراف وانيقين ونضيفيين وما بحبو السخانة والجو الحار والازعاج والناس الشينين الواحد بعد ما يظبط سجارته بس بكون داير ليهو جو بارد وهادى ويا حبذا لو سمع ليهو مزيكا ظريفة كده الغريبة اكتر ناس كانو مشهورين بالدخانة والهبايب دى، فى امدرمان تحديد كانو هم العربجية، اسياد عربات الكارو والعصرية كانو بتلملمو فى البحر قصاد الموردة، عشان يغسلو الحصين وكل واحد تلقاهو بارم ليهو بابور ناس ابراهيم ابو خليل وحاج امام وكدوس ومنصور واابو عرب واشهر واحد ويمكن آخر واحد من المعلمين الكبار كان داموك وفى الخرطوم اكبر معلم كان عبد الوهاب الحلبى |
| |
|
|
|
|
|
|
Re: حبيب نورة... (Re: حبيب نورة)
|
اكسجينة مرقت لافحــة لي توب المطر ....دقّت شبابيك الرئة .... ما شافت
الباب العريض..... أتجاهلت أنو ساعة أتنفــسا ...و أمد الشهيق أتحسـسا...
بطلع زفير الآهــة برحل ما بعود ..... و أنقـُر براي طار الحنين.....
أقرمش كسرة التذكار و أجيك علي صهوة أنفاس السجارات المبرطعة
في زقاقات الدماغ...!!!!!!!!! وكديســـــــــة الكيف كانت تخربشُ في دهاليز
الرؤوس الفارغات الفاضيات.... ماطاردت فــأر المطابخِ بالمخالبِ والأظافر
شفناها في معبد مزاجنا تشعل براكين البخــائر .... ماكافرة لمّن رددت..:
اللاتِ يا هذا السجــائر .... العُزّي يا هذا السجـائر!!!.
نقطــة نفس جديد...!!؟؟
تصاب الأنفاس بالحمي .... ونشيِّد من الخزعبلاتِ مدينةً فاضلة!
ثم طلع الكـــيفُ علينا من ثنيــــّاتِ الدماغ ...!!
وأنقشعت غيمة بليدة كانت تغطي حقل ألغــام النخاع .... ترجــّلت عن ظهر السما
و أمطرت في صحــراء عيوني .. مثلها مثل أكسجــينة مرقت لافحة لي
توب المطــر ....دقّت شبابــيك الرئــة !!
شان تبدأ ترتيب البهدلــة ... تهـري العيون بالزغــللة ... تدرس جوانب المسألة!
منتهـــي السجارة !!!!
تلك التي تعيدك الي نقطــة الصفــر و درجـة الصفـــر ... ثم تحشي دماغك بالأستواء....!!
كانت في غاية الأدب معي حين حاولت أمتصاص شفتاها ... فقبلتني في أمومةٍ
كانت ترفض نزق الرجـال ... ولكنها تستسلم لشقاوة الأطفـال..... لا أريدهـــا أن تفطمــني منذ الولعـــــة الأولي !!!
ففصـــالهُ في عامين.... أقصد في نفسين !
والدماغ يحتشـِد ....و النخـاعُ يتّقــِد ... والمسامُ تتّحـــِد ... والعيونُ تنفقــِد .....
والأنفاس تتعـــاور مع أدخنة البخور العدني .... انا أول أنا أول
أنا أول ...!!! يا جماعة براحة.. بي الدّور عليكم الله ... أصلو دة راس واللا
كلومبيــا؟؟؟!
one love one love بوب يعسكر في خياشيمي .... ويمنحها أستثنائـــية أنيقة .....
كديسـة الكيف تخربشني في نعومــةٍ ... وتناوشني في ألفــة وعدوانية!
وتوجعني بروح الشعراء المساطيل ... وتهدّ حيلي بطاقة الأنفعــال...!
سجارتي لم أهدِر دمهــا ... ولكني أردت لها الخلود... فتسلقت رئتي مثل
أكسجــينة أفريقية بطعم الصندل والقرنفل .... وروح الأبنوس في محرقــة البخورالعدني.... لم أكن يائس من الحياة .... فالحالة مسطولة والحمد لله !!!
فقط أحب ان أعبئ جميع الرؤوس الفارغة بصراخي !! و أغمد خنجري في قلب الضجيج .........!
حتي أنت يا بروتس ؟؟؟؟؟
حتي انا يا بوب مارلي !
فمن حقي انا أعيش حياتي مسطولاً ...طالما كان الوعي يتأرجــح من شدة السكـر!
من حقي ان أختار وقت الغيبوبــــة ... وشكل الغيبوبــــة .... ودرجة
التخدير .... أذا كان العالم كله يرقد في غرفة العناية المركزة !!
وانا أخترت أن تكون حبيبتي ....... أكسجينـــة تولد في رحم سجارة بنت حرام!!!!!!.... أزفـّها في
القفص الصدري ... ويحتويها النخــاع و يشتهيها الدماغ
و تمرق لافحـــة لي توب المطر... تدق شبابيك الرئـــة... منتظرة تأشيرة دخول
مجنونــــة ياالأصلك حرررررريق ... يا واسعة لما الناس تضيـــق.....يا شينة لما خلاس أفيـــق.....!
شوشاوة!! يا أكسجينة لكن ما طلعتي بت لذيــنة!!!
| |
|
|
|
|
|
|
Re: حبيب نورة... (Re: حبيب نورة)
|
Quote: كديسـة الكيف تخربشني في نعومــةٍ ... وتناوشني في ألفــة وعدوانية! |
ياحبيب مساء الخير دى شكلها النوع البفور ذاتو واكان بقا عندك ابوك ما بتديهو معاك ع قول صديقى كاف
| |
|
|
|
|
|
|
|