حبيب نورة...

Quote: البوست ده مهم جداً شيلو معاك الربع الجديد وقرّط علي كده

Quote: يا راجل ياتو بوست؟ إنت ما عارف الغيبوبة وظروفها ؟ هسه علي اليمين بوستيك ده شفتو بالصدفة المحضة الفيديو حالف بالتقطعو كان يشتغل لكن بتصرف فيه هسه وكمان الرابط بتاع البوست برضو طلع مخستك كدب فطمني علي الحكاية بي رواقة

Quote: أيوااااا إنت ما تقول لي يا عمك ياخي ده أهم بوست أتلفّ في الغرزة الفاتت دي لكن الظاهر ريكس شتّت بيه طالما الحكاية بقت فيها شيل حال ودق طار أعمل لينا منو نسخة كده إنشاء الله شوشاوة

Quote: البنقو دنيا عجيبه جداًَ جداً بتبدي من المزارع الكثيره الموجوده فى الغرب مروراً بمرحلة اللبكه واللي هي تحويل النبات ده إلي الشكل النهائي المعروف بالرأس وفى العمليه دي بتم فرم الأوراق والسيقان الرقيقه للنبته مع العسل ولفها فى قطعه دموريه وبرمها للاخر حتي يتشكل وتجي الفرمه بتاعت الراس لانو قطعه الدموريه زاتو بتكون مربوطه من الجنبات وبتخت فيها الخليط بتاع النبات والعسل ومن هنا بجي الشكل المطاول والمقسم علي دوائر ومسنن بالأطراف دائما ما بتكون الحته بتاعت اللبكه دي بره وبعيد من المزرعه ويفضل تكون جنب مكان الريحه بتاعتو قويه جداً زي سلخانه, مدبغه, كمينه طوب عشان تغطي علي الريحه القويه جداً بتاعتو وفيها برضو مقاسات لإتجاه الريح عشان ما يشيل الريحه وتجيب هوا ده حتي فى حمير مدربه وحافظه الطريق بحملو فيها البنقو من محل اللبكه لي سيد المزرعه وبتلقى كم حمار محملين بالبنقو وماشين براهم مافى زول معاهم وبوصلو البضاعه من غير ما تلفت أي نظر عليها. بعد ما تتشكل الروسين بقوم بتختا فى مطموره زيو وزي العيش لعده اسباب اهمها إنو يهمد شويه لانو الفريش شرابو بكون صعب جداً وتأثيرو من الصعب التحكم فيه وتاني حاجه نظريه العرض والطلب الفى السوق ممكن يكون السوق اساسا غرقان بضاعه فمافي داعي تغرقو زياده عشان السعر بتاعو ما ينزل شديد, مع إنو تكلفة الراس من محل الإنتاج من 5 الي 7 جنيه للراس لكن فى المدينه طوالي اضرب فى 10.

Quote: شرحو بديك شوية معلومات تساعد فى اثراء الموضوع زى ما قلت ليك الدخانة بعد ما يقطفوها من مكان الزراعة بتتشال وهى لسه خدرا وطرية وتتعمل عجينة، الأوراق والسيقان وحتى البذور البتكون فيها، وكلما كانت البذور شوية فى العجنة كلما كان كويس بعدين ما شرط لف القندول او الراس بالدمورية او بى اى قماش، ممكن يتلف برضو بى نوع معين من اوراق وصفق بعض النباتات، زى ورق الموز يعنى، لكين القماش بكون احسن لانه بكون قوى اما حكاية العسل دى فبرضو نادرة وما طوالى، لكين البكون ملفوف وفى شوية عسل بينه وبين الشى اللافنو بيهو بكون اجود لأنه العسل بحتفظ بالرطوبة وما بخلى الدخانة تنشف، وطبعا كلما كانت المادة طرية لحظة الاستعمال كلما كانت كويسة لما الزول يبدا يكسر فيها تتفتفت براها وحجمها كمان يزيد يقول ليك دى سجارة بتفور اها النوع البفور ده كان بقا عندك ابوك ما بتديهو معاك احسن نوع دخانه هو البجى من الجنوب، خصوصا منطقة بحر الغزال، وبعده طوالى وارد الردوم فى جنوب دارفور، يمكن عشان المناخ ونوع التربة متشابه فى المنطقتين بحكم القرب االجغرافى وفى نوع بجى برضو من مناطق النيل الازرق، وده اسمه الصعيد وهو درجة تانية ونادر ما تلقى ليك فيهو دخانة شديدة لكين بقضى الغرض غايتو واكعب نوع من الهبايب هو البتباع فى الشرق فى كسلا والقضارف وبورتسودان، وبدوك ليهو "فلت" ما فى شكل ريسان ولا قناديل يعنى، وشكلة بكون زى الكزبرة، وبرضو بدخل فى زمرة السجارة البيش حاج خليل اللخ يرحمه زول بلوة وما عنده شغله بالحاجات دى، لكين مرة كان داير ليهو قريشات من زول والزول قال ليهو انا ما عندى كاش لكين بديك القروش كبنقة ودخانه اها حاج خليل ما عنده قشه مرة طبعا وشال منه الدخانة وكانت كمية معتبرة، لى التسودا عليهو قام قبضوها عنده لأنه كان مراقب، لامن ودوهو للقاضى والقاضى ساله البنقو ده حقك ولا ما حقك حاج خليل قال ليهو والله يا مولانا انا البنقو ده لى هسه ما بعرف قزازتو شكلها كيف وواحد محامى برضو قبضو عنده زى اطناشر راس بنقو وفى المحكمة القاضى كان مصر انه دى كمية تجارية وتعتبر ترويج المحامى قال ليهو يا مولانا والله ده استعمال شخصى بعد شوية الخريف بجى والشى ما بكون متوفر فى السوق وبتكطع والكطعة حاااااااااااااااااااااااااااره اتا ما جربتها ساى طبعا اهم عنصر من عناصر الكبنقة هو ورق البرنسيسة او البرنسيس وارد الحاج المغربى فى سوريا ما عارف لى هسه ليه الغلاف بتاعو عاملنه فى شكل العلم الامريكى

Quote: والله انا زعلان منك شديد ياخ

Quote: مالو الولد الشقى دا هبسك وخستك وين كماان ؟؟؟؟

Quote: إشرح يا أستاااااااذ

Quote: نسيت اقول ليك انه المخخنجية دائما بكونو ناس ظراف وانيقين ونضيفيين وما بحبو السخانة والجو الحار والازعاج والناس الشينين الواحد بعد ما يظبط سجارته بس بكون داير ليهو جو بارد وهادى ويا حبذا لو سمع ليهو مزيكا ظريفة كده الغريبة اكتر ناس كانو مشهورين بالدخانة والهبايب دى، فى امدرمان تحديد كانو هم العربجية، اسياد عربات الكارو والعصرية كانو بتلملمو فى البحر قصاد الموردة، عشان يغسلو الحصين وكل واحد تلقاهو بارم ليهو بابور ناس ابراهيم ابو خليل وحاج امام وكدوس ومنصور واابو عرب واشهر واحد ويمكن آخر واحد من المعلمين الكبار كان داموك وفى الخرطوم اكبر معلم كان عبد الوهاب الحلبى

Quote: كديسـة الكيف تخربشني في نعومــةٍ ... وتناوشني في ألفــة وعدوانية!

Quote: دى شكلها النوع البفور ذاتو واكان بقا عندك ابوك ما بتديهو معاك