|
|
|
 Re: بصراحة موضوع الشهيد اصبح سمج جدا (Re: وليد محمد المبارك)
|
ما يغيظ فى الموضوع ... أن الجهات الأمنية تتخذ من كذب المعارضة ... مبرراً لاستخدام العنف ضد المظاهرات السلمية ... وتجد من هذه الأكاذيب تعاطف مع سياسة الإعتقالات المستشرية التى تمارسها السلطات الأمنية هذه الأيام ...
الدستور لا يسمح بأن تدعو أو تحرّض على الإطاحة بالنظام ... هذه جريمة خيانة عظمى وليست مسألة رأى ... ومن يتخذ موقف "الإطاحة بالنظام" ... عليه أن يدرك أن هذا طريق لا رجعة فيه ... بالتالى عليه أن يكون مستعداً للنضال من أجل هذا الموقف .... بما يناسب هذا الموقف ...
نحن ندعو لتغييرات جذرية فى الحكومة وقانون النظام العام وإيجاد حلول مناسبة للقضايا العالقة بين الشمال والجنوب وإطلاق سراح المعتقلين السياسيين وإعمال العدالة على الجميع بالتساوى ...
ولكننا ندعو لأن يكون ذلك حصيلة حوار وطنى جاد ... وليس بطريقة "الإطاحة بالنظام" ... إذا لم يستجب المؤتمر الوطنى لهذه القضايا الحساسة ... فلن يترك لنا سوى الخيار الثانى ... وحينها .... مستعدون لدفع ثمن خيار "الإطاحة بالنظام" ... دون تأجيج المشاعر بالأكاذيب والشائعات ...
... المهم ....
| |
  
|
|
|
|
|
|
|
|
Re: بصراحة موضوع الشهيد اصبح سمج جدا (Re: تبارك شيخ الدين جبريل)
|
| Quote: ولكننا ندعو لأن يكون ذلك حصيلة حوار وطنى جاد ... وليس بطريقة "الإطاحة بالنظام" ... إذا لم يستجب المؤتمر الوطنى لهذه القضايا الحساسة ... فلن يترك لنا سوى الخيار الثانى ... وحينها .... مستعدون لدفع ثمن خيار "الإطاحة بالنظام" ... دون تأجيج المشاعر بالأكاذيب والشائعات |
ده ما نفس كلام الصادق المهدي يا تبارك بس من غير اعتزال العمل السياسي.
سلام يا وليد
ممكن ما يكون في طالب اتقتل بواسطة الحكومة و أمنها
و ممكن يكون واحد سمع أنو في طالب اتقتل و أنو في مستشفى امدرمان
و مصدق يا مؤمن مرر المعلومة لناس تانيين و هم بدورهم مرروهها
لغيرهم بدون ما يكون في أي سؤ نية في الموضوع.
و الحكومة دي قتلت طلاب كتير قبل كده عشان كده لو زول سمع بخبر
زي ده حيصدقوا طوالي استنادا لسجل الحكومة السابق و المستمر.
و ممكن برضو يكون في طالب استشهد و الله أعلم رغم أني شخصيا ارجو
أن يكون هذا الخبر غير صحيح .
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: وليد محمد المبارك)
|
وليد سلام
صدقني السماجه هي مثل هذه البوستات
وعارفاك سليط وحتيدني فوق راسي.
لكن يا وليد بربك
هل تعتقد هذا موضوعنا؟؟؟
الست انت يا وليد من كتب قبال كم يوم انه اليوم 14 في الشهر وانت ما عارف تكمل الشهر كيف؟؟
فهل عرفت تكمل الشهر عشان كده اتفرغته لمثل هذا الامر؟؟؟
يا وليد انت واحد من الناس كتبت قبل كده لي انا شخصيا
انك مستعد تستخر شهادتي بتاعت الحقوق وبنفس الطريقه العنتريه دي
اها انا ولا رديت ولا اشتغلت بيكم الشغله ولاحز انا من تقحم هذه المعلومه الآن
فلو كانت غير حقيقه لحرصت انه الناس تنساها!!ولكنها حقيقيه.
فهل كونه لم ابعث لك بمعلوماتي معنها انا لم ادرس الحقوق؟؟؟
نحن المتهمين بالترويج لقصة الشهيد
منو قال لك عندنا معلومات اكثر مما قرأنا هنا؟؟؟
طيب الاهم
اهو اول شهيد ولا تعتقد بانه آخر شهيد؟؟؟
ليه ما تجي تقول لينا انا ماشي ابحث عن ثروت سوار الدهب
اهو زميلك بالبورد مش يمكن هو ذاته يبقى شهيد؟؟؟
ولا ليه ما جيتنا قلت تعالوا نمشي نفتش على لويس ايويل
اليس هو ايضا يمكن يكون استشهد بين يديهم؟؟!!
ثروت كندي يا وليد عارف يعني شنو؟؟
لا اعني بها اي ميزات ولكن اعني بها ان جسده تغير وصار لا يحتمل الحر
لانه اقام ببلاد بارده!!فهل تتخيل ان يلجأوا للتعطيشه؟؟؟الا تعرف بان هذا يمكن ان يقتله في لحظات؟؟!!
هذا الي جانب بقية امراضه فهو مريض بالقرحه وينزف كثيرا!
يا وليد
بحق الخوة لا تخوض في هذا
المصرين ليسوا اشرف منك يا وليد
ولا التوانسه فلماذا انت تدافع عن هذا النظام الباطش؟!!
اعرف رايك في الاحزاب وانا مثلك
ولكن هذا لن يجعلني اقف مدافعه عن هذا النظام.
لا اعتقد احد كاذب
او يتعمد الكذب
فكل اناء ينضح بما عليه
ان لم يكن هنالك شهيد فهذه مجرد معلومه خاطئه.
واتمنى من الله الا يكون هنالك اي شهداء فكلهم ابناءنا واخواننا.
هذا لن ينفي بطش النظام
لن ينفي عنف ضرب لويس الذي تم بعنصريه
لن ينفي قتل محمد موسى الذي تم بعنصريه ايضا
لن ينفي المقابر الجماعيه التي اكتشفت بالشمال!
لن ينفي كثير من الفظائع يا وليد.
فاي سماجه بربك اكثر من محاولة الدفاع عن هؤلاء القتله؟؟!!
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: Tragie Mustafa)
|
Quote: صدقني السماجه هي مثل هذه البوستات
وعارفاك سليط وحتيدني فوق راسي. |
ولا حا اسالك يا تراجي
خلاص بما انك اتبرعتي وقلت انها معلومة غير صحيح وبدون قصد
قفلناه الموضوع ده
لكن
فل يكن في علمكم ..
التغيير ما بكون كده يا دعاة التغيير
بالمناسبة يا تراجي
انا كنت في شارع القصر يوم المظاهرة
وبكرة مارق المظاهرة الجديدة
لكن بنفس الدرجة الحا نتصدى بيها للنظام
حا نتصدى لاي زول ماشي على خطو وبنتهج اساليبو
الكلام ده يكون واضح
اهم حاجة يا تراجي
انا مناضل اكتر من مية زيك
بالعمل ما بالكلام زيك
الهم بحق الخوه ما حا اخوض في الامر ده
واكون طالبك واحده
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: وليد محمد المبارك)
|
Quote: يلا يا وليد
عشمنا انتو بورداب الخرطوم تقدروا تسجلوا زياره لثروت
فيكم امنجيه كثار خليهم يحرصوا على خوة البورد على الاقل |
يا تراجي بنعرف الواجب تماما
امس القريبة دي انا سالت امس القريبة عنهم زول قريب منهم
وهل افرجوا عنهم
قال لا لم يتم الافراج عنهم ولا احد يعرف مكانهم
هسع انت لو عارف ثروت وعيدالروس ومحمد عادل واي منبرابي .. عارفة انهم مرقوا وعارفة منازلهم اكتبيها لي هنا
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: Tragie Mustafa)
|
وليد
حقيقة لي فترة من النت و ما عندي فكرة عن موضوع الشهيد ده ..
لكن شايفك بتتكلم و كان الإنقاذ لم تقتل أحداً طوال مدة حكمها !!
ناقل الخبر فقط هو من يتحمل صحتو من عدمها و ليس كل من خرج للتظاهر و أنت أعلم مني بأن من خرجوا للتظاهر لا يحملون أي صفة حزبية .. يعني شباب تضررو من الإنقاذ زيك كده ..
و الغريبة أنك كنت من المنادين بترك الأحزاب و إتاحة الفرصة للشباب و لما الشباب إتحركوا بقيت ضدهم !!!
في إعتقادي أن هذا الأمر إن صح أو لم يصح لا ينقص في قدر من خرج للتعبير عن رأيو و التي تحاول يا وليد و بكل وضوح تبخيس خروجهم و أعتقد فات أوان الكلام الملو لو و تمايزت الصفوف و لو كانت دي الحسنة الوحيدة لحركة 30 يناير لكفتها !
أنا ممكن أديك عناوين مية شهيد و أسمائهم ماتو في تظاهرات زي دي في زمن الإنقاذ و نشوفك حتعمل شنو ؟و حتقتص ليهم كيف ؟؟ و هل حتكون بنفس الحماس ده لو كان الأمر ضد الإنقاذ !!
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: خالد عبد الله محمود)
|
| Quote: لكن شايفك بتتكلم و كان الإنقاذ لم تقتل أحداً طوال مدة حكمها !! |
معناتا ما بتشوف يا خالد
Quote: ناقل الخبر فقط هو من يتحمل صحتو من عدمها و ليس كل من خرج للتظاهر و أنت أعلم مني بأن من خرجوا للتظاهر لا يحملون أي صفة حزبية .. يعني شباب تضررو من الإنقاذ زيك كده ..
و الغريبة أنك كنت من المنادين بترك الأحزاب و إتاحة الفرصة للشباب و لما الشباب إتحركوا بقيت ضدهم !!! |
وانت ليه فرضت انو ناقل الخبر كذاب
ما يمكن يكون كذاب من نفى الخبر !!!!!
الشباب يتحرك بالصاح يا خالد موش بالكضب
لو الشباب حا ينتهج نفس منهج الكبار
اي لزوموا التغيير
!!!!!!!!
انا قايلني انا بنادي بالشباب حبا فيهم
بنادي بيهم على امل تغير الاساليب والمواقف
| Quote: في إعتقادي أن هذا الأمر إن صح أو لم يصح لا ينقص في قدر من خرج للتعبير عن رأيو و التي تحاول يا وليد و بكل وضوح تبخيس خروجهم و أعتقد فات أوان الكلام الملو لو و تمايزت الصفوف و لو كانت دي الحسنة الوحيدة لحركة 30 يناير لكفتها |
صحيح
تمايزت الصفوف بينا نحن المرقنا ومشينا لحدي القر
وبنكم انتو البتتبجحوا علينا بكبورتاتكم وعاوزين تعملوا فيها اسيادها من شاشاتكم هناك
| Quote: أنا ممكن أديك عناوين مية شهيد و أسمائهم ماتو في تظاهرات زي دي في زمن الإنقاذ و نشوفك حتعمل شنو ؟و حتقتص ليهم كيف ؟؟ و هل حتكون بنفس الحماس ده لو كان الأمر ضد الإنقاذ !! |
انا عاوز عنوان الشهيد ده بس يا خالد
عندك ولا ما عندك
بالنسبة للقصاص ليهم خليتو ليك انت تموا بالانترنت
انا بمرق ليه بكره
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: وليد محمد المبارك)
|
بالمناسبة يا خالد
المنافقين الزيك دي ياهم مشكلة البلد دي
من يرى الفعل عنده مبرر
وعند غيره مشكلة
البشوف كضب الانقاذ عيب
وكضب غيرهم غلطة عادي مفروض يتكتموا عليه
انت وكت زعلان للشهيد قدر ده
وحارقاك الانقاد ما تركب طيارة تجي تظاهر من الرجال هنا
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: خالد عبد الله محمود)
|
Quote: امس القريبة دي انا سالت امس القريبة عنهم زول قريب منهم
وهل افرجوا عنهم
قال لا لم يتم الافراج عنهم ولا احد يعرف مكانهم
هسع انت لو عارف ثروت وعيدالروس ومحمد عادل واي منبرابي .. عارفة انهم مرقوا وعارفة منازلهم اكتبيها لي هنا |
انا كنت شايل هم صلاح المر ومعتز تروتسكى ...
قدرت اعرف انو اعتقال صلاح المر لم يدم سوى دقائق لحين التحقق من شخصيته (المصدر: أنا) ... أمّا معتز تروتسكى ... فلا زال البحث جارياً .. محمد عادل شديد ولضيض ... وقد أقلق عليه وأغضب له ولكن لا أخاف عليه ...
... المهم ....
... المهم ....
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: وليد محمد المبارك)
|
شكرا يا وليد
ما دام بتطلع بس دي كويسه
الا حكاية انك مناض اكثر مني دي فيها قولان(ههههه)
اها معتز تروتكسي انا قلقانه عليه لانه قبضهوا من مخاطبه
واكيد ضربوهم ضرب الويل ربنا معاهم.
| Quote: محمد عادل شديد ولضيض ... وقد أقلق عليه وأغضب له ولكن لا أخاف عليه ... |
يا تبارك
محمد عادل صدقني يستحق دعواتنا لاهو شديد ولا لضيض
فقط قلبه قلب اسد لكن صدقني جسده لن يستحمل عمايلهم!
ربنا يعينه.
اها يا وليد تعال ماري لينا بهناك
المعتوهه رودا مردا طلعتنا ما ثوار تخيل!!
بس عشان بنقول كربوا الشغل!!
تعال ادينا رايك في ما ذكرته.
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: Tragie Mustafa)
|
تراجي اسمعي كلامي ده
وانا بقولوا ليك بصدق المرة دي
ما هي اسباب الثورة على النظام ؟
موش ياها كل افعايل القبيحة من تزوير وتنكيل وقتل وكضب واستخدام اساليب رخيصة وعدم اعتذاره عنده الخطاء وما اليه من اللسته الطويل
اها يا تراجي يفترض بينا كدعاة تغيير ان نرفض هذه الاساليب فينا نحن الاول
ثم نحاسب النظام على اساسها
اتمنى انك تكوني فهمتيني
فنان لا انشد الا شورة نظيفة باساليب نظفة من ناس نظيفيين
والا لن يكون للتغيير معنى
لذلك تجديني اشد قسوه على اخطاء من يقدم نفسة كمغير او منافح لهاذا النظام
يا تراجي نحن كشعب عملنا ثورتين
الثورتين مافي واحده فيهم حصلت دورتها الانتخابيه التانية
ما سالتي نفسك ليه
عشااان كنا بنتجاوز الحاجات الزي دي
وبندي للشرعية الثورية كل المبررات التي تورثها فنائها قبل دورتها الانتخابية الاولى
المهم زي ما قال عادل امام
سلمني نضيف اسلمك نضيف
واي لعوثة ولعب
حا نقاومها اشد من مقاومتنا للنظام
والسبب انو عندنا امل وعشم في الثورة لذلك نقومها ونناصحها
ولا امل لنا في المظام حنتى نتناصح معه
هذا مع الموده التي تعلمين
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: تبارك شيخ الدين جبريل)
|
Quote: ليه ما يكون كضاب الزول البنفي في موتو ؟!
ليه انت طوالي فرضت انو الزول الك1اب هو المعارضة ؟؟!! |
ابدا يا وليد انا ما رجحت احتمال على التاني و الاقتباس ده
بيأكد ليك كلامي:
Quote: و ممكن برضو يكون في طالب استشهد و الله أعلم رغم أني شخصيا ارجو
أن يكون هذا الخبر غير صحيح . |
يعني كلامي هو انو الخبر ممكن يكون صحيح و ممكن يكون ما صحيح
و اذا كان ما صحيح فانا ذلك لم يتم بنية سيئة و لا بغرض تعمد الكذب
و لكن بسبب الاستعجال و عدم التأكد -او عدم القدرة على التأكد- من المعلومات.
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: سيف النصر محي الدين محمد أحمد)
|
Quote: يا تبارك
محمد عادل صدقني يستحق دعواتنا لاهو شديد ولا لضيض
فقط قلبه قلب اسد لكن صدقني جسده لن يستحمل عمايلهم!
ربنا يعينه. |
والله بطمّن فى روحى ساى ... فلا أمان لبرىء فى قبضة مجرم ...
ما أعرفه أن محمد عادل بقلب أسد وعقل ثائر ... ويعى تماماً موقفه السياسى وحجم المخاطرة التى يواجهها ... وهذا يثلج صدرى قليلاً ..
... المهم ....
| |
|
|
|
|
|
|
|
|
|
Re: بصراحة موضوع الشهيد اصبح سمج جدا (Re: وليد محمد المبارك)
|
| Quote: بس عشان بنقول كربوا الشغل!! |
وده يا تراجي احسن كلام تقوليه من ما جيتي اون لاين
انا متفق معاك تماما لانو الني للنار
ومع اني ما مقتنع بمظاهرات يوم 30 مشيت وراها وسكيتها
وحقت بكره ما مقتنع بيها لكن حا امشي ليها
عشان عارف نص الناس البتنبح هنا دي بتاعين منضمة ساكت
عدم اقتناي بالمظاهرتين انه الشغل ما ممكرب
ومفروض يتكرب اول شي والشارع بعد داك ملحوق
لانو مظاهرات تنطفي بسرعة
مع تعتيم وشوية كضب
حا تورث الناس الملل وعدم الثقة
كنت اتمنى تنسيق اسفير
يليه تنسيق على الواقع
حتين الناس تمرق الشارع في هبة عامة
المهم ووكت قرروا ما حا نخزلهم
مع اختلافنا معاهم في التوقيت والتنسيق والتنظيم
| |
|
|
|
|
|
|
| |
وليد محمد المبارك
osman abdala
مزمل خيرى
تبارك شيخ الدين جبريل
محمد عبد الماجد الصايم
Tragie Mustafa
خالد عبد الله محمود
فيس بوك
تويتر
انستقرام
يوتيوب
بنتيريست