|
|
|
 Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
اتكاءة على مرافئ الزكريات
عبق الايام الماضيات
نسايم خريفية واخرى صيفية
روائح شهية
وجبات رمضانية
نساء حانيات
واخر مشمرات
خلطات
حطب
المنتج ابريات بالالوان وحسب الازواق
اوانى كبيرة واخرى حسب الطلب
تجمعات مشروعة لاتخلو من بعض الاقوال
صغار تقودهم الرائحة كنحل
لايرتاحون حتى يبلغون مضارب الزهور
امهات المستقبل يتعلمن دروسهن الاولى بصدر يبدا فى الاتساع
وبعض من التمرد والتهور ..لابد من كية نار حتى يستوى المسار
| |
 
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
فى الدعوة
النساء اولا
لهن مضارب معلومة
يسبقن رمضان بايام يعلمن ماهو المطلوب
تجهيزات رمضان
الاسواق تصبح خاصة بالنسوة
وكذلك الطواحين والزرايب وسيد الكارو
كل شيئ له مقدار معلوم ووزن محدد ومبلغ مرصود
لاتراجع لا اعذار و...... ليس فى الامر مغالاة او بخل
انه رمضان
وانهن النسوة
وذلك هو رسوخ التقاليد ورائحة رمضان بنكهة سودانية
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
لا
جهوية
لا طائفية
لا تفرقة عنصرية
الماء والتراب هما الاساس
السودان هو بوتقة الانصهار والانعتاق
الغربة خيار او اختيار مؤقت تقتضية ظروف مختلفة
الغربة تاريخ ..محطة تقتضى التوثيق والوقوف
رمضان فترة نقاء ونقاهه ...... وحب
فرصة للتصالح مع النفس والاخرين
لذوى الاعذار مكان وفى الصدارة
المعاناة تولد الابداع
رمضان فرصة
فلنغتنمها
ودا
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: فيصل نوبي)
|
هيععععععععععععععع !!!!!!!!!!!!!!
والله يا ود عكر عافي منك !!!
إنت قاعد تخطب في الناس دي والناس تصفق لمن حيرتني والله !!
إنت يا زول قاانص كدي  عينوك في البرلمان بتاع الحيكومة دي ونحن ما عارفين ولا شنو !!
شايفك شبكتنا كلمات الوزراء ديلك 
لكن والله ماشي كويس إنتا في التمارين بتاعت الوزارة 
صنفرة :
عليك الله لو بقوك أو بقيت براك رئيس وزراء خلي لي وزارة الثروة الحيوانية (الكانوا بيدوها للجنوبيين زمان لزوم التهميش وكدة) .. ما تستغرب لإني إكتشفت بلدنا دي فيها موارد حيوانية كويسة ومن ضمن خططي للعشرين سنة الاولى في الوزارة أبني لي ستاشر مضمار خيل عشان نستوعب التهجين الكتير دا !!
هسي عليكم الله زي الحصان الحليووني دا  ما حرام يكون حايم لي هسي بدون لجام او مضمار يجري فوقو !!! 
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
فيصل
ناذر
وليد خمسمية
ناصر
عم حامد
عايزينى اشكركم طيب ...بس...دى خيمتكم
تعمر بكم او تاخذها الرياح بعيدا
انا كريم ولكنكم الاكرم لذا لن اقبل حضوركم تحملون مواعين فارغة
اتوقع عطاء الجميع ولكنى اطلب عطاؤكم
هلموا اعطونى اولا ...اول خيوط رمضان .. روائح مقدمات رمضان نفسية/مادية/وجدانية
ضفرة
الريس ناذر كف عن المشاغبة ولاتكشف الاسرار ..بعد اذنك انا وزير رمضان وساعود اليك تفصيلا فلا تنتظرنى ...
صنفرة
هل تعنى الحشوة تمهيدا للتملص من رمضان؟
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
يا ود عكر
سلامات
ألبستنا المشاركات في منتدى سودانيزآونلاين جبة أصبح خلعها صعبا علينا و هي جبة المناكفات السياسية، لكن لا ضير من أن نتحرر منهابمناسبة شهر رمضان و هذه المائدة الشهية، فدعني أحتطب في غابة ربما قادت دروبها للسياسة أيضا لكن تعلم أنني لا أتعمد ذلك و إنما يأتي هكذا عفو الخاطر.
عموما حصل إنو صادفني رمضان الماضي في السودان بعد مدة ليست بالقصيرة غيابا عن رمضان السودان، و كان بالنسبة لي جديدا و أستطعت أن أتفرس في قسمات ما قيضت لنا رمضانات سابقة التأمل فيها، فمثلا عندما ضربنا في مغارب الأرض أو مشارقها طلبا للرزق أو لسعة في أشياء أخرى كانت أسرتنا الكبيرة تقيم في مدينة ولائية و عندما تصادفنا أنا و رمضان و السودان العام الماضي و بعد مدة كانت الأسرة قد اسهمت بسهمها في مسيرة هجر الريف و إسترياف العاصمة و حطت في بيت بالخرطوم. فكانت تلك أول القسمات و لعلها الأكثر صرامة على قول شاعر الملحمة (يا صارم القسمات......)، تخيل منذ أن بدات قصصي مع رمضان لأول مرة أتناول وجبة الفطور في قعر بيتنا و ظللت طوال الشهر أسأل هل إنقطع السابلة عن الطريق أي طريق أم إنقطعت أنا عن تحول كبير أخذ طريقه إلى حياتنا دون مشورتنا في شكل يهمك بأن تلك هي وتيرة الحياة نحو تغير مستمر، عموما هي قصة أولى من تلك القصص سأعود لبقيتها فيما يلي من مساهمات
تحياتي لك
بس مجرد سؤال: الناس العندهم السكري أو الكلى وضعهم شنو في العزومة دي؟!!!
مرتضى جعفر
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
| Quote: تصادفنا أنا و رمضان و السودان العام الماضي |
اخى مرتضى قبل الشكر اسعد بتلك الصدف الجميلة انت ورمضان والسودان, وانا وانت ثم رمضان ,اذن رمضان هو العامل المشترك... السياسة خيمة ورمضان خيمة ,والسودانى داخلها او خارجها لا تنفصل حياته وادق تفاصيلها اوحتى قفشاتة مع امراته عن السياسة... لا اهدف ولا استطيع ان اقول اتركوا السياسة تماما وهلموا للتحدث عن الدين والادب والحب و اسعار العملات وفضائح الساسة والحياة اليومية ,احببت ان تكون هى الاخيرة فى التناول اذا استطعنا الانعتاق و.....و هى محاولة لن تنجح الا اذا اردنا لها ذلك
| Quote: عموما هي قصة أولى من تلك القصص سأعود لبقيتها فيما يلي من مساهمات |
اشتم فى كل السودانيين رائحة الريف , حيث تسد الطرقات قبيل الافطار وتجود القرى والساكنين على جنبات الطرق بما تيسر بكل اصرار وعفوية وعزة نفس اناس لاتعرفهم .....لا يسالؤنك ان كنت صائما او معزورا رغم سفرك ,الاصل عندهم الكرم الجود بالموجود لان رمضان كريم والبحبو كلو كريم ,انها مفردات ,اعراف , تقاليد صادقة دعونا نخلدها بتعاون وتحابب ,اكتب خطواتك الاولى وزكريات عن رمضان, انه البوح صديقى حول زكريات حجبها كبد الحياة اليومية حتى كادت الذاكرة ان تسقط حيثياتها انتظرك بشوق ومعك اخرين/اخرون
| Quote: بس مجرد سؤال: الناس العندهم السكري أو الكلى وضعهم شنو في العزومة دي؟!!! |
المرض تجربة مهما كان تصنيفها عليهم ان يحكوا وهذا احد اهداف الخيمة وعلينا الاستماع ...والتعاطف ........ لا فتوى
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
عزيز العزيز
Quote: ود عكر.. الراجل الضكر
لا بتعرفني ولا بعرفك..
لكن عايز ابقى ليك زي اشعب الاكول
أنا بعرف الطعام وبس.
ادينا العنوان وين وخلينا نجي شايلين كروشنا
نفطر معاكم.
كثر من الابري.. والحلو مر.. وملاح التقلية. |
والله معرفتك كنز...دا ترحيب مراسمى برتوكولى
والان ...عرفت ميولك الاشعبية بس ما تخاف كلو مرتب ... لكن ياعزيز خليها حلوة وجيب ليك معاك ان شاءالله كورة بلح
مرحب بيك كتير كاحد اعمدة الخيمة
ضفرة
عفيناك من كورة البلح بشرط تلاوة زكرى /موقف /محطة رمضانية .. ماضية او حاضرة ..اعصر ذاكرتك وهبنا رحيقا معتقا
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: ودعكر
رمضان كريم
واكيد بتقول يا حليل امدر وافطاره وخاصة فى ابروف ود اللدر والكبجاب حيث موائد الافطارات الرمضانية
اكيد فى شمارات بس بتكون على منوال (انا لا اكذب ولكنى اتجمل )
ده مجرد فتح شهية وفى انتظار رمضان يحلو الكلام
تحياتى |
بلدى يا حبوب
يكفى انك بلدى وحبوب
اصبت كبد الحقيقة ياطيب ودخلت فى المطلوب بدون مقدمات ..تعرف ياحبوب ادفع ماتبقى من عمرى وتنقطع بى المواصلات وسط احياء امدر العتيقة وقت اذان مغرب رمضانى نواحى المحطة الاوسطى او ميدان البوستة...تلك لحظات لا اجزم بان العمر سيمتد او يمهلنا لنعود الى البلد ام درمان الفتيحاب بالتحديد لحضور بعض المناسبات التى تعود بنا الى ايام ومرتع الصبا ...لذا رغبت فى تخصيص هذه الخيمة لحبايبنا للبوح الجميل عن رمضان
ضفرة
بدون عنصرية انتظر رائحة امدرمان فى اسطر قادمات من تالاك....فلا تبخل
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الاول ...
مدخل للارتواء....
فى اى مرحلة يفترق الابرى"بالوانه" عن المريسة"بانواعها" كمكونات اساسية لعدد من المناسبات ينطلقات من مكون واحد ويمران كتوْأم بعدة مراحل ثم يفترقان ليشكلا مفترق طرق له يسار يطلق عليه الحرام ويمين يدلع بانه حلالا طيبا وبينهما زقاق مختصر لا يعترف بهذه الاسماء الرسمية؟
ضفرة
زريعة الفتريتة هى الافضل لكليهما...!
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الاول ...
مدخل للارتواء....
فى اى مرحلة يفترق الابرى"بالوانه" عن المريسة"بانواعها" كمكونات اساسية لعدد من المناسبات ينطلقات من مكون واحد ويمران كتوْأم بعدة مراحل ثم يفترقان ليشكلا مفترق طرق له يسار يطلق عليه الحرام ويمين يدلع بانه حلالا طيبا وبينهما زقاق مختصر لا يعترف بهذه الاسماء الرسمية؟
ضفرة
زريعة الفتريتة هى الافضل لكليهما...!
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: ناذر محمد الخليفة)
|
ود عكر الكارب
رمضان كريم .. هذا بوست رمضاني كامل الدسم .. يحمل كل تنوع رمضان بما فيه مما لذ وطاب من الماكولات والقفشات والجدل الحميم ..
اين لي من تلك الجلسات العامرة في "برش" رمضان بعد الافطار .. اقايض اشياء كثيرة بتلك اللحظات ..
هذه خيمة تسعنا جميعا نستوي عندها سودانيون نتحدث في السياسة والادب والكورة وهلال مريخ ونتمازح ونقضي بقية الليل في حديث حميم يزيده انقطاع الكهرباء القا.. لن ننقطع عن الخيمة او "البرش" و"صينيتنا" عامرة انشاء الله .. وكل سنة وانت والاسرة بالف خير
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: يا ودعكر
أنت عارف انو الشغلانه دخلت الحوش
و رمضان بكره
ناصر البطل |
بكرة بتوقيت وين ياحبيب ؟ ياخوى انا وزى ماقلت للمبدع ناذر قبل كده عندنا امة هنا اذا ماشافت قمر رمضان "لاحظ قمر وليس هلال"عيانا بيانا صيام "نهى"يعنى باببح بالسودانى ورمضانك البكرة ياوجية نحنا مابيغطى معنا...
ضفرة
وصلنى بريدك بريد الريده وامنباتى ان تتحقق امنيتك الغالية فى عيد رمضان.....
يومياتك الرمضانية اتمنى ان تكون جاهزة للعرض فى الخيمة
| |
|
|
|
|
|
|
|
|
 Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ودعكر
تعرف اليومين ده المواصلات بقت صعبه بالحيل خاصة بعد قفل كبرى النيل الابيض لكن نحنا ناس امدرمان تعرف بتعتبر لفة المواصلات ببانت وسلاح المهندسين وفتيح(الفتيحاب) وعلى البعد ابوسعد حاجة متعة حتى نتلذذ بجمال امدر وناسه وكيف النيل الابيض بغازل فى الفتيحاب فى موسم الدميرة صدقنى ان طالت مسافة المواصلات الا اننا سعداء فما أجمل العبور بأحياء امدر
تحياتى
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
بلدى ياحبوب........بدون تعليق
Quote: ودعكر
تعرف اليومين ده المواصلات بقت صعبه بالحيل خاصة بعد قفل كبرى النيل الابيض لكن نحنا ناس امدرمان تعرف بتعتبر لفة المواصلات ببانت وسلاح المهندسين وفتيح(الفتيحاب) وعلى البعد ابوسعد حاجة متعة حتى نتلذذ بجمال امدر وناسه وكيف النيل الابيض بغازل فى الفتيحاب فى موسم الدميرة صدقنى ان طالت مسافة المواصلات الا اننا سعداء فما أجمل العبور بأحياء امدر
تحياتى |
بطريقتك دى بتخلينى احرد رمضان مقدما
ضفرة
ارجو الاسترسال فى الوصف فكل اركان امدر تشكل نبضا حنينا فى وجدانى...قاتل الله الغربة
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: الاول ...
مدخل للارتواء....
فى اى مرحلة يفترق الابرى"بالوانه" عن المريسة"بانواعها" كمكونات اساسية لعدد من المناسبات ينطلقات من مكون واحد ويمران كتوْأم بعدة مراحل ثم يفترقان ليشكلا مفترق طرق له يسار يطلق عليه الحرام ويمين يدلع بانه حلالا طيبا وبينهما زقاق مختصر لا يعترف بهذه الاسماء الرسمية؟
ضفرة
زريعة الفتريتة هى الافضل لكليهما...! |
و التانى
فلسفة خم الرماد ...هل هى بداية لرمضان رمادى ام وداع لايام رماديه
فلسفة خم الرماد ...هل هى سودانية خاصة تكونت نتيجة للشعور بالحرمان عن اشياء معينة لايام معينة
فلسفة خم الرماد.....او... مكونات الرماد وكيفية الخم
فلسفة خم الرماد....المواعيد..او...البدايات والنهاية اهمية تحديد الزمن حتى لايبرد/او يتلاشى الرماد
فلسفة خم الرماد......؟ هل للهبود علاقة برماد رمضان على الاقل علاقة الفعل وليس المفعول به؟
ضفرة
"الرماد كال حماد"..ايعنى المثل ان حماد هو صاحب/اول من سن خم للرماد فى تاريخ البشرية
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: فلسفة خم الرماد ...هل هى بداية لرمضان رمادى ام وداع لايام رماديه
فلسفة خم الرماد ...هل هى سودانية خاصة تكونت نتيجة للشعور بالحرمان عن اشياء معينة لايام معينة
فلسفة خم الرماد.....او... مكونات الرماد وكيفية الخم
فلسفة خم الرماد....المواعيد..او...البدايات والنهاية اهمية تحديد الزمن حتى لايبرد/او يتلاشى الرماد
فلسفة خم الرماد......؟ هل للهبود علاقة برماد رمضان على الاقل علاقة الفعل وليس المفعول به؟
ضفرة
"الرماد كال حماد"..ايعنى المثل ان حماد هو صاحب/اول من سن خم للرماد فى تاريخ البشرية |
ود عكر
اخم الرماد و ارجع ليك
سمح !
تهريجه:
انت ما تجي تخم الرماد معانا !
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
نقلا عن بوست جمال الصديق حول بعض تعريفات خم الرماد
Quote: دعوة لاشباع الغرائز ؟؟؟
هذا المصطلح خم الرماد حقيقة حاولت ان اعرف له تفسير لفظي ومطابقته بما يحدث فيه من افعال فلم اتوصل الي علاقة (الخم)و (الرماد) بما يحدث .
قديما ارتبط باستعداد الناس قبل يوم من بداية شهر رمضان بتجهيز كل مستلزمات الشهر وايضا تناول الوجبات الخاصة ذات الفائده للجسد اي استعداد للصيام .
الان اضيفت بعض المفاهيم الاخرى البعيدة كل البعد عن الاسلام وهذا الشهر المبارك فقد اصبح خم الرماد عند البعض هو اشباع الغرائز الجنسية و الانغماس في المحرمات الاخري وبشراهة قبل حلول رمضان ...
بالامس ليلا قابلت بعض الشباب من الجنسين بعد عودتهم من رحلة البنات في غاية الخلاعة في الملبس (الصبيان) تجد صعوبه في الفرز بينهم وبين (الصبايا ) ... سلوك مشين على الشارع العام تشابك بالايدي تلاصق متعمد بين الاجساد اثناء السير ... حقيقة كنت في قة الاستياء ... لااعرف هولاء وليس لي اي صلة بهم ولكني حقيقة اندهش لمثل هذه الممارسات الت لاتمت لمجتمعنا السوداني بصلة .... اين كنتم ... اتينا من رحلة جماعية في احدى الجنائن لانو اليوم خــم الرماد ... ونحن الان في انتظار آخرين معنا فقد تاخروا في الخلف ...
احاول ان اكون ساذج وخيالي واقول لنفسي..( انا اعلم ان الجنائن ليس فيها رماد عشان يتخم وحتى لو كان بها رماد فهو لايحتاج لكل هذا العدد من الشباب ومن الجنسين ...)
واحاول ان اكون واقعي واصدق مااراه امامي وانهم فعلا خمو الرماد ...بس بمعنى آخر .. |
رمضان كـــــــــــــــــــــــــــريم
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الشقيق / ود عكر
رمضان كريم ...
وعزومتك مقبولة وجاينك ومافيتين منك تب الا بعد السحور ....
ماجمل هذا الشهر الكريم ومااروعه من تكافل وتسامح وطيبة خاطر تسود ...
ونحن اطفال نخرج الى الشوارع فرحين ونهتف مرحب بيك يارمضان شهر التوبه
و الاحسان نطوف الحي شارع شارع ... ثم نقوم بتنظيف المكان المعتاد الذي
يقام عليه (الضـــــــرا) والضره او الضرا هو المكان الذي يجتمع فيه اهل الحي
او الشارع الواحد للافطار الجماعي ... قصدت الاشاره الي لفظ الضره لانني
لاحظت ان هذا الاسم الذي انتجته العبقريه السودانية قد تبدل الي اسم الخيمه
حتى في هذا البوست ؟؟
قبل الافطار نقوم بفرش البروش على الارض في شكل دائري او مربع ..ويبداء توافد
الجيران و الاهل و الاحباب الى الضرا كل منهم يحمل صينية الافطار ... العصيدة
الابري (الحلو مر) قاسم مشترك بين كل الصواني ... ونسه قبل الافطار غالباعن
الاخبار و الاحداث النهارية وكل يسرد ماعنده ...و ياجماعة الاذان الساعة كم ؟
طبعا ماحضرنا زمن مدفع الدلاقين لكن سمعنا بيهو ..
الكل يترقب الشارع و الماره واتفضل يازول .... يازول حرم تجي الاذان قرب
ومابتلحق ... السلام عليكم عظم الله اجركم..يستقر الضيف وسط الضرا تحفة عناية
الجيران الاسره الواحدة هم الان في الضرا لاتفصل بينهم الحوائط ..
اللهم اجعلنا اسرة واحده متاكتفة مترابطه ... وتقبل منا صيامنا وقيامنا
أأأمين يارب العالمين
جمال حسين الصادق
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: الشقيق / ود عكر
رمضان كريم ...
وعزومتك مقبولة وجاينك ومافيتين منك تب الا بعد السحور ....
ماجمل هذا الشهر الكريم ومااروعه من تكافل وتسامح وطيبة خاطر تسود ...
ونحن اطفال نخرج الى الشوارع فرحين ونهتف مرحب بيك يارمضان شهر التوبه
و الاحسان نطوف الحي شارع شارع ... ثم نقوم بتنظيف المكان المعتاد الذي
يقام عليه (الضـــــــرا) والضره او الضرا هو المكان الذي يجتمع فيه اهل الحي
او الشارع الواحد للافطار الجماعي ... قصدت الاشاره الي لفظ الضره لانني
لاحظت ان هذا الاسم الذي انتجته العبقريه السودانية قد تبدل الي اسم الخيمه
حتى في هذا البوست ؟؟
قبل الافطار نقوم بفرش البروش على الارض في شكل دائري او مربع ..ويبداء توافد
الجيران و الاهل و الاحباب الى الضرا كل منهم يحمل صينية الافطار ... العصيدة
الابري (الحلو مر) قاسم مشترك بين كل الصواني ... ونسه قبل الافطار غالباعن
الاخبار و الاحداث النهارية وكل يسرد ماعنده ...و ياجماعة الاذان الساعة كم ؟
طبعا ماحضرنا زمن مدفع الدلاقين لكن سمعنا بيهو ..
الكل يترقب الشارع و الماره واتفضل يازول .... يازول حرم تجي الاذان قرب
ومابتلحق ... السلام عليكم عظم الله اجركم..يستقر الضيف وسط الضرا تحفة عناية
الجيران الاسره الواحدة هم الان في الضرا لاتفصل بينهم الحوائط ..
اللهم اجعلنا اسرة واحده متاكتفة مترابطه ... وتقبل منا صيامنا وقيامنا
أأأمين يارب العالمين
جمال حسين الصادق |
انها لوحة سودانية مضيئة ذات ملامح خاصة لا توجد الا فى السودان وبالاخص فى اريافة ... شكرا جمال لقد اخلصت فى الوصف الجميل ولك منى الدعاء الجميل بالتقبول الحسن..
ضفرة
نسيت الصراع المفاجئ الذى تقوده بعض "الحيوانات" وخاصة الغنم مع الصوانى الطرفية لحظة دخول المصلين فى الركعة الاولى من صلاة المغرب ,,,توقيت دقيق ولحظة ذكاء من غنماية لاخذ حق تعتبرة مغتصبا
اما الضرا فلا اعتقد ان احد غيرى وغيرك يعرف معناها لذا عذرا على غيابها كمفردة ينبغى استعمالها
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
رمضان كريم يا ود عكر ..
| Quote: معليش نحنا رمضان عندنا هنا تاجل الى الغد يعنى الابعاء......ربنا يجمع كلمة المسلمين |
إنتا شخصيا كدا يعني !! كنت الليلة صايم معانا ولا منتظر صيام ناس قابوس الرسمي داك !!
صنفرة :
أنا متذكر لمن كنت في الهند كنا جميعا السودانيين والعرب ما قاعدين نصوم إلا مع السعودية وما قاعدين نعيد برضو إلا معاهم !!
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: ناذر محمد الخليفة)
|
ود عكر الكارب
اعود حاملا صينيتي الى خيمتكم واقول رمضان كريم .. تذكرت البوست هذا المساء مع حلول وقت الافطار وانا اهم بتناول الوجبة دونما "تجمع رمضاني" ودونما "برش" نلتف حوله.. غير اني تذكرتك في تلك اللحظة وقلت في نفسي لقد هيأ لنا ودعكر ما نشتهي من لمة رمضانية .. واظن اني سأكون اول الحاضرين يوميا الى الخيمة.
تقبل الله صيامكم جميعا
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: ناذر محمد الخليفة)
|
| Quote: إنتا شخصيا كدا يعني !! كنت الليلة صايم معانا ولا منتظر صيام ناس قابوس الرسمي داك !! |
انت ما شايف ود عكر لسه شايل كوبايتو ؟
| Quote: أنا متذكر لمن كنت في الهند كنا جميعا السودانيين والعرب ما قاعدين نصوم إلا مع السعودية وما قاعدين نعيد برضو إلا معاهم !! |
يعني داير تقنعني انك كنت بتصوم في الهند؟
تهريجه:
اها الليله اول يوم و سجاير مافي و الناس اخلاقا في نخرتا و حوامه مافي و كل زول قافل بابو عليو و قاعد والله اشتقنا لي اللمه و الصواني تطاقش في رمضان و كل يوم الفطور قدام بيت زول.
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
اه انا رجعت عشانكم وعشان رمضانكم فضل ليهو28 وبتاعنا فضل ليهو 29 يوم لو ما الجماعة اتحايلو عليهو وقالو يعنى لزوم لم جمع المسلمين وتوحيد شوكتهم نقوم نعيد مع الناس الصامو يوم التلاتة
ناذر...الله اكرم
بعدين تعال Quote: إنتا شخصيا كدا يعني !! كنت الليلة صايم معانا ولا منتظر صيام ناس قابوس الرسمي داك !!
صنفرة :
أنا متذكر لمن كنت في الهند كنا جميعا السودانيين والعرب ما قاعدين نصوم إلا مع السعودية وما قاعدين نعيد برضو إلا معاهم !! |
ضفرة:
شكيت محنك جكسا دا ما بيقولو اسمو حاف كدى انت عايز تطير طاقتى والا شنو غايتو بطريقتك دى يوم بتكتل ليك زول....اما عن سعالك فانا صايم مع المسلمين.. ولا الضالين آمين...!صحى فى الهند فى رمضان ؟
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
البشارىالكارب
Quote: اعود حاملا صينيتي الى خيمتكم واقول رمضان كريم .. تذكرت البوست هذا المساء مع حلول وقت الافطار وانا اهم بتناول الوجبة دونما "تجمع رمضاني" ودونما "برش" نلتف حوله.. غير اني تذكرتك في تلك اللحظة وقلت في نفسي لقد هيأ لنا ودعكر ما نشتهي من لمة رمضانية .. واظن اني سأكون اول الحاضرين يوميا الى الخيمة.
تقبل الله صيامكم جميعا |
الله اكرم اخى حسن لا ادرى لماذا يعيد الي اسمك زكريات طويلة وجميلة لم اجد من قبل من يشاركنى اياها ولا لحظات عصبية فى مدن سودانية لا اصدق نفسى اننى يوما كنت بها تخيل ياحسن اننى فى يوم ما قضيت رمضان والعيدين بين كدوك فشودة ملوط ملكال واو شلوك نقديار بلا هدف ولا حتى خبر اكتبه وارسلة لانه مافى بشر ولا سلطة فى تلك الايام ....المهم جاء رمضان ونحن اصلا صايمين... تحلل الصيام بماء النيل الابيض الممزوج باشياء كثيرة وتفطر سمك وحاجات تانية حاميانى "طبعا فى ناس هنا حتفتكر دى من حلقات فى ساعات الفداء" طبعا دى ايام تتويج رث الشلك واتشرف باننى كنت الصحفى الوحيد الذى مكث 6اشهر منتظر مراسم التتويج التى تنتظرللبدء فيها العثور على نعامةذات لون معين ؟؟ايام جميلة ...اما رمضان الغربة فانا لست بافضل حال منك عشان كده من الاول نصبت الخيمة واردت ان يشارك الجميع فى الجلوس واجترار الزكريات.... انت حاديها وهى لك استراحة وبك نجد فيها الراحة.... يلا همتك ياكارب
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ود عقيد بالعربي
Quote: الأخ ود عكر
والأخوة أهل الخيمة
رمضان كريم وكل عام وأنتم بخير |
ياخى الله اكرم ويتقبل الدعوات ... وينك ياراجل اشتم فيك رائحة الزماله فى مهنة المتاعب ...ارغب فى تواجدك الدائم فى الخيمة او سمها ماشئت ..تعال ومعك اخرون احملوا ماتيسر من زكريات خالدات .. او اشراقات متوقعة /قادمات ..وكمان لكم الخيار باى وجبات... بس اظهر تعال ..ولك الود والاحترام انت من اهلها ولها اهلا
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
هذا اليوم الثالث من رمضان بحسابنا .. بدأنانتعود شيئا ما على الصيام والامتناع عن المكيفات ..
الليل هنا نقضي معظمه في المكتب ، منكبين على متابعة اخبار الوكالات والمراسلين من اقاصي الدنيا وعواصمها المختلفة .. تفجيرات واعتصامات وتظاهرات وحملات عسكرية.. لا شيء عن ليالي رمضان ـ وما احلاها ـ في مثل هذا القسم الذي نعمل فيه كلها سياسة ولا شيء غيرها.. اليس هذا هو الحال لديك اخي ود عكر ..
على اي حال فان خيمتك اصبحت ملاذنا اليومي لاحياء ليالي رمضان ـ تلك التي في الذاكرةـ والتي نفتقدها ونهفو اليها.
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
سلامات يا أهل الخيمة
ود عكر
كيف حالك
| Quote: اشتم فيك رائحة الزماله فى مهنة المتاعب |
وأنا أيضا تجاوزت مرحلة (الاشتمام) إلى الأكيدة من زالتك في المهنة
بس السؤال هو:
ليش ما بنتعارف؟
عندك مثلا حسن البشاري ما بعرفه، لكين سمعت بيهو..
والباقين بعرفهم وبعرفوني.. لكين الغريبة اننا ما تصادفنا
أثناء عملي في السودان..!!
مصطفى عكر..
الفرصة جات.. وان شاء الله في خيمتك دي نتم العرفة ونفتش الباقين
ومنتظرين البدوي
حسن البشاري
سلام
(كلنا في الهم شرق) برضو نحنا نفطُر ونتراوح على المكتب.. وهاك
يا أخبار ويا سياسة.. أجارك الله ناس (الهيلاهوب) ما بنشبع فيهم شوف.
وبعد نرجع نلقى الجماعة طمبروا ورقدوا..
بنجيكم راجعين إن شاء الله
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: عبد الله عقيد)
|
ود عقيد
كلنا انا وانت وود عكر وآخرون في الهم شرق ..
وود عكر هذا من الجيل نفسه الذي عمل معنا في مهنة المتاعب كما يسميها الناس .. وكان ود عكر صحافيا مرموقا في وكالة السودان للانباء قبل ان يهاجر مثل كثيرين الى بلاد الاغتراب .. واعتقد انه يتولى حاليا رئاسة القسم السياسي في صحيفة مرموقة بسلطنة عمان.
وقد جمعتني به في السودان زمالة حميمة وكان رفيقا في مأموريات كثيرة في الشمال ومجاهل الغرب والجنوب .. وكان كل لقاء بهذا الرجل الودود يقربني منه اكثر.
لك المودة للاهتمام بزملاء المهنة ..
اخي عقيد يا حبذا لو افتتحت بوستا للتعريف بكل زملاء المهنة في المنبر.
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الاخ ود عكر
أسمح لي بأن أونسك وضيوفك في هذا البوست الرمضاني ببعضا من القصائد التقليدية غير الأوتومسفيرية التي جادت بها قريحتي في فترات مختلفة مرورا ببعض المناسبات ..
ما دعاني لتذكر ذلك هو حادثة مشهورة مرت بي في حياتي لن أنساها أبدا وهي حادثة سرقة دراجتي الفونيكس الصينية الحمراء التي كنت أحبها حبا شديدا والتي كانت قد سرقت مني في نهار إحدى أيام رمضان من عام 1992 من مدرسة الخرطوم الثانوية الجديدة حيث كنت ادرس ..
كانت دراجتي تلك أعدها بمثابة السيارة هذه الأيام إذ كنت أقضي بها جميع مشاويري الخاصة عبر مدن الخرطوم الثلاثة بكل سهولة ويسر .. طبعا كنت رياضيا مطبوعا في تلك الأيام وكان من السهولة جدا قطع مسافات طويلة لا يتخيلها أحد ولا يصدقها شخص بتلك الدراجة . وكان عاديا لي إذا ما شعرت بالملل أن استقل دراجتي من منزلي الكائن في الخرطوم وأنطلق صوب أمدرمان وأمر بأحيائها وأعرج بعدها على كبري شمبات وصولا للخرطوم بحري ومن ثم اكمل تجوالي بها قليلا وأزور بعض الأصدقاء من أولاد الدفعة ومن ثم اعود غافلا للخرطوم عبر كبري بحري للمنزل في الخرطوم بكل بساطة ودونما أي شعور بالتعب !!
وقد تولدت لدي علاقة خاصة بيني وبين دراجتي الفونكس الحمراء تلك إلا ان أتى ذلك اليوم المشؤوم والذي ذهبت فيه لمدرسة الخرطوم الثانوية ونسيت أن أطبلها كالعادة ، وعندما خرجت لم اجد ا لدراجة في مكانها وكان من الواضح انها قد سرقت !!!!!
وفي الحال أحدثت حالة من الإستنار وسط أصدقائي ووزعتهم على جميع أسواق ودلالات العاصمة للبحث عن الدراجة وبعد إسبوع إتصل بي أحد أفراد النفير من دلالة السوق الشعبي وذكر لي أن الدراجة موجودة الأن أمامه معروضة للبيع وعلي الحضور بأسرع فرصة !!!
لم أصدق وهرعت من فوري للدلالة ووجدت ذات دراجتي الحبيبة ولكن حدثت بها بعض التشوهات لزوم ألا يتعرف عليها صاحبها وسرعة احضرت شرطيا كان بالقرب وأخبرته بالأمر وتم إلقاء القبض على السارق .. ولكن أفزعني منظر دراجتي التي أصابها التشويه وتغيير بعض أجزائها فرجعت للمنزل حزينا باكيا وكتبت القصيدة التالية :
دراجة حمراء فاقع لونها ************* تجلب للناظرين بهجة وسرور
ملكتها يوم من الزمان الحاقد******** كما خرج اديم العنب من الصخور
يوم في مكان واخر مثله *************** ويوم نحو ملاهي الحباة مجرور
لا أطيق أبدا مفارقتها ********************** إلا إذا كنت لها مجبور
***********************************
ولكن أبى الدهر سعد أيامي************** وأبى ان أكون بها مبهور
أتاها لص مجهول لا اعرفه *********** لسرقتها او لتبتيرها مسعور
سرقها من امام جمع حاضر ********** ****لم يروه وكأن الكل مخمور
فعشت أسوأ أيامي لحظتها ******************* وصار أمري لله منظور
وجدتها يوم في سوق خردة *********** يريد اللص بيعها بثمن مخظور
فجئنا سويا عند مركز شرطة ************* فضابط فرقيب فجندي مأمور
تحسستها لم أصدق انها هي *********** **** قد نجست بثوب ليس مطهور
ألا ليت يتركني الزمان بحالي ********* حتى لا يجدني كشاة يوم منحور !
صنفرة :
هذا وسأوافيك تباعا في بوستك هذا عن قصائد غير أوتومسفيرية أخرى في مناسبات متنوعة جمعتها قديما في ديوان ومطبخين حتى أتيك للقصة التي جعلتني أعتزل الشعر التقليدي تماما واتفرغ للشعر الأوتومسفيري !!
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ودعكر
بمناسبة شهر رمضان هديك هذه الخاطرة والتى تقول
فى ساعة صفا
بين الضفاف النيل رسى
تاهت مشاعرى بين السكون
وهمسة نسة بتسلام الجروف
اتزكرت ناس حنان فى الطيبة
راسين بأمان
واطفال كتار وسط البلد
بداعبوا حتة عضم
والليل بهيم والجو بديع
بين الضفاف حمد اللهيب
والحسرة نامت ذى الرضيع
اتذكرت تاجوج البلد
الفيه قليبى كم سجد
ما حلوه شبه البدر
وذى الجدى وكتين تمش
خصلات ليل فيهم شجون
ام الوجيه ما ضوء نار فيه الشمس
....................
تخريمة
هل مقولة ان امدرمان تعنى
يقال والرواية لاحد اناء امدرمان ان هنالك امراة كان لها ولد يسمى درمان وكانت تلغب بأم درمان وهنا يتبادر السؤال من اين اتى اسم امدرمان .............
تحياتى
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
!!!!!!!!!!
Quote: وود عكر هذا من الجيل نفسه الذي عمل معنا في مهنة المتاعب كما يسميها الناس .. وكان ود عكر صحافيا مرموقا في وكالة السودان للانباء قبل ان يهاجر مثل كثيرين الى بلاد الاغتراب .. واعتقد انه يتولى حاليا رئاسة القسم السياسي في صحيفة مرموقة بسلطنة عمان.
|
الكتراااااااااااااااااااااابة التصقع حجر الـ ..........
دا كلو إنت يا ود عكر ونحنا ما عارفين ؟؟؟؟؟؟؟؟؟؟!!!!!
طيب وكت سيرتك مفخرة كدة !! ليييه ما متصور في البروفايل رافع إيدك ؟؟!!
صنفرة :
كدي يا اخوانا راجعوا معلوماتكم .. أمكن ود عكر القاصدنو ما دا !!!
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
| Quote: في نهار إحدى أيام رمضان من عام 1992 من مدرسة الخرطوم الثانوية الجديدة حيث كنت ادرس .. |
ناذر
ادرس دي يعني استاذ ما تلميذ صاح ؟
| Quote: طبعا كنت رياضيا مطبوعا |
| Quote: للقصة التي جعلتني أعتزل الشعر التقليدي تماما واتفرغ للشعر الأوتومسفيري !! |
هي قصيده و لا صوره ؟
| Quote: طيب وكت سيرتك مفخرة كدة !! ليييه ما متصور في البروفايل رافع إيدك ؟؟!! |
ود عكر رافع راسنا ما بيرفع يدو يا ناذر سمح ولدي !
تهريجه:
ود عكر انت غاتس وين ؟
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: تفجيرات واعتصامات وتظاهرات وحملات عسكرية.. لا شيء عن ليالي رمضان ـ وما احلاها ـ في مثل هذا القسم الذي نعمل فيه كلها سياسة ولا شيء غيرها.. اليس هذا هو الحال لديك اخي ود عكر ..
على اي حال فان خيمتك اصبحت ملاذنا اليومي لاحياء ليالي رمضان ـ تلك التي في الذاكرةـ والتي نفتقدها ونهفو اليها. |
_
ضفرة
حسن البشارى كيف امسيت ... ياخى شفت القرف البيحصل فى العالم ده ياريت كل الناس يشوفوه لكن معليش نحن مقصرين معاهم لانو شغالين مصافى يعنى بنخفف احيانا الاخبار والصور... قلته لى ليالى رمضان ياحليل زمان وسنين زمان ......
بشارى اتمنى ان تساعدنى فى تزكر جيلنا من المشاغبين من جيل الصحفيين ... سيف السودان الحديث..فيصل خالد ..ناس التلفزيون..الفاتح محمود.......... مريم ابشر الراى العام ...المكابرابى..."مامورية السكر الفاتح رئيس التيم ..عصام مصور فتوغرافى ..الخ
ولع زاكرتك وهات ياجميل نحن الغربة عجزتنا ....التحية ليك وانت تثور فى وجة مدير مصنع سكر القربة على ما اظن ايام مسلسل الصالح العام وكدت ان تخرب خطة الجماعة ...
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: وأنا أيضا تجاوزت مرحلة (الاشتمام) إلى الأكيدة من زالتك في المهنة
بس السؤال هو:
ليش ما بنتعارف؟
عندك مثلا حسن البشاري ما بعرفه، لكين سمعت بيهو..
والباقين بعرفهم وبعرفوني.. لكين الغريبة اننا ما تصادفنا
أثناء عملي في السودان..!!
مصطفى عكر..
الفرصة جات.. وان شاء الله في خيمتك دي نتم العرفة ونفتش الباقين
ومنتظرين البدوي |
ودعقيد كيفك يازميل.....انها حاسة المهن فقط لاازيد ...
فاتنى شرف معرفة الكثيرين لاسباب كثير يطول شرحها .....طبعا انت تعرف طبيعة العمل فى حبيبتنا"سونا" كانوا يطلقون علينا الموظفين "تهكما"لذا لم نكن معروفين الا فى الدوائر التى كنا نعمل فيها يعنى انا حتى خروجى من السودان/الوكالة كنت معنى بالدائرة السياسيةوماادراكما الدائرة السياسية ثمابتليت بالماموريات والحمدلله زرت معظم مدن السودان فى كل الاتجاهات ثم تحولت لرئاسة الورديات المسائية ومع ذلك كله فلا حق ادبى لدينا هكذا وجدنا العرف الصحفى فى الوكالة حيث يوجد اساتذة/مدراس صحفية لا يعرف احدهم اسمهملانه لاتوجد مطبوعة ينزل الخبر فيها باسمة واكيد شفت مطبوعات سونا فالكل فيها يكتب ويتحدث باسم سونا ...لذا لم نلتقى او قد نكون قد ...غير متاكد بس الان حصل الشرف وهو اجمل لقاء اتمنى ان يتحقق وجها لوجه ..
ضفرة
شفيع ياراجل...يعنى تعرف البدوى وتسمع بالبشارى وتنسى ودعكر الى كان...ياراجل
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ناذر؟؟؟؟؟؟؟؟؟؟
موضوع العجلو انا براااتو وفيصل الله يعطيه الف عافية تكفل بالمعلوم ... اما
Quote: حتى أتيك للقصة التي جعلتني أعتزل الشعر التقليدي تماما واتفرغ للشعر الأوتومسفيري !!
دا كلو إنت يا ود عكر ونحنا ما عارفين ؟؟؟؟؟؟؟؟؟؟!!!!!
طيب وكت سيرتك مفخرة كدة !! ليييه ما متصور في البروفايل رافع إيدك ؟؟!!
صنفرة :
كدي يا اخوانا راجعوا معلوماتكم .. أمكن ود عكر القاصدنو ما دا !!! |
ضفرة:
اما القصة التى حولتك من تقليدى الى اسفيرى فهى هامة جدا لرواد الخيمة...
اما عن ودعكر فامنيتى ان نلتقى لنتعارف اكثر فمعرفة الرجال كنزززززز0
اما عن موضوع الرفع والنصب فانا موفر يدى لسفسفة رمضان وبعدو حانشوف
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
بلدى ياحبيب ربنا يتقبل
احييك على اجمل استراحة بعد النفس انفطع من اخبار العالم المحزنة ونهار رمضان الضيق من كثرة العمل ..اما موضوع ام در ففيها عدة روايات اتمنى ان نجد مصادر موثقة للافتاء حولها اذا لم يصنف الامر من زاوية عنصرية
اهديك خاطرتك /قصيدتك التى تشبه العصيدة الجيرية ذات اللون والطعم اللذيذ وارشحها لتكون المائدة الرئيسة فى الخيمة اليوم
ضفرة
ماتقول لى مابعرف العصيدة/اللقمة الجيرية.....
Quote: بمناسبة شهر رمضان هديك هذه الخاطرة والتى تقول
فى ساعة صفا
بين الضفاف النيل رسى
تاهت مشاعرى بين السكون
وهمسة نسة بتسلام الجروف
اتزكرت ناس حنان فى الطيبة
راسين بأمان
واطفال كتار وسط البلد
بداعبوا حتة عضم
والليل بهيم والجو بديع
بين الضفاف حمد اللهيب
والحسرة نامت ذى الرضيع
اتذكرت تاجوج البلد
الفيه قليبى كم سجد
ما حلوه شبه البدر
وذى الجدى وكتين تمش
خصلات ليل فيهم شجون
ام الوجيه ما ضوء نار فيه الشمس
....................
تخريمة
هل مقولة ان امدرمان تعنى
يقال والرواية لاحد اناء امدرمان ان هنالك امراة كان لها ولد يسمى درمان وكانت تلغب بأم درمان وهنا يتبادر السؤال من اين اتى اسم امدرمان .............
تحياتى |
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ناس الخيمه
هوووووووووووووووووووووووي
دي هديه من القلب سمح
قالوا في واحد من ناس شندي مشى يدرس في القاهرة . ربط مع مصرية وعرسها وحتل قبلوا خمسة سنة ما جا . امه قالت لي ابوه امشي شوف الولد دا مالوا وطلق منو الحلبية دي وجيبوا في يدك .
الراجل طبق عكازو . والقاهرة جاك زول ....
ونزل مع ولدو ,,,ومرات ولدو ... اخر احترامات وغسيل كرعن بالموي الدافي والملح ... حمام محشي وفطير مشلتت .... الخ ! الراجل قعد ليه شهر اهلوا رسلو ليه ؟؟؟؟ ضرررروري حضورك فووووورا ومعك الولد في ايدك ...
صاحبنا عاين لي ولدو كدا وقال ليه ... يا وليدي فتك بي عافي ... وخلينا نحن مع دحيشات شندي ديل ....
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ودعكر
تعرف يوم الجمعة مشيت السوق الشعبى بينى وبينك الموضوع كله جرسة وانت عارف شمس السوق العبى التنعكس من مستشفى الصداقة الصينى الرخامى واول ما وصلت تحول درجات الحرارة الى درجات مرتفعة اثرت على برندات وفراشى السوق الشعبى الكان حنين لتصبح درجات الاسعار كالاتى .
العجور خمسائة درجة جنهية
الليمون الف درجة للكوم(10 قطع)
الاسود الفين درجة للكيلو
الطماطم ثلاثة الف درجة للكيلو
اما الفواكه فكانت كلاتى
وارد كسلا 12 الف درجة للدستة
وارد الجزيرة 10 الف للدستة
اللحوم
تاثرت جزارةالسوق الشعبى بتحويل سلخانة امدرمان العتيقة الى غرب امدرمان مما جعل درجات الحرارة البرتونية تسجل اعلى اعلى درجات ..
اللحوم البتلو بدون عضم 10 الف درجة
اللحوم بالعظم 8الف درجة
المطايب تتفاون فى اسعارها ما بين 5الف درجة و8 الف درجة
وبعد ان تحركت بالركشة من السوق كانت التوقعات بارتفاع درجات السوق الشعبى فى الايام القادمة الا ان وجود الكم الهائل من البطيخ ربما يؤدى الى تلطيف الدرجات الحرارية لتدنى اسعاره
تصوم تفطر على خير
تخريمة
شكرا كتير يا ملك على الكلمات الجميلة التى تعبر عن روعة حروف من كتبها
تحياتى
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
ود عكر وود البشاري والجميع
لكم التحية..
والمعذرة على عدم القدرة على التواصل معكم باستمرار
في هذه الخيمة بسبب زحمة العمل مع ضيق الوقت في رمضان
ونعدكم بالمتابعة..
ترويسة:
انتو ناذر دا ما قال خلا الشعر الاتومسفيري..
شعر العجلات دا جابو من وين!!؟
والله غايتو الزول لمن يكون راميهو حصان!!!
يا ناذر رمضان كريم
وكل عام وانت بألف خير
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: عبد الله عقيد)
|
Quote: ضفرة
حسن البشارى كيف امسيت ... ياخى شفت القرف البيحصل فى العالم ده ياريت كل الناس يشوفوه لكن معليش نحن مقصرين معاهم لانو شغالين مصافى يعنى بنخفف احيانا الاخبار والصور... قلته لى ليالى رمضان ياحليل زمان وسنين زمان ......
بشارى اتمنى ان تساعدنى فى تزكر جيلنا من المشاغبين من جيل الصحفيين ... سيف السودان الحديث..فيصل خالد ..ناس التلفزيون..الفاتح محمود.......... مريم ابشر الراى العام ...المكابرابى..."مامورية السكر الفاتح رئيس التيم ..عصام مصور فتوغرافى ..الخ
ولع زاكرتك وهات ياجميل نحن الغربة عجزتنا ....التحية ليك وانت تثور فى وجة مدير مصنع سكر القربة على ما اظن ايام مسلسل الصالح العام وكدت ان تخرب خطة الجماعة ... |
ود عكر .. مالك تقلب علينا اوراق الزمن الجميل .. يا لها من ايام .. ويالها من جولات ومأموريات بعضها تحت الامطار والرياح .. وبعضها تحت قعقعة السلاح .. وبعضها مآسي لا تنتهي تظل صورها في الذاكرة من بينها مجاعة بحر الغزال واحداث اخرى قد يكتب الله لنا يوما ان نسجلها..
لكن كل ذلك شيء وجولة مصانع السكر ايام الصالح العام كانت شيئا آخر، كنا نريد ان نمارس مهمتنا المقدسة في استقصاء الحقائق والوقوف الى جانب الحق لذا كانت مواجهاتنا مع اولئك المسؤولين ساخنة قوية لا تعرف التردد ولا المهادنة مهما كان الثمن ، لكن آخرون كانوا يبحثون عن اشياء اخرى .. ما علينا تلك ايام لها ما كسبت وعليها ما اكتسبت.
في خيمتك الرائعة يحلو الحكي .. لكن شواغل العمل تمنعنا من الاطالة ..
لكني ساعود غدا انشاء الله بصينيتي العامرة باذن الله بما لذ وطاب من تلك الايام.
لك المحبة الخالصة يارفيق الايام الجميلة
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
Quote: فيصل بوبي
هوووووووووووووووووووووووي |
ود عقيد انت اتكفيت من رمضان هي من حصان ؟
جدي ده اسمو نوبي ما بوبي 
هسي بنادي ليك اوسمان بيطلع ليك في راسك 
ود عكر سلام
انت وين يا حبيب ؟
اها شفت ال (X) دي كيف ؟ بس ما تقول لي انا اختر ال (X) ده من ال (X5) 
ناذر
الاتموسفيريات دي ما رمتك من الحصان ؟
مالك عليها تاني ؟ 
ناصر
انت ما فاضي من الانجيل شايفك بقيت بطيخي في رمضان جعان ولا شنو ؟ 
وليد 500
انت عامل عمره في رمضان ولا شنو ؟
قالو فلاتي عديل كده و الخيمه دي ما نقرت فيها حرف 
تهريجه:
والله يا ود عكر الخيمه بقت عمرانه و الناس يشيلو يكسرو ليك في التلج ما معروف القصه شنو علا لكن ده في الصالح خلينا نرطب في رمضان ده ( من جاه الملوك نلوك ) بس اوعك تنكفي و تركب الحصان و كان حبكت شديد شوف ليك سخيل ما عنبلوق عشان تكون قريب من الواطه و الوقعه ما تأثر فيك 
سمح ! فالح ولدي 
بعدين والله بالجد الخيمه دي رمضانيه
الجكس ما جاها كلو كلو 
انتو ما عزمتوهو ولا دي خيمه ضلاميه ؟ 
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
الأخوان ود عقيد وفيصل ..
Quote: ترويسة:
انتو ناذر دا ما قال خلا الشعر الاتومسفيري..
شعر العجلات دا جابو من وين!!؟
والله غايتو الزول لمن يكون راميهو حصان!!!
|
يا أخوانا أفرزوا وما تفضحونا قدام مثقفاتية البورد ..
شعر العجلة داك ما أوتومسفيري داك شعر تقليدي وكدا كتبتو في بداياتي الشعرية ونهاياتي الشعرية برضو 
طبعا شعر المرثية بتاعت العجلة ديك كان من نوع (المرثيات) أها هسي حا أقول ليكم قصة شعرية تانية من بداياتي ونهاياتي الشعرية وهي من نوع (البهدليات)
طبعا حا تستغربو من الإسم لكن القصة إنو نوع القصيدة دي كنت أول مرة أألفا وأنا كنت قايلا من نوع شعر الهجاء لكن لما عرضتها على شاعر من حلتنا عشان يديني رايو قام قال لي دي من موع البهدلة لإنك إنت ما هجيت الزول دا .. إنت بهدلتو عدييييل كدة ..
والقصة يا سادة إنو زمان كان في واحد جارنا عندي معاهو مشاكل طوالي .. من زمن كورة الشراب وكورة شلفت أو سلقت لو بتعرفوها . ما بنريد بعض أصلو .. المهم الزول دا عمل لي فتنة مع واحد تاني من أصحابي قمت أنا نجرت فيهو القصيدة .. ولمن نجرتها كنت متكيف شدييد منها شاعر روحي ما أقل من جرير الهجا الفرزدق ومن شدة فرحتي بالقصيدة صورت منها كم نسخة كدة وبقيت شايلم معاي .. كل ما ألقى أولاد الحلة متجمعين قدام الدكان او في اللستك الفي الكزرنة طوالي أطلع معلقتي وأقول ليهم القصيدة (طبعا بكون رافع يدي زي صور البروفايل بتاعت الجماعة ديلك!!) أها لمن الجماعة يتكيفوا من القصيدو بقوم أدخل يدي في جيبي وأوزعا ليهم جااهزة ..
صاحبنا (المهجوء به) إن صح التعبير .. بقت سيرتو في لسلن اليسوى والمايسواش وقصيدتي سارت بيها الركبان في أي لمة كورة أو فتة دكان أو لمة قدام محل الصعود .. صاحبنا ما إستحمل المنظر وجا يتشاكل معاي و ....
المهم خلونا من نتيجة الشكلة ونجي للقصيدة البهدلة ..
لي خل رفيق النجس علاجو علي مستعصي
إذا تحرك ضاحكا حمار الوحش في الرفس
جاحظ نتن الرائحة كذكر البوم والتيس
في كل مكان ذاهب يصاب بدائه (اللحس)
في مأتم أو محفل وسط النساء في العرس
فلانة أضحت حاملا وفلان أصابه الفلس
رب هب لي قوة لأحمل ذلك الفأس
وأهويه على الكلب وأحطم طالعي النحس
***************************
فجمعن في يوم مشرق أنا وأصدقائي الخمس
شاهد لكم طوال عمري بشدة الذكاء والحدس
لو تعرفوا هذا الفاسق وأضع في رأسكم الكأس
فقالوا دون تفكير : هذا جارك الحبشي ..
صنفرة :
بعد أن إنتهيت من سرد نماذج من شعر المرثيات والبهدليات خاصتي سأعود لأحكي لكم نماذج من شعر المدح والغزل والرثاء ..
والله يا ود عكر بختك .. شعري التقليدي دا ما حصل نشرتو في بوست قبال كدة .. وإذا الشغلة لفقت معاي ولقيت تشجيع فحا تكون إنت الإكتشفتني 
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
وانا راجع هاكم دىhttp://www.shabiba.com/newsdetails.asp?newsid=22692&catgid=8
ضفرة
وللمستعجل ياها دى...
استثمار مراتع الصبا
مصطفى عكر : الشبيبة
يتميز رمضان بالاضافة الى كونه شهر عبادة وتقرب الى الله بالدعوات , يتميز ايضا بانه شهر الزكريات ,زكريات بداية التدرب على صيامه واداء صلاة التراويح والسهر و السمر فى الليالى المقمرة منه ,وللصيام فى البلاد العربية مزاق مشترك مع نكهة خاصة تميز بين بلد وبلد .
لا اذكر بالضبط متى بدات الصوم ,لكن موكد فى بواكير الصبا الاولى قبل ان يصبح فرضا علينا, ولكنى اذكر تماما الارتباط الوجدانى بين النيل ورمضان خاصة فى ايام الصيف ,اذن الصيف ورمضان زكريات متلازمة فى ماضى الكثيرين من القاطنين بجوار نهر النيل بصفة خاصة لارتفاع درجات الحرارة صيفا , فقضاء يوم رمضان ايام الصبا لايتم بدون تمضية ساعاتة داخل مياة النيل الابيض ,
يبدا التخطيط للرحلة نحو النيل فى سرية تامة ومؤامرة ينسج خيوطها الاكبر منا سنا ونبتزهم نحن الصغار باننا سنفضح امرهم لدى الاباء فيتم المنع التوبيخ فيفقد رمضان نكهته النيليه بل ويفطر بعضنا لايمانه التام بان مياه النيل هى السبب الاساسى فى تمضية اليوم ومن غيرها لا صيام هذا فى حالة اكتشاف امر الرحلة واصدار اوامر المنع بالسير الى النيل .كنا نذهب جماعات متفرقة لكنه متقاربة نخرج من البيت افرادا ,ثم نتجمع فى نقاط مححدة .نذهب الى النيل راكضين مسرعين, نخاف الالتفات او ركوب المواصلات رغم بعد المسافة فى تلك السن المبكرة حتى لايجدنا من يملك السلطة على ارجاعنا .كنا نذهب فرحين ونعود متوجسين واحيانا نعود حزانا لفراق احدناغرقا , ولا زلت اذكر العديد من حالات الغرق التى ذهب ضحيتها عددا من الاقارب او المعارف والاصدقاء ,ثم يمضى رمضان وتمضى ايام الحزن لياتى رمضانا اخرا و تتغير الخطط وتتبدل الاشكال والاشخاص ولكن تعود تعود نفس المغامرات واحيانا نفس الاحزان ونفس الزكريات .
فرمضان ايضا فى تلك الايام كان مصدر حزن لكثير من الاسر التى فقدت بعض صغارها غرقا فى النيل
عادت الى تلك الزكريات وان اقرا خبرا حول استثمار بعض مراتع الصبا على ضفاف النيل الابيض بالخرطوم فى منطقة تشمل غابة السنط وهى التى يطلق علي معظم مساحتها منطقة المقرن اى نقطة اقتران النيلين الابيض بالازرق ليكونا نهر النيل ,فمنظر التقاء النيلين منحا الخرطوم اجمل موقع طبيعى لا يتوفر لعاصمة اخرى فى العالم.
حيث اعلنت شركة السنط السودانية للتنمية عن تطوير مشروع مجمعات سكنية وتجارية في منطقة المقرن بقلب الخرطوم بحجم استثماري يبلغ 4 مليارات دولار. وتبلغ مساحة المنطقة التجارية المركزية( 160 فداناً). بينما تبلغ مساحة المجمع السكني (1420 فداناً وتهدف تطبيق أعلى المعايير العالمية لإنشاء مركز تجاري حديث يكون ملتقى للعمل التجاري العالمي في شرق افريقيا ويتم تطوير المشروع على مرحلتين في آن واحد، المرحلة الأولى بمساحة (160 فداناً) وهي المنطقة التجارية المركزية المصممة على أحدث النظم العالمية، والمرحلة الثانية بمساحة (1420 فداناً)، وتشمل مجمعات سكنية وترفيهية بما في ذلك ملعب عالمي للجولف (18 حفرة).
ورغم حزنى على ضياع بعض ملامح مراتع الصبا بهذا الاستثمار الضخم الا اننى سعدت جدا بعد ان اصبحت تلك الضفاف الجميلة فى السنوات الاخيرة تشكل اكبر مهدد للبيئة وللنظام العام بعد ان اصبحت موقعا لغسيل السيارات والاهمام وممارسة بعض المخالفات القانونية والتى تخدش الحياء العام وملاذ لبعض الهاربين من العدالة والمجتمع.
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
عبدالله عقيد
منتظرين صينتك ومكانك فى الخيمة مرسوم وموسوم..و...مميز كتميز اهل القبيلة
Quote: ترويسة:
انتو ناذر دا ما قال خلا الشعر الاتومسفيري..
شعر العجلات دا جابو من وين!!؟
والله غايتو الزول لمن يكون راميهو حصان!!!
يا ناذر رمضان كريم
وكل عام وانت بألف خير |
ياناذر ود عقيد منتظر ردك الاسفيرى
ضفرة:
مقدر المشغوليات ومساككة الاخبار بس ....خد نفسك واستريح قليلا مع الحبايب بالخيمة
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
بلدى ياحبوب ....حبابك مليون درجة دينار
Quote: ودعكر
تعرف يوم الجمعة مشيت السوق الشعبى بينى وبينك الموضوع كله جرسة وانت عارف شمس السوق العبى التنعكس من مستشفى الصداقة الصينى الرخامى واول ما وصلت تحول درجات الحرارة الى درجات مرتفعة اثرت على برندات وفراشى السوق الشعبى الكان حنين لتصبح درجات الاسعار كالاتى .
العجور خمسائة درجة جنهية
الليمون الف درجة للكوم(10 قطع)
الاسود الفين درجة للكيلو
الطماطم ثلاثة الف درجة للكيلو
اما الفواكه فكانت كلاتى
وارد كسلا 12 الف درجة للدستة
وارد الجزيرة 10 الف للدستة
اللحوم
تاثرت جزارةالسوق الشعبى بتحويل سلخانة امدرمان العتيقة الى غرب امدرمان مما جعل درجات الحرارة البرتونية تسجل اعلى اعلى درجات ..
اللحوم البتلو بدون عضم 10 الف درجة
اللحوم بالعظم 8الف درجة
المطايب تتفاون فى اسعارها ما بين 5الف درجة و8 الف درجة
وبعد ان تحركت بالركشة من السوق كانت التوقعات بارتفاع درجات السوق الشعبى فى الايام القادمة الا ان وجود الكم الهائل من البطيخ ربما يؤدى الى تلطيف الدرجات الحرارية لتدنى اسعاره
تصوم تفطر على خير
تخريمة
شكرا كتير يا ملك على الكلمات الجميلة التى تعبر عن روعة حروف من كتبها
تحياتى |
شكرا مراسل الخيمة فى سوق الحصار "الخضار"السوق الشعبى...
قبل الضفرة....طيب اهلنا الغبش بيفطرو كيف؟!! بالبطيخ.... ربى معاهم
ضفرة
اهم شيى درجة حرارة جيبك ماتكون غطست فى الصفر.... شكرا ياجميل ...انا دايما راجى رجعتك وطلتك
| |
|
|
|
|
|
|
|
|
|
Re: من الان ..كلكم معزومين فى رمضان ... ماعدا شلة التهريج !! (Re: WadAker)
|
البشارى الرائع........
| Quote: .قد يكتب الله لنا يوما ان نسجلها |
يجب ان نفكر جديا فى ذلك ..الايام تمضى والاعباء تزيد والزاكرة تضعف قليلا قليلا..
Quote: في خيمتك الرائعة يحلو الحكي .. لكن شواغل العمل تمنعنا من الاطالة ..
لكني ساعود غدا انشاء الله بصينيتي العامرة باذن الله بما لذ وطاب من تلك الايام.
لك المحبة الخالصة يارفيق الايام الجميلة |
ضفرة
انه الوعد والانتظار صديقى ....
| |
|
|
|
|
|
|
| |
ناذر محمد الخليفة
فيصل نوبي
waleed500
nasiradin
حامد بدوي بشير
Murtada Gafar
عزيز عيسى
بلدى يا حبوب
حسن البشاري
gamal elsadig
الزنجي
عبد الله عقيد
هشام هباني
Dr. Moiz Bakhiet
فيس بوك
تويتر
انستقرام
يوتيوب
بنتيريست