|
|
|
 Re: بالنسبة للرغيف ..! (Re: خضر حسين خليل)
|
نحنا يامعاوية لي هسي ما اتعشينا بتاع الدكان قال ماعندو حتي التلاتة رغيفات مشينا الطابونة لقيناهم نامو
قاعدين نفكر هسي نلقي لينا مخرج شرعي عشان نضرب الفول القاعد قدامنا من ساعتين بي قراصة
خمسة بوصة
تحياتي للتميس والرغيف الماخمج بتاعكم داك
ـــــــــــ
في برد هنا ياصاحب
برد شديد
| |
  
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
يا داااااب انا عرفت هيثم قاصد شنو لما قال
و نحن نضالنا جوا البيت
نضال بالبوش نضال بالزيت
نضال فاطر و ما اتغديت
نضال فيه الصغير و كبير
و نشرب فيه موية النيل
من تلاجه او من زير
و ما اختلفت مفاهيمنا
و من توتيل و حتي اويل
حتفضل يا وطن عيدنا
التحيه لشاعرنا الجميل هيثمكا
| |
|
|
|
|
|
|
|
|
|
Re: بالنسبة للرغيف ..! (Re: حسبو عكاشة)
|
أنا افتكر ياحسبو انو هيثم بالغ في حلمو
ياخ هو وينو نضال البوش زاتو
قول ليهو التلاتة رغيفات بقت بجنيه
ونحنا لينا ساعتين نفتش وملامين فيهم زاتو
قال نضال بالزيت قال
والله ده نضال بالدكوة عديل
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
مالو؟ الرغيف؟
دايرو بلاش لعلك؟
موش كويس انو بقى في رغيف من أصلو؟
نسيتو يا شحاتين زمن تقيفو بالصف؟
العيش ده عرفتو متين أصلا؟
بكرة السكر و نرجعكم للشاي أبو عجوة
تعالوا اتشكو وقولو السكر بقى غالي
بعدين موش قالو ليكم حترجعو لعواسة الكسرة؟
وتيب؟
___________
سيادة الرئيس: شعبك ده غلباوي وما شاكر ولا حامد وهمو بطنو
شيلو اجدعو و جيب بدلو ناس تانين بيعيشوا بالطاقة الشمسية!
| |
|
|
|
|
|
|
|
|
|
Re: بالنسبة للرغيف ..! (Re: عزاز شامي)
|
خصمتك بي سيدي الحسن كما كانت تقول جدتي ياعزاز
ان مافتشتي باقي ليلك ده وسمعت محمد النصري وهو بغني :
دسيني من الظلمة فيك
الليل دخل والميس بعيد
ياخ بقينا نتعشي صبر وغناوي يازولة
جوع وبرد وغايتو
فالححيا النضال
| |
|
|
|
|
|
|
|
|
|
Re: بالنسبة للرغيف ..! (Re: محمد الجيلى)
|
يا ود الجيلي
انت زول ولا ظابط ياخ ؟
أنا لو اتعشيت البخليني اصاقر النت شنو ثم البخليني امر ساي علي عنوان كاتبو أخونا في الجهاد ودالباوقة شنو ؟
نحنا لي هسي بنفكر نجابه الأزمة دي كيف
بنفكر نعمل نشوف لينا خطة بديلة للرغيف
ـــــــــــــــــ
شكلك كده متعشي والله
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
قائمة بالأسعار التي تتخذ من المنهج الديالكتيكي (بتاع) الثابت هو المتغير شعاراً لها :
واحد : الرغيف
اتنين : السُكر
الثلاثاء : الطماطم
الأربعاء : البدقيق
الخميس : الزيت
الجمعة : البطاطس
السبت من بداية كل أسبوع : المواطن السوداني (الحاجات ماشة تغلي وهو ماشي في الرخيييييييييييييييييييس)
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
يا خدر الحكومة دي لمن جات لقت الشعب شحاد....معقوله بس....رغيف شنو و رفاهية شنو...
قال رغيف.....
الشعب ده مفروض إتصرف......الحكومة ما فاضيه...الفيها مكفيها....
رغيف...
معقوله بس.....
| |
|
|
|
|
|
|
|
|
|
Re: بالنسبة للرغيف ..! (Re: Nader Abu Kadouk)
|
ابوكدوك ياصاحبي
معاذالله ياخ انو الحيكومة غلطانة
غلطانين نحنا المازرعنا وما دققنا وما بتاع
غلطانين نحنا الماعندنا قروش نجيب بيهم رغيفات الحكومة التلات
غلطانا زمنا ياصاحبي البخلي شعب زي الشعب السوداني يتسول موائد اللئام
ياخ الحكومة ماقصرت شيدت وبنت وعملت ووووك وروروووك
ببقي التقصير ده مننا نحنا كشعب
المفروض يكون عندنا قروش
والمفروض نشتري الرغيف بالسعر الجاي
والمفروض زاتو كان عندنا دم ما ناكل
الماكلنها شنو يا نادر أو كما قال محمد موسي
يخسي
علي دمنا البارد ده
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
بالمناسبة ياناس الخارج
في هذه اللحظات استقر رأينا علي انو نتعشي قراصة وبالتالي نشكركم علي الدعم والمساندة
اها ربنا يفيدنا بما يلزم فطور الغد
والرزق في خواتيمه تلاقيط
يا بتوعين المؤامرات التي تستهدف شعب السودان
| |
|
|
|
|
|
|
|
|
|
Re: بالنسبة للرغيف ..! (Re: لدن جعفر)
|
يا لدن
انتي زاتك وين في الهيلمانة دي
قلتي لي آكل كيك وأنوم
جدن يازولة لكن خلايق الله المعاي ديل يات كيك بكفيهم
ديل قوم لا يشبعهم الكثك يالدن
ثم عليك دينك ورينا أخبارك يا صديقة
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
يا خضر يا بن حسين،
ليس بالخبز وحده يحيا الإنسان،
فبالله عليك ما تعمل "خوته"، الحكومة تجيب من وين؟
أما تناهى لمسامعك بأن الرئيس نفسه ماهيتو ما مكفياه، ويستعين بإخوته لتصريف بعض شئونه؟ طيِّّب!
__
عليك بالأسودين يا صاحب، وإن لم تسطع، عليك بأسودٍ واحد، وإن لم تستطع نوم ياخ!
| |
|
|
|
|
|
|
|
|
|
Re: بالنسبة للرغيف ..! (Re: خالد العبيد)
|
Quote: في هذه اللحظات استقر رأينا علي انو نتعشي قراصة وبالتالي نشكركم علي الدعم والمساندة
|
شوف يا خضر عندكم قراصه.....معقوله بس....
تتعشى و تدعو لامير المؤمنين الليل كلو....
معقوله بس...........
| |
|
|
|
|
|
|
|
|
|
Re: بالنسبة للرغيف ..! (Re: خالد العبيد)
|
Quote: يا بتوعين المؤامرات التي تستهدف شعب السودان
|
ياخ ما تنوم نومك
عيش مافى اكل كنافة
كنافة مافى اكل مشك....
كرهتنا ياخ الحكومة الحكومة
انا لله منك ياخ
جنك اكل اكل اكل
هسه انا قدامى بيك حراق
ما عندى نفس اتعشاء
لانو نسيت التوم.............
جاتو برضو مافى!!!!!!!!
اتصرف خلينا ننوم تنوم
السهر
تعيش الحكومة ظاااااتو
خدر عليك شوية لحم خنزير
من بتاع الصداقات رسلو لخضر
حسين......
| |
|
|
|
|
|
|
|
|
|
Re: بالنسبة للرغيف ..! (Re: معاوية عبيد الصائم)
|
Quote: تضحك يامورتا
يا بني آدم ده منعطف تاريخي البضحكك شنو نصايص الليل |
نصايص الليل زيدينى بالشذى والطيب عودينى
منعطف شنو يا بني آدم انت!! هو فضل فيها إنعطاف نحن منعطفين لينا سنين وكملنا كل المنعطفات التاريخيه يبدو انك حاسدني ساااي في شبعتي دي ؟؟
| |
|
|
|
|
|
|
|
|
|
Re: بالنسبة للرغيف ..! (Re: معاوية عبيد الصائم)
|
الغايظني بالجد انو فروع الخارج بتوعين (شعب سودانيز اونلاين ديل) قايلني بهظر
وحاتكم مافي ولا رغيفة في حلتنا
فشدو حيلكم معانا ياخ
ــــــــــ
موسم غريب لاتعرف تشد حيلك ولا تشد فول ولا تشد كبكبي
والشدة علي الله ياجماعة
أين الأمم المتحدة ياخ من الهيلمانة دي ؟
جيبو لي زول مسؤول ياخ عشان نحاورو ويحاورنا ويعرف بالذي فينا من مسمار
| |
|
|
|
|
|
|
|
|
|
Re: بالنسبة للرغيف ..! (Re: معاوية عبيد الصائم)
|
يا خضر هذا صحن البوش الذي امامك ضربناه يوم الخميس الفات انت عارف مكلف كم !!
18 رغيفة(صغااااار) ---- 4.5 جنيه
فول ---- 1.5 جنيه
سلطة(طماطم + بصلة + شطه خضراء+ دكوة) ---- 3 جنيه
جبنه+ شمار ---- 1.5 جنيه
---
و تقول لي :: نضرب البوش المدنكل و نشرب الشاي عند جميله
والله انك متفائل
| |
|
|
|
|
|
|
|
|
|
Re: بالنسبة للرغيف ..! (Re: Haitham Elsiddiq)
|
Haitham Elsiddiq سلام
Quote: إنت ياحسبو قصدك موية جبنة صاح....
لأنة بوشك دة معلم اللة من الجبنة....... |
يا حليلك, انت من زمن الجبنه الما خمج ؟
هسه الجبنه بي جنيه بقت شمومه :)
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
| Quote: الرجاء من الأخ حسبو حذف صورة البوش اعلاه تقديرا لظروف الجوع التي يمر بها صاحب البوست |
انت مفروض تكطم يا عمك
لأنو لو خضر عرفك كل يومين بتضرب سمك عند التاج ممكن ينتحر عادي
انت ذاتك بتبالغ كل يومين سمك سمك سمك ّ؟
حـوت انت
| |
|
|
|
|
|
|
|
|
|
Re: بالنسبة للرغيف ..! (Re: حسبو عكاشة)
|
نجيكم باكر يارفاقا
والامنيات انو الجنيه السوداني يحافظ علي صدارة الدوري الممتاز
فما ممكن مازيبي تنضرب تلاتة
وكيس العيش يبقي تلاتة
والتحية للجنية السوداني وهو يواجه انتر ميلان
في مباراة العشاء الاخير رغم انف حسبو عكاشة ومورتا
ولانامت اعين السمك
| |
|
|
|
|
|
|
|
|
 Re: بالنسبة للرغيف ..! (Re: عبد المنعم سليمان)
|
Quote: المقصود السكر وليس السكر
والسكر يستخرج من معصور البلح
بس ما يلم فيكم قدو قدو |
قدو قدو هين يا خضر الخوف تسمع كلام منعم دا يلم فيك العسكري الشايل الصفاره داك يشبكك تيييت تيييييت مع البرد دا للصباح
بمناسبة تيت تيت دي انت يا حسبو عمو امين واميرة الشيخ اخواانك في الضهب وين الأيام دي ؟ اسي عليك الله كان ليوم داك سقتو معاكم خضر حسين دا ضهب معكم برضو مالو!!؟ كان اكل من المشويات ما يقينا بوسته الإنصرافي دا قال بالنسبة للرغيف قال !! رغيف شنو الداير تاكلو ياخ الناس بقت تاكل الزلط وانت لسه بتسأل عن سبب الزيادات في الاسعار !!!!
| |
|
|
|
|
|
|
|
|
|
Re: بالنسبة للرغيف ..! (Re: عبد المنعم سليمان)
|
دة نفس بتاع الدكان الكنت فاتح ليه بوست قبل يومين يا خضر
بقيت دكاكينى خالص خليت نضال الفيل وبقيت تطعن فى سيد دكانو
دى فوايد الزواج خلتك تلتصق اكتر بالدكاكين والمعايش الما جبارة
متوقع بوستك الجاى عن صعوبة غسيل عدة العشا فى البرد النزل دة
| |
|
|
|
|
|
|
|
|
|
Re: بالنسبة للرغيف ..! (Re: سمير شيخ ادريس)
|
والله انك لرجل متفائل ياسمير شيخ ادريس
ياخ بتاع الدكان والسكر والدقيق ديل ياهم الفيل زاتهم
غايتو الواحد تشابه عليه الفيلة في البلد دي
اولم تسمع الشاعر هيثم وهو يهجو قائلاً :
ونحنا نضالنا جوة البيت
نضال فاطر وما اتغديت
نضال بالبوش نضال بالزيت
أولم تنتمي بعد ياسمير الي حزب الكسرة ؟
ثم ياخ هي وينها زاتها العده البتت###### عشان يغسلوها ؟
موش قلت ليك متفائل
أسمعني الليلة كان ماظهرت لي تاني ماداير معاك نهائي
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
خضر حسين إنت لى ما بتفكر كويس
قالوا ليك رئيس الجمهورية مسكين بساعدوه أخوانو فى المعيشة
يعنى داير تفكر فى رغيف
إنت يا خضر مرتك ما بتعرف تعمل الكيك والباسطة
الرغيف دا ما عندو بدائل
والملاح ممكن تعملوا بدلوا مكرونة بالبشملى
والمفروك جميل وخلى أمك تعوس ليكم
عالم متفلتة ولا تسمع كلام قياداتهاياخ مارى أنطوانيت أقصد
وزير المالية دا مالك مابى نصيحتو
| |
|
|
|
|
|
|
|
|
|
Re: بالنسبة للرغيف ..! (Re: زينب بدر الدين)
|
زينب بدرالدين
ازيك يازولة
كيك وباسطة شنو يازينب
نحنا الدقيق مالامين فيهو زاتو
ثم ياخ كيك وباسطة معناتها زيت ودقيق وبيض وسكر
وبالتالي الحكاية ممكن تجوط عديل
فنعمل شنو نحنا بالظبط أو بالضبط أو بالربط ؟
حيرونا وحيروا معانا غنم ابليس
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
صباح الخير يا قريبي ان شاء الله تكونو فطرتو انجليش كيك و مربى فراولة
Quote: معاذالله ياخ انو الحيكومة غلطانة
غلطانين نحنا المازرعنا وما دققنا وما بتاع
غلطانين نحنا الماعندنا قروش نجيب بيهم رغيفات الحكومة التلات
غلطانا زمنا ياصاحبي البخلي شعب زي الشعب السوداني يتسول موائد اللئام
ياخ الحكومة ماقصرت شيدت وبنت وعملت ووووك وروروووك
ببقي التقصير ده مننا نحنا كشعب
المفروض يكون عندنا قروش
والمفروض نشتري الرغيف بالسعر الجاي
والمفروض زاتو كان عندنا دم ما ناكل |
انا سعيدة انو انت عرفت غلطك ... تاني ما تعمل كده
تاني مرة لما العيش يبقى غالي عليك اعرف غلطك و نام على لحم بطنك من سكات
يا خدر دي دولة، دولة، عارف يعني شنو دولة؟
يعني مهمتها تدودي بيك و تخليك تلف صينية
حسي انت وقفت لف علشان تعترض ...
ما غلط؟
| |
|
|
|
|
|
|
|
|
|
Re: بالنسبة للرغيف ..! (Re: احمد محمد احمد عتيق)
|
يا خضر
ياخي بقيت بتاع نقة ياخ...كلامك بقي كتير..قلل الكلام (بنجتا مرسكر)
شنو بتاع الدكان سرقنا وحنوم جعانين ...بالطريقة دي انا بضرب لاخوانك الكبار ...ده شنو شيل الحس الانت فيه ده
هسة يتلموا عليك يرسلوك السعودية بنين تاني...خليك جعان احسن ليك
| |
|
|
|
|
|
|
|
|
|
Re: بالنسبة للرغيف ..! (Re: GamarBoBa)
|
يا خضر ياخ يعني لازم رغييييف؟. ياخي اعملو فطيرة زي فطاير " الجدة بطة" او اكلو "جاتوه" لووول
ياخوانا حد يصحي ماري انطوانيت وبالعدم لويس الرابع عشر 
محبتي
| |
|
|
|
|
|
|
|
|
|
Re: بالنسبة للرغيف ..! (Re: الفاتح ميرغني)
|
يا خضــر ..
انت زول ما بتعرف اتاري .. الرغيف ليك شنو ..
ذكرتني الزميل ( عاشق سوداتل ) الكان مجكس واحدة بالتلفون .. كل مرة بتقول ليهو دقيقة ياخي ( طالعة فوق و بجيك ) ..
في النهاية اكتشف انه بيتهم جالوص .. و لحدي هسع متحير فوق دي وين ..
..
..
هسع بالبوست دا داير تورينا انك بتاكل رغيف ..
صحي الغرض مرض .. !!
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
ياخضر رغيف شنو ياخ ؟
هو زاتو قالوا بجيب ال DIABETES .
..
الصبر بس .
ياخضر عمك ود ضحوية قال :
يوما كربتيت ويوما عشانا ربيت
ويوما نكتح التابا وعليها نبيت
اسمع كلام عمك ودضحوية ياخضر . نحنا بعد ده بس ربنا يعوضنا الجنة .
51 سنة من التضهب مابين سنين النميري والبشير والرغيف .
واقعد عافية .
| |
|
|
|
|
|
|
|
|
|
Re: بالنسبة للرغيف ..! (Re: خضر حسين خليل)
|
الصبر يا خضر .
قالوا يا خضر فى زول سياسي وعارف نفسو فاشل . قام رشح نفسو
فى الانتخابات تاني .
وكتب تحت صورة الترشيح بتاعتو :
( وعسي أن تكرهوا شيئا وهو خيرا لكم )
| |
|
|
|
|
|
|
| |
خضر حسين خليل
محمد الجيلى
معاوية عبيد الصائم
حسبو عكاشة
مرتضى احمد عبد القادر
Nader Abu Kadouk
Yassir Tayfour
خالد العبيد
عبد المنعم سليمان
سمير شيخ ادريس
زينب بدر الدين
الفاتح ميرغني
humida
Osman Musa
فيس بوك
تويتر
انستقرام
يوتيوب
بنتيريست