|
ويــــن اليَقِيـــن ؟
|
وين اليَقِين ؟ يمْلانِي كِيف الانْتِظَار ..؟ وأَنَا جَدْ مَوَشَّح بالتَعَبْ رَهَقْ المَطَارات المُدُن ضَجَّتْ عَواصِم فِي خَوَاطْر الإِفْتِكَار .. فَقَدَت عِيوني الدَهْشَة كِيف الانْبِهَار ..؟ يا فَرْدَة الرُّوح الغِياب جُوز مِنْ وِلِفْ علَّمْنَا بُعْد الشِّقَة مَعْنَى الانْشِطَار .. رُوح شُوفْنَا مَا مَلَّت طِيوف آآآآآآآي تَقْرَا سَاسَاقك حُروف فَرْكَة كَعَبْ جُوّة القَصِيد بِنْفَتِّشَك .. نَفْرَة حَوَاس جُوانَا كِيف نِتْنَفَّسَك ..؟ أَمْرُق عَشَان يتْشَرَّبَك وطَنِي العِطِش واتْنَفَّسوك رِئتِين ضَاقَتْبَهِنْ أقْفَاص صُدور العَاشِقِين ومِنْ ويِن أَجيِب لِيك اليَقِين شَان ما تَخُش غُنْواتي أَقْعُد اَنَقْرِشَك.. واتْوَنَّسَِك صُوتاً يِبِح يِحْكِيكَ واتْنَاسَب مَع الحُجا فِي ازْدِيَاد كُلَّما زَاد الحَنِين تِزْداد وَتِيرَةْ قِصَّتَك نَبْرَاتا مَا بتْسَاوَمَنْ فِي نُصْرَتَك وَكْتِين تَحَاصْرَك غُرْبَتَك يَا مَافِي ومَوَسَّد فِي الحَشَا والعين غير الخََيَال مَا شَافَتَك
نِتْكَافَى شَرْ الغُرْبَة كِيف ؟ وِاحْنَا بنَحَنِّس فِي السَفَر شَان مَا يَجِي ويَاخُد حَبِيبْ .. نِتْعَشَّم الخِير فِي الطَشِيش نِتْبَاشَر الضُل فِي هَجِير الرُّوح ومَجْرُوحَة العِيون بالغِيبَة جُرْحَها مَا بِطِيبْ .. شِنْ قَدَّر القَمْرَة الطِلوع نُصَّ النِهَار ؟ وإِيشْ رَاح يَسْوق الشَمْسِ شَانْ مَا تضَوِّي لِيل ؟ وأَنَا نُصَّهِنْ زَي الغَرِيبْ .. السَكْتَة مَسَخَتْ الكَلام بَسْ طَالَنْ الغِيبَاتْ عَليّ النَّسْمَة مَابْتَجِي فِي الغِفِار القِسْمَة بِتْدُور انْتِظَار العِزَّة إِيه دُون افْتِخَار وأَنَا عِزَّتِي أَحْبَاب بِيَقْدِلوا فِي حَدَايّ
26/9/2009م
مرفق : حبي الكبير بـــادي
|
|
|
|
|
|