|
|
 ردد الدهر حسن سيرتهم ما بها حطة ولا درنُ ..
|
عندي حالة بتاع سوء فهم كدا ..
ما عارف اتعاطف مع البت و لا مع العسكري ..
في حاجة بتقول لي انه العسكري ضحية اكبر من البت ..
اذا تجاوزت البت محنتها .. هل يمكن انه يتجاوز العسكري غبائه و عفنه و ذله ووضاعة حاله ..
هل تكفي كوتة سكر و كم جنيه بالقديم و لا بالجديد ما فرقت .. لكي يتمكن العسكري من انه يطلع من جردل العفن بتاعه دا ..
ناس الجزيرة عندهم برنامج اسمه للقضية بقية .. بديك صورة اشمل ..
نواصل في الفيديو .. جلدوا البت .. كوركت .. ضحكوا ..
المفروض انه العسكري دا مشى ركب مرسيدس لحدي بيتهم .. و لا ياهو اداها تمليحة في المواصلات ..
البيت ما اظن في كافوري ..
الام عيانة .. و الاخت و لا البنت ما اظن حالها حيكون احسن من حال البت الجلدوها ..
نفس الظروف و نفس العفن ..
في قصة فيلم .. متداولة بكثرة .. بتحكي عن وباء يحل بمدينة .. و يصبح الاغلبية آكلي لحوم بشر ..
و ما بصلوا للحالة دي ألا بعد ما يموتوا ..
يا ربي يكون الناس ديل ماتوا .. و لا نحن متنا .. و لا في شنو زاتو ..
الحكومة بتقول البنات ديل قليلات ادب اجلدوهن عشان ما يقلن ادبن ..
الناس بتقول الحكومة طلعت دينا .. لمن البنات بقوا قليلات ادب ..
العسكري يجلد ..
الحكومة ماضية في غيها ..
و الناس تموت .. و العسكري لسع بليد ..
العسكري بمشي بتعليمات ..
صفا انتباه .. للشمال دور .. ارجع ورا شوية .. تعال قدام .. ايوه كدا مزبوط ..
و المعارضة تتحدث عن الديمقراطية و روح القانون .. و الكورة دي بلتني و لا تسلل ..
ياخي حودة جلدوهو في السوق .. ان شاء الله يعملوا ليها فلايت ..
ما فرقت ..
اي والله ما فرقت ..
يعني شنو جلدوها ..
مش احسن من ما يكتلوها و يجدعوها في اقرب خور ..
و الله الجلد نعمة .. و ربما اصبحنا ناس كافرين بالنعم و كدا ..
يعني جلد و كفر .. و عسكري بليد ..
في سنة 94 .. في شارع المدارس .. قال لي تعال .. ضابط في بوكسي ..
اداني كف ..
و قال لي شتت ..
حمدت الله ..
شفتوا كيف .. كل ما كنت صغير كان ايمانك اقوى .. و شكرك لله قريب ..
نحن محتاجين نكون صغار .. عشان ما تأثر فينا المواقف دي ..
* العنوان مقتبس من اغنية للاخ العطبراوي .. بنشكره و بنقول ليهو هاردلك .. 
|
|
  
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: ود الباوقة)
|
ود الباوقة .. ازيك يا راقل ..
ما اندياح فني .. بس حالة من التوتر بتجي للناس المفلسين ..
امبارح و انا في طريقي بالسيارة علي قولة اخوانا السعوديين ..
طلعت شريط للاخ المناضل حسن خليفة العطبراوي ..
شبكني ليك انا سوداني يا ناس .. و يا غريب يلا لبلدك .. و كيفن يرضى ويستحمل قليبو الزمن قساه نسى إخلاص حبيبو ..
بيني و بينك اندهشت ..
و اعتبرت ان الاخ العطبراوي بهظر .. اكيد ما كان قاصد ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: امير مصطفى احمد)
|
| Quote: بركة الجيت بركة الجيت |
يا مولر .. بصراحة كدا انا زعلان منك ..
انت مسجل في المنبر دا من 2007 ولحدي هسع ما وصلت 2000 مداخلة ..
انت يا زول ما قاعد تشجب شكلك .. ما زول شجاب انت ..
حاول تشجب و تعوض الفاتك .. اصلو بلدنا دي من كترة البلاوي الفيها .. محتاجة لتحالف قوى الشجب العاملة ..
اشجب اشجب .. و جهجه الشجب في حنانو ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: عصام دهب)
|
| Quote: ليك وحشة قدر السماء وطويراته وقدر البحر وسمكاته |
يا دكتورة .. انتي بتجيبي الكلام السمح دا من وين ..
يديك العافية يا ستي ..
بالنسبة للايناع و حصاد السمسم .. انا لو ختاني بكرى .. و استوعب كلمة ديمقراطية .. او بالميت اتعلم من اوباما ..
كان سيكون دواسا شريفا منقح من كل عيب ..
هسع دي انا راجع بتعهدات انه امسك خشمي علي .. و تحسين السلوك مع كل من هب و دب ..
يعني بالعربي كدا .. ثابت مكانك ..
لكن ما عليك .. بعد يومين كدا .. بوصل لحالة .. سجن سجن غرامة غرامة ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: humida)
|
| Quote: متين العودة تاني يا .. |
يا شنو .. ما تتمها ..
ألا تعلم يا سيادة المستشار اننا قوم متحسسون .. ( متحسسون ما من حسس .. من حساسية ) ..
يعني عادي يا نقط بتاعتك دي .. ممكن امشي بيها اقرب محكمة افتح فيك بلاغ ظني .. و ادخلك في حتة بتاعت فعل جنائي و كدا ..
و اجيب لي كم واحد كدا يقعدوا يشجبوا في النقط بتاعتك دي .. لمن يطلعوها ليك ورم خبيث ..
انت قايلني وهم و لا شنو ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: humida)
|
يا ( أخانا) الذي عاد من ( الإيقاف ) ..
إن كان هذا مدخلك ..
فأرى أن ( العودة تاني ) على وشك ..
فتحسس كيبوردك يا مان ..
Quote: ممكن امشي بيها اقرب محكمة افتح فيك بلاغ ظني .. و ادخلك في حتة بتاعت فعل جنائي و كدا ..
و اجيب لي كم واحد كدا يقعدوا يشجبوا في النقط بتاعتك دي .. لمن يطلعوها ليك ورم خبيث ..
انت قايلني وهم و لا شنو .. |
لا حولااااا ..
إنتا خلي بالك بقيت مناضل عدييل كدة ..
دة ما كان العشم يا صاحب ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: ياسر بيناوي)
|
ضلامك سابق يا حبيب ..
بس انا عندي معاك حديث ..
البت الفي الفيديو دي .. ما اظن بهم كتير هي عملت شنو او ما عملت شنو ..
و برضو ما بهم ان الحكومة كعبة و لا ناس المعارضة ما عندهم موضوع ..
المهم في الامر انه في زول دقوه دق العيش .. حقارة و قلة ادب من العسكري ..
و بما انه انا باي ديفولت بكره النمل و العساكر و شاي لبتون الاخضر بالنعناع ..
قررت اني اشجب .. يعني الناس الشجبو احسن مني في شنو ..
لكن و الله مندهش من حالة الغيبوبة البتعيش فيها المعارضة و الاخون الكمناضلين ديل ..
العسكري دا ممكن يقول دي تعليمات .. لانه العسكري دا زاتو مبرمج ان ياخد تعليمات و يديك طلقة في راسك ..
المجتمع الانتج ذي البت دي البحاسبو منو .. و يحاسبوهو علي شنو و يخلو شنو .. و يحاسبوهو ليه زاتو ..
و البت دي زاتها ذنبها انها تكون كدا ليه .. و ذنبها شنو تتجلد .. و ذنبها شنو يصوروها .. و ذنبها شنو يتاجر بيها الكمناضلين ..
و الادهى و الامر .. ذنبها شنو اشجب ليها انا ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: ياسر بيناوي)
|
| Quote: لكن ما عليك .. بعد يومين كدا .. بوصل لحالة .. سجن سجن غرامة غرامة .. |
لا ما خايف عليكـ أصلو
خصوصاً وانت ضايق ليكـ كف من ضابط سنة 94 ؟؟
لا حولاااااااااااا جمل انت ؟؟
ده بيت القصيد اليومين ديل
انت بس أختا البين قوسين داكـ ( . ) وما بتجيكـ عوجه 
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: طلحة عبدالله)
|
Quote: وعايز أقول ليك أنو شيل العدة حق الرجال زي السجن تماما
ويا ما رجال شالوا عدتم وظلوا رجال حتى وعدتم مافي .. |
يا طلوح .. اديني تلاتة اسابيع و بعدين برد علي مداخلتك دي ..
هسع دي جاي يا دوب .. داير اسلم علي الشباب .. و اشوف قروشي البره عند الناس ..
و احتمال كبير .. افك ليك العدة كلها .. تتعلم بيها كسب العيش ..
| |
|
|
|
|
|
|
|
|
|
Re: ردد الدهر حسن سيرتهم ما بها حطة ولا درنُ .. (Re: Abdelmuhsin Said)
|
هسه دا شجب دا ؟
الشجـبان ذاااتو راح ليك ؟
ش######## وخايف ! جهجهت الشجب ذاتو
ما تشجب عدييييل مالك ما بتعرف !
يعنى ح يبقو علينا الحادث وحميدة !! ..
اعتقد ان الوقت ما كان مناسب ابدا
لاطلاق سراحك التوقيت سىء ياخ
ــــــــــــــــ
صدق يا حميدة فقدتك من قبل الشجـبان
لكن ما قايلاك موقف .. قلت الود نضج عقله!
فى كلام ما قادره اقتبسوا ليك ولا حاجة لكن
بصراحة قلبت فيه الهوبة كان روح الش######## ..
| |
|
|
|
|
|
|
| |
humida
omer osman
محمد عمر جبريل
امير مصطفى احمد
عصام دهب
الامين موسى البشاري
ياسر بيناوي
الخير محمد عوض
عمران حسن صالح
طلحة عبدالله
معاذ حسن
ABUHUSSEIN
مزمل خيرى
Abdelmuhsin Said
دينا خالد
فيس بوك
تويتر
انستقرام
يوتيوب
بنتيريست