|
Re: قصة الفيديو الحقيقية كما يلي : (Re: jini)
|
خطة الامن الفاتت طرشقت فتشوا فى قصة جديده. عار عليكم يا رمم. المعايش جبارة، لكن برضو اهلنا بقولوا الله ما شقا حنكاً ضيعوا، خت الرحمن فى قبلك بتقدر تعيش دون الحوجه للدهنسه و التملق دا.
| |
|
|
|
|
|
|
Re: قصة الفيديو الحقيقية كما يلي : (Re: abubakr salih)
|
لالالالالالالالا وين ينزل أصلوا مافي طريقة البوست لازم يكون فوووووق
شوف يا باشا عندك حلين الأول تجيب الحقيقة كما يلي
والتاني ما عندنا ليك غير أنو المعايش جبارة ويا جماعة خلوني أسترزق
كده بنخليك
وللعلم والفائدة العامة مافي إييييييي طريقة بلع .. تشد حيلك بس وتاكل نارك نص النهار ... يا جماعة واضح أنو الكيزان في أمراً ضيق
أهااااااااااااااااااااا منتظرين الحقيقة كما يلي
أنتو رحمتوها عشان نرحمكم
| |
|
|
|
|
|
|
Re: قصة الفيديو الحقيقية كما يلي : (Re: معاوية عوض الكريم)
|
كدي أول أدين لينا الطريقة المذلة التي تم بها جلد الفتاة عشان نقيم درجة مصداقيتك وبعدين أحكي لينا القصة الموضوع دا مستحمي خالص يا معاوية لا دين ولا خلق ولا تقاليد ولا أعراف بتقبله إطلاقا مهما يكن جرمها الذي ارتكبته فليس لأحد حق إهانتها وإذلالها بهذه الصورة المقيتة كل الذين ظهروا في الفيديو من حراس الفضيلة!!! لا فضيلة لديهم ... فهم أناس ملأ الحقد قلوبهم وأعماهم ولاءهم للنظام عن الحق لن يصلح أي عطار ما أفسده هذا الفيديو فأرجو أن تجعل بعض نساء بيتكم يشاهدن هذا الشريط إن استطعن واسألهن عن رأيهن وتعال بعدين قول لينا الحقيقة في قصة الفيديو دا.
| |
|
|
|
|
|
|
Re: قصة الفيديو الحقيقية كما يلي : (Re: معاوية عوض الكريم)
|
يعني ليه علاقة بهلال موردة
__________________________________
عارفك يا معاوية عايز تقول دي شرطة المحاكم و ما تابعة لشرطة النظام العام وقانونها مختلف لا لكن أس المشكلة في قانون النظام العام و المواد الفضفاضة الفيه والعقوبات المنصوص على اغلبها بالجلد الغير حدي وترك أمر تقييم المخالفات للشرطي , و شهادته في المحكمة كافية للإدانة و طبيعة المحاكمات نفسها التي لا تستوجب وجود محامي حاضر عن المتهم ولا توفره له إن عجز ثم تنفيذ العقوبة الفوري لا يتيح فرصة للإستئناف وهو حق للمتهم المدان و المصيبة الكبرى في الإعتقال و التفتيش و إقتحام البيوت بدون إذن نيابة ودا في حد ذاته فظيع فظاعة الإدانة و العقوبة في مجتمع زي مجتمعنا مجرد حديث افراد النظام العام معك فأنت مدان و مصاب في سمعتك و شرفك كان راجل كان مرة ناهيك عن اعتقالك و ركوبك سياراتهم لو كان افراد شرطة النظام العام وقضاته ملائكة لأفسدتهم السلطة المطلقة المخولة لهم و الضوابط و المواد الفضفاضة التي تحكمهم فما بالك وهم من تعرف ما بلغوا من السوء و الفساد و استغلال السلطة في الإرهاب و الإبتزاز - إلاّ من رحم ربي منهم
يا معاوية انت قانوني ما تنظر للموضوع من ناحية سياسة و حكومتي ومعارضتك الضرر الواقع من القانون المعيب دا وتطبيقه السيئ يحيق بالحميع بما فيهم مناصري الحكومة ممكن تكون ماشي مع زوجتك او اسرتك ويقابلك من يبتزاك ويحاول يرهبك استنادا على هذا القانون و الجو الاشاعه في البلد ودا ما ح يفرز تاييدك للحكومة من معارضتك ليها
| |
|
|
|
|
|
|
Re: قصة الفيديو الحقيقية كما يلي : (Re: محمد المسلمي)
|
Quote: عارفك يا معاوية عايز تقول دي شرطة المحاكم و ما تابعة لشرطة النظام العام وقانونها مختلف لا لكن أس المشكلة في قانون النظام العام و المواد الفضفاضة الفيه والعقوبات المنصوص على اغلبها بالجلد الغير حدي وترك أمر تقييم المخالفات للشرطي , و شهادته في المحكمة كافية للإدانة و طبيعة المحاكمات نفسها التي لا تستوجب وجود محامي حاضر عن المتهم ولا توفره له إن عجز ثم تنفيذ العقوبة الفوري لا يتيح فرصة للإستئناف وهو حق للمتهم المدان و المصيبة الكبرى في الإعتقال و التفتيش و إقتحام البيوت بدون إذن نيابة ودا في حد ذاته فظيع فظاعة الإدانة و العقوبة في مجتمع زي مجتمعنا مجرد حديث افراد النظام العام معك فأنت مدان و مصاب في سمعتك و شرفك كان راجل كان مرة ناهيك عن اعتقالك و ركوبك سياراتهم لو كان افراد شرطة النظام العام وقضاته ملائكة لأفسدتهم السلطة المطلقة المخولة لهم و الضوابط و المواد الفضفاضة التي تحكمهم فما بالك وهم من تعرف ما بلغوا من السوء و الفساد و استغلال السلطة في الإرهاب و الإبتزاز - إلاّ من رحم ربي منهم
يا معاوية انت قانوني ما تنظر للموضوع من ناحية سياسة و حكومتي ومعارضتك الضرر الواقع من القانون المعيب دا وتطبيقه السيئ يحيق بالحميع بما فيهم مناصري الحكومة ممكن تكون ماشي مع زوجتك او اسرتك ويقابلك من يبتزاك ويحاول يرهبك استنادا على هذا القانون و الجو الاشاعه في البلد ودا ما ح يفرز تاييدك للحكومة من معارضتك ليها
|
كدة يا ود البشري نفست على كبسور البوست ########ت عليه القبضة
بقو يحاسبوكم بالكلكة اظنو
| |
|
|
|
|
|
|
Re: قصة الفيديو الحقيقية كما يلي : (Re: محمد المسلمي)
|
اهداء لعيون حبيبنا المحامي الالمعي الذي كتب الاقتباس ادناه Quote: قصة الفيديو الحقيقية كما يلي :
ليس للموضوع علاقة بقانون النظام العام .. |
وهذا هو الاهداء
حصلت مصادر الراكوبة بالخرطوم على معلومات جديدة حول مقطع الفيديو الخاص بجلد الفتاة السودانية والذي أثار إستنكارا واسعاً ، فقد علمت مصادرنا بأن الفتاة (س.ن) تسكن أم درمان الثورة وقد تم توقيفها من قبل شرطة امن المجتمع وتقديمها إلى محكمة النظام العام بالكبجاب أم درمان، وحكم عليها قاضي المحكمة (أ.ع ) في شهر فبراير 2010 بالجلد بعد ادانتها بجريمة الأفعال الفاضحة.
وكانت الفتاة قد رفعت دعوى ضد القاضي وترتب عليه تشكيل لجنة تحقيق ونقله إلى الفاشر بدون محاسبة. والافعال الفاضحة من النصوص المبهمة بقانون النظام العام وتصدر الاحكام فيها وفق أقوال شرطة النظام العام فقط وبدون شهود أوحضور محامي المتهمين ودائما ما تكون احكام هذه المحاكم فورية ، ويكفي في تهمة الافعال الفاضحة اقوال شرطي واحد بإعتباره الشاكي والشاهد ، حتى لو كانت التهمة جلوس شاب وشابة منفردين في وسط حديقة عامة وأمام الناس ، فالفيصل فيها تقدير ورؤية احد افراد الشرطة.
وفي أول تبرير لهذا القانون وعملية الجلد غير الانسانية التي تعرضت لها الفتاة قال نافع على نافع نائب رئيس حزب البشير في مداخلة ببرنامج مباشر بقناة الجزيرة والذي كان متواجدا لحظتها بالدوحة - قال عندما سألته إحدى المتداخلات : "أخشى لو علمت بجرمها أن تتمنى لو إنها قتلت "..!! وأضاف - " طالما إنها جلدت فهذا يعني إنها فتاة غير محترمة"
ووقفت الراكوبة على ردود أفعال الدوائر الرسمية بالخرطوم وعلمت بأن الإدارة العامة للشرطة عقدت إجتماعا طارئا وشكلت لجنة تحقيق باشرت أعمالها برئاسة العميد يوسف مامون للتحرى والتحقيق مع أفراد الشرطة الذي ظهروا فى مقطع الفيديو ، ووعد مصدر رفيع بالشرطة مصادر الراكوبة بتمليك الرأى العام كل نتائج التحقيق ومن ناحية اخرى تنظم الإدارة العامة للشرطة لقاء تفاكريا ومؤتمرا صحفيا برعاية المجلس القومي للصحافة والمطبوعات لرؤوساء تحرير الصحف وقادة الرأى العام لشرح ملابسات القضية ومناقشة آداء شرطة أمن المجتمع والتناول الإعلامي لنشاطها.
| |
|
|
|
|
|
|
Re: قصة الفيديو الحقيقية كما يلي : (Re: محمد عمر الفكي)
|
يا أخينا مشيت وين
أصلو ما يلي بتاعتك دي
وردت بحر المالح ولا شنو
القصة ايه
أعزائنا المشاهدين ديل من أعضاء وقراء وحتى مستخدمي نظام برايل منتظرين كما يلي بتاعتك دي أنته بتاع ملعبه ولا شنو يازول
والله الليلة بوستيك دا
كان بلعتو بي صوفو ما في ليك طريقه
قال هام قال
أنته قايل القبض دا ساهل كده
الليلة يا تبقى نجيض وتقبض صاح
يا تاخد ليك أربعين جلده زي السم
أصلوا الجماعة ديل نظام الجلد عندهم عادي
وأهو شايف براك عينك تعاين ..
عشان تاني ما تتأبرق
أرح يازول
منتظرين كما يلي :
| |
|
|
|
|
|
|
Re: قصة الفيديو الحقيقية كما يلي : (Re: معاوية عوض الكريم)
|
الأخ معاوية عوض الكريم أنت محامي ويجب أن تحسب لرجلك قبل الخطو موضعها
Quote: يقول تعالى فى محكم تنزيله : { الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين } |
هل يعني إيرادك للآية أن هذه الفتاة المجلودة زانية وهل تعرف كيف تثبت جريمة الزنــــــا في الإسلام ؟! يا زول اتق الله ولا تأخذنك العزة بالإثم لو جمعتوا عتاولة القانون في العالم ما حيقدروا يستروا هذه العيبة قولوا الحق مرة واحدة وبطلوا اللولوة
| |
|
|
|
|
|
|
Re: قصة الفيديو الحقيقية كما يلي : (Re: خالد عبد الله محمود)
|
أورد الأخ الشامي التالي:
Quote: السلطة القضائية تبدأ التحقيق حول كيفية تنفيذ عقوبة الجلد علي فتاة ظهرت صورها فى الانترنت
الخرطوم في 12-12-2010م (سونا ) اكدت السلطة القضائية أنها شرعت في التحقيق حول الكيفية التي تم بها تنفيذ العقوبة التي نفذت علي الفتاة فور ظهورها علي الإنترنت بعد أن تمت إدانتها بموجب المادتين 154- 155 من القانون الجنائي لعام 1991م
وقالت السلطة القضائية في بيان أصدرته اليوم وتلقت وكالة السودان للأنباء نسخة منه أن التحقيق سيتم حول مخالفة تنفيذ العقوبة للضوابط المقررة قانونا ووفقا للمنشورات الجنائية |
كما أورد منطوق المادتين (154 - 155) :
Quote: ممارسة الدعارة
المادة 154 يعد مرتكباً جريمة ممارسة الدعارة، من يوجد فى محل للدعارة بحيث يحتمل ان يقوم بممارسة افعال جنسية او يكتسب من ممارستها ، ويعاقب بالجلد بما لا يجاوز مائة جلدة أو بالسجن مدة لا تجاوز ثلاث سنوات
ادارة محل للدعارة
المادة 155 من يقوم بادارة محل للدعارة او يؤجر محلا او يسمح باستخدامه وهو يعلم بانه سيتخذ محلا للدعارة ، يعاقب بالجلد بما لا يجاوز مائة جلدة وبالسجن مدة لا تجاوز خمس سنوات كما يجوز الحكم باغلاق المحل او مصادرته من يدان للمرة الثانية بموجب احكام البند (1) يعاقب بالجلد بما لا يجاوز مائة جلدة وبالسجن مدة لا تجاوز عشر سنوات مع مصادرة المحل |
القضاء يعترف بعدم شرعية التنفيذ(عقوبة فتاة الفيديو)
وكان تعليقي هو :
شكرا جزيلا يا الشامي
ومن مقروء المادتين يتضح أن التهمة لا تخرج عن كونها .... (تهمة ظنية) اذ من غير المعقول أن تُدير الضحية بيتا للدعارة وهي في هذا العُمر كما أن عقوبة الزنا الحدية معلومة والذى شاهدناه يقول بغير ذلك ....
من أعلاه يتضح أن التشفي واردا ... وقصد الاهانة ممكنا ... وتصفية الحسابات غير مستبعدا..... ولو أحسنا الظن يمكن أن نقول في أن العيب في القانون الذى يُتيح لأفراد النظام العام اعتقال البشر بتقديرات ذاتية ............ لا يهم أن أساءت للبعض أم لم تسيئ.
تحياتي
| |
|
|
|
|
|
|
Re: قصة الفيديو الحقيقية كما يلي : (Re: معاوية عوض الكريم)
|
Quote: ومعلوم ان جريمة الزنا من الجـرائم التي يصعب اثباتها لذا كان لزاما على المشرع السوداني ان يفرض عقوبات تحد من انتشار هذه الجريمة ..
|
يعني الشفناهو في الفيديو دا حد من جريمة الزنا بس الله ما وراني العقوبة حتكون كيف طالما دا بس عشان يحدوا من انتشارها
جنس محن غايتو ....؟
| |
|
|
|
|
|
|
Re: قصة الفيديو الحقيقية كما يلي : (Re: ياسر بيناوي)
|
تعرف يا معاوية جريمة الزنا دي زي ما قال ربنا وقال الرسول صلعم وقالت الشريعة لا تثبت الا باربعة شهود، ودي حدها الرجم او 80 جلدة والاتنين ما حصلن فالجلد 50 جلدة ولا البت دي مشت للخفاض اول حاجة (بالجد داير اعرف خفاض حدود الله دا منو) بعدين شايف التهم الموجه تختلف اختلافاً تاما عما اورده علاء الدين يوسف فهسي نصدق منو؟ دا كله كوم وروايتك يا نجيب محفوظ لسه ما ظهرت والامة المحمدية دي كلها منتظراها .
| |
|
|
|
|
|
|
Re: قصة الفيديو الحقيقية كما يلي : (Re: Esameldin Abdelrahman)
|
معاك يا معاويه, ولكن دعنى استوضح امرا. قلت انت ما معناه ان اثبات الزنا شرعا مسأله شديدة الصعوبه .. لذا كان لابد للمشرع من ايجاد طريقه لمعاقبة الزانى أو الزانى المحتمل الذى قد لا تثبت عليه التهمه بصوره شرعيه.. وارجعت ذلك للحد من انتشار الزنا ..
ليتك تستفيض حول هذا الامر ..
| |
|
|
|
|
|
|
Re: قصة الفيديو الحقيقية كما يلي : (Re: محمد حيدر المشرف)
|
Quote: يعني الشفناهو في الفيديو دا حد من جريمة الزنا بس الله ما وراني العقوبة حتكون كيف طالما دا بس عشان يحدوا من انتشارها |
يا جماعة إنتو الله ما ليكم؟ نسيتو قوانين نميري ومحاكمات (العدالة الناجزة)؟ في قوانين سئ الذكر نميري، كانت في جريمة إسمها (الإشتباه) وفي ظني أنها نفس القوانين لم يقم أحد بإلغائها.
يعني عادي الأيام ديك يجلدوا واحد/ واحدة بجريمة (إشتباه في الزنا).
وتحضرني هنا إحدى الطرف التي حدثت، ونقلها أحد الأخوة الذين عملوا في المجال القانوني حينها.
نادى القاضي على القضية، فأتى العسكري بالمتّهم. سأله عن التهمة، فقال العسكري (يا مولانا الزول ده كان ماشي يشتري عرقي) سأله القاضي (كان زهجان من المهازل الحاصلة): والحكاية دي حتثبتها كيف؟ العسكري: يا مولانا الزول ده قبضناهو معاهو الجركانة دي. القاضي: لكن دي جركانة فاضية، حتنفع معروضات كيف؟ العسكري: يا مولانا الجركانة دي معروضات لأنها (عدّة السكر) فما كان من القاضي إلاّ وانفجر وخرج عن طوره، وقال للعسكري: تعال أقبضني أنا كمان .... لأنو عندي (عدّة زنا).
مش ياها نفس القوانين؟ الزولة دي بيكونوا حاكموها بـ (الإشتباه في الأفعال الفاضحة)
| |
|
|
|
|
|
|
Re: قصة الفيديو الحقيقية كما يلي : (Re: محمد أبوالعزائم أبوالريش)
|
Quote: 12-12-2010, 10:07 ص
ليس للموضوع علاقة بقانون النظام العام ..
.. ما ذكرته الجسورة تراجي مصطفى هنا : لا اساس له من الصحة !
اغلبية المداخلات اعلاه لا ترقى لمستوى النقاش !
يقول تعالى فى محكم تنزيله : { الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين }
ومعلوم ان جريمة الزنا من الجـرائم التي يصعب اثباتها
لذا كان لزاما على المشرع السوداني ان يفرض عقوبات تحد من انتشار هذه الجريمة ..
نواصل
12-12-2010, 06:19 م |
ياخوى قصتك دى شبها ح تكتمل السنة الجاية
عارف ليه
انت بديت الكتابة الساعة 10:7
ووقفت الساعة 18:19
يعنى استقرقت اكثر من 8 ساعات عشان تكتب
50 كلمة
اى بمعدل 6 كلمات فى الساعة
طبعا شلنا الاية لانها ما حقتك
نتلاقى السنة الجاية فى البوست دا
وما تنسى الارشفة
سلام
| |
|
|
|
|
|
|
Re: قصة الفيديو الحقيقية كما يلي : (Re: محمد أبوالعزائم أبوالريش)
|
Quote: معاك يا معاويه, ولكن دعنى استوضح امرا. قلت انت ما معناه ان اثبات الزنا شرعا مسأله شديدة الصعوبه .. لذا كان لابد للمشرع من ايجاد طريقه لمعاقبة الزانى أو الزانى المحتمل الذى قد لا تثبت عليه التهمه بصوره شرعيه.. وارجعت ذلك للحد من انتشار الزنا ..
ليتك تستفيض حول هذا الامر .. |
والله يامعاوية إنت راحت ليك و دقسته و إني لك من الناصحين ود المشرف دا بدردق فيك فإياك أن تستفيض وكبر اللفه منو
ود المشرف بالطريقة بتاعة المشرع دي تاني البقبضوهم يعترفو على روحهم كان بالكضب يقولو القصة زنا عدييييل وياخدو ال 100 جلده العقوبة المن ربنا ويتفكفكو ويخارجو روحهم من عقوبات المشرع ياخ المشرع دا حقار عديل كدا
| |
|
|
|
|
|
|
Re: قصة الفيديو الحقيقية كما يلي : (Re: مرتضى احمد عبد القادر)
|
Quote: ومعلوم ان جريمة الزنا من الجـرائم التي يصعب اثباتها لذا كان لزاما على المشرع السوداني ان يفرض عقوبات تحد من انتشار هذه الجريمة ..
نواصل |
يعني المشرع السوداني بيفهم اكتر من ربه الخلقه؟ ما عاجبه حكم رب العالمين عشان كده عاوز عقوبه اشد؟
طيب المشرع ده طالما عنده اعتراض على حكم ربه بيعمل بجزء منه ليه؟ طالما هو قادر يوضع قانون اصعب من الحدود الاسلاميه ما يلغى الحدود و ما يتشدق بيها و يعمل ليه قوانين تحد من انتشار الجرايم دي؟
فتامل
| |
|
|
|
|
|
|
Re: قصة الفيديو الحقيقية كما يلي : (Re: Dania Elmaki)
|
Quote: ومعلوم ان جريمة الزنا من الجـرائم التي يصعب اثباتها لذا كان لزاما على المشرع السوداني ان يفرض عقوبات تحد من انتشار هذه الجريمة ..
نواصل |
افتراض قوع الجريمة لا يعنى وقوع الجريمة يا برلوم اولا
بعدين افتراض او شروع فى الزنا كيف يعنى ؟؟ دى وضحنا لينا من وجهة نظر القانون (( يا برلوم افندى ))
من كتابتك علاقة مع القانون ضعيفة يا سيد علشان ما نديك محاضرة ساى سعادة البرلوم احسن تعمل ميت من البوست يا زول الدنياء دى فانية ساى والانسان دة بعفن فى النهاية بموت بنحشر فى شبر 1 ما بنفع والله الكلام ,,
وصية ليك احذر من غضب الله ربنا لو غضب عليك يمررك بمواقف ######ة
| |
|
|
|
|
|
|
Re: قصة الفيديو الحقيقية كما يلي : (Re: BAKTASH)
|
Quote: يقول تعالى فى محكم تنزيله : { الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر وليشهد عذابهما طائفة من المؤمنين } |
عرفنا دي ياها الزانية ولازم تتجلد وتتبهدل. أها الزاني وينو؟؟؟؟ وليه ما اتجلد معاها؟؟؟ بعدبن الخمسن جلدة التانية ليه ما اديتوهن ليها؟
قال الله تعالى: (والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبداً وأولئك هم الفاسقون )
اسي إنت ذاتك داير ليك اربعة يشدوك وتاخد ليك 80 جلدة زي الورد اما علاء الدين داك والله مليون جلدة ما يحلنو.
| |
|
|
|
|
|
|
Re: قصة الفيديو الحقيقية كما يلي : (Re: عبير خيرى)
|
يازول ما تعمل لينا فيها رايح أنا فوق قلت ليك أربعين جلدة وشايف shammashi أتكرم وزاد عليها أربعين تاني والله أنا خايف عليك تتاخر أكتر من كده الشغلانه دي تصل حد ما تقدر تفرز كما يلي الأسود من كما يلي الأبيض يلا أرح يازول ما تبقى حمال أباريق ساي ..
| |
|
|
|
|
|
|
Re: قصة الفيديو الحقيقية كما يلي : (Re: عبد الناصر حسن أحمد)
|
Quote: قالوا فى واحد مليونير عنده بنتين معيشهن فى بحبوحة وبناته ديل اكثر بنات الحلة تهذيبا وخلقا .. مع ذلك كان بيضربهن ويعاقبهن بصفة يومية بدون اى سبب او جرم ارتكبوها .. وعندما علم اهل الحى بهذه العقوبة سالوا الاب من سبب العقوبة لعلمهم التام باخلاق البنات , فكان رد الاب ( عشان واحدة فيهن بعدين اى بعد الزواج ما تفكر ترجع بيت ابوها باى خلاف يحدث بينها وبين زوجها وتذكر هذه العقوبة متى ما فكرت فى ذلك )! يا جماعة انا شايف فى وجه شبه بين كلام معاوية عوض الكريم الفوق ده وبين قصة الاب المليونير مع بناته!
فى زول بيوافقنى على وجه الشبه ده؟! |
كنا حنتفق معاك يا خالد إذا كانت حكومة السجم دي معيشا الشعب في بحبوحة
| |
|
|
|
|
|
|
Re: قصة الفيديو الحقيقية كما يلي : (Re: عبد الناصر حسن أحمد)
|
ياااااا معاوية ياخ مالك علينا ياخ ؟؟؟ يعني نحن ناقصين وجع قلب ؟؟؟ الله يمرضك زي ما مرضتنا ... الناس فيها المكفيها مما طلعت فضايح الفيديو ده كمان جاي تفتش مبررات للعصابة النفذت الجريمة دي .. ربنا بيسالك يوم الموقف العظيم عن موقفك ده فأتق الله ...!
| |
|
|
|
|
|
|
Re: قصة الفيديو الحقيقية كما يلي : (Re: عثمان دغيس)
|
إنتو عارفين الزول الاسمو معاوية شغال دا بي قصة القحة ولا صمة الخشم. شاف ناس علاء الدين ينططوا من بوست لي بوست ومن مقطع فيديو لمقطع فيديو . فقال ياخي ما نقعد ساكت كدا "ناأأأين" بس. والجماعة ديل شغالين بعدين نقوم نمرق بي قد القفة. قام جاب شتارتو الفاتت حقات علاء الدين ذاتن. ما مرق من البوست غير بي ثمانين سوطا.
| |
|
|
|
|
|
|
Re: قصة الفيديو الحقيقية كما يلي : (Re: shammashi)
|
ماتت الرجولة يا وليد وماتت النخوة والشجاعة يا ولي
هسي عليك الله البنت دي لو العسكري لقاها زانية في شارع الله دا دي طريقة يضربوها بيها ياخي كيف عامل حبيب الله محمد صلى الله عليه وسلم الزانية لمن جات قالت ليهو انا زنيت كان يتمنى من كل قلبه ان يحدث اي شيء ولا يضطر لرجمها.
يارجل عيب والله وعيب كبير خلاص في حقنا كلناكرجال (سودانيين) ولا اقول ليك,الكلمة البين قوسين دي خلاص انتهت ومافي داعي الواحد يقولها تاني
الصادق
| |
|
|
|
|
|
|
Re: قصة الفيديو الحقيقية كما يلي : (Re: عبد الناصر حسن أحمد)
|
Quote: < يا جماعة إنتو الله ما ليكم؟ نسيتو قوانين نميري ومحاكمات (العدالة الناجزة)؟ في قوانين سئ الذكر نميري، كانت في جريمة إسمها (الإشتباه) وفي ظني أنها نفس القوانين لم يقم أحد بإلغائها. يعني عادي الأيام ديك يجلدوا واحد/ واحدة بجريمة (إشتباه في الزنا). وتحضرني هنا إحدى الطرف التي حدثت، ونقلها أحد الأخوة الذين عملوا في المجال القانوني حينها. نادى القاضي على القضية، فأتى العسكري بالمتّهم. سأله عن التهمة، فقال العسكري (يا مولانا الزول ده كان ماشي يشتري عرقي) سأله القاضي (كان زهجان من المهازل الحاصلة): والحكاية دي حتثبتها كيف؟ العسكري: يا مولانا الزول ده قبضناهو معاهو الجركانة دي. القاضي: لكن دي جركانة فاضية، حتنفع معروضات كيف؟ العسكري: يا مولانا الجركانة دي معروضات لأنها (عدّة السكر) فما كان من القاضي إلاّ وانفجر وخرج عن طوره، وقال للعسكري: تعال أقبضني أنا كمان .... لأنو عندي (عدّة زنا). مش ياها نفس القوانين؟ الزولة دي بيكونوا حاكموها بـ (الإشتباه في الأفعال الفاضحة) |
...والله صحى شر البلية ما يضحك!!!!! غايتو يا ابو العزايم دى قصه مؤلمه لامن مضحكه.....ضحكتني ياخ فى نص قرفى من سيد البوست ده!!!! عندما كثرت المزانق والمزالق لزبانية النظام وحملة خناجره الملوثه بدماء الابرياء اصبحوا كأسيادهم ينبحون هنا وهناك بأنها " غير محترمة" ...وزانية وغيرها من المحاولات الدنيئه لطمث الحقائق.... الحقيقة يا هذا...بأن هذه فتاء اهينت كرامتها وأهدرت انسانيتها على مراى ومسمع من رجال القانون... الحقيقة هى أنها واحده من مئات يمارس عليهن هذا النوع من التوحش والتذئب غير المبرر... والحقيقة ان رجال الدزلة الأشاوس يغتصبون النساء والرجال وينتهكون الأعراض خلف اسوار المعتقلات.. ولا يجدون من يفتضح أمرهم وينشر رذيلتهم وخبثهم ويجلدهم مليون جلده!! الحقيقة هى ان لا حماية للانسان فى دولة الكيزان..... الحقيقة هى ان الدولة تحمى وتسكت عن كبار المجرمين والسارقين والقتله....بينما تعرض عضلاتها فى وجوه النساء الحقيقة هى أننا دولة يحكمها مجرم دولى هارب من العدالة .... وأن لا دين ولا عرف ولا قانون يفسر ما جري وما يجري الآن إلا دين الفوضى الذى تدينون به.... ...
| |
|
|
|
|
|
|
Re: قصة الفيديو الحقيقية كما يلي : (Re: Shiraz Abdelhai)
|
طبعاً الأستاذ محمد حيدر المشرف زول مهذب وجابا ليك براااحه وبفوق شديد بالتأكيد أنت ما ما فهمت أي حاجة ... وشكلك أرتكنت لي كلام مرتضى احمد عبد القادر
Quote: والله يامعاوية إنت راحت ليك و دقسته و إني لك من الناصحين ود المشرف دا بدردق فيك فإياك أن تستفيض وكبر اللفه منو |
لكن وين مع ناس Dania Elmaki
Quote: يعني المشرع السوداني بيفهم اكتر من ربه الخلقه؟ ما عاجبه حكم رب العالمين عشان كده عاوز عقوبه اشد؟
طيب المشرع ده طالما عنده اعتراض على حكم ربه بيعمل بجزء منه ليه؟ طالما هو قادر يوضع قانون اصعب من الحدود الاسلاميه ما يلغى الحدود و ما يتشدق بيها و يعمل ليه قوانين تحد من انتشار الجرايم دي؟
فتامل
|
وجا تاني وليد محمد المبارك ختاها ليك هنا
Quote: يا راجل !!! نفهم من كلامك ده انو الله قصر في امر تحديد عقوبة الزنا ؟! وانه سبحانه وتعالى لا يدري عن امور الكائينات التي خلقها ؟! فكانت اجراءاته التي فرضها لعقوبة الزناء غير كافية للحد منه؟! ومن اجل ذلك تدخل المشرع السوداني الذي يفهم اكثر من الله سبحانه وتعالي .. ليعدل في حكمه حسب ما يراه المشرع السودان لمصلحة العباد
معاوية قوم لف |
أها بتمش وين العدو أمامك والبحر خلفك !!! مع الفارق الكبير طبعاً كده نصيبك حصل 120 أسرع يازول ...
| |
|
|
|
|
|
|
Re: قصة الفيديو الحقيقية كما يلي : (Re: محمد حيدر المشرف)
|
Quote: كنا حنتفق معاك يا خالد إذا كانت حكومة السجم دي معيشا الشعب في بحبوحة |
الاخ جعفر محى الدين
سلامات طبعا الحكومة ما معيشا الشعب فى بحبوحة ولا حتعيشهم .
القصة كلها يا عزيزى باننى ارى بان هنالك وجه شبه بين اب بيضرب بناته بدون اى سبب احترازا او خوفا من شئ لم يحدث ( فى علم الغيب ) وبين مشرع يشرع قوانين تعاقب بها الناس بدون اى سبب للحد من شئ لم يحدث ( فى علم الغيب ) كذلك .
| |
|
|
|
|
|
|
Re: قصة الفيديو الحقيقية كما يلي : (Re: خالد حاكم)
|
من المواطن معاوية عبيد الى القانونى ..معاوية عوض الكريم
حسب عنوان............. البوست
كما يلى .............................
انت خريج قانون شنو بالضبط
الة قانون .............كموسيقى
قانون ............الله والرسول
ولاقانون هشيك بشيك نجارة
شكرا اى كان قانونك....
| |
|
|
|
|
|
|
|