|
|
 قوانين مطبقة قبل عشرين سنة نحتج عليها اليوم ؟؟؟؟ برضو كويس ، معناها الانتفاضة بعد سبعين سنة؟؟؟؟
|
والله نحن ناس عاطفيين خلاص..
الجلد دا وقانون النظام العام دا ليهو أكتر من عشرين سنة شغال..
كل يوم ناس النظام العام ديل بيوروا (ضيوفهم) - زي ما قال محمد عطا- أصناف من الحاجات زي دي
والا يعني عشان الفيديو جا قريب في جهاز الكمبيوتر بتاعنا وحسينا بيهو نقوم ندين ونشجب ونستنكر..
أكتر من أربعين بوست عن البنت التي جلدوها..
كل يوم بتتجلد مئات البنات والأولاد كمان لكين بدون تصوير ولا ندين ولا نشجب لأننا ما شايفينهم وما جابوهم لينافي كمبيوترنا
وولدي ماشاف وبنتي ما شافت وما علقت لي عليه... معليش يا جماعة الشريط العمل كل المشاكل دي خلاص سحبوه من اليوتيوب... يعني انتهى وجع الراس..
لأنو حيكومتنا طال عمرها عارفة أننا شعب عاطفي... ماهم ناس زينا ومننا تتألم لما نتألم له وتعرف مواطن ضعفنا ونحن نعرف مواطن ضعفهاالكتيرة وفسادها الواضح لكننا نسامحها ونغفر ليها...
هي تغلط ونحن نسامح... كل يوم مئات المعتقلين يعذبون في بيوت الأشباح...
وعارفين الفساد وشايفين الفاسدين ... وشايفين عمايلهم وبنصالحهم ونتعايش معاهم ونشرب معاهم الشاي والشامبيون رغم ضررهم لأنو بعيد بعيد مننا..لأننا شغالين بنظرية جحا ... بعيد عن داري..
بالله هسع لو جا وزير الإعلام شخصياً واعتذر أمام الملأ (ودي مستحيلة)أو حتى وزير الداخلية قام استجاب للدعوات واستقال..(ودي أكثر استحالة)... يعني خلاص الإنقاذ بقت كويسة؟؟سكوتنا وشغل رزق اليوم باليوم دا ياهو الجاب لينا المصايب دي ورا بعض واتراكمت
أبسط مثل الانفصال الجايي دا
كلنا نحن سبب فيهو
طيلة عهد الجهاد والاستشهاد ورائحة الجنة ومواكب الشهداء مافي زول فينا وقف وقال للحيكومة دي انتي غلطانة بتقتلي في شعبك ولا نظمنا إضراب ولا مظاهرات... بعيد بعيد.... الحرب بعيدة مننا...
وقد تحمل الجنوبيون ويلات الحرب ونيرانها...لحد ما ربنا فرجها على الجنوبيين...
ما قادرين نتحرك.. ما عندنا معارضة منظمة
الحل ...
الحل...
|
|
 
|
|
|
|
فيس بوك
تويتر
انستقرام
يوتيوب
بنتيريست