|
|
 لماذا لا يربط السودانيون حزام الأمان؟؟
|
لماذا لا يهتم كثير من السودانيين أن يربطوا حزام الأمان أثناء قيادة السيارة.. هل هناك قانون يلزم بذلك؟ وماهى عقوبة المخالفة إن وجدت؟
سألت بعضهم عن السبب.. قالو الحزام بكون مليان غبار و بْوسِّخْ القميص و الجلابية!! طيب، ما ممكن الزول يعمل منديل خاص لمسح أوتنظيف الحزام؟
|
|
 
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: أسامة البيتى)
|
Quote:
ماذا لا يهتم كثير من السودانيين أن يربطوا حزام الأمان أثناء قيادة السيارة..
|
يعني بقت على الحزام؟؟؟؟
كدي حاول أذكر لي حالة أمان واحدة للمواطن السوداني في الداخل أو الإغتراب أو الهجرة القصرية؟؟؟؟
منو فيمن ذكرت أعلاه عايش في أمان،،، لامن بقت على الحزام؟؟؟؟
نفتقد الأمن والأمان كمواطنين للدولة المسماة بالسودان في كل شيء، خارجياً لا رعاية ولا إهتمام من سفاراتنا،،، داخلياً/ أمراض صحة البيئة وأمراض العصر ولا مداوي،،، تعليم ،،، تدفع تتعلم ما تدفع تمشي الخور،،، وظيفياً/ تنافق تقبض الراتب والحوافز وكلما زاد نفاقك تقبض أكتر،،، ما تنافق خور الصالح العام يدخل جمل.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: أسامة البيتى)
|
اسامة كيفك و عساك رايق ، شوف هنا فى الخليج و فى قطر على وجه الخصوص و الله بنتكرب بيهو خوفا من المخالفات ، يعنى اتعودنا ، فى السودان فى الخطوط الطويله و الله جدا مهم .
بعدين عدم الاستخدام ورمى الحزام بالطرف بعرضو الى الاتساخ ، ( بعدين فى السودان بخليك زى العوير كده ، دى مفهوم الناس) و الله يا اسامة مره واقف اشيل خضار المهم نزلت وزوجتى فى العربيه وهى سرحت و الحزام مربوط ، المهم يجى عمك قطرى كبير كده قال يا ولدى المسكينة دى ما له مربوطه كده ، اليوم داك و الله ضحكت لمن قلت كفاية .
| |
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: أسامة البيتى)
|
السودانيون ديل أرجل ناس في الدنيا وما بخافوا الموت كان مرا ولا راجل أرجل ناس
والحظام دا عملوه للخواجات البخافوا الموت
هيييييييييييع
خلي حزام أمان, شفت ليك سوداني شايل مظلة "شمسة" ؟
السوداني يضربوا سحائي ويقع بردلب ما يشيل ليهو مظلة "شمسية"
هو الرجالة دي قالوا بالساهل؟
هييييييييييع
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: Frankly)
|
سلامات يا هجو.. رايقين نحمد سيدنا.. إنتو إنشا الله رايقين..
الحزام مهم خالص خاصة للأطفال كمان.. لكين السودانيين ما بحبو الرِّبِّيطْ، زى ما قال بكرى.. ربما كان ذلك مرتبطاً بعشقهم للحرية.. ربنا يديهم من الحرية حتى يرضيهم.. وما ذلك عليه بعزيز..
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: أسامة البيتى)
|
سلام للحضور الكريم ..
يا اسامة صدقني كل الامر هو عدم قناعة الاخوة السودانيين باهمية حزام الامان ... وبحق العناد وقوة الراس وعدم الامتثال لما هو مطلوب هي من سمات السودانيين عموما ... ومصداقا لكلامة لا يعرف اهمية حزام الامان الا من تعرض الي حادث حركة او من تضرر بفقد حبيب او قريب جراء حادث حركة او ما راي وشاهد ماساة ناتجة عن حادث بام عينه...
وبالنسبة لقانون المرور الجديد فان التشدد في مخالفة حزام الامان ورفع قيمتها كانت الابرز فيه .. شكرا يا حبيب
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: تولوس)
|
تولوس.. سلام عليك يا قريب.. وين إنت ياخى؟ أنا ما منتظرك!!
سعدت جداً أن هناك قانون جديد قد صدر يُشدد فيه على ربط الحزام..
أرجو أن يصحب القانون حملة توعوية بأهمية ربط الحزام فى التلفزيون،
والرادى والصحف السيارة والمسرح القومى وغيرها من وسائل الإعلام..
أكيد معزتى لك..
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: Mohammed Elhaj)
|
يا اسامة كيفك
السودانيون الان يربطون حزام الامان رغم اتساخه
لكن ليس عن قناعة وانما هرباً من الغرامة المفروضة ..
لائحة المرور تفرض دفع تسوية 30 الف لمن لا يربط الحزام داخل المدينة
والايام الفاتت دى حملات الف ...اخوك كان احدى ضحاياها ...
ومتحسر لحدت هسع على ال 30 الف بتاعتى الشالوها
ومن الدغش قولة يافتاح ياعليم..
| |
|
|
|
|
|
|
|
|
 Re: لماذا لا يربط السودانيون حزام الأمان؟؟ (Re: احمد الأمين على إدريس)
|
احد اسباب عدم ربط حزام الامان في السودان ...انو سرعة السير في السودان في الغالب بطئية جدا لذلك لايشعر السائق باهمية الحزام ....نفس هذه الموضوع بدور في كثير من الدول التي تتشابه فيها حركة السير مع السودان ...فالمصريين قبل فترة كانو زهجانين من الزامهم بربط الحزام حتي في طرقات حركة السير فيها ب 30 كيلو متر في الساعة ...
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: مدثر صديق)
|
أحمد الأمين،
| Quote: ومتحسر لحدت هسع على ال 30 الف بتاعتى الشالوها |
ما تتحسر!! دى تضحية.. الخطير فى الأمر هو تداول المال العام فى الشارع!!
لو البوليس شال منك القروش دى فى الحال، دى مشكلة!!
حتى لو أداك إيصال بإستلام المبلغ!!
كيف يتم تبادل المال العام فى الشارع ساكت كدى!!
دى نقطة سأعود ليها بإذن الله..
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: مدثر صديق)
|
مدثر،
| Quote: احد اسباب عدم ربط حزام الامان في السودان ...انو سرعة السير في السودان في الغالب بطئية جدا لذلك لايشعر السائق باهمية الحزام |
دا سبب وجيه من الأسباب!! خاصة فى الخرطوم زى الساعة حداشر ونص كدا فى منطقة
أبوجنزير وشارع القصر وشارع الجامعة وكبرى المسلمية بالقرب من مستشفى الخرطوم!!
لكين قانون ربط الحزام لا يجب أن ينظر إلى السرعة..
ولا يجب أن يفرق بين شارع مرور سريع و شارع مرور بطئ..
| |
|
|
|
|
|
|
|
|
 Re: لماذا لا يربط السودانيون حزام الأمان؟؟ (Re: احمد الأمين على إدريس)
|
لأنهم بيسمعوا تحذيرات المسؤولين ( أربطوا الأحزمة على البطون حتى نتجاوز المنعطف التاريخي التاريخي )
وبقوا يتمردوا على اى (حزام )
.............
الحس الوقائي/ الامني / ضعيف بشكل عام
الابواب مفتوحة 24 ساعة
عدم توجس أطفالنا من الغرباء
عدم ربط حزام الامان
عدم زيارة الطبيب إلا محمولا على الأعناق
و
و
و
شعب متوكل على الله
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: الطاهر ساتي)
|
Quote: الحس الوقائي/ الامني / ضعيف بشكل عام
الابواب مفتوحة 24 ساعة
عدم توجس أطفالنا من الغرباء
عدم ربط حزام الامان
عدم زيارة الطبيب إلا محمولا على الأعناق
و
و
و
شعب متوكل على الله |
فعلا والله
عايشين سااااااااااااي بالبركة
لمن وطاتنا اصبحت
ازيكم
| |
|
|
|
|
|
|
|
|
|
Re: لماذا لا يربط السودانيون حزام الأمان؟؟ (Re: سلمى تاور)
|
محمد الحاج،
| Quote: مرة ركب معاي صاحبي، لما ربطتا الحزام عاين لي بي سخرية وقال لي انت عايز تطير؟ |
قصتك دى أكدت كلام هجو وكلام وتولوس..
لابد من إيقاظ الشعور بأهمية ربط الحزام..
طيب الناس البصنعو العربات دى ليه عملو الحزام؟
| |
|
|
|
|
|
|
| |
abubakr salih
Al-Shaygi
بكري عباس علي
هجو الأقرع
Frankly
تولوس
Mohammed Elhaj
احمد الأمين على إدريس
مدثر صديق
الطاهر ساتي
سلمى تاور
يحى الشريف
فيس بوك
تويتر
انستقرام
يوتيوب
بنتيريست