مجلس التعيين بالهلال ..... ضائع ما بين ست الودع وشيخ العارفين محمد خير ...

Quote: عين وشالت فينا كدي لمو لينا الجماعة وجيبوا لينا بخور التيمان (شب ولبان .. فاكوك .. وغاسول .. وحرمل) وقولوا معاي يا عين يا عنية.. يا كافرة يا نصرانية عين المرة فيها الترة وعين الراجل فيها مناجل عين العجوز العنفسوس التفك الريق في قعر الفريق ودعتهم لي سبعه وسبعين نبي في اولن محمد وفي اخرن علي يعدل طريقن ويهون فكة ريقن ... المصطفي رفيقن مافي حد يعيقن... من الهيب ... من الضيب.... من عض الدبيب....من العيب .....من ود ابن ادم ابعراقيب ودعتهم وداعة النبي سليمان ... كان قامت النار ما تحرق ....وكان شالت البحر ما تغرق ....وكان شالت الخلا ما تعطش ودعتهم للتلاته ....ابان مركبا كتاته .... ودعتك لي ابيد وعوض الجيد ياعين ياعينية ، يا كافرة يا نصرانية ، اخرجى من ولدنا ، واخرجى من بلدنا ، خصمتك بي تقيا.. كان فيا... وفي البقية من عين العجوز الكافوت اللافوت القاعدة غرب البيوت ، ومن عين من فكر ومكر .....فيها الفلفل الضكر النبى قال ليكي اخرجى قل هو الله أحد من عين كل حد من عين العجوز العنطروز .....من عين العروس التقد التروس من عين الصبي داياً غبي .....من عين الفتاة التقد الوطا من عين السغير التقد البير ....من عين الضيف الأحر من السيف من عين الجار الأحر من النار ......من عين الوالد الشر المتقالد من عين المزاح الأحر من السلاح ياعين ياعنية ياكافرة يانصرانية أخرجي بقدرة نبيا ناقة النبي سليمان عرجت ودرجت

Quote: وما كنا نتوارى منه خجلا امام العالم بأن السودانيين بمشو للفكي قبل الكورة اليوم سيصبح على العلن وبكل فخر كمان

Quote: هيثم مصطفى كرار الصوفي، الذي يمشي حافي القدمين بمنزل ومسيد الشيخ محمد الخير بمربع ستة بالفتيحاب، كما لا يعرفون هيثم الذي يحرص على صلاة التهجد في العشر الأواخر من رمضان بمسجد الشيخ محمد الخير، ومما لا شك فيه فإن الذي أخذ انطباعاً سيئاً عن (سيدا) من خلال ما تكتبه الصحف الرياضية السيارة, منددة بأسلوبه داخل المستطيل الأخضر، وقد لا يصدق هؤلاء الأشخاص أن ذاك الهيثم متصوف ومتدين حد التبتل خصوصاً إذا كانوا من الذين يطالعون يومياً ما تكتبه الصحف الرياضية عن هيثم ويصدقونه.

Quote: قبيل يا وليد قريت العنوان في قوون بادي بـ "وسط أجواء روحانية.." بطني طمت ياخ مجلس إدارة أكبر نادي في البلد يجتمع لحل مشاكله في مسيد!!

Quote: عاوز يحلوه في كنيسة يعني ولا في كافوري

Quote: و(أيمو) الحق إنتا ما فهمت قصدي يا إيمو

Quote: عاوز يحلوه في كنيسة يعني ولا في كافوري بطني طمّت قال :

Quote: في كافوري يا اصحاب الارجل المتوضية كان افضل من هذا الدجل

Quote: قبيل يا وليد قريت العنوان في قوون بادي بـ "وسط أجواء روحانية.." بطني طمت ياخ مجلس إدارة أكبر نادي في البلد يجتمع لحل مشاكله في مسيد!!

Quote: عاوز يحلوه في كنيسة يعني ولا في كافوري بطني طمّت قال :

Quote: المسيد الذي تم فيه حل المشكلة هو المسيد الذي شرب منه هيثم روح الولاء للنادي والوطن.

Quote: يا وليد و ابن عوف سلامات يا خوانا فرزوا بين مشائخ الطرق الصوفية اصحاب المساجد و الخلاوي اهل العلم و القرآن وبين الدجالين بتاعين كرّبوا وربطوا وعرق المحبة سخريتكم لا تليق بالشيخ محمد خير ويا وليد انت زعلان من حل الازمة ولا من طريقة الحل لو الأولى ما في شي يتفال ولو التانية اديني تصورك للحل الامثل للخروج من الازمة بدون خسائر

Quote: التانية اديني تصورك للحل الامثل للخروج من الازمة بدون خسائر

Quote: بعد شوية نسمع ناس المريخ مشو لشيخ الكباشي او الفكي ابوطاقية

Quote: ولكن يفترض الادارة تكون لها هيبتها وبعد ذلك اذا صدر منهم قرار كل الشارع يقف معهم لانه صائب

Quote: يا وليد دايما بتزوغ من اجابة سؤال انتماءك ودا من حقك خصوصا في المواضيع الفنية لكن موضوع إدارة النادي و شؤونه الداخلية موضوع هلالي خالص لو ما كنت هلالابي وقلبك على النادي اسمح لي ليس لك الحق في النقد او التعليق

ودي صورة مع نادي الاتحاد البحراوي مع اخونا جمال الثعلب


ودي صورة من احدى الصحف القديمه


معليش عندي صورة مع الفريق القومي للناشئين ماعايزة تترفع
والله تاني بعد دا إلا الواحد يحلف مصحف بأنه عندما يكتب لاينظر الى هلال ولا مريخ بل بنكتب من باب ما نراه صحيح
يعني عليك الله ياود البشري نقتي دي كلها معاك طلعت شمار في مرقه لانك متخيل اني مريخابي
وحتى اذا كنت مريخابي تقول لي ماليك حق تتكلم ودي مشكله هلاليه خالصة معقول ياود البشرى انت جادي
كمان لو غلطانين في شيء صلحونا ولكن قصة انت مريخابي وانت هلالابي بالجد اصبحت ممله للواحد
ولا اقول الكلام هذا لك فقط كثيرا ما اتعرض لمثل هذه الاسئله بنفس طريقتك هذه
نفسي اشوف الناس دي بتتكلم بصراحه ومن غير انتماءات ولا اقول اتركوا تشجيع فرقكم وتعصبكم لها
بل نريد نهضة رياضتنا وان تسير في الطريق الصحيح ..






-------------------------------
ود البشرى الهلال وطن وداخله الكثير المثير ولا يعرفة كثيرون من الناس حتى الذين يدعونا انتمائهم له

Quote: يا كابتن وليد إتا قال العالم دي حاربت شداد لشنو ؟ ما عشان كان ضافرم في جنس الجهل القاعدين يسووا فيهو دا .

Quote: وليد عبد اللطيف ،، Quote: بعد شوية نسمع ناس المريخ مشو لشيخ الكباشي او الفكي ابوطاقية ما تقارن ياخ ،،

Quote: نفسي اشوف الناس دي بتتكلم بصراحه ومن غير انتماءات ولا اقول اتركوا تشجيع فرقكم وتعصبكم لها بل نريد نهضة رياضتنا وان تسير في الطريق الصحيح ..

Quote: ده برضو ما بمنع انك بتشجع الاتحاد البحراوى > لووووووولز

Quote: طلحة مريخابي دي واحد شدادي الهوى دي اتنين و على الاساس دا بنتناقش معاه

Quote: لو مريخابي شي طبيعي انك ما عايز الاستقرار للهلال بالتالي ما حاناقشك على الاساس ده أما لو هلالابي فمصلحة النادي هي همك الاول و الباقي ح يكون اختلاف في كيفية ادراك المصلحة دي بالنسبة للحاجات الفنية ما بتتناقش بالانتماءات ودي قلت ليك معاك حق فيها وما اظني في بوستات الكورة يوم سالتك عن انتماءك شنو لكن شؤون ادارية داخلية تفرق

Quote: ود البشرى بالله ماتزعل لينا صاحبنا طارق الكوتش

Quote: يا وليد انت اعتراضك على فكرة الوساطة نفسها ولا على مكانها و الشخصية القادتها

Quote: تعرف يا ود البشرى الهلال وصل نهائى 87 لان المريخ فاز بسيكافا 86 والمريخ فاز بكاس الكوؤس لان الهلال وصل نهائى 87 والهلال وصل نهائى 92 لان المريخ فاز بكاس كوؤس 89 والكلام الفوق ده حصل لان ادارات الاندية كانت مستقره وبتعمل من اجل انديتها فقط عشان كده كان فى تنافس جميل وشريف وبدون حقد مدمر كما يحدث الآن انا عن نفسى وعشان الهلال يكون فى افضل الصور بتمنى الاستقرار الادارى و الفنى للمريخ فقوة الهلال فى قوة المريخ و العكس صحيح ...

Quote: إنتا بتقول الكلام دا ومتأكد إنو هيثم لو عمل السبعة وذمتا ما في زول حيشطبو سيدا مركز قوة يا مان حرررم يشطبو الحكومة تنقلب! ياخ عاين الإرهاب العملتو روابط المشجعين لما بس وقفوه! نعم أنا ما حضرت الجلسة يا بشرى, لكن عرفتها سلق بيض من المكان التمت فيهو (مسيد) والأجواء التمت وسطها (روحانية) مجلس الهلال في الكيس دا فرط في هيبته للطيش, إتخذ قرار إيقاف أكتر لاعب محمي بجمهور الهلال, ولما الكلام دخل الحوش نده سيدي محمد خير عشان كدا مشاكل تمرد اللعيبة ما حتقيف وتوا تشبح يا مان كابتن وليد شنو دست الجرس وقمت جاري!!

ثانيا للدقة الجلسة فعليا ما تمت في المسيد رغم ان الدعوة كانت في البداية كدا
تمت في دار مدير محطة الخرطوم بقناة الشروق
ورجعو المسيد للعشا و الفتة بعد الموضوع انتهى

Quote: هنا ياحبيبي ياود البشرى عايز اقول ليك شيء بسيط انت زول فاهم ومتعلم هل ممكن تعملوا اجتماعكم بتاع شركة الاتصالات اذا كان مديرها بتاع جكس وشراب ومراقص ممكن الاجتماع يكون في بار او كازينو مثلا يعني ماتقول لي وزارة وللاسوق وللا مسجد المكان طبعا مهم جدا حتى لاتورثه للاجيال التي تعقبك . الشيخ محمد خير يعرف شنو عن لوائح وقوانين نادي الهلال يعني كما قال طارق الكوتش تحل بطريقة ( باركوها وجودية وعفى الله عن ما سلف ) الناس لاترجع الى لوائح وقوانين

وليد يعني انت محتج على مكان اللقاء و محتج ايضا على الوساطة نفسها
يا اخوانا الكمال لله وحده
الحصل دا أنا شايفه افضل ما يمكن الوصول له في ظل ظروف كتيرة
هيبة النادي تحققت بمجرد اصدار قرار الإيقاف وأنا من المؤيدين له تماما وهناك اخوة هلالاب كثيرين شايفين انو خطأ في حق البرنس
ويمكن الرجوع لبوست تنظير و شوف كمية المعترضين على القرار
وبتدخل الشيخ محمد خير وغيره من الحادبين على مصلحة الهلال تم التوصل لحل للموضوع بدون خسائر

طيب يا اشرف ويا وليد كدي ادوني تصوركم للشي البيرفكت الكان مفروض يحصل بدل الإنتو معترضين عليه

و بالمناسبة يا وليد من الحاضرين للإجتماع و الساعين بجدية لحل الموضوع دكتور حيدر حسن التوم السفير و الديبلوماسي بالخارجية السودانية
لا اظن أنا و إنت نفوقه فهما أو علما

Quote: و بالمناسبة يا وليد من الحاضرين للإجتماع و الساعين بجدية لحل الموضوع دكتور حيدر حسن التوم السفير و الديبلوماسي بالخارجية السودانية لا اظن أنا و إنت نفوقه فهما أو علما

Quote: انت عجبتك قصة دكتور وخارجية ودبلوماسية دي وللا شنو .

Quote: عجبتني شديد

Quote: سالتك عن تصورك لشكل الحل الامثل البحفظ للهلال هيبته ولا يتسبب في ايذاء البرنس

Quote: كلام سمح يا كوتش لكنه نظري التدهور الحاصل في الرياضة عندنا لا ينفصل من التدهور العام في المجتمع في مختلف جوانبه الجانب الاجتماعي الاقتصادي حال صحافته و ساسته المصداقية البقت معدومة الفساد المنتشر في جميع المجالات ولو انصلح حال السودان عموما ممكن نمشي لقدام في الرياضة لكن لوحدها كدا صعب خالص

Quote: شكرا وليد على هذا البوست >> وشكرا ود البشرى على هذا الحوار المليان و الدسم ... واكيد بكرة سوف تحل مشاكلنا الرياضية فى مكتب الوزير او عند ست العرقى او شئ من هذا القبيل كما حدث فى خلاف البرنس مع مجلس الهلال >>> وتغيب القوانين وتغيب معها كل الوان التقدم