|
|
|
 Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: walid shingrai)
|
البوست بيمنح الناس حريه
ويديهم فرصة استغلالها
وشايف الناس يستغلونها اكتر من الاستفاده منها
والغريبه ناس معطيه نفسها اوسمة للرقي والتحضر والحياء وكل الصفات النبيله
لكن عدم الذوق برضو صفه
مافي قانون بيقنن الذوق
ولا لوائح
ياخي ويا اختي لو لقيتي او لقيت انه مداخلتك اذكي او اجمل او اسؤاء او او او
في النهايه هي مداخله
ارحمنا مافي داعي تفتح بيها بوست جديد
ارجو ان تغفروا لي احبة من احتباهم الله
المرحوم او المرحومه اذا عزيز عليك بتمشي بيت البكاء
ما كلو زول يدق ليهو صيوان جديد حيرتونا نعزي منو ونخلي منو
بنشتري اشتراكنا اشتراك اليوم باليوم
واذا الهلال غلب المريخ او العكس ما كل قون يتعمل بوست براهو
او اذا كوز سرق او اقتبس او whatever
ده ما حدث مالي الصفحه الاولي ومدفق في الصفحه التانيه
| |
 
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: walid shingrai)
|
واذا جاتك فكره نيره
وممكن تتعمل مسلسل زي ناس من اقوال فلان وفلتكان
ما كل اسم عايز ليهو بوست براهو براهو
ارحمونا حتي لو كنت بكري ظاتتتووو
ارحمونا
انا متاكد ده ما شعوري براي
ويمكن في زول كتب في نفس الموضووع
البوست حيشيلنا كلنا
من دون الواحد ما يقسم كلامه في عشره ردود
لانه الصفحه الاولي يمكن تقعد يومين
والداير يقراء لتراجي او هباني يلقاه
والداير يقراء مياده كمال برضو يلقاها
وا عجبي من ناس اللفحي قبل ما المذيع يتم قراية الخبر تتفتح تلاته بوستات ناس في نظري في الواقع ديل
ناس الشمارات وناقلي القطايع واصحاب المهنه المنقرضه المشاط
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: خالد عبد الله محمود)
|
| Quote: رشهم يا وليد رشاهم بلا |
زاتو الرش بقي يتسرق
والاغرب ان يتبجح الحرامي
ياخي شوف موضوع بدر الدين
كوز مصدئ
وكبيرهم الذي علمهم السحر
وداير احاورك
وتسعين بوست بيتكلموي
عن واحد سرق تعبير
لكن سرقة الموضوع مباحة
اي واحد داير يثبت انه معارض اكتر من اخوه او اخته
ياخي واللات والعزي عرفنا المعارض منو
والمؤتمر الوطني منو
والهلالابي منو
والمريخابي منو
والبايره منو
والداير يضحك منو
وبتاع الشمابيون منو
والفي قطر منو والفرحان انو في امريكا من
والفي لندن منو
والفي القاهرة منو
الملحد منو والمسيحي منو
والعننننننننصري منو
مافي داعي اى موضوع يحتاج لمنافسين اذا الهلال غلب انتظرو جمال اكيد حيقول واي وكاك وظووط ما حيخليها ليكم وما حتكتبوا اكتر منو
واذا المريخ غلب اكيد هارون دياب حيجي يكاكي انتظروه
ارحمونا بنشتري النت باليوم وما سريع يعني لمن بس تقرا العنواين الساع اتناشر جات
وا عجبي من العنوانين المنقوصه زي عنوان البوست ده
ما تعرف يستحق ولا ما يستحق
لمن تصل لفكرة البوست
رصيدك انتهي
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: مُحَمَّدٍ عِوَضٌ احْمَدُ)
|
Quote: كلامك صاح اول ما اجى داخل الموضوع ذاتو..منتشر ب عدة اذرع
والله انا حاسس انو الاتسرق البورد كلو..
حكاية مملة ولولوة فى الفاضى
كلنا لصوص..!! |
محمد اخوي سلام
لو تفكر فيها تلقاها طبيعة سودانيه بحته في استعمال الحريه
واحد حزبي تلقاهو عجبتو فكره حزب تاني في نقطه بدل ما يحاول يدمجها في فكر حزبه يفتح بيها حزب جديد
تسعين حزب يميني يتفقوا في الدوله الدينييه ويختلفوا في تفاصيل صغيره
ودشيلون حزب يساري يتفقوا في الدوله العلمانيه ويختلفوا في تفاصيل صغيره
ياخي اليميني العايز شريعه مؤتمر وطني اراد ان لم يرد
لا تقول حزب امه ولا اتحادى ولا سجم
والعلماني سودان جديد لا بعثى ولا شيوعي ولا كلام فارغ
تشعب ما في ليهو داعي
نفس الشى حاصل هنا بوست يتفتح يجي واحد يلقي مداخلته اذكي من ان تكون مداخله يفتح ليها بوست ويقعد يحرسها بنقاط وفوق وما شابه ويجي واحد تاني اذكي منو ويفتح بوست تاني وتستمر النقاط
عندهم الحريه يعملوا كده
لكن في قيم
لا تقنن وما عندها لوائح
ارحمونا
يا اذكياء المنبر
لست الا زول ما بتقدر تبدع براك
واعتذر اذا في زول كتب في نفس الموضوع ولو بطريقه اخري
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: walid shingrai)
|
فبالله يا اصحاب الاقلام المستنيره والعقول المتفتحه وعديمي الذوق ومدافعي الحريه
اذا دي الحريه البتنادو بيها هرج ومرج
محتاجين للبشير ونافع يادبوكم كم سنه كده
الاتوكيت يا بجم
الذوق اهم من الفهم
فبالله اتذكر انه فكرتك النيره دي نتيجه لواحد فتح الموضوع اولا
ذكرتوني بدعايه
we dont make things ,we make them better
يا اخي ويا اختي رفقا بنا
اذا ما عقلك قادر يخلق فكره من عدم واعني من عدم ما في زول سبقك عليها
صدقني مهما نمقت وبروزتها
برضها مداخله
استلفت فكرة زول
حتي لو ما هو قدر او هي يعبر عنها
وانت تقدر
او ليك زاويه اخري
برضها مداخله
فارحمنا ارحمينا
ياذوي العقول المستنيره والتاريخ النضالي الناصع والعمل الامنجي المهم
واصحاب الرسالات السماويه
يعني في داعي ززول جاء يبشر بالمسيحيه
يجي واحد يبشر بالاسلام
حاوره في بوسته
ولا واحد عنده اغرب الطرائف ياخي مافي داعي لاغرب طرائف رمضان والعيد والكريسماس والانفصال ووووو
كلها اغرب الطرائف
صدقني يوم يكون داير اقراء طرائف غريبه بقراء بوستك
ولا داير اقراء
عن ترف المعارضه بعرف اقراء لمنو
ولا اخبار البشير مشى سنغافورة ولا ما قدر يمشى ليبيا
امشي لبوست منو
لكن الكتابات كلها سياسه ومعارضه وامنجيه
هلالاب وجمال السنوسي يعني يا هلالاب دايرين تبقو هلالاب اكتر من جمال
او مريخاب اكتر من هارون
بقية الكشه مشه
انتظروا بوست جمال او هارون واكتبوا هناك
يا جماعه في دكاتره وعلماء وفلاسفه ممكن تستفيدوا منهم هنا يا كتبوا وكلامهم مشي الخور سريعا
اوآ ثرو الصمت
بسبب البوستات التي ليست اكثر من مداخله
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: walid shingrai)
|
هسع ممكن اخلي بوستي ده ليوم الدين اعلي المنبر
ارد علي البوستات الفي الصفحه الاولي كلها هنا
يعني صاحب تشبيه الانفصال كالحصان وممتطيه
ما لقي بوست ممكن يكتب فيهوا التشبيه الذكي ده
لا لا
مافي بوست
ولينا سته شهور دشلمية بوست يتكلموا عن الانفصال
ما قريت البوست بتاعه لكن ما افتكر حيكتب احسن من التشبيه ده كل كلامو حيكون شرح للتشبيه العميق ده
احترم عقول القراء
وارحمونابندفع النت بالزمن
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: عبدالعزيز الفاضلابى)
|
Quote: ابلغ ماعبرت به قولك:
كل واحد عجبتوا مداخلة فتح بيها بوست. |
الفاضلابي
ياخي قتلت لي دوش في يدي
انا كالبقيه عايز اتفاخر بانو عندي ديشلون مشاركة
حاحكي ليك قصة قديمه
قصة الموظف القديم الذي لديه عشرين في نفس الدرجه
قدر ما يجي موظف جديد في قسمه سنه سنتين يترقي وهو في نفس درجته مافي ترقيه
مشي اشتكي للمدير العام بانه لديه عشرين سنه خبره
وما يقعد يترقي
فكان رد المدير له
بانه ليس لديه خبره عشرين سنه بل لديه خبرة سنة واحده مكرره عشرين مره
وجدت ان اغلب من يتفاخر بذلك لديه بوست واحد مكرر بعدد مشاركاته
فدعني اخي اكرر حتي اصل مرحلة المستذكين
فذلك بوستي القادم بعد ذهاب هذا البوست الى الخور
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: walid shingrai)
|
بس من الصفحه الاولي من المنبر
يا ازهج
يا التفرع ينتهي
بس في الصفحه الاولي بعدين نقبل علي بقية البورد اذا عندى رصيد او مزاج افكه فيكم
قراء هذا البوست المساكين
او السودان يتوحد تاني
او مصانعنا المحلية صحباتها يكونوا شوايقه او جعليات
انذاك خلو المستذكين يقدوكم بالبوستات المفروض تكون مداخلات
لكن يوجد ما يكفي
من مداخلات اعني عنوانين ليست الا عباره عن مداخلات في بوستات اخري
ليبقي هذا البوست فى الصفحة الاولي بل في المقدمه
| |
|
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: walid shingrai)
|
Quote: ياخي واللات والعزي عرفنا المعارض منو
والمؤتمر الوطني منو
والهلالابي منو
والمريخابي منو
والبايره منو
والداير يضحك منو
وبتاع الشمابيون منو
والفي قطر منو والفرحان انو في امريكا من
والفي لندن منو
والفي القاهرة منو
الملحد منو والمسيحي منو
والعننننننننصري منو
|
الأخ وليد
سلام
ياخي ضحكتنا..
وتشيتنا كمان..
عشان ممكن يكون شاملنا الصالح العام بتاعك ده..
وبعدين ياخوي انت من أول بوستيك ده ولي هسي بتردد نفس الفكرة..
المريخ ده لما يفوز على الهلال بنفتح لكل لاعب من المريخ بوست!!
ودي ما فيها تكرار..
مودتي
| |
|
|
|
|
|
|
|
|
Re: ارجوك/ي قبل ان تفتح بوست جديد pleaaaaaaasssssseeeeeeeeeeee (Re: Abdlaziz Eisa)
|
الفكرة المعششة في رؤوس الكثيرة منا عن عضوية سودانيز أونلاين أنها ترقي بك وترفع قدرك من خانة الدهماء والرجرجة والسابلة إلى مصاف الصفوة وصولاً للطبقة المستنيرة والأكثر إستنارة ربما ، وأكيد هناك أعضاء كل ما تقرأ ليهم بيجيك شعور تقول لي الواحد فيهم "منور يا بيه" إذا كان المعني بالتنوير رجلاً أو تغني "يا الحلة تنوري" إن كانت جكساية ، حتى لو ما قلتها صراحة وأكلتها في حنان حنانك زاتو. وما منتدي سودانيز أونلاين إلا منتداً سايبرياً إنترنتياً عاماً كما أقر بذلك صاحبه – يعني غير متخصص كما يفهم من العبارة – وبالتالي جاز أن يكون فيه المتردية والنطيحة والجرباء والعرجاء ترتع جباً إلى جمب مع السليمة وما أكل السبع. عشان كده لو إحتجت تكتب CV "سيرة ذاتية" طلباً لعمل أو خلافة لا تحسب أن عضويتك هنا سوف تماثل على سبيل المثال عضوية على شاكلة Certified Public Accountant أو WW2A أو حتى الـ NBA فالناس ببساطة يجهلوننا في خارج السرداب فهناك الكثير من السراديب التي تتشارك معنا المعرفة أونلاين برضو.
من ناحية سرقة فكلنا لصوص بداية من صاحب الموقع فالأدمنستريتور "سيد الشئ زاتا" على سبيل المثال سارق جهودكم كأعضاء ، بما جلبتموهو للموقع من شهرة يستقطب إعلانات يعود ريعها لصالحه وحده ، والذي لا يمارس طقوس السرقات الأدبية يقوم بسرقات من نوع آخر فمنا من يسرق وقت العمل لمداخلة أو متاوقه في سودانيز أونلاين ومنا من يسرق الإنترنت في مقر العمل فيكون في الويك إند بلا نتاً ولا مداخلة يستوي في ذلك من كان ويكه إنده يوافق Friday أو Sundayومنا من يسرق مستخدماً تقنية البلوتوث فيبحث عن الشبكات المحيطة بمكان تواجده فيقوم بالدخول متي ما لم تكن الشبكة ذات باسوورداً يصعب عليه المهمة.
==
السرقة خصلة ذميمة لاشك لكن إذا خيروني بيها وبين الكضب فسوف أختارها إن شاء الله يقولوا علي همباتي بس كضاب حاااااره ، والكضب أنواع وكله من رمادي وإنت ماشي يعني حكاية كذبة بيضاء وكذبة أبريل وحدائق مايو دي إستهلاك محلي ، أها أكتر الكضابين هنا ثلة إحترفت أن تفك الكضبه وتصدقها وهي زي لمن تحاور ليك واحد في كرة القدم أو تغشو بأن تلعب باص لي نفسك وتتفوق عليه بالسرعة وهي الحالة التي ينطبق عليها القول "فاكيها في نفسو" في المنتديات والحياة العامة طبعاً لكين في الكورة فهي فن وحرفنه شفت الكضب وموقعه من الآكشن بيكون كيف.
=====
أشكرك كتير على هذه المساحة من الحريات التي أتحتها لي وفتيتو في مداخلة لم أكن في حاجة إلى أن أفتح بيها بوستا غير أن فتتي لهذه المداخله ريحتني في صنقوري ولم يبق موضع في دقنوسي إلا وفيه صوفات قايمات ولا نامت كل الكريمات والشامبوهات والحلاقين قاطبة.
====
أكيد بالشويتين بتوع الإنجلش لانجوتش دي وإستخدم الكود وألوان في الخطوط بحاول أغطي جناحي وأثبت للجميع أنني لا دهماء ولا رعاع حتى لو لم أكن مستنيراً فسوف أكون مولعاً إذن أنا موجود.
| |
|
|
|
|
|
|
| |
walid shingrai
خالد عبد الله محمود
مُحَمَّدٍ عِوَضٌ احْمَدُ
osama fadlalla
Yasier Elsayed
عبدالعزيز الفاضلابى
امير عوض الجمري
عمران حسن صالح
Abdlaziz Eisa
almulaomar
احمد محمد بشير
ناذر محمد الخليفة
فيس بوك
تويتر
انستقرام
يوتيوب
بنتيريست