من يوم تواترت اخبار عن نية لاعبي الهلال إعتزال اللعب الدولي احتجاجا على ما اصاب البرنس لم القي لها بالا باعتبارها من لغاويس الجرائد و المنتديات وباعتباره تصرف مستحيل ان يصدر من لعيبة سودانيين قبل ان يكونوا هلالاب اللعب بشعار المنتخب يجب ان يكون اسمى امانيهم لكن الخبر ذكر اليوم في اكثر من جريدة بأن المعز محجوب سلم خطاب الاعتزال لحسن ابو جبل لازلت اسأل الله ان يكون الخبر كاذبا أو غير دقيق او اي شيئ آخر المهم أن لا يكون هذا الفعل الأخرق الغير مقبول صدر من لاعبينا في شعارنا الله أولا ثم الوطن مقدم على الهلال و الهلال مقدم عليكم نعم تعرض البرنس لهتافات ساقطة لا احد يقبلها لكن ما ذنب الوطن و ما ذنب الهلال لو صح الخبر اتمنى من ادارة الهلال معاقبة اللاعبين قبل أن يعاقبهم الاتحاد او الوزير لستم اكبر من السودان او من الهلال ولا البرنس كذلك طال الزمن أم قصر فانتم يوما ما مغادرين و سيبقى الوطن ويبقى الهلال لا تتركوا سيرة سيئة تخلفكم لي جنا الجنا
12-03-2010, 04:50 PM
محمد الامين احمد
محمد الامين احمد
تاريخ التسجيل: 08-28-2004
مجموع المشاركات: 5124
Quote: مجلس الهلال يكمل اجراءت سفر البرنس لألمانيا واللاعب يشيد بموقف المجلس
أكمل مجلس إدارة نادي الهلال اجراءات سفر قائد الفريق هيثم مصطفى إلى ألمانيا وذلك بغرض اجراء فحوصات طبية والخلود للراحة والاستجمام بعد موسم شاق قاد فيه اللاعب الفريق إلى نصف نهائي بطولة الأتحاد الإفريقي (الكونفدرالية) والحفاظ على لقب بطولة الدوري الممتاز، كما هدف المجلس من خلال تسفير البرنس لابعاده عن الأجواء المشحونة التي أعقبت مباراة نهائي الكأس التي تعرّض فيها اللاعب لاساءات بالغة من جماهير المريخ، من جانبه تقدّم البرنس بالشكر الجزيل لمجلس إدارة نادي الهلال على موقفه الذي قال إنّه كان له أثر طيب وساهم كثيراً في اخراجه من حالة الاحباط التي اصابته بعد قمة نهائي الكأس. على صعيد آخر سجّل البرنس زيارة أمس إلى مكتب الأستاذ مالك جعفر سر الختم الأمين العام لنادي الهلال ناقش من خلالها معه ملف تسجيلات الهلال خلال الفترة الشتوية التي ستنطلق غداً، وأمّن الإجتماع على ضرورة دعم الفريق بكفاءات ذات مستوى عالٍ تسهم في قيادة الفريق لتحقيق أحلام جماهيره في الفوز ببطولة خارجية.
هلا يا هارون ومبروك لكم فوز قطر بتنظيم المونديال لأسف يبدو أن الخبر صحيح وقد يتراجع اللاعبين عن موقفهم لضغوط او غيرها لكن يبقى الموقف و خطأ التصرف في الذاكرة وفي تاريخهم المحنة الأخيرة خلتني افتقد دكتور شداد وقوة شخصيته بالرغم من المآخذ على طريقة ادارته للاتحاد
12-03-2010, 11:26 PM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
قمة الإنصرافية المنبر واقف علي فِد رجل، وصاحبنا أعلاه يقول ليك الهلال والوطن ..إلخ! ___ لو فاضي شغلة ما تفتح أسابيعك عشان توثق الحاصل ده! قوم لف كده ولا كده بالله! ثم ثانياً الهلال قبل السودان، وهذا للمعلومية!
12-03-2010, 11:46 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
أبو اليا وهو من متين المنبر قعد ما طوالي نحن في الحالة دي من المعيار لبوكرامي لمولد وائل / طلال لإستقالة طلعت لفلم مركز الخاتم لناس خليل العلى مسيرة ساعتين من الخرطوم لجماعة ذو اليد ثم قوم لف ياخي
12-03-2010, 11:45 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
حبيبنا هارون الامر حقيقي فقد قدم ممثل لاعبي الهلال ( المعز محجوب ) خطاب يفيد باعتزال 10 لاعبين استدعوا للمنتخب الوطني حسب ما افادت به مجموعة من صحف اليوم
واللاعبين هم 1. هيثم مصطفى 2.المعز محجوب 3. سيف مساوي 4. عمر بخيت 5. علاء الدين يوسف 6. مهند الطاهر 7. كاريكا 8. بكري المدينة 9. خليفة 10. بشه
12-03-2010, 11:57 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
سلامات ود البشرى كان بقى دقيق ولا فيتريتة... المهم انك سجلت موقف ليس غريبا ان يصدر منك وياريت ياود البشرى لو وجع السودان وقف عند زعل لعيبة الهلال. كان البطن مافيها وجعة ,, المهم لابد ان يكون للهلال الكيان دور فى التربية الوطنية وكان اللعيبة ديل ماعاوزين يدخلوا فى بيت الطاعة فالهلال محلل ليهو اكتر من 25 ويربى غيرن. على بال ما يبقوا قدر الدواس نكون اتساوينا معاكن فى كاسات الممتاز. ولا مو كدى.
12-04-2010, 00:06 AM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
Quote: لو صح الخبر اتمنى من ادارة الهلال معاقبة اللاعبين قبل أن يعاقبهم الاتحاد او الوزير
اعتزال اللعب الدولي حق شخصي ومتاح لكل لاعب يري لسبب من الاسباب انه لا يستطيع تقديم ما يفيد فريقه القومي .. ولاتوجد نصوص او فقرات او قانون تعاقب اي لاعب قرر اعتزال اللعب الدولي لاي سبب من الاسباب..
12-04-2010, 00:18 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: اعتزال اللعب الدولي حق شخصي ومتاح لكل لاعب يري لسبب من الاسباب انه لا يستطيع تقديم ما يفيد فريقه القومي .. ولاتوجد نصوص او فقرات او قانون تعاقب اي لاعب قرر اعتزال اللعب الدولي لاي سبب من الاسباب..
بالله يعني ده هسع المهم .. عدم معاقبة لاعبي الهلال .. ويتحرق الفريق القومي بجاز
12-04-2010, 00:42 AM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
هو اتحرق بي جاز من الليله يا وليد ..!وين الكلام داعندما قامت ادا المريخ بسحب جميع لاعبيها من معسكر اريتريا لاداء مباراة في كاس السودان (مع الاتحاد مدني) في نفس يوم المباراة الاعداديه الاولي للمنتخب مع اريتريا ؟
12-04-2010, 00:56 AM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
الهلال يستدعي لاعبيه الدوليين لمناقشتهم حول خطاب الاعتزال الجماعي
Quote: قرر مجلس إدارة نادي الهلال استدعاء لاعبيه الدوليين لمسائلتهم حول خطاب الاعتزال الجماعي الذي حرروه للإتحاد السوداني لكرة القدم، وأكدّ الأستاذ مالك جعفر سر الختم الأمين العام للنادي والناطق الرسمي باسمه إن المنتخب الوطني يمثّل بالنسبة للهلال خطاً أحمر لا يقبل فيه المساومات او الموازنات وأضاف إن المجلس سيستمع لدفوعات لاعبيه ويناقشهم في خطابهم مؤكداً ان الوطن يجب أن يبقى عند جميع الاهلة مقدّماً على جميع الأشياء الاخرى لافتاً النظر إلى شعار النادي (الله ـ الوطن ـ الهلال).
Quote: هو اتحرق بي جاز من الليله يا وليد ..!وين الكلام داعندما قامت ادا المريخ بسحب جميع لاعبيها من معسكر اريتريا لاداء مباراة في كاس السودان (مع الاتحاد مدني) في نفس يوم المباراة الاعداديه الاولي للمنتخب مع اريتريا ؟
عليك الله عاين انت بتقول في شنو ؟
مباراة رسمية في كاس السودان قصاد مباراة اعدادية وكمان اولى
وفي نفس الوكت عاوز تقيس ده وتلبسو جلابية اعتزال لاعبي الهلال اللعب في الفريق القومي عشان نبزو هيثم
مافي اي وجه مقارنة المعروف انو المبارايات الدورية مقدمة على مباريات الاعداد
12-04-2010, 01:26 AM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
عشان قذفوا والدة هيثم ..وتحت مسمع ومرأي من وزير الشباب والرياضه ورئيس الاتحاد العام
Quote: مافي اي وجه مقارنة المعروف انو المبارايات الدورية مقدمة على مباريات الاعداد
ياتو عرف دا يا وليد ؟ وحصل في ياتو دولة قبل كدا ؟ ورايك شنو في اعتذار العجب ؟وتهديد مجلس المريخ بسحب جميع لاعبيه من الفريق القومي في حالة معاقبته من قبل الاتحاد العام عندما اعتدي علي مدرب الفريق القومي قسطنطين ؟
12-04-2010, 01:33 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: عشان قذفوا والدة هيثم ..وتحت مسمع ومرأي من وزير الشباب والرياضه ورئيس الاتحاد العام
بالله ما اتقذف فاروق جبره من جمهورة قبل كده خمس سنوات ما اتقذف اكرم الهادي سليم اكرر الهادي سليم في نسبو وفي شرفو الشخصي
وبرضو كان تحت مسمع ومرا وزير الرياضة
Quote: ياتو عرف دا يا وليد ؟ وحصل في ياتو دولة قبل كدا ؟ ورايك شنو في اعتذار العجب ؟وتهديد مجلس المريخ بسحب جميع لاعبيه من الفريق القومي في حالة معاقبته من قبل الاتحاد العام عندما اعتدي علي مدرب الفريق القومي قسطنطين ؟
في اي دولة بتلعب كورة حصل فيها الكلام ده
وهل تم سحب لاعبي المريخ ؟
انت عاوز تقول شنو ؟ انك مبارك تمرد لاعبي الهلال على الفريق القومي
خلاص غليرو الشعار وخلوه
الله .. الهلال
12-04-2010, 01:35 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: ما اتقذف فاروق جبره من جمهورة قبل كده خمس سنوات ما اتقذف اكرم الهادي سليم اكرر الهادي سليم في نسبو وفي شرفو الشخصي
رغم اني بدين اي سلوك اساءات شخصيه لاي لاعب ..لكن فرق كبير من تفلتات الجماهير الفرديه مع حدث معين .. وبين عمل منظم ومدروس ومخطط ومعلن قبل وقوعه ومن احد اعضاء مجلس المريخ ..واعلامة
Quote: بعدين هيثم الزعلان ليه ده ما قدام الكميرات وتحت نظر جميع الوزراء والمشاهدين قال كلام قبيح في ام لاعب زميله
الحمد لله يا وليد القلت نظر ما قلت سمع ..لكن اقول ليك حاجه وما كلام كاميرا الاساءه والاستفزاز الكان من العجب كان اسوأ من ما تلفظ به هيثم ! (مصدري زول داخل الميدان)..
12-04-2010, 12:43 PM
محمد الامين احمد
محمد الامين احمد
تاريخ التسجيل: 08-28-2004
مجموع المشاركات: 5124
بالله عليك عن اى عمل مدروس تتحدث ؟؟ عن اليفط و اللافتات المكتوب عليها ( راجى الـ ) ولا دى ما شفتها
======
يا ود البشرى
انا عارف قصدك و غرضك من فتح البوست ، و فكرتك و صلت ، لكن المشكلة فى اللعيبة البيمرو كل يوم من بوابة نادى الهلال و لا يفقهون ما كتب عليها ! و عن الادارة التى تذلل للـ اللعيبة !
12-04-2010, 04:32 PM
خالد عبد الله محمود
خالد عبد الله محمود
تاريخ التسجيل: 11-28-2004
مجموع المشاركات: 5393
ود البشري أؤيد و بشدة مسألة إعتزال لاعبي الهلال لعب المباريات الدولية مع المنتخب و هذا حق متاح و مشروع لأي لاعب كرة قدم و بالقانون ..
و أنا مقتنع جداً يا ود البشري إنكـ أنت زاتكـ لو كنت لاعب في الهلال و سمعت ما قيل في حق أسرتكـ لتركت كرة القدم نهائياً دون التفكير في المنتخب أو غيرو .. يا أخوانا هؤلاء اللاعبين ليسو آلات و ليسو عبيد لأحد.. سيلعبو متى شاءوا و يرفضو اللعب متى شاءو .. القانون أعطاهم حرية إعتزال اللعب الدولي متي شاءوا .. بعدين يكفي ما قدمه هؤلاء اللاعبين للمنتخب الذي لم يقدم لهم التكتح ..
و بلاش الضرب على وتر الوطنية فالكل يعلم أن المنتخب اليوم ليس هو منتخب السودان و لكن منتخب معتصم جعفر و محمد سيد أحمد و مازدا تلاتات
12-04-2010, 05:45 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
السلام عليكم يا شباب و شكرا للمشاركة يا خوانا ما أي شي لازم يتم تناوله بطريقة هلال مريخ يا معاوية مافي قانون بمنع لاعب من الاعتزال الدولي لكن لما لاعب واحد يقدم خطاب اعتزاله بنفسو لكن خطاب واحد بدون توقيعات يتحدث عن اعتزال عشرة لاعبين في نفس الوقت دا شي مختلف و غير مقبول ويستدعي تدخل السلطات لمعالجة الامر الشباب ديل واضح انهم متأثرين أو منقادين للأصوات المتطرفة سواء من الجمهور أو من الاعلاميين نفس الأصوات الاتسببت في الحاصل سواء بشتيمة اللاعبين الشخصية و بالاسم او باللافتات المسيئة مشكلتنا كان في الهلال او المريخ انو في ناس شايفين روحهم اكبر من القوانين و اكبر من الاتحاد و اكبر من المنتخب حكاية التهديد بسحب اللاعبين من المنتخب دي ما اول مرة لكن الجديد في الموضوع المرة دي و المؤسف حقا انو الخطوة جات من اللاعبين نفسهم وليس الإداريين كما جرت العادة أنا ما عني معلومة دقيقة لكن احساسي بقول انو الموضوع دا وراه صحافيين و مشجعين النوعية التي ترغب في حريق روما و السلام
يا خلدون اختلف معك في رايك وانا ما من الكل القلت يعلموا ان المنتخب لمازدا و معتصم حد معلوماتي انو منتخب السودان و معتصم السوداني الجنسية رئيس الاتحاد السوداني و مازدا السوداني الجنسية المدير الفني للمنتخب ومالك طيب نسيت مجدي شمس الدين ما داخل معاهم في الصندوق دا
محمد الامين ياخوي اشك انو وقع ليك غرض البوست حسب مشاركاتك ما علينا , قلت لي
Quote: و عن الادارة التى تذلل للـ اللعيبة !
ما عرفتك قاصد ادارة الهلال وولا ادارة الاتحاد العام غايتو اياً كانت المقصودة كلامك دا غلط على الاقل في الموقف الحالي كان ادارة الهلال متمثلة في الامين العام كلامهم واضح و رفضهم لتصرف اللاعبين ينفي عنهم شبهة التذلل وكان للاتحاد برضو حسب البيان الطلعو رفضوا المذكرة ورجعوها لمجلس ادارة الهلال لمناقشة اللاعبين فيها و اعلن انو من يتخلف عن الحضور لمنتخب حسب الجدول المعلن سيتعرض للعقوبة و اللاعبين الاتنين الماسافروا مع المنتخب الاولمبي ستتم محاسبتهم حسب اللوائح
12-04-2010, 09:09 PM
محمد الامين احمد
محمد الامين احمد
تاريخ التسجيل: 08-28-2004
مجموع المشاركات: 5124
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة