|
منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3/12
|
يستضيف منتدى الحروف بمركز أصدقاء البيئه يوم الجمعه الموافق 3/12/2010 أربعه من قامات بلادنا الثقافيه والأدبيه وهم الفنان أحمد شاويش والشاعـر الأستاذ كامل عبد الماجد والمخرج السينمائى أنور هاشم والأستاذ الباحث فى التراث واللغه الأمين البدوى كاكوم . والثلاث الأوائل كانوا قد قدموا إلى الدوحه بدعوه من الحكومه القطريه لحضور مؤتمر للمبدعين العرب . وقد إغتنمنا فرصة وجودهم ودعوناهم لإقامة هذه الأمسيه تحت مظلة منتدى الحروف الذى يشرف عليه الأستاذ عادل التجانى مدير مركز أصدقاء البيئه . أما الأستاذ والأديب الأمين البدوى كاكوم فهو موجود فى الدوحه فى زياره خاصـه .
|
|
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: كمال سالم)
|
الفنان أحمد شاويش سوف يمتعنا بأدائه السهل الممتنع وتطويعه لآلة العود بينما سنستمع لأعذب الكلام شعرا من الأستاذ الشاعر كامل عبد الماجد صاحب أغنية سيد الإسم وتايه الخصل وغيرهم من القصائد الجميله . أما الأستاذ المخرج السينمائى أنور هاشم فسوف يكون مفاجأة المنتدى حيث سيعرض لنا أحدث إنتاج له فى مجال الأفلام ألا وهو فيلم سودانى عن الـزار . أما الأستاذ كاكوم فسيبحر بنا فى عوالم الباديه وشعرها الرصين وتاريـخ إنسانها الملئ بالقصص والحكاوى التى لا يملها المتلقى ,, إلى أن نلتقى مساء الجمعه تحياتى لكم ولكل أدباء السودان المنتشرين فى جميع أصقاع الدنيا .
| |
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: كمال سالم)
|
منتدى الحروف وامسية عجب كان من المفترض ان تقام امسية الجمعة مع الأديب كاكوم ولكن للظلرف الخاص جدا بالمبدعين الجهابذة تغير البرنامج الى امسية المحبة والتكريم وكنا نمنى النفس بوجود الفنان التشكيلي ـ حيدر ادريس والفنان المسرحي محمد شريف على معنا لتكتمل بدور افراحنا ونكرمهم التكريم الحقيقي الليلة سوف تكون ليلة مشاركة عامرة بالثقافة والفنون والتراث منوعة من السينما للغناء والطرب والسمع الما خمج زي ما قلت سوف نتشارك انا وكاكوم في ادارة الليلة وونسة عن الشخصيات والكلمات والانغام والصورة السينمائيثة مودتي ومحبتي
| |
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: محمد المرتضى حامد)
|
محمد المرتضى حامد تؤام الروح ياخي سيبك من اجازة الجمعة ودك الاحد يعني اول مرة بكونوا خصموا منك انا غايتو كل ما انزل اجازة بجي متأخر متعود على الخصم لكن بقول ليك حاجة والله ليلة بتستاهل يخصموا فيها مننا ياخي تعال وزيد البهجة لينا وفرحنا لامن دسمك يزيد لينا القاوت والسكر برضو بنكون فرحانين لانو ضغطنا بكون في النازل وانت في عايزينك معانا في البيئة وفي اللجنة العليا لبرنامج لكل خريف زهرة مودتي ومحبتي ــــــــ بكرة خليك معانا وتعال نحتفل بي قطر وكأس العالم قول انشاء الرحمن آمين
| |
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: محمد المرتضى حامد)
|
يابختكم تعرف ياود المرتضي اذا انت محظوظ تتعرف علي زول زي احمد شاويش من قرب والله اصله معدنه نوعه تاني واكيد زي مابقول د.عبدالحميد يوسف صالح الزول دهـ سابق لزمنه , احمد شاويش جمعتني به ايام وليالي هي الدواء الناجع لكل الهايبودبرسيه , ياريت لوسمعتو وهو بشوش (من تشويش ترجع لاحمد شاويش) وليس تشويش بمعناها الاخر ياريت لو سمعته يشوش في أغنية من اول نظره والله مزاجك ينعدل 360 درجة فوق الصفر
اما الكوكب الاخر سيد الاسم دهـ كمان كلامه براهو وغناهو بنعرفو نحن ناس حي العرب اصل الفن والطرب
بختكم يا ناس قطر شاويش وسيد الاسم وانور تيب دهـ ما كاس عالم عدييييييييييييل كده بس بدون كوره
| |
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: كمال سالم)
|
Quote: يستضيف منتدى الحروف بمركز أصدقاء البيئه يوم الجمعه الموافق 3/12/2010 أربعه من قامات بلادنا الثقافيه والأدبيه وهم الفنان أحمد شاويش والشاعـر الأستاذ كامل عبد الماجد والمخرج السينمائى أنور هاشم والأستاذ الباحث فى التراث واللغه الأمين البدوى كاكوم . والثلاث الأوائل كانوا قد قدموا إلى الدوحه بدعوه من الحكومه القطريه لحضور مؤتمر للمبدعين العرب . وقد إغتنمنا فرصة وجودهم ودعوناهم لإقامة هذه الأمسيه تحت مظلة منتدى الحروف الذى يشرف عليه الأستاذ عادل التجانى مدير مركز أصدقاء البيئه . أما الأستاذ والأديب الأمين البدوى كاكوم فهو موجود فى الدوحه فى زياره خاصـه . |
حاول تراجع معلوماتك وما تخم الناس ساي اتأكد منو الجاي ومنو الما جاي
ــــــــــــ حمد لله على السلامة يا فردة
| |
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: Alsa7afa_30)
|
Quote: والأستاذ الباحث فى التراث واللغه الأمين البدوى كاكوم .
|
يا سسلام ياخي وكان الزمن سيعيد دورته مرة اخري وسنجلس القرفصاء في حضرة الامين البدوي الدفعة القدامنا عندما كان طالبا في كلية الاداب وشاعر وملقي مدهش للدوبيت والاشعار ومتبحر في بحور اللغة ومنذ ذلك الزمن البعيد وسناتي حتي نري ماذا صار في حال واحوال الامين البدوي الثفاقية والادبية...
ونرحب بشاعر الوجدان السوداني الخال كامل عبدالماجد وحباب الفنان احمد شاويش
وشكر منتدي الحروف وشكرا كمال سالم
| |
|
|
|
|
|
|
Re: منتدى الحروف يستضيف الفنان أحمد شاويش والشاعر كامل عبد الماجد والباحث الأمين كاكوم الجمعه 3 (Re: khaleel)
|
كمال سالم عوافى ياخ اووول حاجة اتاكدوا انو التربيزة فى محلتها وكلو فى مكانو !! كسرتو راسنا ياخ .. تانيا يا محمد السنى الحمدلله ال صاحبك محمد شريف على دا ما حضر .. غايتو يا كيمو تسمع كامل عبد الماجد دا على مسئوليتى واحمد جاويش كمان لكن الباقيين ديل ما بعرفهم ليك المهم جروا ليهم التربيزة كما ينبغى .. واذا استدعى الامر او اذا جا بدر غطوهم وصوتوا .... لووووب ناس الدوحة سلام
ـــــــــــ يا كيمو سؤال فنى .. الزول لما يستضيف باحث بعمل شنو يعنى ؟؟
| |
|
|
|
|
|
|
|