يا شباب شوف لينا ال 3D الخاص بيكم بقول شنوء فى الموضوع دة بعد 9/1

Quote: تصور انك تقابل صديق او جار اوزميل دراسة من جنوب السودان بعد يوم 9/01/2012 ...... ماهو شعورك؟ وكل واحد فى طرف وشايل ليهو جواز سفر مخالف عن جوازك وانت جواز اخر. و فى نفسك عارف إنو اجمل الايام كانت مع هذا الشخص.حيث كانت اجمل جيرة وزمالة وعشرة كانت معهُ او معها... بالله عليكم استخدموا خيالكم وتصورو. والله انا شخصيا ماقادر. ممكن واحد منكم يبسط لى الامر هذا وخاصة نحنا اهل الإشلاقات الما بنعرف فلان قيبلتة شنو. وفلان اهلو من وين. الا فى الشدائد. كدى انا بديكم فرصة للتفكير علشان نحل اللغز الماعندو حل ده وادونا رايكم. اسل الله وحدة طوعية. ودعوة للنقاش.

سلام أخ ناصر....
الموقف صعب وذو شجون علشان كده الناس ما قادر تكتب وتعبر عن الفي نفسها.
ذكريات جميلة مع لادو وملوال و قرنق وجيمس و إدوارد و حامد ترجوك
ويونس و جوزيف, كلنا كنا في مدرسة واحدة وجيران وعايشين في سلام وفي أمان الله
فجاءة سمعنا بي قرار ناس الإنقاذ و الحركة , بتقرير المصير. وسمعنا قالو حيعملوا
الوحدة جاذبة بس ما عملوا أي حاجة.... وقبل يوم الإستفتاء الجاي عرفنا إنو ناس "لادوا"
زهجو من الحكومة وداير يمشوا الجنوب وفي بالهم ومخيلتهم الذكريات الجميلة

شوفو القصيدة التحت دي ذات شجون ومن منا لم يقرأها؟!
أنا حافظها صم, وكنا بنرددها في فصل واحد مع ناس "ملوال".

*************************
في القولد التقيت بالصديق ** أنعم به من فاضل صديقي
زرنا معاً حدائق النخيل ** في ظلها قد طاب لي مقيلي
وجدت فيها صاحب التعاون ** لخيرنا يسعي لا تهاون
وكم اكلت معه الكابيدة ** وكم سمعت اوروي ووالوده
ودعته والأهل والعشيرة ** ثم قصدت من هناك ريرة
نزلتها والقرشي مضيفي ** وكان ذاك في اوان الصيف
وجدته يسقي جموع الإبل ** من ماء بئر جره بالعجل
ومن هناك قمت للجفيل ** ذات الهشاب النضر الجميل
زطتم سفري وقت الحصاد ** فسرن مع رفيقي للبلاد
إذ مر بي فيها سليمان علي ** مختلف المحصول بالحب امتلأ
ومرت بارحت دار اهلي ** كلي ازور صاحبي ابن الفضل
ألفيته وأهله قد رحلوا ** من كيلك وفي الفضاء نزلوا
في بقعة تسمي بابانوسة ** حيث اتقوا ذبابة تعيسة
مازلت في رحلاتي السعيدة ** حتي وصلت يامبيو البعيدة
منطقة غزيرة الأشجار ** لما بها من كثرة الأمطار
قدم لي منقو طام البفرة ** وهو لذيذ كطعام الكسرة
***************************