|
|
 أغنيات أناقتها في بساطتها ..
|
تظل أغنية المنديل للفنان الراحل سيد خليفة واحدة من أعظم وأجمل وألطف الأغاني ..
نعم في أغنيات تعتبر من عيون الغناءالسوداني سواء حقيبة سواء جيل العمالقة وحتى في جيل الشباب لكن في اغنيات كده أناقتها تكمن في بساطتها كلمة ولحن واداء..
الاغنية دي بسيطة شديييد ..عبقرية الفكرة جات من الكتابة للمنديل الأبيض الفيهو قطيفة ده ..ياخ دي فكرة مجنونة بالجد ..
وهدية من إيدك مقبولة معناها إني على بالك ..ونعيد الأيام الأولى واتأمل حسنك وجمالك ..وإنت جميل والجابك لي ملاك وجميل ..يا منديل..
ياخ ده كلام راقي شديد ..ماف اي تعقيد فكرة بسيطة ومع إنو أي زول الكلام ده ممكن يقولوا لكن صدقوني ولااا زول غير الكتبو ده ممكن يقولوا..
ولما اسافر يشاور يوادع بالمنديل ولما اخاصمو يداري دموعو في المنديل ولما اغازلو يادري الفرحة في المنديل ..
عبقرية الاداء كانت عند الراحل صاحب الصوت الحنين سيد خليفة ..وفكرة يشاور يوادع ..يوادع يشاور دي فكرة لحنية غريبة جدا جدا..
وقصة إعادة تعبير فرحة الفرحة دي جن رسمي..
بالجد دي واحدة من أرقى الأغنيات البسيطة اللي سمعتها في حياتي ..
|
|
  
|
|
|
|
|
|
|
|
Re: أغنيات أناقتها في بساطتها .. (Re: عمر الفاروق)
|
من فريع البان ..
أغنية إرتبطت زمان بي رقيص العروس ودوماً ما كانت بتكون ضربة البداية قبل رميات الهجيج والترتة ..
نعم كانت اغنية ضربة البداية لكشف وش العروس وإزاحة الفركة والعروس تتمايل كما البانة ويدينه مغطية بيها وشها وبعد داك العريس يزح يد والعروس لسة تتمايل ويزح التانية والعروس كما فريع البان البسوح نديان ..
ياخ دي أغنية برضو جميلة شديد ومن النوع لابتتحفر جواك بي مشاهدها ..
قلت أشرب مر ..يبقا مر في مر ..وياا الله زيدنا عمر .. في حبو يا سلااام ..
وقلت اشرب راح عل قلبي ارتاح ..لا طبيب جراح لا زال شفاي لا اراح ..وفي حبو يا سلام (صلحوني في الكلمات لانو انا انطبعت في ذاكرتي من زمن بيخلو الشفع يحضرو رقيص العروس:) )..
روعة الأغنية كمان انطبعت في ذاكرتي والراحل الفنان الطروب محمد أحمد عوض أو كما نسميه نحن اولاد الثورة بي الخال وهو حاضن الرق وبيلوح بي يدو اليمين ..في ريييدو يا سلاااام ..في حبو يااا سلااام ..
| |
|
|
|
|
|
|
|
|
|
Re: أغنيات أناقتها في بساطتها .. (Re: عمر الفاروق)
|
عمر
كل عام و إنت بخير و الأسرة
أنا كنت عارف إنو كنكوجك دة مطول الغياب و قاعدلو فوق راي
موضوع شيق و ذي شجوم
الاغنية دي بسيطة شديييد ..عبقرية الفكرة جات من الكتابة للمنديل الأبيض الفيهو قطيفة ده ..ياخ دي فكرة مجنونة بالجد ..
وهدية من إيدك مقبولة معناها إني على بالك ..ونعيد الأيام الأولى واتأمل حسنك وجمالك ..وإنت جميل والجابك لي ملاك وجميل ..يا منديل..
ياخ ده كلام راقي شديد ..ماف اي تعقيد فكرة بسيطة ومع إنو أي زول الكلام ده ممكن يقولوا لكن صدقوني ولااا زول غير الكتبو ده ممكن يقولوا..
ولما اسافر يشاور يوادع بالمنديل ولما اخاصمو يداري دموعو في المنديل ولما اغازلو يادري الفرحة في المنديل ..
بالله واصل الغوص في بقية الأغاني التي على شاكلة المنديل
هادي قعدة في هذه الواحة
| |
|
|
|
|
|
|
|
|
|
Re: أغنيات أناقتها في بساطتها .. (Re: Rawia)
|
ابو جهينة :
تحياتي يا حبوب ..
أغوص وين يا زول ؟؟ أسة بكرة جماعتك في المنبر يطلعوني غواصة !!
لكن بيني وبين قدر ما نحت راسي ووقفت في (التحمير) العملتو في الاغنية ده غلبني افهمك غايتو حظظظو الزول الفهمك ده :)
لكن بيني وبينك يا ابو جهينة شاعرنا ده لو شاف مناديل الزمن ده بتاعت البشكير الخدرا ووصفرا والواحد تلقاهو معلقة في لياقة القميص الساعة 2 ضهر في السوق العربي كان قبل الهدية ؟؟؟
والله كان قال ليهو يا اخينا هوي لم منديلك ده عليك ..
غايتو انا بتخيل إنو مع جكس الزمن ده واختلاف الهدايا ما بعيد الشاعر يكتب :
دب أبيض مربوط بي فيونكا ..وصوت مزيكا تقول يا حبيب..
إنت غريب والجابك لي
| |
|
|
|
|
|
|
|
|
|
Re: أغنيات أناقتها في بساطتها .. (Re: عمر الفاروق)
|
Quote: تظل أغنية المنديل للفنان الراحل سيد خليفة واحدة من أعظم وأجمل وألطف الأغاني ..
نعم في أغنيات تعتبر من عيون الغناءالسوداني سواء حقيبة سواء جيل العمالقة وحتى في جيل الشباب لكن في اغنيات كده أناقتها تكمن في بساطتها كلمة ولحن واداء..
الاغنية دي بسيطة شديييد ..عبقرية الفكرة جات من الكتابة للمنديل الأبيض الفيهو قطيفة ده ..ياخ دي فكرة مجنونة بالجد ..
وهدية من إيدك مقبولة معناها إني على بالك ..ونعيد الأيام الأولى واتأمل حسنك وجمالك ..وإنت جميل والجابك لي ملاك وجميل ..يا منديل..
ياخ ده كلام راقي شديد ..ماف اي تعقيد فكرة بسيطة ومع إنو أي زول الكلام ده ممكن يقولوا لكن صدقوني ولااا زول غير الكتبو ده ممكن يقولوا..
ولما اسافر يشاور يوادع بالمنديل ولما اخاصمو يداري دموعو في المنديل ولما اغازلو يادري الفرحة في المنديل ..
عبقرية الاداء كانت عند الراحل صاحب الصوت الحنين سيد خليفة ..وفكرة يشاور يوادع ..يوادع يشاور دي فكرة لحنية غريبة جدا جدا..
وقصة إعادة تعبير فرحة الفرحة دي جن رسمي..
بالجد دي واحدة من أرقى الأغنيات البسيطة اللي سمعتها في حياتي .. |
أقسم بالله العظيم يا عمر
وأنا بفتح في بوستك لسه ومن العنوان طافت بي خاطري أغنية المنديل لسيد خليفة
ولما شفت أول سطر في البوست قعدت أتشهد
توارد خواطر عجيب جداً
| Quote: ولما اسافر يشاور يوادع بالمنديل ولما اخاصمو يداري دموعو في المنديل ولما اغازلو يادري الفرحة في المنديل .. |
وفي الحتة دي بالذات أنا بقول إنو المنديل دا multi-function متعدد الإستخدامات
الله يديك العافية يا عمر
| |
|
|
|
|
|
|
|
|
|
Re: أغنيات أناقتها في بساطتها .. (Re: willeim andrea)
|
اقبض ...
عمر الفاروق ومزاجه رايقا ...
ياخى هو التيشوز خلى للناس خيال ؟
نحن غايتو منديلك الاخضر دا ذااتو ما حضرناهو ..
Quote: صلحوني في الكلمات لانو انا انطبعت
في ذاكرتي من زمن بيخلو الشفع يحضرو رقيص العروس:) |
هاها عمر تبريرات !!
والله كبييييير كدا بتحضر ..
عمر ولا غيروك ؟؟
ــــــــــــــــ
تكتر تقلل تانى مع المبدعين
انا ح اكلم محى الدين
يبث اغنياتك التى سجلتها
ابان زيارتك الاخيرة للخرطوم لوووووووب .
| |
|
|
|
|
|
|
|
|
 Re: أغنيات أناقتها في بساطتها .. (Re: khaleel)
|
يافاروق
ياخوي مالك عاوز تحرف البوست عن مجراه
اكان ماعجبك انزل .....
Quote: دب أبيض مربوط بي فيونكا ..وصوت مزيكا تقول يا حبيب..
إنت غريب والجابك لي |
بوست جمعه طااااااااااااااااعم
يديك العافية
وشكرا خليل وبقية الضيوف
| |
|
|
|
|
|
|
|
|
|
Re: أغنيات أناقتها في بساطتها .. (Re: عمر الفاروق)
|
رااايــــــــوة ..
ياخ لكن جنس أناقة ؟؟حولااا من الأناقة الكتلت إشراقة 
طلعتي ما ساهلة وعزاااالة واضانك نضييفة وقلبك مدشدش..
اتوفقتي في دلال توفيق شديد...
ياخ شيلي ليك كيس موز..
بالجمبة كده ..وين الحي بيك ؟
| |
|
|
|
|
|
|
| |
عمر الفاروق
ابو جهينة
ناصر احمد الامين
Rawia
Fadl Karrar
خالد
هشام كمال
khaleel
willeim andrea
دينا خالد
haroon diyab
فيس بوك
تويتر
انستقرام
يوتيوب
بنتيريست