يلا بعد مرات الواحد لو فكر كويس كده بحس انو مخذوق فعلا..اهلنا هاجروا بدرى..للجزيرة ومنها للخرطوم.. ما قدرنا نبقى اولاد مدن بالجد..ولا قادرين نكون اولا بلود راكزين..! المدينة بتسرق منكـ فى الاخر اى حاجة..وتفضل فى غربة جواها..وبره منها.. تفضل طول العمر..منتظر الفه بى مكان حقيقى..!!
11-29-2010, 06:19 PM
مُحَمَّدٍ عِوَضٌ احْمَدُ مُحَمَّدٍ عِوَضٌ احْمَدُ
تاريخ التسجيل: 04-25-2010
مجموع المشاركات: 1520
عموما احلى حاجة هناكـ الحرية..ايوه..كل زول على كيفو..الماشى على الجامع ولا على الانداية الداير يطشم..ولا يتسطل..ويسهر وينجلد فى الدلوكة لمن الديك يعوعى..بى راحتو.. مافى حكومة.. ..الا الله بس..لا بعرفوا كيزان..ولا غيرهم..يا سيدى الميرغنى يا امامنا الصادق..!! صابرين على قسوة الحياة..على لسعات البعوض.ليلا.و طلعات الذباب..نهارا..واطاتهم تصبح وتمسى..ولا يهمهم..ماعاوزين تغيير..ولا تنظيم..ولا كوم فلاسفة.. دنيا غير وراضين بيها..!!
11-29-2010, 07:02 PM
منتصرمحمد زكى منتصرمحمد زكى
تاريخ التسجيل: 11-04-2009
مجموع المشاركات: 4045
كونك تعيش في المدينة وشايل جواك القرية وترجع للقرية باحساس ابن المدينة ... احساس مربك وانتماء مذدوج ما بين المدينة والقرية
يا منتصر..حبابك الف بس اختصرت الحكاية..بى كلمتين احساس مربكـ ده ياهو ذاتو الحصل لى اخوكـ وجا صادى سرعة..للخرطوم..اول ما تركب البص وتعاين من بعيد..للنخلات..تفكر فى النزول..وتتخيل انك اتسرعت فى قرار السفر..!! بلد سمحة..بس ياريت حكومتنا الحالية او الجاية..تتذكر فكرة د. جون قرنق.. دعونا ننقل المدينة الى الريف وليس العكس..اهلنا عاوزين زول يكتل ليهم البعوضة ويصطاد الذباب..و الملاريا..و..السرطان..ويرخص الجاز..والسماد..تانى مبروكة عليهم الخراطيم كلها..
ما قدرنا نبقى اولاد مدن بالجد..ولا قادرين نكون اولا بلود راكزين..! المدينة بتسرق منكـ فى الاخر اى حاجة..وتفضل فى غربة جواها..وبره منها.. تفضل طول العمر..منتظر الفه بى مكان حقيقى..!!
كتير بحسد الغير لمن يحكى عن زمان وغناوى الطير عن جدودنا ومجرى السيل الغربه سرقت منى لحظات كنت متمنيه اعيشيها حكاوى كنت متمنيه اشوفها زمن وبشر اشتهيت لقياهم من كتر ما سمعت عن غناهم
11-30-2010, 08:08 PM
مُحَمَّدٍ عِوَضٌ احْمَدُ مُحَمَّدٍ عِوَضٌ احْمَدُ
تاريخ التسجيل: 04-25-2010
مجموع المشاركات: 1520
Quote: كتير بحسد الغير لمن يحكى عن زمان وغناوى الطير عن جدودنا ومجرى السيل الغربه سرقت منى لحظات كنت متمنيه اعيشيها حكاوى كنت متمنيه اشوفها زمن وبشر اشتهيت لقياهم من كتر ما سمعت عن غناهم
ازيك يا رانيه..وكل سنة وانتى طيبة شكلنا احنا البقينا ال طير فى المدن الغبية دى..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مُحَمَّدٍ عِوَضٌ احْمَدُ
منتصرمحمد زكى
فيس بوك
تويتر
انستقرام
يوتيوب
بنتيريست