|
|
 تأجل في الوعد لي متين شعر راسك بياضو قُطن ...
|
بي كل ود ..
يا خي ممكن نختلف
وانتا من حقك علي لازم ترد ...
لو تكتب الرَد في ظرف
ما مهم أسباب خِلافنا
لو الخِلاف كان ب الحرف
و مدينة تكبر من هتافنا
مدينة من حُفرة وجَرف
وعشان تجاهر بيهو رائك
في سبيل حقك بموت
كان تسوط بي دَمي شايك
كان تقع من الكِفـوت
ما بنخاف يا ست غني
المغبون مقاصل لا سجون
المــدا جوا الحلقة راسو
لي مـوسـنا حلاق الدقون
للخوف طلاق ما ننجَرِف
راسنا نرفعو عنجهية
راسنا نرفعو لي السقف ....
عمة و نجف
عزة و شموخ
عرضة و شلوخ
ساعة الموت يمين ما بنرتَجِف
نذيدها نار الجوف شرار
ضي القمر يوم ينخسف
نكحل العين بي الغبار
من غير ملاح نبدا القَـرِف
راسو نقطعو
نقطع اصبعو
وللي بتبعو
لو راسنا دنقر منكسف
ولو رسموا قدامنا الشخوت
نرفع الغيم بي هتافنا
لو غيم سماك هدا السكوت
ونحنا ماشين المقابر
يوم القبور تبقي البيوت
ما كل زول في السكة عابر
مصيرو بكرة الحي يفوت
وشن بخلي
حليلو داك العاش و مات في الهابتلي
بموت وبحيا علي البلد
لا سوا لحية ولا ولد
لا ضَـرا انسان لا سرق حق الضَحية ولا بعيد عنكـ مَـرق
ساعت الخلق يا يابا تنهب
في الخزائن وفي العَرق
قلبو من نيران لهيبكـ و ضيم حشاكـ ياما اتحرق
ولليلة مطر الدم بينقط
لليلة غيمك ما ما اتفرق
*****
وكنا ماشين حتة واحدة
لو صافي قلبو ونيتو بيضاء
من طوبة ممكن نبني حيطة
ومن حيطة دولة
دولة ما رسمة خريطة
دولة من نخل السواقي
تبني مجدك ب البسيطة
****
والشمس تشرق في حواري
الضلام احتلي بيتها
ياخي ديك الارض شاهدة
الابرة يوم تلقاهو خيطها
والنيل بودع في المراكب
والبلود اتحتي زيتها
والولد حارسنو يرجع
والبلاد الراجية ظيطة
راجية باكر
من حيط طوب الشوارع
الشاقة في السكة العساكر والغُـبن
لــو نَبقي آخر مَـن يَمِــد لي نـجوم سَــماك صــاري السٌـفن
لو يبقي آخر من يَسد عين الشمس *** كَتفك حُضن
تأجل في الوعد لي متين شعر راسك بياضو قٌطن
محمد الفاتح خالد
|
|
 
|
|
|
|
محمد الفاتح خالد حسون
هند محمد
فيس بوك
تويتر
انستقرام
يوتيوب
بنتيريست