|
|
|
 Re: "سنين وسنين ومتحكّر أتاوق من ورا البيبان" فهل من مرحّب (Re: بهاء الدين سليمان)
|
عمر موسي منجي عديل كده ؟؟
مرحب بيكـ يا قريبي
أخبارك و أخبار ناس القولد ؟و أخبار السجانة ؟ تصدق والله من سمعت منجي دي سمعت صوت اللواري طوالي ؟؟ههههههههه
بالله صاحبي إبراهيم منجي أخبارو شنو ؟؟ آخر مرة كنت في السودان لقيتهم رحلوا من السجانة و مشو أبو آدم أو حاجة زي دي
مرحب بيك إضافة للمنبر و إضافة لناس القولد بالمنبر
خالد عبد الله محمود أو من يعرف في السجانة بخالد المحجوب
| |
 
|
|
|
|
|
|
|
|
Re: "سنين وسنين ومتحكّر أتاوق من ورا البيبان" فهل من مرحّب (Re: علاء الدين يوسف علي محمد)
|
الاخ صبري والاخت نجلاء
لكم جزيل الشكر علي الترحيب
وطبعا فترة المتاوقة عاوزة ليها بوست يراهو وقريب ان شاء الله
الاخ هارون امبانسينتود
شكرا ليك كتيير وان شاء الله نكون ليكم "تيمبس" بحق و حقيقة
الاخ محمد المرتضي
تسلم يا عزيز بس ما كنت عارفك واحد من المكسرين,
تتكسروا في الامهريات ونحن نجيب الجبص"نو واي"
اقول ليك حاجة اشحد تراجي رطل رطلين من الجبص الكندي الفاخر
و اعمل حسابك الزولة دي غتييييتة ودافناهو ليكم,
بتخت ليكم فيهو مسامير وحاجات كده بتعرفا براها
غايتو كلمتك....
| |
|
|
|
|
|
|
|
|
|
Re: "سنين وسنين ومتحكّر أتاوق من ورا البيبان" فهل من مرحّب (Re: عمر موسي منجي)
|
الاخت ام حازم
تسلمي ويسلم حازم وسند وربنا يجعلم ليكي قرة عين
شكرا ليكي رفعت معنوياتي شديد لامن قربت اصدق
اما عن دكين اتمني لو كان قريبي ياخ الزول ده كتّاب
شديد تقول بكتبوا ليهو الجن
الاخ بهاء الدين
تسلم يا غالي واخو الغالي وسلامي للجميع
الاخ خالد
تشكر يا قريبي ود المحجوب
ابراهيم منجي علي ما اظن انتقلوا لابو ادم وما اظنهم مبسوطين هناك
الاخ علاء الدين
شكرا ليك علي الترحيب لكن عشان اللولوه حقتك دي ختيتك
اول واحد في اللستة لكن الظاهر ما في فايدة
اصلها بايظة بايظة شوف لينا معاك فرقة نخفف عنك المسؤليات شوية
لقيتني كيف؟ ما اشتر منك, برضو مزاح
وربنايوفقك حيثما حللت
| |
|
|
|
|
|
|
|
|
 Re: "سنين وسنين ومتحكّر أتاوق من ورا البيبان" فهل من مرحّب (Re: عفاف الصادق بابكر)
|
** ود موسى منجى..
** صباح الخير بتوقيتكم ,, مساء الخير بتوقيتنا..
## والله يابكرى الزول دا ,, أخرت ورق قبولو كتير ,, ياخوى الزيك ديل مفروض تُفتح لهم الشبابيك والبيبان وتتقشى الحيشان وتترشى الرمله بموية بير جايبنها فى خُرج ,, واهل ساره يفرشو الاخضر للجبنه والبخور الجاوى يعبق فى الساحه..
## شرفت الحوش الذى يجمع الوان الطيف ,, ويسند الضهر ,, ويُعمق الصلات ,, ويذكرك بالسودان الذى كان..
** مرحب بإبداعك فى الحوش الكبير ,, وعندنا فى الحوش الكبير دا جخنون صغير إسمو :-
بحري طراوة... ويا ناس بحري .. قالوا بتحبوا يلا حبونا..]
ندعوك لزيارته..
(ودام الود والإحترام بين الجميع)
(ابو محمد فؤاد) - الماكيكى..
| |
|
|
|
|
|
|
|
|
Re: "سنين وسنين ومتحكّر أتاوق من ورا البيبان" فهل من مرحّب (Re: مهيرة)
|
الاخت عفاف و الاخت اماني
شكرا كتير علي الترحيب و شكرا علي الدعوة
الاخت د. مهيرة
شكرا علي حسن الضيافة و الشربات شربناهو من زمن المتاوقه
ما قصرتو تب.
الاخ الاصغر/ كمال علي الزين
كيف حالك وحال الاخوين الخلوقين جدا مجدي و عاطف علي الزين
كانت ايام جميلة امام دكان ميلاد سعد حنا
بلغهم عاطر التحايا
الاخ الكريم/ ابو محمد فؤاد
شكرا علي الترحيب الرائع وان شاء الله نكون عند حسن الظن
| |
|
|
|
|
|
|
|
|
|
Re: "سنين وسنين ومتحكّر أتاوق من ورا البيبان" فهل من مرحّب (Re: عمر موسي منجي)
|
يا سلام يا سلام اخيرا ربنا حلاني من ايملاتك ومداخلاتك متخذا من بريدي منبرا لك بي خوره كمان 
الف مرحب بك اخي منجي في سودانيز اون لاين واشهد ان وجودك متصفحا قد طال امده حتي ظننا انك تيبست بالخارج
طبعا قصة انك اضاافة نوعية وما نوعية والحنك النصه موية دا ما بنقدر نحدده من خلال القصيدة العصماء البعاليه دي
لكن في اول محك ليك مع ابو بكر صالح وعلاء الدين الكوز وعصام جبر الله وكتورة بيان بننعرف شلوخك تب
مبدئيا كدا حنتعامل معاك زي معاملتنا لي ود الصايم كوزل ضحكونجي الي ان تثبت جديتك
| |
|
|
|
|
|
|
|
|
 Re: "سنين وسنين ومتحكّر أتاوق من ورا البيبان" فهل من مرحّب (Re: اساسي)
|
الاخ اساسي سلام
اولا شكرا علي الترحيب
اتاريك شايف ايميلاتي و عامل نايم, ياخ انت طلعت غتييت بشكل
و بعدين من 2003 كلهن رسالتين " و شايل بيهن حسي في الاسافير"
في 2003 كنت ظريف و بتتونس عادي لكن بعد الزواج حالتك بقت تحنن.
و بعدين ود الصايم مالو كدي عيبو لي, ده زول شعبيتو في السما
علي كل حال الفيك اتعرفت و خوتك طلعت خوة "لساتك"" وش ضاحك"
:: اساسي: "البعاليه" معناتا شنو
و دمت بخير والاسرة الكريمة
| |
|
|
|
|
|
|
| |
عمر موسي منجي
محمد النيل
الفاضل يسن عثمان
عمر صديق
يسرى معتصم
Abobakr Shadad
نجلاء سيد أحمد
محمد المرتضى حامد
haroon diyab
خالد عبد الله محمود
علاء الدين يوسف علي محمد
أيوب خليل
عبد القادر شادول
mohamed elshiekh
مزمل خيرى
سيف الدولة كامل
ناذر محمد الخليفة
عفاف الصادق بابكر
عبدالكريم أحمد الامين
Amani Al Ajab
مهيرة
Mustafa Mahmoud
آدم جمال أحمد
سيف اليزل برعي البدوي
عثمان نواي
jini
الطيب رحمه قريمان
المكاشفي الخضر الطاهر
محمد الجيلى
فيس بوك
تويتر
انستقرام
يوتيوب
بنتيريست