|
|
 @ حاج سودانى من قطاع الخرطوم يريد الذهاب ( بالعراقى ) يوم عرفة ويرفض لبس الاحرام
|
روى لى احد حجاج قطاع الخرطوم القادمين من حج هذا العام بأنهم تفاجأوا صبيحة يوم عرفة بأن احد الحجاج القاطنين معهم فى المخيم بمنى وهو كبير فى السن قد رفض لبس الاحرام وأصر على لبس ( العراقى ) والذهاب الى عرفات ، وهاك يا تحانيس وأجاويد
فى محاولة فى اقناع الحاج بلبس الاحرام وهو مصمم على لبس ( العراقى ) وقد تم استدعاء امير القطاع ليحل هذه المشكلة والحاج مصمم على رايه :
الامير : يا حاج مالك ؟
الحاج : يا ولدى انا زهجت من لبس الاحرام وعايز امشى عرفات ( بالعراقى ) لانو خفيف
الامير : لكن يا حاج ما بيجوز
الحاج : لا بيجوز بس كدى خلينى بى طريقتى
الامير : لا ما بخليك تمشى معانا ولا تركب الباص لو ما لبست الاحرام
الحاج : لا ما ما بلبس
الامير : يا حاج نحنا اتأخرنا وانا ما الامير بتاعك وبتسمع كلامى ؟
الحاج : ايوه
الامير : طيب خلاص عشان خاطرى البس الاحرام عشان نمشى
وبعدها اقتنع الحاج ولبس الاحرام وركب الباص وتوجه الى صعيد عرفات ملبياً ( لبيك اللهم لبيك .. لبيك لا شريك لك لبيك .. إن الحمد والنعمة لك والملك .. لا شريك لك )
|
|
  
|
|
|
|
جمال محمود
فيس بوك
تويتر
انستقرام
يوتيوب
بنتيريست