|
|
 لما يبقى الجرح عرضة ولمانمشي الحزن سيرة
|
من دمانا الأرض شربت موية عذبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي باسمك للوطن رمز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
و النخلة أطول جيد قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافو
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك شبابو
صوتو رن فيهو بحة
ود ملان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّوا حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة.
الشاعر الانسان محجوب محمد شريف
تحياتي لك
|
|
 
|
|
|
|
|
|
|
|
Re: لما يبقى الجرح عرضة ولمانمشي الحزن سيرة (Re: الفاتح ميرغني)
|
باسط أبسطنا بي حلو الكلام
وأزرع فينا الأمل نمشي بيه خطوة لي قدام
يا فجر محجوب الشريف لمن يغني لينا ونعانق بي حروفه هامات المرام
إلا حسرة الواقع مريرة وبكرة ربما يكسونا الظلام
وتباعدت بنا الأنفاق لا ضوءاً قريباً ننفذ به حتى لو كنّا غرقى في الأحلام
إلا حروفكم وأمانيكم تنقع في حشانا بأن غدأً ربما نحيا سلام
بحيراوي
| |
|
|
|
|
|
|
| |
باسط المكي
haroon diyab
معاوية عبيد الصائم
الفاتح ميرغني
البحيراوي
فيس بوك
تويتر
انستقرام
يوتيوب
بنتيريست