|
|
 العوارة دي شنو؟؟ توجد صورة غياظة خالص...
|
دي شنو دي؟؟؟
ما عارف والله ... يمكن أنا براي الزهجان منها؟؟
جايز نفسياتي ما كويسة...
لكن مزعجاني خالص خالص..
اتفضلوا...
يعني شنو جلخ وسحاقة؟؟
كمان شنو؟؟ أكبر مؤسسات من ماكينات كسارة وسحاقة...
يعني كيف؟؟
استغفر الله العظيم بس..
|
|
  
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: أبوعبيدة محمد الأمين)
|
أبو عبيدة يا حبيب يا "لبيب"..
ما تراك نقشتها...
أمانة أولادنا ما جلخوهم جلخ صاح..وسحقوهم ليك سحقة السواد...
قال فريق الأحلام قال...
تصدق يا أبوعبيدة في هلالاب مرضانين.. عندهم وهم إن فريقهم(حامل اللقب) بتاع الكونفدرالية؟؟
عايشين الدور دا بكامل تفاصيله.. وإنه البطولة دي أصلاً ما بتشبهم وهي أقل كتير من إمكانياتهم.
عليك الله شوف البلاوي الواقعين فيها نحن ...
قال لقب قال.. عارف يا عُبد.. أهلك الحضارم..اللقب عندهم لازم با(حاجة كدا)..
ناس الهلال ديل لقبهم يكون بامحلي يا ربي؟؟
استغفر الله العظيم
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: أبوعبيدة محمد الأمين)
|
| Quote: يعني شنو جلخ وسحاقة؟؟ |
| Quote: لا .. مااااا عايزين نعرف..يعني هسي بالنسبة لشنو يعني ؟؟ |
هاهاهاهاهاهاها
يعني انت هسي يامحمود داير تعرف ولا ما داير
ياخ جننت الملعقة جن ... على العموم
الجلخ والسحق عمليتين صناعيتين (التعدين)
الجلخ = تنظيف سطح المعادن (دارجية)
السحق = هو التكسير او الدق بغرض تحويل الصخور الى مسحوق
والسحاقة = اسم الآلة من السحق
والجلاخة(بتشديد اللام) = اسم الآلة من الجلخ
ولكن هذه الكلمات وغيرها من المفردات مثل العملية الزراعية "الحش"و "الرش"
أُستعيرت للتعبير -عند العامة في منطقة الوسط- عن الجنس ...
هذا والله أعلم
___________
كل سنة وانت طيب
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: عبدالوهاب علي الحاج)
|
| Quote: أُستعيرت للتعبير -عند العامة في منطقة الوسط- عن الجنس ... |
اي منطقة وسط تقصد - وسط السودان ولا وسط الجسم لوووووووووووووووول
هسي السواهو راجي امس ده بتسميهو شنو سحق ولا جلخ
ـــــــــ
محمود اعتقد انك محمود تي خريج سكرتارية
لو كنت انت هو فنحن (تعاصرنا*) في جامعة السودان انا بتاكي دفعة 86
لك التحية ولكل زملاءك
* تعاصرنا : عشان ما يجي وهبة وينسبها لمنطقة الوسط تعني قرينا في فترة زمنية واحدة لوووووووووول
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: الجندرية)
|
| Quote: قلت السجك عرفناه الجلخ دا شنو كمان |
حالتك دي عرفتي؟؟ جيد لَيْ..داب العِرْفة..
لووووووووووووووووووووووووول....
أها النزيدك من التعورب بتاعنا..
الجلخ دا كنت قايلو السجوك بتعمل جلاخ..
والجلاخ هو سخانة الخشم التي تصيب الأطفال..
تخلي الجاهل بي وشها ريالتو سايلة..
عبرك يا قريبتي ..أوصل التعازي لأسامة
في الراحل سمندلاوي.. وكل الأهل والحبان برفاعة..
وعبرك أهنيهو بي هنو وراجي منك بس إشارة يا أسامة..
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: محمد إبراهيم علي)
|
تحية للاستاذ محمد ....ما فعله راجي هو ما كان مرجوا منه...وهو يرجرج الدفاعات ويمر من وسطها مرور الكرام ..قبل معانقة الشباك... تستقر الكرة بامان حامدة شاكرة من وضعها في حضن امها الرؤوم..تتقلب ذات اليمين والشمال..ويتقلب المغلوب علي امرهم ذات اليمين والشمال ايضا ...عشاق النجمة لا يقولون انها رصاصة الرحمة...انما هي رحمة مهداة...
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: محمد الكامل عبد الحليم)
|
| Quote: ما فعله راجي هو ما كان مرجوا منه...وهو يرجرج الدفاعات ويمر من وسطها مرور الكرام ..قبل معانقة الشباك... تستقر الكرة بامان حامدة شاكرة من وضعها في حضن امها الرؤوم..تتقلب ذات اليمين والشمال..ويتقلب المغلوب علي امرهم ذات اليمين والشمال ايضا ...عشاق النجمة لا يقولون انها رصاصة الرحمة...انما هي رحمة مهداة... |
غايتو الزول يا شيخ محمد الكامل لما يكون صفوة..بيكون ظاهر خلاص .. تحس بيهو فنان فنان..
شكراً ليك ومبروك وكل سنة وإنت طيب..
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: عبدالوهاب علي الحاج)
|
الحبيب وهبة..
Quote: ولكن هذه الكلمات وغيرها من المفردات مثل العملية الزراعية "الحش"و "الرش"
أُستعيرت للتعبير -عند العامة في منطقة الوسط- عن الجنس ... |
الجنس البشري؟؟ خخخخخخخخخخخخخخخ
ممكن برضو.. لأنه حسب معلوماتي الموغلة في البراءة.. في ناس "حشاشين" و"حشاشات"..
وفي ناس برضو "رشاشين" بتاعين جمكسين..ههههههههه..وفي كمان "رشاشات" بتاعين عرضة شمال وزرايب عيش وكدا ..
يا راجي...قصدي يا راجل.. والله مشتاقين...
ونعم بالله..
وكل سنة وإنت طيب..
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: Mahmoud Mustafa Mahmoud)
|
| Quote: أُستعيرت للتعبير -عند العامة في منطقة الوسط- عن الجنس ... |
ظلَّ وسيظل هذا دأبكم أيها الجلابة بحيث لن تتورَّع أنت وصاحب الخيط باعتباركما جلابيان في إستعارة مصطلحات الكادحين والمزارعين من قاموس دولة الجنوب الكوشية لوصف شهواتكم الإستعلائية العروبية 
لول (مِس كول)
عشان زعلان على كاسكُم المطفَّق الفرحانين بيهو دة
حقّو تخلّوهو في شقّة عبد الحميد عشان الجماعة يصبِّنوا فيهو الأكياس
كااااااااااااااااكـ
تحياتي يا فنّان
| |
|
|
|
|
|
|
|
|
|
Re: العوارة دي شنو؟؟ توجد صورة غياظة خالص... (Re: علاء الدين صالح)
|
| Quote: باعتباركما جلابيان في إستعارة مصطلحات الكادحين والمزارعين من قاموس دولة الجنوب الكوشية لوصف شهواتكم الإستعلائية العروبية |
ياخ رديت على المس كول بتاعك دا... رد لي واحد قال لي علاء دا في الحمام..
قلت ليهو منو معاي؟؟ قال لي اسمو بشاش الدين ولا منو كدا ما عارف...
كاااااااااااااااك
زمان كان عندنا مثل صائر في الداخليات مفاده : حررررررررم البيسف راجل والبيدي السفة راجل..
ولدنا لو كان لاطي تمام..كان لهسي أقوانوا تكون مدورة.. لا بيعرف ليك (كاس) ولا مـ(نص)ـات تتويج..
تحياتي يا أستاذ وخليك متابع
| |
|
|
|
|
|
|
| |
Mahmoud Mustafa Mahmoud
أبوعبيدة محمد الأمين
عبدالوهاب علي الحاج
محمد إبراهيم علي
الجندرية
محمد الكامل عبد الحليم
عبد اللطيف السيدح
علاء الدين صالح
فيس بوك
تويتر
انستقرام
يوتيوب
بنتيريست