|
|
 اخر الزمن كل من هب و دب عايز يتكلم فى مبارك المهدى
|
سيد مبارك الذهب المجمر لا يلتفت الى المؤجورين ضعاف النفوس مستجدى النعمة .
سيد مبارك انا سنة 1994 قولت فيه القصيدة الاتية و هى كانت رد على ضعاف النفوس امثال اللذين
يكتبون اليوم فى الانترنت كلام الطير فى الباقير عن سيد مبارك المهدى و هو ارفع من ذلك .
القصيدة التى كتبتها فى القاهرة هى بعد ندوة تنويرية اقامها المرحوم دكتور عمر نورالدائم و سيد
مبارك المهدى فى مركز الثقافات و هى عن مشاركة حزب الامة فى مؤتمر شدم فى جنوب السودان سنة
1994 . حيث بعض الاخوة اخطرونى بان هناك مجموعة اساءة لسيد مبارك و الثورة المهدية فرديت عليهم
بهذه القصيدة :-
المثقفاتية
اسمعوا يا بجم يا طقش يا الفى المكاتب جالسين
يا حثالة البشر يا ايدزا ليهو سنين
شن قولكم فى المبارك حفيد امام الدين
من قام صغير عارف الادب و الدين
و مسك نفسه القلم لكتابة الالف و الشين
عشان عارف الزمن بجيب القبيح الشين
امثال طه ابو شيبا خلخل عصا السكين
و قراى زى عكازة المسكين
مسكين القراى الدافن الحقد فى الطين
كل ما جف حلقو هفت و مرق بالهين
سف و ادى الجنبو عشان يسمم الباقين
باقين السجم و الرماد المن الحروب شاردين
ديل عقاب حقدا قديم هربوا سلاطين
و جابوا كتشنر لمقارعة ود تور شين
و د تور شين البطل الحير العارفين
و السجل التاريخ على جثته سلاطين
هذا هو السيد مبارك المهدى قوة صمود تحدى .
تنبيه :-
اى انسان عايز يكتب عن مبارك المهدى فى الانترنت فاليكتب لكن بادلة و الا المحاكم ابوابها فاتحة
لان سيد مبارك خارج الحكومة اى الان هو انسان عادى لا يحق لاى انسان ان يوجه له اساءة فى الانترنت
حيث يعتبر كلام مخالف للوائح البورد و على الادارة محاسبة صاحب البوست .
|
|
 
|
|
|
|
|
|
|
 Re: اخر الزمن كل من هب و دب عايز يتكلم فى مبارك المهدى (Re: صديق مهدى على)
|
Quote: مبارك المهدى اول وزير فى حكومة الديمقرطية يرفض رشوة و كان ذلك فى بداية حياته الوزارية
عندما رفض هدية شركة الببسى كولا التى قبلها مدير مكتبه فرفده و رد الهدية لناس شركة الببسى .
|
مبالغة قرقرقرقرقر، شفت مهاجمة الناس حاره كيف ، اسع انت فرقك شنو من الناس الذين تهاجمهم فى دفاعهم عن الانقاذ ، لا لقدسية احد ، يا رجل شوف ليك زول دافع عنو غير ( سيد مبارك ).
اها رايك شنو فى فضيحة ال MBC
| |
|
|
|
|
|
|
|
|
Re: اخر الزمن كل من هب و دب عايز يتكلم فى سيدى وتاج راسى مبارك المهدى (Re: ود الباوقة)
|
شوف يا صديق
انت عارف معزتي لك كسوداني عادي بس لقيتك بتحاول تصل للحق.
اما سياده وقداسات ما عندنا.
سيد مبارك بتاعك ده ناصراهوا وهو معتقل وكتبنا مائات الايميلات عنه
للادراه الامريكيه حتى تم اطلاق سراحه,وهذا ليس منى ولا اذى بل يمكنني
شخصيا تكرارها(لو لا قدر الله تم اعتقاله) رغم اساءته لنا بلا مبرر!!
لكن ان يعتقد ببضربة كي بورد بيقدر ينفس مواقفنا
ويتشمنا ونسكت وحاتك انا شخصيا مهديكم الكبير لو قام من قبره
حسه وشتمني لما سكت له...وهذا لعلمك ولعلم اي انصاري متدروش هنا....!!
ثانيا:
اذا حذفت بوستاتنا بحقه لك علي بوستك ده اعمله مقصله له.....
حتى نشوف النظافه...وعدم الارتشاء و الفساد ده حده وين.
هو طولت اللسان عليه شنو؟؟؟فاكر الدنيا جهاديه؟؟!!
يا زول نحن عندنا الله بس الكبير.
البخليه يباري ليه شافعه بيلديها في آخر بطانه شنو؟؟؟
وشافعه مستهتره باخلاقنا واعرافنا...وكمان عايزه تولع النار في الجنوب
وهو بكل حماقه مهلل لها!!
كل نصره فاكر انها سربت اخبار عن فساد ك ل ب آخر اسمه الكرادينال
بانه يغسل اموال ريال مشار او هو لافته لاستثمارته!!
ده كله ما همانا...
الهمانا عايزها تولع بين النوير و الدينكا
وده كله باشراف سيدكم مبارك الذي يفرك يديه جزلا
فاكر هذا نصر ان ضرب الكاردينال!!
اما دماء الجنوبين فهي رخيصه....لا تهمه وان اريقت!!
بطل يا حبيب قالوا وقلنا
لو قريت كان معليش
| Quote: اخر الزمن كل من هب و دب عايز يتكلم فى سيدى وتاج راسى مبارك المهدى |
بعدين انا لست كل من هب ودب
انا ستكم تراجي عمر ابو طالب يا انصار!!
وقت اصلها جابت لها طولة لسان.
وكلم مباركك وقبله رباحكم الكتابه وقت اصلها حلوه هنا
اليدقوا صدروهم وينزول ببسا وردات تحمل اسمائهم الحقيقه
مش يتفاصحوا....ويتكبروا عن الكتابه مع عامة الشعب!!
ويلجأوان لانتحال الاسماء.
| |
|
|
|
|
|
|
|
|
|
Re: اخر الزمن كل من هب و دب عايز يتكلم فى سيدى وتاج راسى مبارك المهدى (Re: Haytham Mansour)
|
التعيس اتلمئ على خائب الرجا
ياحبيب صديق المابعرفو بجهلو
ابنى سميتو مبارك تيمنن بيهو والفاضل اجابو
السلام صفه من صفاتو والقياده الحكيمه وراثه من اجدادو
بالكرم معروف مابطفئ نارو
ربى يكتر فى البلاد من امثالو
حينتصر بيهو السودان وينعم سودانا بالسلام
وتحقق الاحلام فى وطن عماهو الضلام
انت طليت زى قمر التمام وغرست فى صدر العدو ملايين السهام
سر بينا فى طريق جدك الامام حتجدنا فى الحرب صقور وفى السلم حمام
| |
|
|
|
|
|
|
|
|
|
Re: اخر الزمن كل من هب و دب عايز يتكلم فى سيدى وتاج راسى مبارك المهدى (Re: محمد عادل)
|
الحبيب / صديق مهدي ،،،
الحبيب / محمد عادل ،،،
للهولنديين مثل يقول :
HOGE BOMEN VANGEN VEEL WIND
وترجمته:
ان الاشجار السامقة هي التي تتعرض للاعاصير اكثر،،،
بمعني ان الشخصيات التي تلعب دورا محوريا في المجتمع ينالها الكثير من
النقد ،،، والنفد دائما يكون حصيلة مثاقفة فكرية تتعرض للمواقف و المطروح
من الفكر بهدف تبيان اوجه القصور للتصحيح او المراجعة او الاستكمال ،،،
علي هذا الاساس لا يمكن باي حال من الاحوال فهم مااوردته المكرمة تراجي
فيما اقتبسته في مداخلتي السابقة في سياق النقد ،،، وحيث ان هذه هي ادواتها
في التعبير عن نفسها فينبقي ان لايكون ردود افعالنا انعكاس لما تعبر به هي عن
نفسها ،،، فل يعبر بما يملك و بما هو اهل له ،،،
الله اكبر ولله الحمد
الله اكبر ولله الحمد
الله اكبر ولله الحمد
تحياتي و ودي
| |
|
|
|
|
|
|
|
|
|
Re: اخر الزمن كل من هب و دب عايز يتكلم فى سيدى وتاج راسى مبارك المهدى (Re: Haytham Mansour)
|
الاحباب مبارك المهدى و محمد عادل و هيثم منصور كل عام انتم و اسركم و ناس الحزب و الكيان بخير.
ايها الاحباب طبعا الكتابة فى السياسة بتحتاج لمؤهلات كلنا يعلمها من ضمنها الامانة و القدرة العقلية
و الالمام و المصادر مع القدرة على توصيل المعلومة بطريقة دبلوماسية و الاهم من ذلك استقرار
الحالة النفسية للكاتب . مش تبقى علينا حكاية شوفونى انا بكتب فى هذه الحالة تعتبر خربشة على جدار.
لذا انا ادين مداخلة الاخت الغير مسئولة و اقول ليها فتحى عينك زى الريال ابو عشرين لا تخلطى الامور
وردك يكون مفصل على قدر كلام البوست و يجب عليك ان تعتذرى لعامة الانصار لذكرك للامام المهدى عليه السلام
بطريقة لا تليق و مكانته التاريخية و الدينية .
| |
|
|
|
|
|
|
|
|
|
Re: اخر الزمن كل من هب و دب عايز يتكلم فى سيدى وتاج راسى مبارك المهدى (Re: محمد عبدالرحمن محمد)
|
لان سيد مبارك خارج الحكومة اى الان هو انسان عادى لا يحق لاى انسان ان يوجه له اساءة فى الانترنت
1/ مبارك شخصية عادية ؟ لا مبارك الفاضل شخصية عامة سواء الأن أم سابقا وبالتالي يحق لأي شخص نقدة وليس أساءتة ولكن مبارك بمواقفة
المخجلة يترك لاي كان مسح الارض بة.
2/ مبارك إن كان سيدك وتاج رأسك فهذا شأنك ولكن بالجد كدة ما عندك سيد
انت الظاهر عليك اتعلمت الشعر في شارع الهرم لان هذا الشعر قليل الذوق والادب والتربية
مبارك الفاضل ميت سريريا منذ زمن طال ولا ينفع فية نفخ الرماد
| |
|
|
|
|
|
|
|
|
|
Re: اخر الزمن كل من هب و دب عايز يتكلم فى سيدى وتاج راسى مبارك المهدى (Re: Tragie Mustafa)
|
تراجي مصطفى رميك الاخرين بالبهائت يعبر عن ضحالتك الفكرية وهشاشتك السياسية وقلة عقلك وهذا كله ليست مشكلة لان الجاهل يمكن ان ياتي يوما ويتعلم ولكن تماديك في الكذب والنفاق بهذه الصورة الطائشة يفقدك مصداقيتك امام الاخرين لان الكذب كما قيل رذيلة محضة تنبئ عن تغلغل الفساد في نفس صاحبها وانسانة بهذه المواصفات تعتبر عديمة القيمة والانسانية لا تستحق الاحترام ومؤسف ان يصل الناس ولو في نفوسهم الا انك انسانة لا تستحقي الاحترام لانك كاذبة ومنافقة علاوة على الطيش والجهل ...فا ما ان يترفعوا عن مجاراتك في الهتر او يضطر المتضررين من عبثك في الكتابة الا ملاحقتك بالاستهزاء والسخرية بل والخوض معك في ذات الوحل فما اسهل هذه الاساليب وارخصها...عليه اناشدك بما انك معارضة للشمولية الانقاذية ان تحترمي الاولويات في تحقيق الاهداف واقلها احترام مخالفيك في الراي والمواقف الذين يتفقون معك في الهدف الاسمى وهو الخلاص من الشمولية الانقاذية الفاسدة ولا تدخلي معهم في صراع يصرفك ويصرفهم عن الغاية الملحة فتخسر المعارضة وتكسب الشمولية الانقاذية.
| |
|
|
|
|
|
|
| |
صديق مهدى على
هجو الأقرع
محمد عبدالرحمن محمد
الوليد الرشيد وراق
Tragie Mustafa
saif massad ali
Haytham Mansour
محمد عادل
الزبير صالح الزبير
عمر عبد الله فضل المولى
فيس بوك
تويتر
انستقرام
يوتيوب
بنتيريست