|
صياغة شكوي الهلال كانت سببا في رفضها!!
|
الصياغة للخطابات والشكاوي والبلاغات وتقديم الموضوع بصورة حكيمة وموضعية واستيعاب التاريخ والامثلة وكذلك التجارب السابقة دئما يساعد في قبول الشكاوي والحكم للصالح... ففي شكوي الهلال ضد الصفاقصي التونسي كان يمكن تضمين بعض النقاط القوية والمؤثرة التي كانت ستلعب دور مهم في قبول الشكوي.. ففي التمهيد او الديباجة او المقدمة للشكوي الهلاليه كان تضمين ان الهلال لم يحرز اي بطولة خارجية ومنذ انشائه ولمدة ثمانين عاما متتاليه سيؤثر الاثر البالغ في قرار اللجنة وسيلهبا وينال التعاطف الكامل منها وتضمين بعض معطيات التاريخ امثال اننا لعبنا كثيرا من الفاينلات وظلمنا فيها من قبل الحكام ظلما بائنا امثال لاراش وغيره من الحكام مع ايراد التاريخ والساعه وغيره من التفاصيل المطلوبه لتسهيل المراجعة للجنة الشكاوي كان ذلك سيعطي انطباع ايجابي مع قضية الهلال والوقوف معه في الشكوي المقدمة وايضا الوقوف معه في المباراة المتبقية واعطاء مسؤلية ادارتها لحكم متعاطف مع الحالة السودانية المهم نرجع لموضوع الصياغة.. وكذلك كان وضع مبلغ 10 الف دولار في الظرف المقدم للشكوي سيساعد علي قراءتها بعيون منفتحة وقلوب منشرحة لقبولها كما كان يفعل خبراء الهلال سابقا في القضايا الشهيرة مثل من 2 ال 12 اوغيرها من القضايا التي تمت معالجتها بصورة راقية جدا وبدون اي شوشره.. لذا واظن بالغ الظن ان الهلال افتقد خبراء الشكاوي في الفترة الاخيرة وحقو ما نفوت الفرص اكثر من كده وعلي الادارة الحالية التصالح مع هذا القطاع الذي كان له قدم السبق اقصد يد السبق في مسيرة الهلال الظافرة
|
|
|
|
|
|
|
|
Re: صياغة شكوي الهلال كانت سببا في رفضها!! (Re: ahmed babikir)
|
احمد ..سلامات ...
Quote: ففي التمهيد او الديباجة او المقدمة للشكوي الهلاليه كان تضمين ان الهلال لم يحرز اي بطولة خارجية ومنذ انشائه ولمدة ثمانين عاما متتاليه |
وكان يضيفوا ان الانفصال لامحالة ويجب ويجب ان يكون للهلال كأساً خارجياً في سودان ماقبل الانفصال ..حاجة للذكرى كده ...
| |
|
|
|
|
|
|
Re: صياغة شكوي الهلال كانت سببا في رفضها!! (Re: فايزودالقاضي)
|
وبعدين تظهر مغالطات ياودالقاضي ذي فرحنا مليون ميل مربع انتو فرحتو كم ميل زي اجزنا لمليون ميل مربع اجازة بائنه فكم من الاميال قد اجز معكم وهكذا ولا ماكده عشان كده بفتكر في الخاتمة كان تضمين مثل هذه النقاط يكون احسن عشان ناس اللجنة يصلوا للقرار بسهولة وبقبول خالص ونفس مفتوحة ولا ما كده ياود القاضي!!
| |
|
|
|
|
|
|
Re: صياغة شكوي الهلال كانت سببا في رفضها!! (Re: ahmed babikir)
|
Quote: وكان يضيفوا ان الانفصال لامحالة ويجب ويجب ان يكون للهلال كأساً خارجياً في سودان ماقبل الانفصال ..حاجة للذكرى كده ... |
ود القاضى اها انا كان ضمنت ليك اخوانا الجنوبيين ديل ياجلو الانفصال ده تمانين سنه تانيه انت بتقدر تضمن لى الهلال ده يجيب ليك فيهن كاس؟ اللهم ربى لاشماته شكوى مرفوضه وشيل حال... هسه دى فرقها من ميته وخراب ديار شنو؟ اذكرو محاسن صفيرابكم ياود القاضى،،،،
| |
|
|
|
|
|
|
Re: صياغة شكوي الهلال كانت سببا في رفضها!! (Re: صديق الموج)
|
Quote: ود القاضى اها انا كان ضمنت ليك اخوانا الجنوبيين ديل ياجلو الانفصال ده تمانين سنه تانيه انت بتقدر تضمن لى الهلال ده يجيب ليك فيهن كاس؟ |
والله ياصفوة صعبتها على شديد ..ندفن البحر الاحمر ونتوحد مع الجزيرة العربية بكون اسهل ...
| |
|
|
|
|
|
|
|