|
|
 الشعب السياسى العظيم!!
|
عندما حضرت الى بلاد العم سام تعرفت على أستاذ أمريكى من الآيريش..
وكان وقتئذ غزو العراق ولم يكن راضيا عن إقحام الجندى الأمريكى فى حرب لتحرير آخرين..
فوجدتها فرصة وفى ذهنى أننى أنتمى للشعب السياسى العظيم..
فحدثته عن الخطة الأسلم والأفضل لأمريكا وشعب العراق وهى أن تفتح السعودية قواعدها لتدريب المعارضة العراقية وتمدهم أمريكا بالسلاح والعتاد, ويتعاون سلاح الجو الأمريكى مع السعودى لتشكيل مظلة للجيش الغازى من المشاة..
والأمريكان يجيدون الإستماع وأنا كمواطن سياسى عظيم لم أتعود من إخوة الوطن السياسى العظيم على (هكذا) استماع (فكلنا متحدثون)..
فاندحت حتى دخل علينا آيرش آخر وسأل في ماذا نتحدث؟ فأجابه الأستاذ المستمع قائلا:
We are solving the problems of the world right here right now.
وانتهت المحاضرة السياسية!
فلله درنا ساسة العالم ونفهم فى كل جخانين السياسة..
نعرف ماهو الحكم الأصلح للسعودية, ونعلم علم اليقين أن الملك عبد الله هو الأفضل والمملكة فى عهد فهد..
ويمكننا أن نوصف لشيخ حمد فى قطر طريقة أفضل من الإنقلاب على والده لاستلام الحكم..
ويمكننا أن نجعل صدام حسين ينتصر على الحلفاء فى حرب الخليج الأولى لو حفر أنفاق تحت الأرض بين بغداد والكويت..
ويمكننا حل القضية الفلسطينية لو استمع لنا هنية وعباس..
ونعرف كل قوانين الأمم المتحدة ومايتفرع عنها بل ونعرف كيف يمكن التحايل عليها..
نعرف قوانين الجنسية فى أى بلد وهل هى عادلة أم ظالمة..
نعرف أنجع السبل للتفاوض مع شركات البترول لنستخرج البترول ونسوقه..
أقول نعرف بدليل أننا ممكن نفعل ذلك ونحن جلوس فى ضل الضحى قبل أن نتحول لضل العصر..
بل ربما نذهب أبعد فنحدد القول الأفضل الذى كان ينبغى على محمد (ص) أن يقوله ليلة المعراج عندما التقى بربه, وكيف أن ذلك كان سيغير حال المسلمين للأحسن لو فعله..
بل وذهبنا بعيدا وأصبحنا نصحح كتابة الله لكتابه ونقول له أعد..
مفاخرنا كثيرة وعصية على الحصر فبحاول أتذكر واجيكم راجع!
|
|
  
|
|
|
|
|
|
|
 Re: الشعب السياسى العظيم!! (Re: Balla Musa)
|
عندما حضرت فى 86 لمستشفى عطبرة لعمل الإمتياز..
قابلت دكتور دفع الله أحمد دفع الله..
كان وطنى اتحادى متعصب ومن الذين ناصروا على محمود حسنين فى خروجه على الميرغنى إبان الديمقراطية التالتة..
قاعدين فى الميز بدأت كمواكن سياسى عظيم أتحدث عن الأزهرى والمحجوب والجماعة الكبار ووجهت له الحديث..
فقال لى:
إنت عايز تتعلم ول تناقش
قلت ليه عايز أناقش
قال لى:
يفتح الله
لو عايز تتعلم أنا جاهز
دارت السنين وتقابلت مع دفع الله فى سراة عبيدة فى السعودية فى مناسبة ضمت لفيف من المواطنين السياسيين العظماء..
ودار النقاش عن حكومة الإنقاذ وماخلينا أى عهدأو زعيم..
ولاحظت دفع الله صامتا..
فسألته:
فقال والله نحن شعب فارغ
والله السيد عبد الرحمن عظيم والسيد على عظيم والأزهرى عظيم وعبد الله خليل عظيم وعبود عظيم و نميرى عظيم والصادق عظيم والترابى عظيم وجميع من حكمنا عظماء بس قابلناهم بقعاد الضلله والكلام!!
فختم.. ياخى نحنا لو مافارغين هسع قاعدين فى بيتك وبعد غيبة طويلة مالاقين فرصة نسألك عن حالك واحوالك واولادك!!
| |
|
|
|
|
|
|
|
|
|
Re: الشعب السياسى العظيم!! (Re: Balla Musa)
|
فى نفس الفترة
وانا طبيب امتياز فى قسم النساء والولادة فى عطبرة..
كان السنير دكتور سيد عثمان من أولاد أمدرمان الموردة..
أول نصيحة نصحنى ليها فى العملية:
ياخى دخل يدك مع الناس وغالط!!
| |
|
|
|
|
|
|
|
|
|
Re: الشعب السياسى العظيم!! (Re: Balla Musa)
|
والله قطعت مصارينى بالضحك يا دكتور
البوست دا ناقص صديق القاعد بعيد وعبدالخالق السر عطبراوى!
يا اخى نحن شعب هبوب على قولة واحد صاحبنا!
تقول ليه فلانة اتزوجت يقول ليك سودانى! تقول ليهو آى يقول ليك واحدة هبوب ووالعكس صحيح دا واحد هبوب وحيلدو ا هبوب!
جنى
| |
|
|
|
|
|
|
|
|
|
Re: الشعب السياسى العظيم!! (Re: jini)
|
الشعب السوداني العظيم هو شعب الله المختار , بالنسبة لشعب الله المختار العرب والخليجين (عرب وهم) بالنسبة اليهم الشوام والمصرين (حلب مقطعين) والخواجات ( كفار اولاد كـلـب), بهذا الفهم غذينا رضعنا هذا الحديث مع حليب امهاتنا سمعناهو وصدقناهو وعشنا عليه وظللنا نلوكه معهم ونحن لم نري سوى السودانين شعب الله المختار , حتي كتب الله لنا السفر خارج السودان وفي اذهاننا هذا الفهم عن الجميع , الله خيرنا علي الجميع بميزات حرم منها الجميع , وبدانا نتتعامل معهم ونحن ملئى بهذا ومتخمة نفوسنا بهذا الاحساس , ايام معدودات وتكتشف انك اكبر ( وهم ) واعظم (مقطع) واصغر من (جريو ناذر) الجميع يعرف ماذا يريدون الا انت , الجميع يدرك اهدافه في الحياة الا انت , الجميع اسوا صفاته افضل من احسن صفاتك , فجأة هكذا وبدون سابق انذار تكتشف انك اكبر بالونة ملئت بالفراغ , فجاة تكتشف ان التعامل مع السوداني في الخارج جحيم بالنسبة الي التعامل من اي من المقطعين والوهم واولاد الكـلـب .
| |
|
|
|
|
|
|
|
|
|
Re: الشعب السياسى العظيم!! (Re: اساسي)
|
جنى وأساسى
مرحب بيكم
قابلت واحد فى عطبرة فى التمانينات مسمى نفسو اسماعيل انجليزى ( يعنى النوع البلاك انقلش مان )
حكى قال قابل أمريكى وكان متعجرف جدا ( الأمريكى)..
قال تصديت للخواجة سألتوا من وين فى أمريكا,, ثم بحسابات جغرافية قال طلعتو من أفقر وأكثر منطقة قاحلة فى أمريكا..
قال بعد داك أديتو شدة فى السياسة لقيتو وزير المالية الأمريكى مابعرفو..
قال قلت ليهو وزراء الزراعة الأمريكان لثلاث حكومات خلن..
الخواجة نطط عيونو (حسب رواية اسماعيل انجليزى) ورجع بى ضهرو بردد او ماى قود,,,او ماى قود..
فسألت اسماعيل دا معاناه شنو قال لى الأمريكى كان مندهش..
قلت ليهو لكن عند الإندهاش بقولوا واو مابقولوا جوبا..
ولازلت هنا فى أمريكاأبحث ولم أسمع بوزير الزراعة الأمريكى!
| |
|
|
|
|
|
|
|
|
 Re: الشعب السياسى العظيم!! (Re: Balla Musa)
|
الأخ بله ..
ولا زال العرض مستمرا.. ليس من الجوانب السياسية فحسب ..بل انظر الي هذا البورد .. كم من مغفل نافع يتحدث بمثل هذه اللهجة وهو لا يفقه حديثا ..،
نحن أخي لا زلنا نعيش في حياة بدائية ..نريد التطور ونعرف كيف التطور ونراه ومع ذلك ..لا نتطور .. وشعب قصص وحكاوي ليس إلا ..
مودتي بلا حدود..
| |
|
|
|
|
|
|
|
|
|
Re: الشعب السياسى العظيم!! (Re: Balla Musa)
|
Quote: قابلت واحد فى عطبرة فى التمانينات مسمى نفسو اسماعيل انجليزى ( يعنى النوع البلاك انقلش مان )
حكى قال قابل أمريكى وكان متعجرف جدا ( الأمريكى)..
قال تصديت للخواجة سألتوا من وين فى أمريكا,, ثم بحسابات جغرافية قال طلعتو من أفقر وأكثر منطقة قاحلة فى أمريكا..
قال بعد داك أديتو شدة فى السياسة لقيتو وزير المالية الأمريكى مابعرفو..
قال قلت ليهو وزراء الزراعة الأمريكان لثلاث حكومات خلن..
الخواجة نطط عيونو (حسب رواية اسماعيل انجليزى) ورجع بى ضهرو بردد او ماى قود,,,او ماى قود..
فسألت اسماعيل دا معاناه شنو قال لى الأمريكى كان مندهش..
قلت ليهو لكن عند الإندهاش بقولوا واو مابقولوا جوبا..
ولازلت هنا فى أمريكاأبحث ولم أسمع بوزير الزراعة الأمريكى! |
في فترة كنت اعمل في احد مصانع المياه الغازية في السودان ...
جانا فني الالماني في مهمة عاجلة في المصنع ...
ماشين في العربية لاحظ لوجود صور متكررة لشخصين واعلام وبوليس ...
قال لي الاتنين ديل منو والحاصل شنو ؟
قلت ليهو ياخ معقولة ده رئيسنا عمر البشير والتاني ده رئيس مصر حسني مبارك ...
كل العرفو من كلامي ده (مصر) لكن حسني مبارك ما عرفو ...
وقال لي تعرف انا رئيس المانيا ده ما بهمني في اى حاجة ، المستشار وعمدة المدينة هم الناس المهمين بالنسبة لي
بعد داك عرجنا على الكورة اكتشفت انهو مابعرف رومينجيه ولا برايتنر ...... الخ (لعيبة السبعينات واوائل الثمنينات)
وسألني انت البخليك تعرف الناس ديل شنو والحاجات دي كلها ليه
قلت ليه تقول شنو قلة الشغلة بس .. 
طبعا بالنسبة لي كسوداني كامل الدسم بقيت شايفو الزول ده جاهل وغير مطلع ...
في حين انو لمنا مشي لي شغلتو الاساسي (كفني) حسيت انو الزول ده احتمال كبير يكون هو الصنع المكنة دي ......
| |
|
|
|
|
|
|
|
|
|
Re: الشعب السياسى العظيم!! (Re: Balla Musa)
|
| Quote: وقال لي تعرف انا رئيس المانيا ده ما بهمني في اى حاجة ، المستشار وعمدة المدينة هم الناس المهمين بالنسبة لي |
ونحن اجهل النا س بجغرافيتنا وديمغرافيتنا ومناخنا عشان كدة يقولوا ليك كان انفصلوا ما ينفصلوا غير ماسوف عليهم لا بعرفوا ابيي لا مناطق التماس ولا العواقب!
انى امنت وايقت ان راس السودانى للبس العمة فقط طبعا السودانى الشمالى!
جنى
| |
|
|
|
|
|
|
| |
Balla Musa
Rawia
jini
اساسي
omer osman
فيس بوك
تويتر
انستقرام
يوتيوب
بنتيريست