|
|
 اها .. وبالنسبة للخـروف ..!!
|
وجاءتكم الاخبار تتارى ولا كيف ؟
ساعدونا بالعربى الفصيح يا ناس امجد !
لبنى عبد الله
اتّهمت غرفة مصدري الماشية الحكومة بالتسبب في ارتفاع الخراف لهذا العام، وعزا ارتفاع الإسعار إلى رسوم عبور المواشي بالولايات واهتمام الدولة بالصادر أكثر من الاستهلاك المحلي، وطالب بتفعيل القرار الجمهوري الخاص بإلغاء الرسوم والأتاوات.
وقال الأمين العام لغرفة مصدري الماشية صديق مضوي حيدوب في المنتدى الأسبوعي لجمعية حماية المستهلك
أمس حول (ارتفاع أسعار خراف الأضحية) أنّ هناك أكثر من (50) رسماً تُفرض على الماشية القادمة من الولايات، ووصف الأسعار الحالية بأنّها غير واقعية ومفتعلة من قبل الدولة، وأضاف أنّ هناك هجمة شرسة من قبل الدول الأخرى على اللحوم السودانية مما ساهم في الغلاء، ولفت إلى تصدير (3) ملايين رأس من الماشية يتم تصديرها للسعودية. وكشف حيدوب عن اجتماع جمعهم في وقت سابق مع الجهات المسؤولة لتوفير قدر من الماشية للاستهلاك المحلي وزاد(للأسف بعد توفير الماشية اشترتها إحدى المؤسسات النظامية) واعتبر أنّ ذلك أحدث نقصاً في عدد الماشية الموجهة للاستهلاك المحلي، وردد(الدولة تهتم بالصادر أكثر من الاستهلاك المحلي)، وطالب الأمين العام لغرفة مصدري الماشية بإعداد إحصاءات دقيقة لرؤوس الماشية في السودان من الأبقار والجمال والضأن إضافة إلى تبني التمويل الأصغر للأسر بتنمية ثقافة تربية الماشية في البيوت وتحديث الزراعة للمساهمة في الاقتصاد القومي لزيادة الصادرات غير البترولية، واشتكى من مشكلة عدم وجود مزارع مهيأة للصادر. في السياق عزا تاجر المواشي الجيلي محمد ارتفاع الأسعار إلى تعدد رسوم المحليات عبر الولايات التي يعبرونها، وارتفاع سعر السقيا، واهتمام المنتجين بالموسم ليغطي العائد تكلفة الرعاية، وتوقع ارتفاع الأسعار حتى يوم الوقفة وانخفاضها بعد اليوم الأول للعيد، وحدد السعر الأدنى للخروف (التني) عمر سنتين في (480) جنيهاً. من جهته اعتبر إمام مسجد الخيرين بالرياض د. مدحت عبد الرحمن أنّ الدولة ستكون آثمة إذا لم تؤد واجبها وتوفر خراف الأضحية للاستهلاك المحلي ولجأت إلى التصدير. من جانبه طالب رئيس جمعية حماية المستهلك د. نصر الدين شلقامي كليات البيطرة والإنتاج الحيواني بإنشاء مزارع انتاجية تجريبية لتساهم في الانتاج برعاية من الدولة، وشدد على أهمية وجود طبيب بيطري في مناطق تجميع الخراف للتأكد من سلامتها، ودعا الأسر للتخلص السليم من مخلفات الأضحية بدفنها لتجنب مساهمتها في تولد الذباب والحشرات الضارة.
|
|
  
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
Quote: من جهته اعتبر إمام مسجد الخيرين بالرياض د. مدحت عبد الرحمن أنّ الدولة ستكون آثمة إذا لم تؤد واجبها وتوفر خراف الأضحية للاستهلاك المحلي ولجأت إلى التصدير.
|
آثمة في توفير الخراف بس ياشيخنا الإمام?
__
دينا
لحدي مايجوك ناس امجد
رسم دي يكون قاصدين بيها الوشم
زمان في السكة حديد بعطبرة
بيعملوا للخرفان علامة في القرن بالبوهية
كل لون بقيمة معينة
يعني الماهيتو 100 جنيه يختار اللون القدر قروشو وهكذا
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
| Quote: للخروف (التني) عمر سنتين |
سـلام يا دينا.. وأهـو ناس العـربي ما قصروا وأدوك : معـنى الخـروف مشـروح.. ياخـي أنا عـندي فتوى أحسن ليكم ولينا من فتوى شيخ مدحت دي لأنها مجربة عندنا في البيت على الأقل: الطماطم لامن تبقى أكتر من ستة سبعة جنيه للكيلو بنخليها على طول (ناهيك عن 14 و15 جنيه) وكذلك فعلنا مع البطيخ في مواسم إفتراء الباعة؛ عشان كدة قررنا أن (نشخّت) للضحية السنة دي بسبب الأسعار الما معقولة والمفتعلة من الدولة الآثمة كما قال الشيخ، عشان السنة الجاية يعملوا حسابهم لو الشعب شاركنا في الإضراب دا.. هو بالمناسبة السنة الجاية في دولة؛ آثمة كانت أم محسنة؟.. تحية..
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
يا جماعة انتو وييين وليد صاحبى ؟؟
كل ما اقرا سعر الخروف دا
واتزكر شهادة راتبو ديك قلبى يقيف ..
ــــــــــــ
فى عيد الفطر ما عااادى بتتجدع
هنا ... الخروف دا تشتغلوا لى شهر
بعيد من الراتب .
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
ياااا ود الصايم يقولوا ليك 3 مليون خروف سافروا
هسه فى السعودية تقول رسلوا الخرفان ؟؟
بعد دا الا تاكلنا نحنا ,,,,,
نوبيانى ...
ياخ اشرقت الانوااااااار وجانا العيد
مرحب بيك تشرف .. ح نرجعك نوبى + 7 كيلو ..
خالد محمود ! وييييين انتا ؟
مشتاقين
الضحية قالوا بالاستطااااااااااعة هسه الجاب سيرة
العرس شنو ؟ محبطيييييييييييين خلاص
ـــــــــــــــ
طبعا اخوانا الجمهوريين اضانهم بااااردة
لا حج لا ضحية .. دا الدين كدا ولا بلاش ..
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
حيدرنا انت فى العربى ولا فى هسه الامام بقا اسمو مدحت
زمنكم الامام كان اسمو خيررر السيد يا قول الشايقى ..
لوووووب .
ايسا او عيسى انت عشان تضحى مرتاح ما تربط ضحيتك
بالحيكومة .. ضحى كيفما كان انشاللله تسرق ..
ـــــــــــــــــــــ
الدجاج كيف ؟ مافى فتوى ؟
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
حيدرنا انت فى العربى ولا فى هسه الامام بقا اسمو مدحت
زمنكم الامام كان اسمو خيررر السيد يا قول الشايقى ..
لوووووب .
ايسا او عيسى انت عشان تضحى مرتاح ما تربط ضحيتك
بالحيكومة .. ضحى كيفما كان انشاللله تسرق ..
ـــــــــــــــــــــ
الدجاج كيف ؟ مافى فتوى ؟
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
فايز ود القاضى !!!
صفاقصى فى عينك جننننك حرف بوستات ..
لا تحرف البوست انا ناقصة الجماعة يعنى !
حافظ الخير ... لووووووووووب
قلت لى ضحى عنكم البشير ام بكم ؟
اى انتم الذين اكلتم النيم اذنـــــــــــــــــــــــــــــ ,,
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
عمران يا عمران صاحبى ..
حلووة قوللى رافض دى ..
مادام رفضت لى الحج انت كمان
ما تسويها ماسخة رسل الضحية !
شيخنا عوض صديق
قالوا علقها فى رقبة عالم واطلع سالم
نتوكل على ال كاااك عليك ؟؟
لووووووووب يا محسن قادر
Quote: سلام يا دينا ... طبعا السنة دي الضحية
اسهل منها الرجوع الى رؤيا سيدنا إبراهيم عليه السلام .. |
دى قويييييييييييييه ما تقول الاولاد كلهم بقوا
مما بسمعوا الكلام ومعذبين اهلهم ... فرصة وجاتهم !
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
بالنسبة لناس الجـداد:
Quote: سجلت اسعارالفراخ بالاسواق انخفاضاً ملحوظاً بلغ (6) جنيهات للكيلو الواحد وأرجع بعض أصحاب المحال التجارية الانخفاض لتراجع الطلب بشكل ملحوظ الفترة الماضية والى ارتفاع الاسعار بينما عزا البعض الآخر الانخفاض لاقتراب الاضحى.وتفيد متابعات( الرأي العام) بأن الآسعار تتراوح بين (9- 12) جنيهاً، وأشار حيدر محمد الى ان الاسعارشهدت انخفاضاً ملحوظاً اليومين الماضيين بعد ان سجلت خلال الفترة الماضية أسعارا تتراوح بين (16) الى (22) جنيهاً .
ولاحظت الجولة بسوق الكلاكلة الوحدة ارتفاعاً فى الاقبال نتيجة لانخفاض الاسعار لـ(9) جنية بينما ترتفع بمعدل جنية ونصف ببعض المحال التجارية بمنطقة الكلاكلة شـرق. |
المصدر:الرأي العـام 9 نوفمبر 2010
شـفتي (فتوى المقاطعة) بتاعتي دي شغالة كيف؟.. وجاء في الأثر أن رجلا قال للرسول (ص) هو داير يتزوج وزي ما بقول أخونا واحد: جاااااهز بس ما عندو قروش (للمهـر)، والرسول الذي كان بالمؤمنين رؤوف رحيم (مش زي الحكومة الآثمة) مشى معاه لغاية ما وصل لسبيطة بلح، ودي زاتا العريس قال هـو أولى بيها!.. يعني من هسه نشوف لينا (ديك تني).. وكرامة وسلامة..
عيسى: بيطري أوبس أقصد مفتي مقيم بالبورد، تخصص خرفان ودجاج..
| |
|
|
|
|
|
|
|
|
 Re: اها .. وبالنسبة للخـروف ..!! (Re: دينا خالد)
|
Quote: فايز ود القاضى !!!
صفاقصى فى عينك جننننك حرف بوستات ..
لا تحرف البوست انا ناقصة الجماعة يعنى ! |
طيب انتي خايفة من الجماعة وماسكة فيني انا اليتيم ده؟!!! ...بعدين بوستيك ده ذاته جاى منحرف وحاولت اعمل فيك خير واطلعه من دائرة الخرفان ..لكن اصلوا الخير فيك مايضمر ...اها كده رجعتو للخرفان ..ان شاء الله تكوني مبسوطة ..
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
Quote: دينا كيفنك
هسي انا على سفر بتكون واجبة علي الضحية |
يا طارق جبرين يعنى انت لازم تحرجنا ؟
على الايمان السفر زاتو ما واجب عليك ..
ـــــــــــــــ
قالها وجر سبحته وواصل فى برنامجة التلفزيونى ..
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
يا فايز
شكرا يايتيم .. لووووب
والعرجا لمراحا هههههههههههها
عيسى
خشمك فيه اللبن انا ذااااتى بحب الدجاج ,,
وجنى وجن الخروف البضبحو فى البيت دا ..
ــــــــــــ
اها وبالنسبة للشربوت ..
| |
|
|
|
|
|
|
|
|
|
Re: اها .. وبالنسبة للخـروف ..!! (Re: فايزودالقاضي)
|
طيب ياود الصايم
تجيب ربعين بلح
هو الربع دا قدر شنو ؟ قول واحد طيب
ترفعهم فى حله قوز كبيييرة فى النار
تكب ليهم الموية لى عينا
بعدين لما يغلى ويغلى ويغلى
تخلى يغلى تانى لووووب والله جد
تكب لى زريعه للتخمير وشوية جنزبيل
بعدين تنزلو وتغطى وبكرة تجى تصفبه فى جرادل
بس .. مافى زول يجى يقول ليك كب لى كركدى
كب لى خميرة كب لى شنو ما عارف اوووووعا
دا ببقا شربوت زول تانى ما بتاع دينا
كدا جرب بتاع دينا دا وتعال قول لى فى بوست العيد ..
ـــــــــــــــ
بعدين لو جلدوك ما على ..
| |
|
|
|
|
|
|
|
|
|
Re: اها .. وبالنسبة للخـروف ..!! (Re: احمد محمد احمد عتيق)
|
عتيق
اهلك الصينيين ما بعرفوا يقعدوا ساى طبعا
اها قال ليك العمالة بتاعت شركات البترول
دى كلللها شغالة سعاية.. فى المراعى الهاملة دى
يعنى كلامك قايلو كضب !
مريم بت الحسين
لك العتبى حتى ترضى
الغريبة كل ما اجى بمداخلتك اضحك
واتكلم معاك فقايلة نفسى كتبت ليك
لوووووووووب
| |
|
|
|
|
|
|
|
|
|
Re: اها .. وبالنسبة للخـروف ..!! (Re: محمد أبوالعزائم أبوالريش)
|
سلام يا دينا
بالنسبة لنا.. الذين يقيمون وراء المحيط
فقد اتصلنا قبل ايام بالسيد عم لاري
وسالناه عن الخراف
طالبنا بان نعمل Booking قبل اسبوع !
اتصلنا عشان نعمل الـ BOOking
قال لا لا .. مافيش طريقة لخرفان الا بعد ثلاثة اسابيع
شرحنا له الموقف
ضحك وقال تعالوا السنة الجاية !!
على اي حال مضحيين مضحيين
فهل تجوز الضحية بكنغارو احمر سمين ؟
| |
|
|
|
|
|
|
|
|
|
Re: اها .. وبالنسبة للخـروف ..!! (Re: خالد العبيد)
|
بي مناسبة الكنغارو دي قال ليك في كانغارو مسطووول جا لي مرتو الكانغاروية وقال ليها :
إنتي ولدنا وينو ؟؟
ردت ليهو بي زهج وقالت ليهو خاتااااهو في جيبي..
قال ليها :
لا عليك الله بالجد وينو ؟؟
تخريمة :
النكتة دي جاتني بعد ماعملت الشربوت حسب وصفة دينا خالد
| |
|
|
|
|
|
|
|
|
 Re: اها .. وبالنسبة للخـروف ..!! (Re: عمر الفاروق)
|
ماعندي طريقة ضبيحة
لكن هاعمل شربوت
زول أداني وصفة أمس خليني أجربها وبعدين أقول
هاعملو نوعين
كركدي وبلح
لاول مرة غايتو لو سلكت بشتري لي واينري
وتعود الايام على الجميع بالخير
وعليك بالمحبة يادينا
| |
|
|
|
|
|
|
|
|
 Re: اها .. وبالنسبة للخـروف ..!! (Re: عمر الفاروق)
|
| Quote: وحدد السعر الأدنى للخروف (التني) عمر سنتين في (480) جنيهاً |
على عملات ناس الفيس-بوك
من سيذبح المليون !!؟؟؟؟؟؟؟؟؟؟
............
شربوتك دا خالي-قرنجال و قرفة يا دينا
و نسيتي كمان كمشة الشامبيون :)
| |
|
|
|
|
|
|
|
|
|
Re: اها .. وبالنسبة للخـروف ..!! (Re: mamkouna)
|
Quote:
بالغتي يا راوية!
في أمريكا كمان بعملوا شربوت!! |
ماقلنا ليك دا تمهيد
لو سلك بعمل مصنع عديل 
دا غير إننا عاوزين نعيش الجو ولا نعيش اللحظة ماعارفة بتاعة العيد وكدا
لو قلت ليك أنا مابحب الشربوت أصلا... بتصدق؟
______
الليلة خالتك قالت نفسها في بخور تيمان
الكويس في امريكا دي كل شي بتلقي
تلفون واحد بس لقيناهو
| |
|
|
|
|
|
|
|
|
|
Re: اها .. وبالنسبة للخـروف ..!! (Re: محمد عبد الماجد الصايم)
|
ود الصايم وراوية
لا تحرفوا البوست عن مساره الدوغرى
ولو ما عندكم بديل ياود الصايم
الرد بالسد
الرد بالسد
اضرب الكهنوت بالشربوت ..
خالد عبيد
لوووووووب كمان فى استراليا الخرفان
بتلفتو ليها ؟؟ لو دخلت يدك فى جيبك
تمرق اجزاء الخروف .. او ولدو
ايهما اقرب للذبح عشان ما تضطر غير باغ
تقبل على الجماعة الفى صورة ديك لوووول
عارف يا خالد الحمد لله ال فى حكوة سيدنا
ابراهيم طلع ولدو لانو لو كانت زوجتو
زوووووول كان فكر يفدى مافى ...
شيخنا ابو العزائم !!
الضحية دى تابعه للعرس ؟
عشان نحدد موقفنا منها وكدا ..
بالعدم قول لى اتصرفى ..
ــــــــــــــــ
كل سنة وانتو طيبين كلكم يا جماعة
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
الاخت دينا لك التحية
كل سنة وانت طيبة مقدما
امبارح الموضوع (اسعار الاضاحى) فى بوست مجاور , انتو جادين يا ناس السودان
فى كلامكم ده ...!
ال حيضحى منو طيب السنة دى ؟
برجع ليك الموصلى فى النيل الازرق الآن .
| |
|
|
|
|
|
|
|
|
|
Re: اها .. وبالنسبة للخـروف ..!! (Re: Adil Osman)
|
Quote: خالد عبيد
لوووووووب كمان فى استراليا الخرفان
بتلفتو ليها ؟؟ |
ابدا مافيش ازمة لحوم او خراف
المشكلة طريقة الذبح
كما تعلمين الذبح هنا في معظمو رميا بالفاس
عايزين نضبح برانا وبي ايدنا
والبقرأ كلامي ده يقول بعرف اضبح!
بنخلق برنامج مشية لي مزرعة خراف بعيدة
بنمشي مجموعة ونسوق العيال
على الاقل يشوفو ليهم خروف بيضبحو فيه !!
وكل سنة وانتي طيبة
| |
|
|
|
|
|
|
|
|
|
Re: اها .. وبالنسبة للخـروف ..!! (Re: خالد العبيد)
|
غايتو يا خالد الله يكون فى عون اولادكم !
البربرية دى اصلو ما بتخلوها ؟
| Quote: على الاقل يشوفو ليهم خروف بيضبحو فيه !! |
دا على الاقل مش ؟؟
بعدين شوف السيناريو ذاتو ...
نسوقهم مزرعه بعيييدة وبعدين نوريهم الضبح !
حولااااااا ... فعلا خريجين مدارس الارهاب والتعذيب
يا خالد دا شنو ياخ ..
استراليا دى ما فيها نظام عام ؟
كرهتو الاولاد ذاتو
حقو يصادروهم منكم لصالح الدفاع الشعبى
او كما جاء فى حكم قاضى مهووس اواسط التسعينات
على ام وابنها ..
ـــــــــــــــ
خالد ياخ بالفاس بالماكينة انت مالك
جيب خروفك مضبووووح ولا تسلوا عن اشياء ما بتخصكم
يعنى خلااااااص محتحتين الاسلام ؟
جات على الخروف المسكين ؟
ما تسلموا فى الحاجات التانية .. لووووووووب .
| |
|
|
|
|
|
|
|
|
|
Re: اها .. وبالنسبة للخـروف ..!! (Re: خالد العبيد)
|
عادل عثمان !!
مشتاقين والله
ياخ ما يمرقك الا عيد الضحية ؟ وينك
كولو دا بعملوا الجنجر ؟
الجنجر ما عندكم والله ...
ندى صالح
اااااى بنضحى قايلانا زيكم مفلسين !
الموصلى لقيتى كيف ؟ سلمى عليهو
ـــــــــــــــــــ
فى ناس مشكلتهم الخروف
وناس مشكلتهم الذبح .. فتالم !
| |
|
|
|
|
|
|
|
|
|
Re: اها .. وبالنسبة للخـروف ..!! (Re: دينا خالد)
|
]دينا سلامات
الناس دي ما قرت مقال عمرالقراي ولاشنو؟
ياخ الجمهوريين ديل ناس جميلين خالس خالس عشان كده الواحد فكرهم ده ما قادر يتجاوزو نهائي ولافي راسنا من سنة 87
عموما القراي لقي ليهم مخارجه من موضوع الضحيه ده فقير علي غني وبي منطق محكم ومن داخل المنهج السلفي زااااتو كمان
| |
|
|
|
|
|
|
|
|
|
Re: اها .. وبالنسبة للخـروف ..!! (Re: فاروق عثمان)
|
Quote: يا جماعة انتو وييين وليد صاحبى ؟؟
كل ما اقرا سعر الخروف دا
واتزكر شهادة راتبو ديك قلبى يقيف ..
ــــــــــــ
فى عيد الفطر ما عااادى بتتجدع
هنا ... الخروف دا تشتغلوا لى شهر
بعيد من الراتب . |
هو العيد بتين ؟
بعدين نحن ضحى عننا الرسول
وانت قايلة التيس ما بضحى ؟!
انت دي بتين تبقى مرة وتنضفي الكمونية حقتك زي النسوان
| |
|
|
|
|
|
|
|
|
|
Re: اها .. وبالنسبة للخـروف ..!! (Re: وليد محمد المبارك)
|
سجمى سجمى يا وليد !!!
اريتنى ما مرتك .. حتى الكمونية ما بتخلوها ؟
حولاااااااااا شقى الخروف البقع عندكم دا ..
ـــــــــــــ
طيب ضحوا عنكم امننننا
الشربوت برضو شربوا ليكم ..
قوم جيب الخروف بس فالحين فى العرس !!
| |
|
|
|
|
|
|
| |
دينا خالد
خالد عبد الله محمود
حيدر حسن ميرغني
فايزودالقاضي
فيصل نوبي
حافظ حسن ابراهيم
محمد عبد الماجد الصايم
عمران حسن صالح
مريم بنت الحسين
عوض الصديق
محسن عبدالقادر
طارق جبريل
محمد أبوالعزائم أبوالريش
خالد العبيد
عمر الفاروق
Rawia
mamkouna
ندى صالح الطيب
Adil Osman
زهير عثمان حمد
فاروق عثمان
وليد محمد المبارك
فيس بوك
تويتر
انستقرام
يوتيوب
بنتيريست