|
|
|
 Re: دا كلو منك يا ألـمريسه!! (Re: abdalla elshaikh)
|
أما إسحاق فضل الله والطيب مصطفي فديل ما خلوا للـمريسه صفحه ترقد عليها!! طلعوها عاقر وبت غلفا وبت حرام وطابور خامس بتنفذ في أجنده إسرائيلية!! ولذلك يستحيل أن نعيش مع من يشربونها في بلد واحد
| |
 
|
|
|
|
|
|
|
|
Re: دا كلو منك يا ألـمريسه!! (Re: ود الباوقة)
|
فسمعت الـمريسه بكل ذلك الردحي والنضمي والتهليل والتكبير فإنكتمت غيظا حتي إستفرغت وإستغفرت ربها وقالت:-
يا جماعه أنا هينه والبيشربني لو جقم ليهو شوربة كوارع بيلحقني أماة طه! ولو نام وشخر بيصحي وأنا ما في دماغوا لأني بكره النوم وألأكل!! ولكن شن قولكم في ناس ألله ديل!! يسرقوا ويقتلوا ويكذبوا ويزنوا وبعد ذلك كله يهتفون:-
ألله أكبر!!!!
| |
|
|
|
|
|
|
|
|
|
Re: دا كلو منك يا ألـمريسه!! (Re: ود الباوقة)
|
أما إسحاق فضل الله والطيب مصطفي فديل ما خلوا للـمريسه صفحه ترقد عليها!! طلعوها عاقر وبت غلفا وبت حرام وطابور خامس بتنفذ في أجنده إسرائيلية!! ولذلك يستحيل أن نعيش مع من يشربونها في بلد واحد
عبدالله كيفك
وتحياتي
بالله لو سمعت او قريت انو محي الدين تيتاوي
عندو راي في المريسة والعرقي ادينا خبر في الخاص !!
| |
|
|
|
|
|
|
|
|
Re: دا كلو منك يا ألـمريسه!! (Re: abdalla elshaikh)
|
خالد ألعبيد كيف حالك يا صديق!!
إنت عارف أستاذنا محي ألدين تيتاوي دا رجل نكته خالص إذ أشتغلت معهم بجريدة ألأيام في بداية الثمانين .. فهو والبلال الطيب ومصطفي أبو العزايـم وعمر الجزلي وعمنا أبو كلابيش ديل ما زعلانين من الـمريسه!! فقط زعلانين من إنتفاضة مارس/أبريل لأنها أطلقت عليهم إسم {سدنة مايو}
| |
|
|
|
|
|
|
|
|
|
Re: دا كلو منك يا ألـمريسه!! (Re: abdalla elshaikh)
|
بمناسبة المريسة أستاذى عبدالله احكي لك نكتة :
قالوا زمان اهلنا الشايقية بشربوا المريسة ( البقنية ) عمك كبير بشرب المريسة اولادو قاموا حججوهو وتاب . اصحابو الزمان جوهو قالوا ليهو ارح يازول نشرب . عمك قالهم : انا حرماني علي ما بشربها . قالولو ارح ساكت اقعد معانا . عمك وافق . اها بعد ما الجماعة شربوا ناموا . عمك الشايقي شالو قشة طويلة من الواطة غمّزها في باقي المريسة و ضاقها . قالها الله يختك يا الممسوخي اتي لايوم الليلي في حلاتك دي ؟
تخريمة
أوعا أم خالد الشايقية تقرأ النكتة دى
| |
|
|
|
|
|
|
|
|
|
Re: دا كلو منك يا ألـمريسه!! (Re: باسط المكي)
|
ألإخوان يسري و الـمكي!!
قديـما قالوا إلـمره كان فاس ما بتشق ألراس!! ولكن سوزان رايس شقت ألإتحاد السوفيتي!! وصديقتنا الصدوقه بت جامعة الفرع زمان {إلهام قمر} شقت الحزب الناصري!! وهاهي ألـمريسه تشق ألسودان نكاية في ناس {ألله أكبر!!!}
| |
|
|
|
|
|
|
| |
abdalla elshaikh
خالد العبيد
يسرى معتصم
باسط المكي
فيس بوك
تويتر
انستقرام
يوتيوب
بنتيريست