ما لقيتلو مثيل...نشاز عودك يا دكتور..
وأنا في قمة الصداع القاعد يجيني كل خميس تقريباً... تابعت حوار في قناة قون الفضائية في برنامجها عندما يأتي المساء.. وكان الحوار مع الفنان التشكيلي علاء الدين الجزولي.. الحوار كان جميل ومرتب وأي حاجة.. كانت هناك فواصل موسيقية..وغنائية استغربت جداً للعود (الفارق) بتاع دكتور الماحي سليمان.. والقانوني الأستاذ هاشم عبد السلام على حسب معرفتي ليهو.. زول مؤلف وملحن وعازف كمان لا يشق له غبار..كان مندهش جداً ويبذل مجهوداً ضخماً في التحايل على نشازات الدكتور في العزف.. والمغني الشاب...مسكين وكاسر رقبتو في الحفظ عشان يغني أغنية عظيمة زي دي وطبعاً في فضائية وبمصاحبة دكتور كبير في الموسيقى السودانية.. لماذا لم يتجرأ أحدهم ويلفت نظر الدكتور لمراجعة دوزنة العود؟؟ والله الواحد ما عارف يقول شنو.. ما عندي تسجيل والله.. لكن !!!!!!!
Re: ما لقيتلو مثيل...نشاز عودك يا دكتور.. (Re: Mahmoud Mustafa Mahmoud )
هسي الواحد يودي وشو منك وين يا أستاذ هشام ياخ؟ hl=en_US"> hl=en_US" type="application/x-shockwave-flash" allowscriptaccess="always" allowfullscreen="true" width="480" height="385"> حلمان أنا وصاحي..عاشق جواي النهر والشاطئ الحزنان شاهد ومتلاهي في رملو متماهي..شاهد وما ناسي في صبرو حورية ..حورية بت النهر حلمان بدفء الشمس في ليلة شتوية حلمان أنا وصابر..مستني جية النهر واشواقي أغنية...واطفال مراكبية يغنوا للدنيا ألحان مزاجية حلمان أنا وصااااااااااااااااابر.. حلمتك دي يا حبيب ما في منها في زمن الباعوضة دا.. ما يجي زول يقول لي حلمة عمنا ود الرضي في منامه الشهير (ليالي الخير) وهيهات يعود الكان ولَّى.. يا هشام أخوي محمد منير لو سمع إهمالك وتواضعك دا..ممكن يفتح فيك بلاغ ويجي يستولي على العمل دا بسياسة وضع اليد... شكراً ليك كتير يا إنسان يا جميل
Re: ما لقيتلو مثيل...نشاز عودك يا دكتور.. (Re: Mahmoud Mustafa Mahmoud )
Quote: لماذا لم يتجرأ أحدهم ويلفت نظر الدكتور لمراجعة دوزنة العود؟؟
اخي محمود اذا كانت الدكتوراة التي يحملها في الجغرافيا او الادب الانجليزي لتجرأوا عليه لكن يا اخي رجل يحمل دكتوراه في الموسيقي من المفترض اذنه تكون حساسه لابعد حد لكن ان يفرق عود بسبب وزنه تجعلني اشك في هذه الدكتوراه ولا عذر ابدا ان العود فارق ولو يلغي الحلقة
Re: ما لقيتلو مثيل...نشاز عودك يا دكتور.. (Re: طارق ميرغني )
Quote: اذا كانت الدكتوراة التي يحملها في الجغرافيا او الادب الانجليزي لتجرأوا عليه لكن يا اخي رجل يحمل دكتوراه في الموسيقي من المفترض اذنه تكون حساسه لابعد حد لكن ان يفرق عود بسبب وزنه تجعلني اشك في هذه الدكتوراه ولا عذر ابدا ان العود فارق ولو يلغي الحلقة
واحد من الأسماء التي كانت في خاطري وأنا أكتب هذا البوست..هو اسم طارق ميرغني.. والسبب ببساطة هو إنه طارق ميرغني كان قد افترع بوستاً جميلاً بموضوع أغنية البان جديد لعثمان الشفيع من أداء نفس الشاب الذي وجد نفسه متورطاً في أداء أغنية للشفيع بمصاحبة (عود) الدكتور الماحي.. إن شاء الله تكون تابعتها يا طارق أخوي..عشان تعرف إني ما تهجمت على الدكتور ساكت كدا.. ولو كلامي طلع صاح..أرجو أن لا تهدي هذه الأغنية لصديقك أبو شنب صلاح عبد الله.. عشان ما يتهمك هو الآخر بالطرش الرعاش وشلل الإنهار ومتلازمة أم ضبيبينة.. لك صادق المودة والاحترام..ودمت أخاً كريماً..
Re: ما لقيتلو مثيل...نشاز عودك يا دكتور.. (Re: Mahmoud Mustafa Mahmoud )
ممكن جداً.. يكون الدكتور شاف البوست دا.. ممكن جداً يكون ما شافو..برضو جايز... لكن ممكن الزميل حمزة أو الأستاذ الزميل أنس العاقب يكونوا شافوا البوست.. ويا ريت كمان يكونوا شافوا الحلقة موضوع البوست.. عشان يوصلوا رسالتنا للدكتور.. الرسالة بسيطة ومباشرة: أوزن العود .. فيها حاجة دي؟؟
Re: ما لقيتلو مثيل...نشاز عودك يا دكتور.. (Re: Mahmoud Mustafa Mahmoud )
اخي مصطفي انا ما تابعت الحلقه كووولها لكن وبالصدفه لميت في اغنية عازه وصالك واظنها كانت اخر اغنيه في الحلقة وسجلتها بالكامل لمن امشي البيت بعدين ان شاء الله احاول انزلها ليك حتي اداء ازهري دياب لهذه الاغنيه ومع سعادة الدكتور لم يكن جميلا كما شهدناه في التسجيل الذي اهديته لصديقي صلاح
Re: ما لقيتلو مثيل...نشاز عودك يا دكتور.. (Re: طارق ميرغني )
Quote: لمن امشي البيت بعدين ان شاء الله احاول انزلها ليك حتي اداء ازهري دياب لهذه الاغنيه ومع سعادة الدكتور لم يكن جميلا كما شهدناه في التسجيل الذي اهديته لصديقي صلاح
الجميل طارق ميرغني.. ياخي بالله عليك تلحقنا بالتسجيل دا.. عشان أنا أكلت في خاطري والله... ومن ناحية تانية .. أكيد بيكون فيهو تقويم لمسيرة الموسيقى والموسيقيين في السودان وفيه خدمة برضو تصب لصالح الذوق العام من أجل إحساس موسيقى معافى .. وبالمرة الناس تعرف إنه ما في كبير على الانتقاد ... منتظرينك والله..ودمت
Re: ما لقيتلو مثيل...نشاز عودك يا دكتور.. (Re: Mahmoud Mustafa Mahmoud )
يا جماعة الدكتوراه دي مجرد درجة اكاديميه اي زول شاطر في القراية والكتابة بقدر عليها,,, العزف حرفة..... ولا اعتقد ان كل عازف فنان او مبدع اجمل حاجة في هذا المنبر الناس الزيكم...ديل...والله بتعلم منكم.. في كل مداخلة.. رغم اني .. ماعازف..لكن وجدت في التعامل مع الالات الموسيقيه صداقة عميقة..واصيلة..خاصة العود..مرات بغلبني اوزنو...واحس بانو عندي صديق عيان.. او متوعك..لدرجة انو صوتو بقي غريب علي...نتفارق لمدة كم يوم...واحاول..علاج الاوتار...ووزنها...وترجع اللحظة الجميلة... بالواضح كدي ورونا العود بتوزن كيف... تحمل النشاز عايز شجاعة.... تحياتي...
Re: ما لقيتلو مثيل...نشاز عودك يا دكتور.. (Re: طارق ميرغني )
اخي مصطفي من الطبيعي كما يعلم الجميع ان تؤثر الظروف المناخيه علي وزنة العود كالرطوبة او المطر وغيرهم لكن غير الطبيعي ان يقوم استاذ موسيقي بالعزف علي عود غير موزون فكان من الانسب ان يؤجل تسجيل الحلقة ريثما يتم وزن العود ولا تكلفه سوي دقائق معدودة اما ان كان لا يعلم انه غير موزون فهذا اضل وأنكأ رغم علمي التام ان دكتور الماحي ماهر في عزف العود
Re: ما لقيتلو مثيل...نشاز عودك يا دكتور.. (Re: طارق ميرغني )
الله يريحك يا طارق يا أخي.. غايتو أنكأ ولا ما أنكأ.. ما بعرفو... لكن البوست كدا حقق الغرض منه .. ونشكر دورك الكبير في التوثيق لهذه الحالة أزهري يا حليلو .. لا حيلة له غير التظاهر بأنه مستمتع بعزف الدكتور.. الأدهي وأمر يا طارق أخوي إنه ممكن عادي تجي فرصة لعازفي العود في تجمع عربي يكون فيهو أسماء ضخمة زي نصير شمة مثلاً.. طوالي السودان يقوم blindly يفك ليك فيهم الأسماء الكبيرة العندنا.. هسي عوض احمودي مالو؟؟ كردفاني مالو؟؟ شكراً ليك كتير تاني يا طارق..