|
|
 بدر الدين إسحاق احمد..كلامك محزن..محزن للغاية
|
لا أحبذ عند كتابتي بسودانيزاونلاين أن اشخصن خلاف في الرأي..أو اعنون بوست لشخص بعينه..لسببين: أولاً قناعتي بعدم جدوى بل و سطحية حشر المواضيع العامة في اطار شخصي ضيق. و ثانياً لا أعرف الغالبية العظمى ممن يكتبون هنا إلا خلال ما تخطه أقلامهم و العكس بالعكس..فلا جدوى من توجيه الكلام الى شخص قد يكون وهمي و قد يكون مأجور لجهة او لأخرى..و في كلا الحالتين فهي مضيعة زمن اراقة حبر-الكيبورد- و تضييع الزمن فيما لا يجدي.
...
|
|
 
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
غير أن ما حدا بي للكتابة برغم الاحباط الذي جعلني-و كثيرين- اعزف عن الكتابة في المنبر العام بالذات الشأن السياسي ذو الشجون, هو كمية الحزن و الألم التي شعرت بها عند قراءتي لكلمات خطها الأخ العضو بدرالدين أسحاق..و الذي لا اعرفه خارج نطاق ما يكتب هنا..غير أن معظم كتاباته - إن لم أكن مخطيء-تدل على أنه ناضج و واعي و هما صفتين لا ينقص منهما أنتماءه لهذا التنظيم او غيره فذلك لا يعنيني من قريب و لا من بعيد..فهو يرجع لقناعاته الشخصية وهي شيء لا أناقشه بتاتاً (هنا على الاقل)
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
بالله أقرأ معي يا أخ بدر الدين و معنا القاريء الكريم كمية القسوة, عدم الرحمة, عدم الانسانية, عدم المروءة و الشهامة السودانية في الكلمات أدناه!!!
Quote: القانون يقول بصرامة لا عاطفة فيها :
* لن تنفعهم الجنسية المستخرجة فى التمتع بجنسية دولة السودان الشمالى ..
* هم سيمثلون مواطنين دولة اخرى فى دولة السودان الشمالى ..
* دولة السودان الشمالى لها الحق فى تقنين وتنظيم وجودهم فى داخلها .. |
وهو أقتباس من مداخلة لك في بوست عن ازدياد طلب الجنوبيين للجنسية!! (و كأن هؤلاء بين عشية و ضحاها صاروا أجانب..سعيهم لطلب الجنسية خبر و حدث يستحق لفت الانتباه!!!)
مرت بذاكرتي أخواننا الجنوبيين الذين زاملتهم, تعلمت منهم, عالجوني و لعبت معهم في طفولتي و صباي.
تذكرت بول جيمس منوت و الذي كان دوماً متفوقاً في المرحلة المتوسطة..و كان ألفة الفصل و مصدر ثقة و أحترام الاساتذة و التلاميذ على السواء.
تذكرت أستاذ كواي ملاك كواي و الذي درَسنا الرياضيات و الأحياء في المرحلة الثانوية و كان الطلاب يحبون حصصه ذات الدم الخفيف و المليئة بالنكات و التحصيل برغبة في المادة و محبة لمعلمها.
تذكرت جنابو الرقيب أول عبدالله كويك و الذي كان التعلمجي أبان فترة الدفاع الشعبي..و كذلك أشتهر-على عسكريته المنضبطة و مهنيته العاليه-بروح الفكاهة و التي جعلت المستجدين في حالة مرح حتى لحظات العذاب و العقاب و الادارة الداخلية..و عانقه المستجدين و هم يبكون عند التخريج!
هذه عينة من ذاكرتي يا بدر الدين..معقول..كل هؤلاء تكتب لهم كلامك الفوق دا؟؟..ليه ياخ بس كدا؟؟..ياخ ملعونة أبو القروش على ابو البترول على ابو الماديات البتخلينا نتجرد من أنسانيتنا للدرجة دي!!
يا بدر الدين دول العالم بيجوها مواطنين من وراء البحار..بتفتح ليهم الابواب و تعاملم سواسية مع مواطنيها..نجي نحنا لي أخواننا في الوطن و أسياد حق زيي زيك زي أي سوداني..نجي نقول ليه لم تستخرج جنسية سودانية؟ و ستعامل كمواطن من دولة أخرى؟
ياخ حتى لو صحت دعاوي من يتحدث عن أن فصل الجنوب تم بأتفاق الحركة الشعبية و تآمر القوى الغربية..ما ذنب هؤلاء نجي نقول ليهم الكلام دا..
ياخ سودانية و أهلية وشهامة ساكت مش المفروض نقول ليهم: البلد لو ما شالتكم نشيلكم في راسنا..و البلد ياها بلدكم مافي شيء إتغير..و البينا كشعب واحد اكبر من ان تفرقنا السياسة و المطامع.
و أسفاه على السودان..
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
بوست موفق:
يناقش مسألة حيوية، لحق مكفول في كل الشرائع
حتي لو اتت القوانين القطرية للدول، بنزع الجنسية
لاحد ما، تصبح تلك القوانين غير دستورية.
تلك خاصية وحق انساني لايقدر اي احد ان يمنعه
او يحظره لاحد.
العالم بشرقه وغربه يسير نحو الانسنة،بينما الاسلامويين
يسيرون نحو فناء الانسان نفسه.
تشكراتي لك، وللاخ بدرالدين تقديري.
| |
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: الفاضل يسن عثمان)
|
الأخ الفاضل: الفاضل
مش كدا و بس..لكن الكلام القاسي المترفع الذي يتحدث عن الجنوبيين كأنوا جايين من كوكب تاني!!..مش سودانيين أصيلين و أسياد بلد زيهم زي أي سوداني تاني
بعدين قوانين شنو الصارمة دي...قوانين نزَلا الله وللا قالا الرسول..قوانين ظالمة و جائرة إن حرمت مواطن سوداني مهما كان من حق أصيل ولا ينتزع..
إن اراد الاخوة الجنوبيين الموجودين في الشمال الذهاب -إذا انفصل الجنوب-فمن حقهم و إن ارادوا البقاء مواطنين سودانيين بالشمال فمن حقهم أيضاً
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
الاخ زياد
تحياتي
قد يكون كلامه محزن لو نظرنا اليه من النواحي العاطفية
ولكن المنطق والقانون يجعلان كلامة هواقرب للواقع في حالة الانفصال
وكلامه يمثل الراي الذي تقول به الحكومة السودانية ويجد عضد قانوني ويمكنك ان ترجع الي بوست الاراء القانونية للخبير العالمي الدكتور فيصل عبد الرحمن علي طه وهو يورد اراء قانونية بان الدولة الام ن حقها اسقاط الجنسية من الذين يكتسبون جنسية الدولة الجديدة
وفقط لايمكنها ان ترغم الجنوبي الذي لايريد اكتساب جنسية الجنوب علي ان يكون بلا جنسية
اما الجنسية المزدوجة فيرجع فيها الامر للدولة ان شاءت سمحت بها وان شاءت رفضتها
وحتي لايحدث هذا الامر المحزن كما وصفته كان علينا جميعا العمل علي دعم الوحدة بدلا من الراي الذي يورده بعض المعارضين من ان انفصال الجنوب يعني تحرير جزء من السودانولعل قوي المعارضة قد جنت ما قامت به من التحالف مع الحركة الشعبية وتاييدها في خفض نسبة الاغلبية في قانون الاستفتاء عندما كان المؤتمر الوطني يقول انها يجب ان تكون 75% كانت احزاب تحالف جوبا تقف مع انالاغلبية يجب ان تكون النصف +1
والان عندما اصبح الانفصال قاب قوسين او ادني اصبحوا يتباكون علي لبن مسكوب
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: عمر صديق)
|
الاخ عمر
ولك التحايا بمثلها يا سيدي
محزن من الناحية (العاطفية)؟؟؟...
يا عمر أنا ما بتكلم عن محبوبة رومانسية تركها حبيبها عشان تجي تقول لي ناحية عاطفية!! أنا بسميها أنسانية يا عمر! نحن يا عمر بني آدمين..ما وحوش مفترسة!..سيبك من حقوق الانسان العالمية و الي كل دول العالم أصبحت متفقة عليها!..معاييرنا نحنا كسودانيين (البنكرم الضيف و حتى الطير بجينا جعان) - مع أنهم ما ضيوف- وللا دا كلام أغاني ساكت؟؟...معاييرنا كمسلمين نقابل (الحسنة بالسيئة تمحها) و يدعونا ديننا للكرم و الاحسان..الخ الخ وللا دا كلوا كلام نتآوه و نتمتم كلما سمعناه؟؟
أجيك من ناحية منطق و قانون: من ناحية منطق, الناس ديل السودان دا بلدم..من نمولي لي حلفا..زي ما أنا و أنتا و كلنا دي بلدنا! الكلام دا منذ الازل مش من الليلو وللا أمبارح وللا قبل مية ميتين سنة!...دا كلام قديم و تاريخ معروف...في الحقيقة بلدم قبل ما جدودنا العرب يجوا البلد دي..ودا كلام مكانو ما هنا و ما داير أخش فيهو.
وجودم كمواطنين في الشمال يعزز علاقة الأخوة و التواصل مع الدولة الجنوبية -إن حدث الانفصال- مما قد يؤدي الى التوحد مجدداً إذا تغيرت الظروف السياسية.
طيب من الناحية القانونية: وريني البخلي مسؤلين حكوميين - مش مواطنيين بس- يحملوا جنسية اوروبية او امريكية بالاضافة للجنسية السودانية و يحرم الجنوبيين من الحق دا شنو؟..دا طبعاً بافتراض أنو كل واحد أصولوا من جنوب السودان مشى طلَع جنسية جنوبية بعد الأستفتاء!...يعني أفرض ما حاول يطلع جنسية جنوبية و قال أنا سوداني و قاعد في الشمال...حتلمهم بالقوة و ترحلم الجنوب؟؟
Quote: وحتي لايحدث هذا الامر المحزن كما وصفته كان علينا جميعا العمل علي دعم الوحدة بدلا من الراي الذي يورده بعض المعارضين من ان انفصال الجنوب يعني تحرير جزء من السودانولعل قوي المعارضة قد جنت ما قامت به من التحالف مع الحركة الشعبية وتاييدها في خفض نسبة الاغلبية في قانون الاستفتاء عندما كان المؤتمر الوطني يقول انها يجب ان تكون 75% كانت احزاب تحالف جوبا تقف مع انالاغلبية يجب ان تكون النصف +1
والان عندما اصبح الانفصال قاب قوسين او ادني اصبحوا يتباكون علي لبن مسكوب |
طبعاً لو في أي انسان بيرى أنو انفصال الجنوب خير أو نكاية في الحكومة فأنه امر اكثر حزنناً من كلام بدالدين...
تعرف..أنا كنتا بتناقش مع واحد من رموز ال(معارضة) قعد يقول لي: (أنا داير الجنوب ينفصل و الغرب ينفصل و السودان يتمزق عشان الكيزان يكونوا بس خربوها و قعدوا على تللها)..طبعاً دا كلام ما محتاج لي تعليق أصلاً!!
أنا من الناس عندي قناعة راسخة أنو امريكا و الغرب يسرهم - إن لم يكونوا خططوا له - أنفصال الجنوب و تشرذم السودان من أجل نهب خيراته و فرض سيطرتهم في المنطقة.. التي اهمها المياه و البترول و الثروة المعدنية. و ارى ان كل الحقب السياسية فشلت في معالجة و حل مشكلة الجنوب حل ناجع و جذري.و لكن حقيقة أن حكومة المؤتمر الوطني مسؤولة أولاً و أخيراً من هذه الكارثة هي حقيقة لا يتناطح حولها عنزان!!
لاكين يا عمر انفصال الجنوب و اسبابه دي ما موضوعي هنا..دا موضوع مختلف أنا بتكلم عن انسانية الحديث عن طرد اخواننا الجنوبيين من الشمال بمجرد الانفصال السياسي لجنوبنا الحبيب!!..فبالله ركز لينا في الموضوع دا
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
Quote: يعني أفرض ما حاول يطلع جنسية جنوبية و قال أنا سوداني و قاعد في الشمال...حتلمهم بالقوة و ترحلم الجنوب؟؟
|
الاخ زياد
تحياتي
في هذه الحالة لن تنزع منه الجنسية السودانية لانه لايمكن ان يكون عديم الجنسية
ولكن لو تحصل علي جنسية الجنوب ستسقط جنسيته السودانية تلقائيا
ويا عزيزي التصريحات التي تصدر من قيادات الشريكين في هذه الايام تمثل دعاية سياسية لكل طرف اذ تقوم حملة الحركة الشعبية التي تدعو الجنوبيين للتصويت علي الانفصال بانهم لن يتضررو لان الجنسية المزدوجة ستحفظ لهم حقوق المواطنة في البلدين اما المؤتمر فيركز علي ان الوحدة فقط هي التي تحفظ حقوق المواطنة في الشمال والجنوب اما الانفصال فسيجعل المواطن الجنوبي تابع للدولة الوليدة
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
الأخ زياد...
شكرا لهذه الكتابة الصادقة لكن ارفق بقلبك وقلمك يا
صديق فبينهم والانسانية ما صنع الحداد.
اي حس انسانى تخاطب؟ من عمى او تعامى عن حقيقة ما جري منذ مجئ انبياء
اخر الزمان يبشرون بالثورة الاسلامية حتى انتهوا بمسيحهم الدجال حبيسا
(حقيقة هذه المرة وليس تمثيلا) ورئيسهم مجرما تلاحقه العدالة العالمية
ودعوات الاف الارامل والثكالى؟
من اختار موقعه في نظام القتلة والمغتصبين والمفسدين ليس جديرا بمخاطبة
حسه الانسانى.
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: Elmuiz Haggaz)
|
والله يا المعز ما اكضب عليك..حزنت حزن و أتغميت غم شديد علي الغم العلينا من الانفصال و مستقبل بلدنا الما معروف دا..
المشكلة مش في الكلام و بس المشكلة أنو من يقول به ناس من المحترمين و الواعين..زي بدر الدين و عمر صديق..لأنو انا بي صراحة في ناس كدا في المنبر دا (بغض النظر عن الانتماء السياسي), مهما كتبوا.. ما بتعب نفسي أناقشم وللا حتى ارد عليهم!
غايتو الله غالب بس.
..
لي عودة لو في زمن!
| |
|
|
|
|
|
|
|
|
|
Re: بدر الدين إسحاق احمد..كلامك محزن..محزن للغاية (Re: زياد جعفر عبدالله)
|
Quote: يا عمر أنا ما بتكلم عن محبوبة رومانسية تركها حبيبها عشان تجي تقول لي ناحية عاطفية!! أنا بسميها أنسانية يا عمر! نحن يا عمر بني آدمين..ما وحوش مفترسة!..سيبك من حقوق الانسان العالمية و الي كل دول العالم أصبحت متفقة عليها!..معاييرنا نحنا كسودانيين (البنكرم الضيف و حتى الطير بجينا جعان) - مع أنهم ما ضيوف- وللا دا كلام أغاني ساكت؟؟...معاييرنا كمسلمين نقابل (الحسنة بالسيئة تمحها) و يدعونا ديننا للكرم و الاحسان..الخ الخ وللا دا كلوا كلام نتآوه و نتمتم كلما سمعناه؟؟
|
.
الاخ الكريم جعفر..
سلامي وتحياتي وتقديري..
أتفق معك في كل ما ذكرت وفي الحقيقة هذه هي روح كل أهل السودان من غير تابعي الحزب الحاكم الين لهم مصالحهم المعروفة..انا مثلك لعبت في طفولتي وعشت ومرحت مع إخوة جنوبيين اعتز بي علاقتي معهم وكنا نحبهم كثيراً ونشتاق لهم كثيراً عندما يسافروا من فترة لآخرى..
انت وانا نعتبر في اعتقاد الكثيرين - مثاليين- اكثر من اللازم..!!.
| |
|
|
|
|
|
|
| |
زياد جعفر عبدالله
الفاضل يسن عثمان
عمر صديق
Elmuiz Haggaz
khalid abuahmed
Kostawi
فيس بوك
تويتر
انستقرام
يوتيوب
بنتيريست