الرشاشة جمال السنوسي يكتب

Quote: وبعد الساعة 11 ليلا بتاريخ اليوم 30 اغسطس يكتب

Quote: معقولة يا مهند الطاهر ده لعب ده دي مهارتك البنعرفها دي شوتاتك ده جريك مع الرجال معقولة بس انانية وطفيش كورة ولعب بدون نفس بتلعب كده زي التقول شاحتنك تلعب ياخي في ملايين من الناس اسياد بلد وما برضو الحقارة ولعبك الامبارح ده حقارة عديل بالناس ديل لو عندك راي ياخوي اقعد في بيتكم العب مع الوصيف ألعب مع غيرنا لكن ما تلعب علينا تخش تلعب عشان تخرمج لا والف لا ما بنقبل ولا منك ولا من غيرك نحن الهلال ده روحنا ودمنا لا بنقبل فيهو ولا بنقبل من الفيهو يا مهند يا اخوي الهلال ده وجماهيره هم الخلوك تبقى نجم من ما جيت الخرطوم الهلال شايلك وبسبب الهلال لعبت في الفريق القومي وكل تغيير للاحسن في حياتك كان سببه الهلال واقول ليك حاجة كمان انت اطلاقا ما بتلعب باص لولدنا بكري المدينة ولو لعبت ليهو باص بيكون ما مريح عشان تفشلوا قدام الجماهير يعني الفهم شنو يا مهند اجندتك شنو قاصد شنو ورينا كمان اقول ليك حاجة لو ترجع للارشيف في الموقع ده قبل كم سنة انا كتبت بوست هنا طالبت بي شطبك لانك غير مؤهل للدفاع عن الهلال ولا شعار الهلال وانت كل مرة بتثبت لي انه كلامي صاح انت بتجي الملعب وفي راسك حاجات تانية بتعرفها براك وبالذات مباراة الامل بالامس كانت امورك واضحة وحقو الناس ما تدفن راسها في الرمال لعب نوع لعب مهند ده لا بجيب دوري لا كاس لا كونفدرالية يازول اقول ليك حاجة لو دي طريقتك معانا لحدي هنا وسعيك مشكور

Quote: أغسطس شنو كمان في السخانة دي؟؟

Quote: اتذكرنا الفريق الاسموا من الشهر دا

Quote: أعتقد والله أعلم هو عدم الشغله