|
Re: شالو الهنا ورحلو ...! (Re: خضر حسين خليل)
|
فرحني عنوانك يا خضر حسين وجيتك جاري قلت اغير طعم الغم الكابس علينا من صلاة الصبح ده
تقوم تدبرسنا علي العلينا وكمان بالرطانه
هو نحن العربي عرفنا فيهو مخارجه
كدي عليك الله ترجم لينا الكلمات دي عشان نعيشا معاك
| |
|
|
|
|
|
|
Re: شالو الهنا ورحلو ...! (Re: ياسر بيناوي)
|
يا بيناوي المغسة انو نحن شهود (هادي) المغايس ياصاحبي أين الغد الذي لطالما بشرونا وبشرنا به يعني خلاس
البلد راحت شمار في مرقة وينو الطلبة وينو الغلبة وينا نقابة السجم الشوم وين عمال السكة رماد (حميد)
وين انحنا يا ياسر
| |
|
|
|
|
|
|
Re: شالو الهنا ورحلو ...! (Re: khaleel)
|
Quote: ديل اخلو سميح
سكنو ام محار
دعاشم هب مع الاسحار
نومي قليل ودموعي بحر
|
يا صديق كما قال حميد : الحزن الواقع غلاب والدمع بريح ياخية وناساً محرومة من الفرحة من حقها تبكي بحرية
ــــــــ ياخ فليكن الله في عون سودانييه الأغنية حأحاول أنزلها
| |
|
|
|
|
|
|
Re: شالو الهنا ورحلو ...! (Re: محمد مصطفي مجذوب)
|
Quote: هو نحن العربي عرفنا فيهو مخارجه |
معليش يا محمد ياخ كمل الكلام والله والواحد ما لاقي تعبير يضيفو لما يعتصرنا من ألم قيامة هادي البلاد قامت يا ود مجذوب
صدقت فعلاً بقينا مافاهمن حاجة ـــــــــ الأغنية دي بتتكلم عن الهجرة برضو لكن بشكل مغاير وبطالب فيها الشاعر زولو المهاجر انو يرافقو في هجرتو
ليت كان الخيار خيارنا جميعاً ياصاحبي
| |
|
|
|
|
|
|
Re: شالو الهنا ورحلو ...! (Re: خضر حسين خليل)
|
إبن خالي العزيز خضر
مسكاقمي و كيفك و كل الأهل بالسودان و خصوصا بأبي راقة و ما جاورها شمالا و جنوبا
لا زلنا يا خضر نأمل أن يُعامَل الجنوبي في الشمال بخصوصية و كذلك الشمالي في الجنوب. لا أدري كيف يسمونها إتفاقية سلام ثم إذا حدث إنفصال طوعي نتركهم يرحلون هكذا ؟؟ أمر غير مقبول و الله
| |
|
|
|
|
|
|
Re: شالو الهنا ورحلو ...! (Re: ابو جهينة)
|
ابو جيهنة العزيز كيفنك ياقريبي
نحن بخير والأهل كذلك ـ ماشي أعيد في الشمالية وكان حكمت (ما راجع) تاني نرجع لشنو ولي منو تاني ياصاحب القلب الكبير بلاد تحاول نكران تاريخها ونسيجها الاجتماعي وكأن لم يكن .
مؤسف هذا الحاصل
| |
|
|
|
|
|
|
Re: شالو الهنا ورحلو ...! (Re: خضر حسين خليل)
|
ياخضر
صور حزينة ومحزنة
والغربة مرة ومؤلمة او كما غني المغني
ياخي خلينا نتمني ليهم وطن جميل بيشبهم وبيشبهوه ،
وطن حدادي مدادي بالعدالة وبالمحبة وبحق الاخر في الوجود ،
الجنوبيين الشرفاء الذين ساكنونا زمنا فلم يجدونا،
لاحظ يا خضر انو الجنوبيين ديل الواحد منهم لو كان امي واتعلم طوالي مفاهيمو بتتغير عكس ناس تانيين كلما اتعلمو بيزدادو سوء،
لاحظ يا خضر انو طوال سنوات الحرب والنزوح دي من الصعب انك تلقي ليك جنوبي بيشحد في الخرطوم !
ولكن تعمي القلوب التي في الصدور !
شكرا حزينا ...
| |
|
|
|
|
|
|
Re: شالو الهنا ورحلو ...! (Re: حافظ حسن ابراهيم)
|
عندما كسر البوليس يدي في مظاهرة (حرية سلام و عدالة .... الوحدة خيار الشعب) .... عندما كسر البوليس يدي في هذه المسخرة التقيت ميري بعد أن شريت مثاليتي في حبل التعالي المتخنثر ..معظم عمري يا صديق و كما تعلم عشت وحيداً سوي من مروحة تلف الرأس و لابتوب أخيراً أضحي جليس عوضاً عن الأصحاب الموسميون ...يدي مجبصة و اليد الواحدة لا تصفق ناهيك أن تقوم بأعمال النظافة و لذا بحثت عن انسان لهذه المهمة... و كانت ميري و سريعاً تم الإتفاق علي النظافة اليومية.....
يتبع
| |
|
|
|
|
|
|
Re: شالو الهنا ورحلو ...! (Re: حافظ حسن ابراهيم)
|
الصدفة وجدت ميري .... ميري جلد علي عظم .... حجمها حجم تلميذة في سنة خامسة لكن وجهها لا يقدر بعمر يا صديق .....المهم إتفقت معها علي حياء و زدت المبلغ المتفق عليه الي الضعف....لم أتعود علي هذا الوضع الجديد ...وضع أن تكون هنالك شغاله في حياتك , فكما تعلم يا صديقي أنا من أسرة منحدرة من أثنية يجب أن تكون خدم منازل و لكن له في خلقه عدد من الشئون ...في البداية كن أساعد ميري بيدي غير المجبصة كنت أساعدها بشكل وهمي حتي أزيح عن كاهلي حرج أن تكون لي شغالة, الحرج الذي هبط علي من السماء بفعل العسكر و دكتور مروان الله يديه العافية و الصحة .... التحية لهذا الصديق الجميل في إغترابه القسري ... و لكن كما تعلم كم جمعة و تعودت علي الوضع الجديد حتي أضحيت اقول لها يا ميري الجمعة الفاتت ما نضفتي المطبخ دا كويس .... بنطلوني دا كان ما إتغسل كويس و الخ ....شفت كيف الانسان ######## و يستطع التعود علي أي شيئ..... عندما زارتني أمي قبل أشهر بغرض العلاج إحتجت علي وضع ميري في النظافة و كيف اني أبدد قروشي ... شنو جايب ليك شغالة ما تنضف براك ؟ هو البيت قدر شنو؟.... المهم لم أعر انتباه لخطرفات هذه العجوز وواصلت في علاقتي النظافية مع ميري.... توطدت علاقتي الغير متكافئة مع ميري......حقيقية كنت اشتاق اليها و حتي الآن أنا في هذا الشوق ............... كما هو متفق عليه أتت ميري عصر الإثنين التي تسبق ثلاثاء العودة الطوعية .....للتكفير عن الذنب إشتريت ثوب و فستان لميري و ملابس لأطفالها الثلاثة كما لم أنسي بعض المواد المنقذه للحياة بإعتبار أن رحلة الباخرة طويلة و طويل عذابنا مع أبناء ######ون......شكرتني ميري بطيبتها المعهودة و هي محملة بكسوة الذنب و أنا حامل قوت العذاب الي حين أمجاد قريبة ....عانقتها بكل قوة و بكل ما أملك و بكيت إنسانيتي المتهاوية .... بكيت بلدي الصار كيمان .... شاركتني ميري هذا المنكر وسط دهشة سائق الأمجاد و الفضوليين ................. ذهبت الأمجاد بما حملت و رجعت الي البيت و غيرت قصيدة محجوب شريف الشهيرة الي ميري ألمينا.............
تصحبك السلامة يا ميري و إنشاء تتهني في بلد أجمل من الكان و ما تنجبي خدم منزلي
| |
|
|
|
|
|
|
Re: شالو الهنا ورحلو ...! (Re: حافظ حسن ابراهيم)
|
يا حافظ ازيك ياصديقي والله قريت كلامك ياحافظ وماعرفت أقول ليك شنو مثلاً ؟ ياخ بالله دي موش كارثة ياحافظ فجأة كدة تقوم تلقي ميري ومايكل وانجلو وجون انطوني ومتايا ووووو وعيك ياحافظ تلقاهم ماشين المؤسف انو هم زاتهم ماشين ممغوسين ممغوسين ياحافظ ياخ انا ما اتخيلت انو ننتقهر في وطنا بالشكل المؤذي ده ياحافظ
نحنا بس قاعدين نتفرج ياحافظ نتفرج ونبكي بس
| |
|
|
|
|
|
|
Re: شالو الهنا ورحلو ...! (Re: حافظ حسن ابراهيم)
|
Quote: البلد راحت شمار في مرقة وينو الطلبة وينو الغلبة وينا نقابة السجم الشوم وين عمال السكة رماد (حميد)
وين انحنا يا ياسر |
نحن يا خدر اصلا تعساء حال وين نحن كيف .... ؟
بعنا شفيعنا للراسمال
وراجين اللت الله بس
شفت امالنا واحلامنا راحت شمار في مرقة كيف كان سرقوها ولا ضيعناها ماعارف .
المهم ضاعت والسلام
| |
|
|
|
|
|
|
Re: شالو الهنا ورحلو ...! (Re: الوليد محمد الامين)
|
خضر سوف نبكى كالنساء على وطن لم نحافظ عليه محافظة الرجال... انا متاكد حزنهم لا يقل عن حزننا ان لم يزيد اتمنى ان تزول المسببات وتعود الطيور الى اوكارها وربنا لاتؤاخذنا بما فعل السفهاء منا يارب العالمين،،،
| |
|
|
|
|
|
|
Re: شالو الهنا ورحلو ...! (Re: صديق الموج)
|
صديق الموج ازيك ياخال
كلامك باب وكتاب ياصديق ـ وطن للأمانة لم نحافظ عليه لكن السؤال ياصديق شنو الكان في يدنا أصلاً غير الأمنيات بوطن واحد ؟ ياخ نحن عبارة عن أمة مقهورة ليس الا لو شفت حال الشوارع هالايام ياصديق حاجة تقطع نياط القلب الجنوبيين يستعدون للرحيل وبعض الوجوه غابت حتي دون القاء تحية الوداع . نصحو وننوم يا صاحبي علي أمل وصول مسيح جديد يعيد ترتيب هذا الخراب .
| |
|
|
|
|
|
|
Re: شالو الهنا ورحلو ...! (Re: الوليد محمد الامين)
|
يا وليد ازيك ياخ ازيك أمنياتي بكل تأكيد لأخواننا الجنوبيين بوطن لطالما حلمو به ـ هؤلاء الناس عفيفون للغاية يا وليد الآن يعودون لبناء وطنهم ـ الآن يذهبون ويتركونا لأوهامنا وظنونا وبؤسنا الجمعي أحن أنا لأصدقاء وصديقات كثر كانو وسيظلون دوماً في القلب . ممغوس لهذا الحال يا وليد ممغوس كون الخيار لم يكن خيارنا جميعاً ـ قاتل الله تجار الرماد
| |
|
|
|
|
|
|
Re: شالو الهنا ورحلو ...! (Re: الوليد محمد الامين)
|
يا وليد ازيك ياخ ازيك أمنياتي بكل تأكيد لأخواننا الجنوبيين بوطن لطالما حلمو به ـ هؤلاء الناس عفيفون للغاية يا وليد الآن يعودون لبناء وطنهم ـ الآن يذهبون ويتركونا لأوهامنا وظنونا وبؤسنا الجمعي أحن أنا لأصدقاء وصديقات كثر كانو وسيظلون دوماً في القلب . ممغوس لهذا الحال يا وليد ممغوس كون الخيار لم يكن خيارنا جميعاً ـ قاتل الله تجار الرماد
| |
|
|
|
|
|
|
Re: شالو الهنا ورحلو ...! (Re: خضر حسين خليل)
|
يا خضر انا الدمعة جاهزة ما بتنشف من عيوني ليل ونهار - مزقوا وطنا ومتمنية للكوارث المتحكمين في البلد التمزق واحد واحد اغنية مكي قاشا ساي رفضت تتنقل لي!! لكن بتلقاها في موقع دكتور عبدالقادر شلبي Napata.org لك حبي وشوقي ماما سعاد
| |
|
|
|
|
|
|
Re: شالو الهنا ورحلو ...! (Re: Suad I. Ahmed)
|
يا ماما سعاد يا والدة ازيك مقدر جداً شعورك وهو شعور كل الذين أتوا هذا الوطن المكلوم بقلب سليم لم يعد هناك ثمة مخرج ياعظيمة ـ انهارت الاحلام والأمنيات سعيد وسط كل هذا أن الجنوبيين سيختارون ولأول مرة طوال تاريخنا مصيرهم وفق ارادتهم . سعيد لكونهم سيجدون أفقاً أرحب ودولة علي الأقل ساهموا بأصواتهم في بنائها . بخصوص الأغنية عندي في الجهاز لكن النت عندي بطيئ شديد كوني بخير وموعودة بزيارة خلال اليومين الجايين مودتي ياعظيمة
| |
|
|
|
|
|
|
Re: شالو الهنا ورحلو ...! (Re: خضر حسين خليل)
|
الصديق خضر بوست يدشن لفترة من الحزن والشؤم اتمني ان لاتمتد طويلا
واتمني ان يخيب ظننا في الحزن ووفائه المعهود لعهوده معنا نحن السودانين ...
تعرف ان مشي هذا السيناريو حقيقة وادي الاستفتاء لانفصال الوطن وانقسامه فهذه عملية تشبه فصل التؤام السيامي في الغالب يموت التؤامين وهذا مالانتمناه للوطن ... ان صح ونفذ سيناريو الاستفتاء والانفصال ...لايكفي البكاء ..وابدا حسن الجوار ..يجب ان نعتذر فردا فردا لدمنا ولحمنا الذي استرخصناه اهلنا الجنوبيين ...بقصد اومن غير قصد..
ياخضر المؤسف الان انا حتي لانملك ادوات لقرأة الراهن واستقرآالغد .....صعب التكهن بما سيحدث ...صعب استقرآ المستقبل ...صعب ان نكون حتي لو مجرد ترس مجهري في تحريك عجلة الراهن ..حالة من الركون والغباش ..ندافعها بما استطعنا اليه سبيلا ...بذل الحب والدمع ....علي الوطن
| |
|
|
|
|
|
|
|