|
|
 يا جماعة كفروا لي عجلتى سرقوها
|
يا حليلها عجلتى السمحة
قلت اغشى اسامة دنقلا السكرتير الاجتماعى) وانا فى طريقى من العمل للبيت
ختيتيها فى البورش بى ورا بيتو
وكان فى اولاد تين ايجر بيلعبوا فى البارك خلف بيت اسامة
الظاهر عجبتهم
بس لما جيت مارق لقيتها اختفت
انا فى الاول ما همانى شديد
قلت اصلو الصيف ذاتو انتهى
لكن الخبر انتشر وسط الكوميونيتى
وتعال شوف تانى يوم
التلفونات تتطاقش
النيل كفارة
صحى العجلة سرقوها؟
الجاتك فى مالك سامحتك
واحد قال اللية ح تجى العزاء فى الدار؟
اتخلعت قلت ليه المات منو؟
قال مافى زول مات
بس ح نفرش على عجلتك
ومعاها ضحكة تغيظ
كانت حديث الساعة
اصلو فى الغربة الناس مالاقية موضوع
اهتمامهم الشديد بفقدانها اجبرنى انو احزن على عجلتى واتباكى عليها
اصلا ولفوا شديييد عليها فى رمضان
كنت بمشى بيها دار الجالية يوميا للافطار مشوار طويل وجميل
وسط خضرة بوسطن
بمحازاة شارلز ريفر
شعرت بمتعة حقيقية فى رمضان
الكلوسترول نزل خالص اقل من الآفرج
والناس شابكنى يالنيل وزنك نزل
وكرشتى راحت
وعلاقتى اتوثقت مع الشباب الصغار اكتر من الكبار
(هاو كم عمو النيل بتجى المشوار الطويل دا وانت صايم؟)
واصحابى غيرانين من لياقتى
اول ايام كنت بكون لازيها لما اطلع الكبرى او المرتفعات
لكن اخر ايام كنت بقوم بيها سدارى حتى واناطالع الكبرى وتلك المرتفعات
والله دى عين
اربعة شهور فى الصيف النضر
كنت مدلع العجلة
اشتريت ليها اغلى فرامل
لانه بوسطن عبارة عن مرتفعات ومنخفضات
وفى الانحدارات العجلة بتنطلق بى سرعة مزهلة
لازم الفرامل ماتكون اى كلام
مريحة
ريحتنى من البحث عن الباركن ومشاكلو
اكان جمب الدار ول لما امشى الجامع
عجلتى من كترة كلام الناس فيها نجهوها لى
عجلتى اوصافها سمحة
يا حليلها
خلونى ابكى واجيكم راجع
|
|
 
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
النيل كفارة
ويعني نحن اخر من يسمع
والله وجعتني لاني بعرفها كويس وشفتها
وليس من راي كمن سمع
والله كانت عجلة..
يا زول ولا يهمك
بكرة تجي الاحسن منها
لكن بيني وبينك النجهة كانت حاصلة
ومادام جات في العجلة ما مشكلة
المهم يسلم لينا سيد العجلة
وبجيك بكفارات تلفونية
مودتي
سيف
| |
|
|
|
|
|
|
|
|
Re: يا جماعة كفروا لي عجلتى سرقوها (Re: سيف اليزل برعي البدوي)
|
Quote: النيل كفارة
ويعني نحن اخر من يسمع |
شكرا للمواساة اخ سيف
هى يادوب سرقوها امبارح بالمساء
فى حلة ناس اسامة العواليق ديك
والله لو كان سرقوا الموبايل كان احسن
اصلى بكره الموبايلات
وخاصة بعد مكالمة بشير خلف الله
اتصل فرحاااااان بسرقة العجلة لانو ما بيعرف يسوق وما عندو لياقة
دا لو طلع سلم صغير ساااى نفسو بيقوم
انا شاكِّى فى عينو ذاتو
عجلتى السمحة سرقوها ياسيف
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: عبد الحكيم نصر)
|
والله شي بزهج الواحد
يعني شنو السرقو دا يعني بفتكر نفسو احسن منك
يعني هو بستاهل وانت لا
يعن الواحد لمن بفكر شديد تقول انعل ابو الحياة زاتها
يعني شنو ما بستحق عجلة انا يعني
والله منتهى الانانية
انشاء الله الشالا ما يتهنى
انا زعلت جنس زعل يا خوي
قبل فترة في واحد بتاع ليموزين
فرك بموبايلي بعدما نزلت منو
طوالي لقيت واحد قلت ليه دقيقة موبايلك
واتصلت على موبايلي العتيق
اتاري ابن اللزينا البنغالي السواق خنق الموبايل وفطصو
وخلاهو يقول ان الرقم الذي طلبته غير موجود في الخدمة
ولاول اول جوالي العتيق يقول الكلام دا
لاني اساسا مديهو حرية الكلام والرد على المكالمات
حقيقة بقيت في حيرة
طيب الجوال واتخنق وين زوجتي ووين اولادي ووين اصدقائي
اتلم فيهم كيف...
الله لا كسبك يا بنغالي دنيا وآخرة ما عافي ليك
معليش اعمل حداد يا خوي في العجلة وربما المعزين يخففو عنك ففعلا هي مصيبة.
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: Zomrawi Alweli)
|
الفاضل محمد النيل
كفاره يا اخي و الله حزنت لسرقتها لانك حتكسل
من شراء جديده و الشتاء على الابواب
حتقول اخليها للصيف الجاي ولوقتها تفقد ليقاتك الاتنجهته فيها.
Quote: لكن بيني وبينك النجهة كانت حاصلة
ومادام جات في العجلة ما مشكلة
المهم يسلم لينا سيد العجلة |
فكر في المحافظه على ليقاتك الاكتسبتها باي طريقه
فهذا انجاز ليس سهلال في بلادنا البارده دي.
تحياتي,وكفاره ثاني.
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
Quote: كفاره يا اخي و الله حزنت لسرقتها لانك حتكسل
من شراء جديده و الشتاء على الابواب
حتقول اخليها للصيف الجاي ولوقتها تفقد ليقاتك الاتنجهته فيها. |
ودا اللى ح يحصل الظاهر ياتراجى
بدور النصيحة
وقالوا لى العجلة الجاية اربط فيها حبة سودة
شفتى الحال الانا فيها؟
شكرا للمرور
ويحفظكم الله
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: اساسي)
|
عارف يا النيل أخوي أحر حاجة في الغربة دي إنو الواحد يسرقوا عجلتو
عجلتك اللي أصبحت مثل صديقتك
لا شكت ولا كلت ولا ملت من التعب
طالعه نازله شايلاك في ضهرا وهي صابرة ومستحملة
لكن يا حمدالنيل كان عجلتك دي تربطها من البطان
وإنت عارف الزمن دا بقى مافي أمان ولا ضمان
تتلفت ساكت تلقى نضارتك سرقوها من وشك
أخخخ معليش ربنا يعوضك بموتر أو همر
ولو ناس بوسطن عملوا كشف أدينا خبر
خلينا نرسل الفيها النصيب.
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: ALZOLZATOO)
|
Quote:
ان شاء الله العجلة مأمنة؟ |
ياريت يا شبيكة
دى بى جنزير ما امنتها
غلطتى
لكن حتى لو مؤمنة داير لى كم شهر كدا شان رجعوها لى
يكون الشتاء تعمق والتلج ملا الدروب
والعجلة تطلع من النفس
شكرا ليك على السؤال
والله يحفظ عجلتك كان عندك وحدة
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
| Quote: إتخيلتك شاقي بيها واحدة من فسحات إمتداد ناصر |
يا ابو العزائم
ما عارف لو انت متذكر الفلوكسواجن بتاعتى
ناس امتداد كانوا بيشتغلوا لى
(معقول يا النيل تكون سايق فلوكس)
فما بالك لما اجيهم شاقى الحلة بعجلة؟
ح يقولوا النيل جن
مودتى
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
| Quote: معليش اخوى النيل ...فتش على عجلتك وسط العجلات دى يمكن تلقاها |
فى داعى للحندكة يا حامد؟
لكن والله عجلتى احدث من كدا بكتير
وممكن تقسمها على اتنين وتدخلها فى شنطة
ووزنها خفيف
غايتو وصفها مابخلص
تحياتى
| |
|
|
|
|
|
|
|
|
 Re: يا جماعة كفروا لي عجلتى سرقوها (Re: محمد النيل)
|
يا النيل يا أخوي كفارة والبركة فيكم
والجات في عجلتك سامحتك
يا أخي أنا قلتا ليك لمن تمشي تزور أدغال بوسطن دي كلمنا نوفر ليك حماية خاصة
صحي بشير خلف الله عمل ليك (لعجلتك) فراش وفتح ليهو دفتر كشف؟
............
أنا عندي عجلة ممكن أسلفك ليها
تتم بيها عقاب الصيف ده قبال التلج
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
سلاما ت اخ محمد
كفارة وربنا يعوضك بأحسن منها انشاء الله..ولو العجله من النوع الغالي شديد افتح بلاغ لو ممكن تكون في حوزة البوليس ..وبشوية مجهود ممكن تلاقيها انشاء الله.
شكلها عجله ممتازة من شدة حبك لها . انا من هواة العجلات ونصحيتي ليك انو تشتري عجله في فصل الشتاء لانو لا يكون هناك طلب كتير عليهم واصحاب المحلات بعملوا تخفيضات علي موديلات سنة 2010 مثلا عشان يتخلصوا من ال stock ويجهزوا لموديلات سنة 2011 ويمشوا حالهم في هذه الفترة. بس المرة دي اوع تنسي ال lock. انا بقفل عجلتي في اي حته يا اخوي الدنيا ما مضمونه شوف الحاصل علي السودان الايام دي ...ها ها ها
ياسر ادريس - نيوجيرسي.
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: بشير خلف الله علي)
|
Quote: يا أخى أنا
زمان فى بروكلن كنت بشيل جنزير
البسكليتة معاى وبرضو لطشوها . |
تعرف يا قريبي بروكلين حقتنا دي مرات صعبة جد!
واحد صاحبنا ربط عجلتو في عامود إشارة مرور
وجانا يكشكش بمفتاحو...
أها لامن مشى مننا لقى العجلة بعامودا مافيشين
قعد يهضرب: "العجلة بسيطة... أها العامود ده ذنبو شنو!"
.............
بشير عليك الله جيب المنفاخ العندك ومعاهو النيل ده
وتعالو أنفخو العجلة العندي دي وخلي النيل يعدي بيها
بدل شيلة الحال دي...
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: Mohamed Yassin Khalifa)
|
Quote: ولو ناس بوسطن عملوا كشف أدينا خبر
خلينا نرسل الفيها النصيب. |
بشير خلف الله مسئول عام الكشوفات وعد انو يعمل يوم خاص فى دار الجالية
وقال لى عليك مصارف العشاء والشاى للمكفرين وح يفتح كراس مقابل يفتح كشف ح يشيل منو 33%
والجماعة يتلموا ويلعبوا الويست
يعنى تبقى على مصاريف وضياع عجلة
سرقة وخراب جيب
على كل حال بديك خبر جهز النصيب
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
Quote: كفارة وربنا يعوضك بأحسن منها انشاء الله..ولو العجله من النوع الغالي شديد افتح بلاغ لو ممكن تكون في حوزة البوليس ..وبشوية مجهود ممكن تلاقيها انشاء الله.
شكلها عجله ممتازة من شدة حبك لها . انا من هواة العجلات ونصحيتي ليك انو تشتري عجله في فصل الشتاء لانو لا يكون هناك طلب كتير عليهم واصحاب المحلات بعملوا تخفيضات علي موديلات سنة 2010 مثلا عشان يتخلصوا من ال stock ويجهزوا لموديلات سنة 2011 ويمشوا حالهم في هذه الفترة. بس المرة دي اوع تنسي ال lock. انا بقفل عجلتي في اي حته يا اخوي الدنيا ما مضمونه شوف الحاصل علي السودان الايام دي ...ها ها ها |
عجلة حلوة والله وشباب الجالية قافلين عليها
اللى عايز يشتريها واللى عايز سحبة
حتى لففت نظر الاطفال الصغار
ولو فى طريقة انزل ليهم المقعد عشان يسوقوقها
هيييييييه! كانت عجلة والله
شكرا ياياسر على الاهتمام والنصائح الغالية
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
Quote: بختك اتبرعوا ليك بعجلة
في الفيسبوك |
يعنى ياحكيم دى استلمها كيف؟
بى برنت اوت؟
على كل حال شكرا على العشم
عرضك الاول كان احلى
بس ادوهو برسيم و امباز لحدى ما اجيكم البلد
نورت البوست
خت حاجة فى الكشف
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
Quote: يا أخى أنا
زمان فى بروكلن |
قلت لى وين يا عثمان موسى؟
بروكلن؟
ياخى دى مش تربطها بجنزير
دى الا بجنزير دبابة فى بروكلن
وبعد دا تفك العجلات
والدركسون
والبورى و الكدر وتشيلهم معاك
ناس بروكلن ديل لستك العجلة هناك بتنفسها طلقة من مسدس طايرة
ديل لو شافوا عجلتى بسرقوها وانا سايقها والقى نفسى ببدل فى الهوا ساى
زى توم اند جيرى
تحياتى والنصيحة الغالية ينظر فيها
مودتى
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: SHIBKA)
|
شعرت بمتعة حقيقية فى رمضان
الكلوسترول نزل خالص اقل من الآفرج
والناس شابكنى يالنيل وزنك نزل
وكرشتى راحت
يعني شنو نسعى لينا عجلة
اها ليك على
عجلتي من بكرة شغالة في الكورنيش
نشوف اخر الكرستول والسكري والكرش
كفارة ليك يا زول
مودتي
| |
|
|
|
|
|
|
|
|
|
Re: يا جماعة كفروا لي عجلتى سرقوها (Re: محمد النيل)
|
Quote: يعني شنو نسعى لينا عجلة
اها ليك على
عجلتي من بكرة شغالة في الكورنيش
نشوف اخر الكرستول والسكري والكرش
كفارة ليك يا زول
مودتي |
يا استاذ السنى شكرا كتير
وبالمناسبة بجانب حرق الكلسترول
فهى تحافظ على صحة البروستات و تقيها شر الامراض إياها
وذلك ناتج من الدلك الدائم من التبديل المحرك للدم الراكض بها
تشكر للمواساة اتمنى لك التوفيق مع العجلة
ما تتكاسل
| |
|
|
|
|
|
|
| |
محمد النيل
سيف اليزل برعي البدوي
عبد الحكيم نصر
Zomrawi Alweli
Tragie Mustafa
علاء الدين محمد بابكر
SHIBKA
محمد أبوالعزائم أبوالريش
حامد محمد حامد
د.محمد بابكر
عزيز عيسى
ALZOLZATOO
Mohamed Yassin Khalifa
ياسر إدريس حسن
Osman Musa
محمد عبد الماجد الصايم
محمد سنى دفع الله
فيس بوك
تويتر
انستقرام
يوتيوب
بنتيريست