زمن الرَّكْشَه!

Quote: زمن الرَّكْشَه! آه يا زمن الرَّكْشَه... زمن الفوضى العَمْيَا و طَرْشَا و زمن الوَهَم العَسْكَرْ فى البلد الغَشَّه بلاد الناس الغَبْشَا.. الناس الجاريه الدَّاقشه شن لاحقين؟ الشُّغُل العاطل وَلَّا الأمل الطَّشَّ؟َ و لَّا سراب المليونات و رهاب العربيات الرَّقشه؟ الموهومين الما شايفين هم وين فى الهَرَم الكَشَّ الكوم الفوق اتركَّزْ و حَشَّ و هُمْ أكوام أُمْ فِتْفِتْ وعَفْشَه ماكلين ألغام و كلام يِنْدَشَّ مغشوشين فى العيش و الفول و التِبْشَه و مغشوشين بترول إنْقشَّ و مغشوشين فى حِلْماً راح و انْكَشَّ و مغشوشين فى المويه الزرقا و غَبْشَا و حتى كروت الكهربا غَشَّه بيوت السكن "الشعبى" العامر غَشَّه بيوت السكن "الوطنى" الفاخر غَشَّه و مكشوشين فى الدِّين البَيِّن كَشَّه و مغشوشين فى حروب و سلام.. و مغشوشين خِدْمَات إلزام.. و جِهَادُم أكبر غَشَّه و مغشوشين جامْعَات أوهام.. قارِيْن الطب فى خلوة شيخ لا معمل لا تشريح لا مرجع لا تدريب لا دَوْشه و بكره الواحد دكتور و عياده و نَفْشَه و أمسك أقطع كبده و كرشه و فى زمن الركشه لا شايلين هَمْ لى بلد إتفرتق لا شايفين بترول بتدفق لا حاسِّين بالنار بِتْبُق لا هم ضايقين التَّشه مشغولين "رَكْشَات" و "التِيشَيْرْتات" و "الدِيجِيْتالات" و مَلْهِيين "برصيد" و "شرايح" و "موبايلات" و "المِسْكولات" و "بالتشكسات" و "الكافيتيريات" و "المُنْتجَعَات" و "النِسْكَافَيْه" و "النَتْ كَافَيْه" و "مسلسلات" و "باشا" و "بيه" و مكتولات و مكتولين و هم ساكتين تمكين و شريعه و هَرْشَه و الناس الفوق بانين أدوار.. عاملين أسوار.. طالعين أحرار..نازلين أحرار.. لامعين أنوار خَاتِيْن الخَرْشَه خَالِّين الشارع للفايرين ذى نمل السُّكَّر.. للحايمين ذى ###### الحَر.. و للطايرين ودَّ ابْرق و عَشَّه لو ماشين كدارى تقول ما راكب زول كل الدنيا كُرَاعَيْن مَاشَّه و لو راكبين بتشوف الشارع وَرْشه "الأمجاد" تتراجف ذى القشّه و "الحافلات" فى حُفر المويه قِرِنتى و قِرْشَه و تلقى "جياد" تِتَّنَّّى و ناسْيَه قروض البنك الغَشَّه و الطيبين راكبين خازوق لا هم لاحقين الناس الفوق لا هم بالدخل الشهرى الممحوق تامِّين أقساط البنك الدُّقْشَه و منهوكين بى "ربا إسلامى حلال" و بنوك الناس الفوق راسمال بفتاوى شيوخ السوق يتوَشَّى مُضاربه مَرَّه و مَرَّه مُشاركه والشيكات تتطاير طاشَّه و مافيا السوق تِتْمَكَّن سرقه و لَطْشَه آه يا زمن الركشه و ما أدراكْ ما الركشه الركشه كُدُنْدَاره و عَمْشَا تطير و ترِك محل ما تدور فى راس البيت.. فى أقرب خور.. أو فى راس الزول كان قال يِتْمَشَّى سايطه الشارع ذى الكَمْشه بتطلع داقشه و تنزل داقشه و السَّوَّاق بس كابتن طياره.. مَهَنْدَم و آخر حَشَّه و الطبلون مرصوص بالنَّدْ و فتايل ريحه و فُرشه و مَكَوَّم "سِيْدِيهات" بالدُّقشه الغُنا مصرى و سورى و "زَفَّه" و "دَبْشه" "نانسى العجرم" و "سَيِّد طُلْبه القفْشه" "حماده البت!" يا حليل "الكاشف" و "عَشَّه" و ال"رَيْقِى" و ال"راب" ضاربين الدَّوْشه و العجلات تتراقش رقشه و كرسى الركاب بس أودة نوم فى أحسن فَرْشه و تنزل "فاطنه" و تركب "عشّه" و ماشين وين..اللهُ عليم و قروش من وين..اللهُ كريم لا زول سائل..لا زول مسئول.. لا دَهْشَه و رِكيشة الهنا - يا كافى البلا- لا نور قِدَّام لا وَرا خَطَرَات..لا فيها مَنَشَّه بالليل وطواط سرحان عميان فى المطره قَعُوْنْجَه تنَطِِّط رَوْشَا ترُش بالطين و باللعنات.. و بالبُنْيات بتْتِم الرَّشَّه و الشارع مُوْلِد و غايب سِيْدُو لا قانون لمرور لا عمود نور لا عبد الظنبور الفالح ياخد حقو و حق الناس الهَشَّه و المسكين العُر خليهو تجيهو الكِشَّه الراكب يلعن أم الماشِّى و يوم الماشَّه و الماشِّين قادْلِين و أضان الحامل طَرْشا و البوليس بس دَايْر يِتْعَشَّى بى عَصْرَه يخلى الترخيص فى رَمْشَه و بى ربع المبلغ يخَلِّى الدَّقشه "الإيصالات" حركات فَنِّيَّه و الشِّفِت الفاهم يِنْقُشَا نَقْشَه و الناس العَرْضِ و طول كان كتلو الزول مارقين بى بطاقه و خُمْشه و لو ضابط عَنْقَد ياها الطَّفشَه و لو واحد خَرْخَرْ آخرو الطَّشه و لو أهل الميت طلبوا الدم ما بيلقوا النّتْشَه لا تار لا دِيَّه..لا الواحد قِدِر يتفَشَّى آه يا زمن الركشه.. و زمن "البيت السورى" و "مصرى" مَالا "بيوت السودان" اتمسخت قِبْلى و بحرى..عَمَاره و عُشَّه؟ خلينا "الكِسره" بناكل "بيتزا" و "كُشرى" و "طَقْشَه" وين "الشرموط" و "الوَيْكَه" .. و وين "الكَرْشه"؟ آه يا زمن الركشه و زمن "الدُّكَّان" الأصبح "سنتر" و بقى "للعنوان" إسماً أشتر و اليافطات بالصِّينى و باللاتينى فى بلداً ما فكَّ حروف العربى الطَّرْشَا "عَوْلَمَه" دى؟ أم عالَم خلوهو قُعاد على هَبْشه؟ لا معصوم من "الديجيتال" لا هُوْ حصين من "سوداتل" لا عندو وجيع لا حارس باب لا معروف المارق من الخشَّ آه يا زمن الركشه.. و زمن "السوق الليبى" و "سوق الناقه" و زمن الفاقه..زمان الفاقه و "حمَّام السوق" الدَّهْشه ياللعار! فيك الإبريق بإيجار و جُمَار الناس أسعار و حكومتك تجبى ضريبة الظرطه و تجبى ضريبة اللقمه و رَىَّ العَطْشه و تفتح دفتر للبِتْجَشَّا آه يا زمن الركشه.. و زمن ال"موبيتل" و ال"سوداتل" و "أريبا" خاتياك الرِّّيبه.. و تخْتاك الهَبْشَه شركاتك كِتْرَتْ و "موبايلاتك" مَلَتْ الشارع دَخَلَتْ جوَّه المدرسه..جوَّه الجامع ناس تتكلم فى المليان و الفارغ و ناساً تملا جيوبا و بالمسكين تتعشَّى و الموبايل يكُورِكْ شوفونى محجَّبه شاقه الحِسْ و منقَّبه ما بتدِسْ و مكَهْرَبه لابسه الجينز و الموبايل آخر لقطه و رقشه آه يا زمن الركشه.. و زمن العِرِس "العُرفى" و عِرْس "المتعه" و "راجل المَرَه دَه" و "بِتْ القلعه" و زمن الشِّقَق الفَرْشَه و ألف لقيط فى الشهر الواحد و ألف فضيحه و كَشَّه آه يا زمن الركشه و زمن "المُوْل" الأجنبى و "الأوزون" زمن "الأفيون" أولادك فى "العفراء" حايمين و بناتك لا فى المدرسه لا فى البيت قاعدين يا ترى هم وين..بل وين اليَد الحِمْشَه ؟ آه يا زمن الركشه و زمن البلد الصَّبْحتْ سِتَّه جيوشا "القومى" ده واحد و "دفاعنا الشعبى" اتنين و تلاته "القوات الخاصه" و الرابعه "الشرطه" و خمسه "الحركه" و من دارفور السَّاتَّه و لِسَّه "القوات الدوليه" ده غير الميليشيات المِيَّه حكوميه و شعبيه و "شعوب" مَنسِيَّه "مَهَمَّشَه" نارا تولِّع و ألفين قنبله موقوته وجاهزه تفرقع و مليون بُعْبُع و مليون غشَّه و آآآه يا زمن الركشه الفيك الشَّعْبِ انغشَّ..انكشَّ..انقشَّ و ساكت هَرْشَه!!!!!

Quote: كان عباس يشكو زمانه ويعتبر ان كل نواميس الكونيه والبشر قد تحالفو عليه من دونما اعلان ليادو موهبته التي تحتاج للدعم يتحسر عباس علي ماضيه الزاهي فهو العب سوداني في كره القدم عندما كان رونالدو يبحث عن فرده شراب قديمه ودلاقين ليصنع كره ليلعب بها في زقاقات ساوباولو رحم الله سامي عزالدين فقد تواطا هو وزملانه فلم يعطوه الفرصه ليثبت لهم ان الكوره مدوره. كان ناقما علي كل جيل فالذين سبقوه لم يعطوه الفرصه وجيله ضائع والذي يليه اولاد صغار ما شافو في الدنيا حاجه كان عباس يحس بان استاذ الرياضيات قد همشه-المفرده التي تعلمها مؤخرا- كيف لا وهو اينشتاين زمانه فقرر ان يترك الدراسه ليثبت المقوله القلم ما بزبل بلم واصبح يمارس الاعتقاد في كل افكاره علي الرغم من انه طيش الفصل ولكن عندما يذكر تاريخه يجد نفسه مرغما ليضيف انجازات كانت بعيده عن خياله كفهمه للرياضيات اندهاشه من الاجهزه الالكترونيه دفعه ليكون صبي في احد محلات الصيانه خلف السينما الوطنيه وكان صاحب الورشه من نفس شاكله عباس الصبي الجديد يمارس الاعتقاد في نفسه ويتعامل مع الزبائن كانه مكتشف الالكترون ولكنه لم يواصل تعليمه للاسف اصلو الدنيا دي بت ###### وما بتدي حريف احد الصينين من العماله القادمه للعمل في البترول جاء الي محل المعلم حامل جهاز تسجيل حديث به عطل بسيط امتلا المعلم غرورا فحفيد كونفيشوس جاء متوسما فيه العبفريه مع ان معرفه الصيني الطلبه بالالكترونات لا تفوق معرفته بعروه بن الورد تعلقت عيني عباس بايدي المعلم الماهر الممتلئه بالغرور فهو قد منطق الخواجه تجرا المعلم بعد ذلك ان يطلق علي نفسه لقب الالماني واجتهد ان تكون لافته الورشه تحمل هذا اللقب الصبي الجديد احس بنوع من الاهميه بعد ان بدا المعلم يعتمد عليه في كل المهام عدا الجوانب الماليه والاتفاق مع الزبائن فاكتسب الصبي عباس بعض المهارات وحفظ اسماء وماركات الاجهزه مع بعض الاسبيرات وهيا نفسه للفتوي في افكار ماركوني . بمرور الزمن والعمل اليومي احس بان المعلم لا يوفيه حقه ولا يقدر موهبته وصار كلما راه او امره بشئ تلوح صوره استاذ الرياضيات في ذهنه واخيرا قرر ان يترك ورشه المعلم الذي لايقدر موهبته حاجه ريا التي توفي عنها زوجها وتركها وحيده من غبر اولاد كانت تجاور عباس في الحي فحنت عليه وعلي عطالته فقد كانت مستفيده منه في المراسيل اليوميه فقررت ان تسمح له بقياده الركشه كجوكي ياتيها الايراد يوميا وهي تدخن البرنجي كان عباس يري ان ركشه حاجه ريا سجنا متحركا بثلاث عجلات في الشوارع وما ان يركب معه زبون حتي يبدا بان يلعن بوليس الحركه ويمارس هوايته في ذكر بطولاته وافكاره النيره التي لم تجد طريقها للنشر سوي ركشه حاجه ريا ركب معه احمد وعمر خريجي احدي الجامعات الخاصه ويبحثوا عن عمل فبعد ان ذم بوليس الحركه قاده الحديث ليتحدث عن المستوي الاكاديمي للجامعات ويعقد مقارنات سمعها من بنات الاحفاد وينصب نفسه مسؤلا عن الاخلاق عندما يتحدث عن مساوئ الاختلاط في الجامعات ليعرج به الحديث الي مستواه الاكاديمي المميز وحقد استاذ الرياضيات علي نبوغه وانه عظيم تفتقت موهبته الالكترونيه عندما كان يعمل خلف السينما الوطنيه في محل الالماني. اندهش احمد الذي يركب الركشه مع عباس وواصل اندهاشه الي ان وصل هو وعمر الي نهايه المشوار اما عمرفقد كان ساخطا علي هذا الامي قال احمدلعمر (والله بتاع الركشه دا مخترع كبير لكن الدنيا بطاله هسه زول زي دا يسوق ركشه؟) رد عمر(مخترع)؟؟!!يعني حيمشي الركشه دي بي اربعه لساتك؟؟؟؟؟؟؟؟)