|
علي عثمان محمد طه ::: الإنقاذ قادرة على البقاء لأكثر من 20 سنة قادمة :::
|
كشف نائب رئيس الجمهورية، الأستاذ علي عثمان محمد طه، عن ترتيبات ستقوم بها الدولة لتنفيذ مشروعات تنموية مهمة في مجال الري ورعاية الحيوان وتوفير المراعي بتمويل مقدر. وحثّ نائب الرئيس قطاعات المنتجين بالعمل لأجل استدامة التنمية وتحسين مناخ الحياة وزيادة الدخل بهدف ترقية وبناء الأمة. وأكد طه، لدى مخاطبته أمس «الأربعاء» احتفال وحدة تنفيذ السدود بافتتاح حفائر «الوفاق، الجمامة، ثنة، بت أم بحر، الكبرا، وأم سنطة» بولاية شمال كردفان، أكد أن الدولة قادرة على دحض المؤامرات والمكايدات وهزيمتها برغم تزايدها، وقال: «لا تخافوا ولا تفزعوا»، وأكد بأنه لا رجوع أو انكسار ولا ركوع إلا لله تعالى، وأشار إلى أن الإنقاذ قادرة على البقاء لأكثر من (20) سنة مقبلة. وتعهد نائب الرئيس بإنشاء طريق الأبيض ــ سودري، وقال إن الدراسات جاهزة في هذا الصدد، ودعا حكومة الولاية إلى وضعه ضمن الأولويات، وقال: رصدنا مبالغ مقدرة لمحور حصاد المياه في الموازنة الجديدة. وطالب طه المواطنين بالاستقرار وعدم ترك الأرض، وتبني مشروعات الزواج الجماعي، ووجّه جامعة كردفان بإجراء دراسات اجتماعية لمعرفة أثر مشروعات حصاد المياه بعد ثلاث سنوات، ونادى بتحسين جودة المشروعات وصيانتها وزيادة سعاتها، ووجّه حكومة الولاية بإحياء خلاوى القرآن ورعاية مدارس قرآنية حديثة لتكون النهضة العمرانية مرادفة لتنمية التقوى والأبدان. المصدر
|
|
|
|
|
|
|
|
Re: علي عثمان محمد طه ::: الإنقاذ قادرة على البقاء لأكثر من 20 سنة قادمة ::: (Re: ندى صالح الطيب)
|
لو قعدوا عشرين سنة مساحة السودان حتبقى بالماينص
لكن أقول ليك
دايما أخد تصريحات المسئولين بالقلبة
لما يقولوا ليك ما في معتقلين تأكد أنو المعتقلات مليانة
ولما يقولوا ليك مستعدين للخريف تأكد من الفيضان والكوارث
ولما يقولوا ليك حنقعد تأكد إنو دي اللحظة الحسو فيها ببداية النهاية
وبي كده الإنقاذ حتكون قادرة على البقاء لأكثر من 20 سنة قادمة لكن في مزبلة التاريخ ضمن القمامة الطالعة من كل بيت سوداني الدفعنا حقها مقدم في العشرين سنة الفاتت من عمر الوطن الغالي ودي للأسف حتكون نفايات ذرية تاريخية أي زول ح يشرد من مجرد الإرتباط بيها لأنو نهايتها محاكم ومحاسبات ومطالبات لا تنتهي
| |
|
|
|
|
|
|
Re: علي عثمان محمد طه ::: الإنقاذ قادرة على البقاء لأكثر من 20 سنة قادمة ::: (Re: ود الباوقة)
|
Quote: ما قال ان شاء الله
|
الحمد لله إنه ما قال ما شاء الله , يا عثمان الله يطمئنك, .................................................................
يعني علي عثمان, يصرح هذا التصريح (بعد التحول الديمقراطي) وهو يعنيه لأن (سلاح التزوير) موجود ويكفي لإبقائهم على السلطة .....
قديماًٍ قال صلاح الدين كرار: (لو ما جينا الدولار كان لحـق 20 جنيه) ........
شنو حكاية الكيزان مع الرقم 20 ؟؟؟
أحمد الشايقي
| |
|
|
|
|
|
|
Re: علي عثمان محمد طه ::: الإنقاذ قادرة على البقاء لأكثر من 20 سنة قادمة ::: (Re: دينا خالد)
|
Quote: صقر القاسمى هو حاكم راس الخيمة الذى توفى اول امس بعد حكم دام اكثر من 60 عاما ..
|
هييييييييييع يا دينا أكتر من ستين سنة يعني المرحوم من زمن الحفي والغوص وسك الضبان،،، والله يستاهل...
بس بلدياتنا شيخ علي عثمان بكل الإيمانيات المعلنة والتقوى المصورة،،، ماهو طاري الموت سنة الأولين والأخرين...... وبعدين العشرين الأولى فصلو الجنوب وده طبعاً أستغرق وقت كبير بسبب التمكين والحرب،،، أهه حسي ما في حرب يقولوا عليها والتمكين حصل ... يعني عشرينية تاني يفصلوا أفريقيا كوووووووولها لي قرى وحلال وكنابي...!!!!!!!! وكل حلة وكنمبو يحكموا مؤتمرجي،،، ويكونوا لينا عائلة آل مؤتمر الحاكمة... الله يطول عمركم يا مؤتمرجية ويديكم الصحة والعافية عشان تواصلوا ظلمكم لينا وبنرجاكم قدام يوم الحساب والقصاص أمام عادل جبار حيث لا درهم ولا دينار،، وبيني وبينك محتاجين تحويل رصيد بعدين في الآخرة...
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
|