|
|
|
 Re: طلب مساعده من بورداب امريكا او السعودية او السودان (Re: لؤى)
|
نعم توجد تكلفة على مستلم الإتصال
في حالة التجوال الدولي International Roaming
سواء في الشرائح مسبقة الدفع
أو المفوترة
وهذه التكلفة عبارة عن رسوم استخدام شبكة شركة الاتصالات في الدولة المضيفة
وقوانين منع الاحتكار تمنع أن تتحمل شركة الاتصالات المقدمة للخدمة هذه التكلفة عن عميلها لكي لا تمنحها أفضلية تنافسية على الشركات الأخرى.
| |
  
|
|
|
|
|
|
|
|
Re: طلب مساعده من بورداب امريكا او السعودية او السودان (Re: Elawad Eltayeb)
|
شكرا لؤي....شكرا ايهاب الطيب على المعلومة
فعلا...منطقى يكون فى رسوم على الخدمة. لكن الزول ده قال انه دفع للشركة فى السودان رسوم لاستخدام التلفون خارج السودان. هل دى كل المصاريف? ام ح يكون فى رسوم بالدقيقة.
***********************
شكلى بقيت ذى بنى اسرائل. يقولوا لى : بقرة. اقول: لونها شنو ?
كفاية انى عرفت انى ممكن اضرب (بمفتاح السودان) و فى تكلفة لزول اللى انا ضاربه ليه. يعنى تلفزن سريع كفاية
| |
|
|
|
|
|
|
|
|
|
Re: طلب مساعده من بورداب امريكا او السعودية او السودان (Re: smart_ana2001)
|
سمارتي
عساكـ بخير يا صديقة | Quote: فعلا...منطقى يكون فى رسوم على الخدمة. لكن الزول ده قال انه دفع للشركة فى السودان رسوم لاستخدام التلفون خارج السودان. هل دى كل المصاريف? ام ح يكون فى رسوم بالدقيقة. |
أولاً بتمشي تقدمي علي خاصية التجوال الدولي ( في حال كان تلفونه Post Paid او المفوتر زي ما قال أخونا العوض ) و في السودان علي ما أذكر بتكون إتنين مليون
و ده عبارة عن تأمين في حال إنكـ ما دفعتي الفاتورة بيقوم يتخصم أتوماتيكلي ..
بعد داكـ بيكون في رسوم إستخدام التجوال المحسوبة بالوحدة أو الدقيقة علي حسب العقد المتاح بين العميل و الشركة
و ده في الغالب بيكون رسوم المكالمة بين الدولتين + 20% ( كمثال )
السودان للسعودية ( حالتكـ الفوق دي ) رسوم المكالمة 5 جنيه (مثلاً) بيكون رسوم التجوال 5 جنيه + 20%.
و في حال هو أجري إتصال بيكون الرسوم مضاعفة مرتين .
يعني الزول ده أحسن ليهو يستقبل مكالمات و ما يجري مكالمات ..
ده الطبيعي - لكن في بعض الاحيان بتكون الشركات عامله عروض ترويجية لفترات محدده تشذ عن القاعدة أعلاه.
_
اتمني إنه كلامي يكون واضح و ما مخرمج.
| |
|
|
|
|
|
|
|
|
 Re: طلب مساعده من بورداب امريكا او السعودية او السودان (Re: فيصل نوبي)
|
سمارت إنتي .. الأخبار والعلوم إن شاء الله تمام
أعتقد استقبال زين السودان في زين السعودية قيمة استقبال الدقيقة نصف ريال
(لازم ينتبه لتحديد الشبكة المستخدمة زين السعودية) لو دخل شبكة stc أو
موبايلي احتمال نعمل ليهو صندوق ونديهو أول صرفة
استقبال المكالمات كان مجاني في شبكة زين بين السودان والسعودية
قوووموا يا مغتربين السعودية كلهم جابو شرائح زين من السودان
واستقبال بالمجاني .. يشحن ويحول الرصيد للفي السودان وهاكـ
يا ونسات .. قووووموا يا ناس الـ stc وموبايلي قالوا: ناس السودان
ديل مشو وين؟ قووووموا أعرفوا الحاصل شنو وإنوا زين دقستهم!
وقدموا اعتراض عن هيئة الاتصالات .. قوووووموا يا ناس الهيئة طلعوا قرار
لناس (زين) بتحديد قيمة لاستقبال المكالمات حُددت بـ 50 هللة للدقيقة
قووووموا يا ناس السودان دقسوا
| |
|
|
|
|
|
|
| |
smart_ana2001
Asim Fageary
Elawad
لؤى
Elawad Eltayeb
فيصل نوبي
محمد عبد الماجد الصايم
فيس بوك
تويتر
انستقرام
يوتيوب
بنتيريست