|
|
 خوفاَ من أميرة الشيخ
|
بداية اشكر صاحب الحوش بكري على سعة صدرة اذ رغم ضياع الباسورد مرة واثنين لكنه في كل مرة يستجيب ويعيد، والشكر موصول لاميرة الشيخ عبر عمر بوب لتوسطها بارجاعة هذه المرة
المهم يا ناس البيت البوست دا مفتوح خوفا من أميرة الشيخ لانها توعدتني باخذ اجراء حاسم وعنيف تجاهي في حال عودة الباسورد واستمرار صمتي كما ان أميرة تعتقد انني في مسالة الباسورد دي ذي الطفل شين الطبع البشوف الاكل يقول جعان ويشوف الموية يقول عطشان (حرفيا هذا تعبيرها)وهي تعتقد اني بقيت جافيه وبعدت من الناس وانني عضو غير فاعل بل واصبح عبْ وبيني وبينكم أميرة معاها حق
لكن والله عندي اسبابي وشوية شوية بقوله ليكم يمكن تساعدوني
|
|
 
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
اها سببي الاول انه زمان لما كنت بكتب هنا كنت بحس وكأني بكتب في بيتي وسط أهلي وناسي كنت بكتب واحساس بالدفِّ والأنس بيغمرني هسي بقيت احس كأني بكتب في السهلا وبتلجلج كأني ما بعرف الكتابة اها قلت بدل كدي اخير النخليها يعني وقفت لما حسيت اني ما بعرف اكتب اها يااخوانا فيكم زول بقدر يساعدني ؟والنبي عليكم انا مش معذورة ؟والاهم من كدا العلاج شنو؟
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
بعدين عليكم الله أميرة الشيخ دي ما غلطانة يعني هسي الغياب دا بقى علي انا المسكينة دي ما كان في المنبر دا شابات ملّّ السمع والبصر وينين هسي قصدي ناس ريل وشيري وبنت قضيم وسناء جعفر وايزابيلا والشرير والبرتقالة و ميرفت ولاحقا وين الجندرية واشراقة وعزاز وروزمين والبنات الائي كن يعطين هذا المكان مليون لون ولون وين ؟وين ؟ وقس على هذا طبعا الطرح والمواضيع
أميرة الشيخ والله ما ليك حق تزرزريني
وهذا هو السبب الثاني
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
حمد الله سلامة يازووله
اها العلاج هين تب
اميرة بت ابوى الشيخ وووين
عليك سلمى عليها
وبهدى ليها اغنية هلا لى يا هلالو
ظهر من (كسلا) وعندى (امل)
تظهر بت الشيخ قريب
ابقى عشرة ما تضيعى تانى
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
اها يا بنت الشيخ نجي للسبب الثالث
اكتشفت انو اصبح للكتابة هنا مهارات لابد من اجادتها اولا:
يعني اختيار عناوين مثيرة ومواضيع محل جدل واهم شي طول النفس في الردود على المتداخلين والا ضاع البوست مهما كان ولما كانت اختك تفتقد لكل هذه المهارات
كان الغياب
اها يا بنت الشيخ خسمتك بالرسول اسبابي ما مقنعة ؟
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
مرحب مرحب بصاحبة الصالون الادبي الابنوسة
معها حق الاخت اميرة الشيخ في ان غيابك اصبح غير مبرر
انت من الاقلام التي انارت الضؤ في هذا المكان وارست حجر اساسه
الا ان غيابك اصبح معتاد
نادوس دا سببه شنو ؟
| |
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
أبنوسة ..... أحوالك وخباراتك ....
طبعاً حكاية إنك غاتسة ومختفية دي الناس متفقين عليها ....
لكن:
| Quote: وهي تعتقد اني بقيت جافيه وبعدت من الناس |
هي وينا زااتا فلانة دي؟
فالحة بس في الناس؟
| |
|
|
|
|
|
|
|
|
|
Re: خوفاَ من أميرة الشيخ (Re: محمد أبوالعزائم أبوالريش)
|
Quote: نادوس اسبابو يمكن ادخل اقوله لكن منها انو باسويردوا كان ضائع
لك التحية |
| Quote: بداية اشكر صاحب الحوش بكري على سعة صدرة اذ رغم ضياع الباسورد مرة واثنين لكنه في كل مرة يستجيب ويعيد، والشكر موصول لاميرة الشيخ عبر عمر بوب لتوسطها بارجاعة هذه المرة |
ابنوسه ازيك
اسمعى انتو ساكنين فى المحطه الوسطى شنو انت باسوردك
ضائع ونادوس باسوردو ضائع والله بيتكم ده الا كان فيه نشالين.
والا شوفو الضيوف البجوكم ..
غايتو العارفه انا بهاء الدين بكرى ايدو خفيفه وكمال سالم
ما بقصر كان لقى شى مطرف الباقين مابعرفن..
والله قلنا نسلم يابت القبائل،
وبعدين بت الشيخ زاتا قاعد تكتب شنو ياها
الليله ووووب وخلاص اكتبى زيها وخلاص
لووووووووووووووووووول
ياخى وجودك مهم ما تغيبى كوجنى زينا كده والله كريم،،،
| |
|
|
|
|
|
|
|
|
|
Re: خوفاَ من أميرة الشيخ (Re: صديق الموج)
|
حمدلله سلامة يا ابنوسة و صالونها و ان شاء الله صهاينة المريخ يظهروا فلقد طال غيابهم, برضو شايف لي صهيوني حايم بهناك يفتح في البوستات اسمو هارون و لا كده ود دياب
تسلمي
لطفي
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
ابنوسة
أبصم بالعشرة على قبول كل ما ذكرتي
بس إن لسودانيزأون لآين عليك حقا ...
مرة مرة تذكري المنبر
شكرا أميرة الشيخ
لكما دوام العافية والصحة .. نجيمات المنبر
الشفيع ابراهيم
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
center>
ليلى صلاح في نهاية تلك الامسية قلت لصاحبنا نادوس وهو من وثق جلستنا بالتصوير
لك سنوات بتصور كل جلسات الاصفياء مافي يوم واحد شفنا صورة منزلة باسم نادوس طبعا
الشايقى الحاقد زعل من كلامى وقام نزل كل صور تلك الامسية على كمبيوترى الشخصى وقال
الصور عندك على الدسك توب اعرف نزلها على اي بوست او افتح لها بوست
وإنت شاهدة على غيظ الشايقى لى وهو العالم بجهلى بفن التصوير ناهيك
عن جهلى بكيف يتم تحميل الصور
وبعد مغادرتكم و بحماقة الجعلين
اتصلت بصديقى اللبنانى
وقلت له انت عندك شركة في مجال التصوير ومعالجة الصور وتزويد الوثائق
بالصور ووولخ المهم انا ادير اعرف كيف يتم تنزل صورة على موقع بعينه
قال انت همك سودانيز اولاين قلت يس
قال روح نام الصباح حا ارسل لك
معلم يعلمك في نصف ساعة كيف تحمل الصور وقد كان
ياليلى قولى للشايقى تعال نعلمك ... بس ما بنديك
الاسرار
| |
|
|
|
|
|
|
|
|
|
Re: خوفاَ من أميرة الشيخ (Re: Emad Abdulla)
|
عماد ود عبد الله اديك العافية و تحت تحت بتكون بوستاتك المرة مرة بتجدعة وتفوت تخليها دي هي احد اهم اسباب طلتنا على البوردلانه فيها ريحة المكان زمان والناس الكانوا هنا
فواظب عليها انت حتى تكثر طلتنا نحن و التحايا ليك وللاسرة الكريمة
| |
|
|
|
|
|
|
|
|
|
Re: خوفاَ من أميرة الشيخ (Re: nassar elhaj)
|
يا أستاذة ؟!
اها الغلطة دي من آثار البعد عن الكتابة
والمنبر ده من فوائده بيعلم الزول الكتابة
وبيعلم الزول الغلط
زمان خوفك كان بس من العيب و من الشين
اخاك في الله محمد عبدالرحمن اداك اهم نصيحة في التفاعلات المنبرية
ماتردي علي ، مابكتب في موضوعك تاني
ما تدخلي لي في بوست ، بجللي بوستيك ولو كان عني
دي تقاليد مرعية في سودانيز
مرة واحدة صاحبتنا جلتنا في بوست تهنئة ، لما عاتبناها قالت : ماجيت هنيت بالدرب
فاتها ان الدرب كوم والمنبر كوم تاني براهو
ومن ديك
البيجيني بالدرب بجيهو بالدرب
البيجيني بالمنبر ، بجيهو بالمنبر وبالدرب
مرحب بعودتك ونرجو ان لاتكون كوجودك الصفويي السابق
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
مرحب أبنوسه .. نورتى مكانك .. وطلتك بالدنيا ونور على سودانيزنا ..
مشكورة بت الشيخ الهميمه والحنينه .. دائما تتفقد حبايبها ..
مودتى ليكم ..
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
Quote: نادوس اسبابو يمكن ادخل اقوله لكن منها
انو باسويردوا كان ضائعلك التحية |
اسمعى طيب انتى ونادوس .. الدنيا بى وراكم
حصل فيها تطور ياخ فى تكنلوجيا فى الكنكوجات ياخ
تربطى باسويرداتكم سوا بى سلسل وتعلقوها فى باب
الجزيرة الوثائقية .. صعبة دى ..
| Quote: خوفاَ من أميرة الشيخ |
وما بتخافوا الله ؟ ياخ خافوا الله فينا خافوا الله ..
اسباب اوهى من بيوت العنكبوت ..
ـــــــــــــــــ
والخوف موصول لاميرة الشيخ البت خفيفة الدم والروح
اميرة نسمة من نسمات هذا البورد الربيعية الرائعة ..
اميرة اشراقة جميلة واطلاله مريحة بدون اىىىى كشكرة ..
جد جد .. وكدا ما تجى هنا تشكرينى لووووووووووووووووب
انتى بس اتكلى شكرى على اصحابك اياهم ديك ..
| |
|
|
|
|
|
|
|
|
|
Re: خوفاَ من أميرة الشيخ (Re: عبدالغني كرم الله)
|
تحياتي يا ابنوسه لك وللاسرة والصحاب
حمد لله علي السلامة وبركه في رجعة الباس وورد
تعرفي لي فكرة حول الكتابة عن بوست وغياب اعضاء رجال ونساء
عن البورد لا اعرف العزوف مرده لايه ؟؟؟
البعض يقول لك ان المنبر اصبح غير جاذب ؟؟
واصبح التلاسن والسباب شيمته ؟؟
البعض الاخر يتعالي عن المنبر بالذهاب الي منابر اخري ؟؟
هنا افتقد اقلام كثية جميله وخاصة اقلام المراة التي اعطت لهذا المنبر لمعانا وبريق
اعتقد ان لك قراء وقارئات افتقدوك كثيرا
عن نفسي اخاطب القارئ والقارئه اكثر
المنبر رسالته قويه الغياب ما حبابو
انت وعبد الجليل احد اشكال الكتابة الملتزمة وصفحة ثقافية واجتماعية مهمة
اتمني التواجد والمساهمة
الشكر لاميرة بت الشيخ والجابك يا ريت يرجع
مانوت وياسر الشريف وعمر علي والنور حمد
وفضيلي جماع واسماء نجلس للقراءة لها بمتعه وشوق
التحية لمن معك اتمني زي ما قالت دينا خالد
تعلقي الاص وورد في علاقة مفاتيح الحياة
| |
|
|
|
|
|
|
|
|
|
Re: خوفاَ من أميرة الشيخ (Re: Sabri Elshareef)
|
Quote: تاريخ التسجيل: 15-03-2002
مجموع المشاركات: 951 |
والله كلامها صاح اميرة يا ابنوسة
معقوووولة من الفين واتنين وما كملتي الف مشاركة !!!!!!
في ناس في الفين وخمسة والفين وستة ومشاركاتم فاتت الـتلاتين الف .
| |
|
|
|
|
|
|
|
|
|
Re: خوفاَ من أميرة الشيخ (Re: امير عوض الجمري)
|
اقلام اخري افتقدها عبرك يا ابنوسه
رجاء العباسي وحنين للبلد وساره علي
واقلام اخري ارجو عبر بوستك ان نفتقدها ونفعل عضويتها ونجد باص وورداتها الرايحه
فهذا المكان الفسيح جعل للحياة طعم ومذاق لا مثيل له
بل هنا المنبر افضل من صحافة مقموعه بالداخل تعبر برضا السلطان
اكتب لك والدنيا فجر لا اتبين الحروف ان اخطات اعذريني
| |
|
|
|
|
|
|
|
|
|
Re: خوفاَ من أميرة الشيخ (Re: محمد عبد الماجد الصايم)
|
تحياتي الطيبة
يا ابنوسه
نفتقد خلال بوستك اقلام مثل
محمدين اسحق ذلك الرجل المهذب صاحب الكتابة حول قضايا الوطن وهمومه
ايضا نفتقد قلم النبي الثائر عاطف عابدون واعتقد ان له مشكلة
كما اتمني تفعيل عضوية سيف او الاسم الحقيقي سيف اليزل عبد الحليم برضو باص وورده غائب منذ سنين
| |
|
|
|
|
|
|
|
|
 Re: خوفاَ من أميرة الشيخ (Re: Sabri Elshareef)
|
ازيك يا ابنوسة
وشوق السنين
تعرفي ما قاله ابو ساندرا وقبله اخونا محمد عبد الرحمن دا
صعب جداً مجاراتو
قصة القدم بالقدم في العالم الحقيقي ، والقلم بالقلم ، ولا هي الكيبورد بالكيبورد في العالم الافتراضي دا
مستحيل عديل كده نلتزم بيها مع المية وردية الشغالين فيهن ديل
وضيفي ليهن الاحباط
غايتو مرة مرة ندي الطلة
وان شاء الله نلقاك هنا لانك من الناس البخلو المكان جاذب
تحياتي لاميرة
| |
|
|
|
|
|
|
|
|
|
Re: خوفاَ من أميرة الشيخ (Re: الجندرية)
|
الجندرية يعلم الله انك من اللائي احبهن لله ووجودك هنا يضفي على المكان نكهه حنينة مليانة دفّ النبي فيك كل ما تلاقي فرصة طلي انا باقي طلة بنات حواء بريدها وبقدره بالحيل معظمهن مليان عظمة شكرا لكلامك الطيب وساظل انتظر تيويقاتك يا امراة( ابيت اكتبها بالدارجي شينه ) ياعسل
| |
|
|
|
|
|
|
|
|
|
Re: خوفاَ من أميرة الشيخ (Re: محمد عبد الماجد الصايم)
|
عوداً حميداً أختنا أبونسة
| Quote: سببي الاول انه زمان لما كنت بكتب هنا كنت بحس وكأني بكتب في بيتي وسط أهلي وناسي كنت بكتب واحساس بالدفِّ والأنس بيغمرني هسي بقيت احس كأني بكتب في السهلا وبتلجلج كأني ما بعرف الكتابة اها قلت بدل كدي اخير النخليها يعني وقفت لما حسيت اني ما بعرف اكتب اها يااخوانا فيكم زول بقدر يساعدني ؟والنبي عليكم انا مش معذورة ؟والاهم من كدا العلاج شنو؟ |
بس في دي صدقتي مليون في المية
بس متوقع منك كعضوية قديمة أن تحاولي بعض الشيء
وعوداً حميداً تاني مرة
الصادق
| |
|
|
|
|
|
|
|
|
|
Re: خوفاَ من أميرة الشيخ (Re: محمد عبد الماجد الصايم)
|
ابنـــــــــــــــــــــوسة
يا درة من الناس مدسوسة
يا نخلة خاتية السوسة
شووووووووووق ما اعتيادي يا زولة يا حنينة
والله شوفتك شفا و وكلامك شفا
وسعيــــــــدة بالشوفة الاسفيرية
وعليك الله ما تغيبي يا حنينة
التحية لي بت الشيخ الزولة النقية و الصافية النية
والتحية لي ابنوس الهاديء ورزين
وللعيال ولكل اهل الدوحة الكرام
الشوق ليكم امانة ما حنين
| |
|
|
|
|
|
|
|
|
|
Re: خوفاَ من أميرة الشيخ (Re: اسماء الجنيد)
|
كانت فرصة جميلة ان نلتقي نا في الدوحة وان كان الظرف لم يتح ان نعطيك حقك .. عدت بالتعرف بك جدا ياصاحبة الحروف الصادقة وشكرا لكلامك الجميل والجايات اكثر من الرايحات
| |
|
|
|
|
|
|
|
|
|
Re: خوفاَ من أميرة الشيخ (Re: محمد عبد الماجد الصايم)
|
التحية لك أخت ابنوسة..والحمدالله على سلامة العودة للمنبر..وعبرك التحية ايضأ للأخت اميرة الشيخ...
| Quote: اها يااخوانا فيكم زول بقدر يساعدني ؟والنبي عليكم انا مش معذورة ؟والاهم من كدا العلاج شنو؟ |
معذورة..ألأنسان عندما بفقد ألأحساس الجميل الذى يزين ألأمكنة بفقده الفرح بزيارة المكان...نعم فقدنا شخصيات جميلة تكتب هنا لم تعد للكتابة منذ فترة وكانت تضيف لهذا المكان ألق وروعة.
نتمنى ان تعود هذه الشخصيات للكتابة...عادل جبارة..رواية العباسى..رجا العباسى..منى خوجلى..منال خوجلى ماجدة خوجلى...أسيا ربيع...وأخريات يجملن هذا المكان...
سيف بخيت...الطيب عثمان....لهم التحية جميعآ...
خالص تقدير وأحترامى....
| |
|
|
|
|
|
|
|
|
|
Re: خوفاَ من أميرة الشيخ (Re: دينا خالد)
|
دينا خالد والله ما طالباني حليفة لو ما كان طليتي كان مسختي علي البوست فشكرا لحضورك
وكويس انك هنا لاني عايزة اشاورك لانك احد حلول مشكلتي قولي لي كيف ؟ صراحة غموض شخصيتك مريح لافي زول بحدر ليك ولا في زول بزعل منك ولا في كلمة تكتبيها تلاوز ليك اها يادينا لو لقيت لي نيك نيم مجهول متل حقك دا بكون الوضع مريح ومشجع او كمان لما تزهجي من حقك دا وتكملي كلامك انا حاضرة وكان كمان في طريقة تسلفيني ليهو ابقى كتر خيرك اها رأيك شنو؟
| |
|
|
|
|
|
|
|
|
|
Re: خوفاَ من أميرة الشيخ (Re: محمد عبدالرحمن)
|
| Quote: دي صاحبة المشروع المنافس |
والله منك خوف
مشروعك دي لو طلع،بعد ده نتوكل على الله، ونترك سحر الأبجدية...
والله سعداء بعودتكم..
ولاشك سودانيزاولاين عالم، كبير، فيها ما فيها..
ولكن تظل مسرح كبير، وحلقة كبيرة للحوار السوداني، والانساني..
ألف حمدا على السلامة..
بالامس لم نراكم، ونادوس، في معرض التشكليين السودانين، بعنوان
معرض أعمال الورشة التشكلية "الرسم بالكلمات" (نصوص الطيب صالح في لوحات)..
في الحي الثقافي، شمال المعرض..
فوجئت بحي راااقي، ومسرح روماني من الرخام "المادة تحب الخلود"
والمعرض شارك فيه 17 فنان سوداني وقطري وسوري ومصري...
عودا، أخضرا..
وخايفين من الجاي في الطريق، الله يستر (كم وش باسم، وعابس)..
صبح منور، ومبارك..
...
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
كان زمان يا ابنوسة حبيبتى
دبل معقول يخلوك فى حالك .. وفى غموضك
عملت لى شلة لا باس بها
واصبحوا يعزمونى غداء وشاى الصباح وامشى فى الاسواق ..
ياخ انا ذاتى اشتقت لى زمان دى ..
ــــــــــــــــــــ
انا بكتب بى اسمى الحقيقى وحياة الاخوة
ما تسلفينى ابنوسة دا
| |
|
|
|
|
|
|
|
|
|
Re: خوفاَ من أميرة الشيخ (Re: دينا خالد)
|
وكت كدا يا دينا معقولة تحرمينا من طلتك اها اعزميني قهوة باقي بموت فيها وبجيك وين ما كنتي قايتو الخبر دا بجنن نادوس باقي هو من المعجبين بيك وكدا والله انا ذاتي معجبة يعني نادوس معذور وانا متفهمة لموقفة خالس خالس طبعا انا ما كنت بغير باعتبارك من المجهولين هسى ما عارفة موقفي العاطفي والاخلاقي المفروض يكون شنو ؟لكن دي معضلة نحلها بعدين هسي خليني في الشوفةوما دام ظهرتي ابقى محتاجين مجهولة تفش خلق الجنس الناعم والله يا دينا ما ليك حق في العملتيهو
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
أبنوسة
عودا حميدا... ومفاجأة مفرحة ...مثل سطوع أول (برق قبلي).. في بداية الخريف...لناس الاراضي المطرية في سهول زي سهول القطينة والدويم.. يعني الكتابة في (السهلا).. زي ما قلتي في بداية هذا البوست.. برضو مطلوبة.. فمافي عذر للتوقف عن الكتابة...ولا شنو؟
.... نحن في انتظار الكتابة الأبنوسية التي عهدناها..وكمساعدة زي ما طلبتي ..وبرضو .. كطلب خاص .. أرجو –إذا أمكن- أن تتكرمي علينا بسلسلة خواطر ("إبتسام حامد").. تلك الشخصية التي أعتقد أنك كنتي تطورينها باسلوب فريد وان كان في اعتقادي يشبه أسلوب الطيب صالح في الكتابه عن شخصية (مصطفي سعيد")..
كل التحايا والترحاب بغيمة الأدب الهتون ("أبنوسة")...
(محمد صديق)
| |
|
|
|
|
|
|
|
|
|
Re: خوفاَ من أميرة الشيخ (Re: Mohamed Seddique Mohamed)
|
محمد صديق انت منو يا اخوي ؟ ياخي رجعت بي سنين لوراء شارع الخرطوم القطينة الدويم ومليون لوحة و لوحة وبعدين النص البتتكلم عنه داعارف ليهو كم سنة ؟ ما حا اقول يقوم نادوس يحسب لي لكن كان في زمن قديم جميل بالحيل
اطمئنك يا محمد اخوي ابتسام حامد طورت شخصيتها في نص طويل اتمنى ان تشوفه قريب وشكرا للرجعة اللي وراء واستعادة تلك الذكريات الجميلة استثنائي شكرا ثاني
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
ابنوسة
إذن نحن في انتظار النص الكامل لشخصية ("ابتسام حامد").. أنا متأكد أنه سيملأ البورد ويشغل البورداب.. ثم واصلي الرسم بالكلمات..
تحياتي لك ول "نادوس" ولآزهار الحديقة الذين لم نسعد برؤيتهم..ربنا يخليهم ليكم...
بالمناسبة اشرت لسهول القطينة والدويم في مداخلتي الاولي لآني كنت أعمل بمحكمة القطينة في زمن بعيد وأكثر القضايا الكانت منشفة ريقنا كانت قضايا النزاعات حول تلك السهول.. اتمني أن يجودعليها المطر وتهدأ نفوس أهلها بالخيرات..
محمد صديق
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
حمدالله على السلامه
وعودا حميدا
ياخ كنا مفتقدنك بجد
يلا رجعوا لينا ثنائياتكم الجملة
وما تنسوا كمان فعاليات أبنوسة الثقافية داخل صالونها العامر
تحياتي لنصفك الاخر ،، الرزين نادوس
| |
|
|
|
|
|
|
|
|
|
Re: خوفاَ من أميرة الشيخ (Re: أبنوسة)
|
ابنوسة
إذن نحن في انتظار النص الكامل لشخصية ("ابتسام حامد").. أنا متأكد أنه سيملأ البورد ويشغل البورداب.. ثم واصلي الرسم بالكلمات..
تحياتي لك ول "نادوس" ولآزهار الحديقة الذين لم نسعد برؤيتهم..ربنا يخليهم ليكم...
بالمناسبة اشرت لسهول القطينة والدويم في مداخلتي الاولي لآني كنت أعمل بمحكمة القطينة في زمن بعيد وأكثر القضايا الكانت منشفة ريقنا كانت قضايا النزاعات حول تلك السهول.. اتمني أن يجودعليها المطر وتهدأ نفوس أهلها بالخيرات..
محمد صديق
| |
|
|
|
|
|
|
|
|
|
Re: خوفاَ من أميرة الشيخ (Re: Mohamed Seddique Mohamed)
|
مولانا محمد صديق كيفنك وكيف اسرتك ؟ زمن بعيد بعيد التقينا منتصف التسعينات عندما حضرت انت للدوحة وغفلت عائدا للسودان فارا من الاغتراب اتمنى ان اسمع عنك كل خيراتمنى ان تكون قد واصلت في كتابة قصص الخيال العلمي التي كنت تشتغل عليهالك التحايا والتقدير وتقبل سلام نادوس
| |
|
|
|
|
|
|
|
|
 Re: خوفاَ من أميرة الشيخ (Re: أبنوسة)
|
الواحد خايف يرفع البوست دا وبرضو ترجعى بعد شوية
وتقولى الباصويرد حقى رايح...
المصيبة طوالى بتلحقى معاهو باصويرد نادوس
الحكاية دى صدفة ولا مقصودة انا ما عارفة
| |
|
|
|
|
|
|
|
|
|
Re: خوفاَ من أميرة الشيخ (Re: Amira Elsheikh)
|
Quote: الواحد خايف يرفع البوست دا وبرضو ترجعى بعد شوية
وتقولى الباصويرد حقى رايح...
المصيبة طوالى بتلحقى معاهو باصويرد نادوس
الحكاية دى صدفة ولا مقصودة انا ما عارفة |
مؤكد هزيمة المريخ من الهلال بقت مؤكدة
ليك وحشة اميرة الشيخ
لطفي
| |
|
|
|
|
|
|
|
|
|
Re: خوفاَ من أميرة الشيخ (Re: Amira Elsheikh)
|
Quote: نادوس اسبابو يمكن ادخل اقوله لكن منها انو باسويردوا كان ضائع
لك التحية |
تاني لما ترحلوا لي بيت جديد...ختو الباسويردات في برطمانية مع عدة المطيخ
(والله دي نصيحة جادة جدا)...ومرحبا بالعودة يا ابنوسة
| |
|
|
|
|
|
|
|
|
|
Re: خوفاَ من أميرة الشيخ (Re: nazar hussien)
|
كل سنه انتي واسرتك بخير
في حضرة الكبار يصمتوا الصغار( قصدي الاقدميه في هذه الدار) لكن الله غالب تعديتاالحدود لانني اعرف قلمك الرائع عسى ان تشفع لي هذه المعرفه
عوده حميده ونصيحتي ليك توكلي علي الله وامتعينا بكتابتك
اميره الشيخ عيدك مبارك عفيت منك هرشات ذي سمحه رسلت ليك بهناك ردي
| |
|
|
|
|
|
|
|
|
|
Re: خوفاَ من أميرة الشيخ (Re: mona altom)
|
Quote: نشوف الصفاقصى بكرة وبعداك نتفاهم .......
وتسلم وتحياتى يا لطفى |
منتظرين التفاهم
و في حضرة الهلال يطيب الجلوس مهذب امامه يكون الكلام
كل عام و انت بخير
لطفي
| |
|
|
|
|
|
|
| |
أبنوسة
معاوية عبيد الصائم
اساسي
خضر حسين خليل
محمد أبوالعزائم أبوالريش
صديق الموج
محمد عبدالرحمن
بدر الدين الأمير
Emad Abdulla
nassar elhaj
أبو ساندرا
عفاف الصادق بابكر
دينا خالد
حيدر حسن ميرغني
عبدالغني كرم الله
امير عوض الجمري
lana mahdi
محمد عبد الماجد الصايم
الجندرية
الصادق صديق سلمان
اسماء الجنيد
ismeil abbas
Rawia
محمد علي شقدي
Mohamed Seddique Mohamed
محمد خليل ساني
mona altom
فيس بوك
تويتر
انستقرام
يوتيوب
بنتيريست