|
|
 الفاتح غروباتشوف ومصطفي الناظر شيوعيين حتي الموت شيوعيين
|
صديقي مصطفي عباس الناظر
يا سلام عليه زول من زمن سمح اخو بنات واولاد تلقاه في الحارة متقدم اذكر انه ترك مرتبه وخدمته للالتحاق بالعمل الثوري لكن كان الاخرون اقصر من قامته
مثابر ومجتهد ويعمل بهمة وثبات وعقل متقد وقلب كبير تملاه محبة السودان والانسان
له اصدقاء كثر وصديقات اكثر من اصدقائه
دخل مجالات كثيره في العمل عرفته جامعة القاهرة فرع الخرطوم يهز ويرز
اما الصحافة فتعرفه اكثر
اذكر طرفة في منتصف التسعينات واشتداد ظاهرة السك والعك من قبل نظام الجبهة اللعين
مرضت والدة ابي وقد كنت امارضها بمستشفي بحري وحضرت لاولاد الناظر ديل زي اصدقائنا اولا علي الله نسيمهم العلالات جمع ل علي الله
فقلت له يا مصطفي حبوبتي مريضة وتحتاج لنقل كلية بمستشفي بحري
ضحك ليس علي مرضها لكن علي فكرة الكلية لزوله وصلت في العمر عتيا
قال لي يا زول انا بديك 500 الف في حبوبتك دي
واتركها لنا هنا بلا كلية بلا غيرو اصلو حبوبتك دي داخله كلية الطب ايام الطب طب وايام الخرطوم خرطوم
وقال لي والله انا واخواني ديل مجاملاتنا في الصحافة ليس لها حد وانا امارض حبوبتك دي لو طابت اجيبها ليكم راجعه في البلد
يا حليل البلد وكان ماتت الفراش علينا وخاصة ناس الصحافات ديل جامالييين جدا
وكت يشوفو فراش جنازتو طالعه من البيت بحرروا البكا
هي طرفة
مصطفي تجده في منظمات المجتمع المدني
وتجده في المغني والمسرح والملعب
مصطفي عمل بجد واجتهاد للحزب الشيوعي فهو خير الطلعيين\ات من اهل الحزب
مصطفي اكتب عنه ك احد بشارات السودان يا جماعة الصحافة خلو ود المنظرون يحضر فله الكثير الذي يجب ان يوثق
ساعود
هذا البوست احتفاء باصدقائي اعلاه عن مصطفي الناظر واواصل
سوف ارجع للكتابة عن غورباتشوف يعرفه معي من عضوية المنبر دكتور محمد خليل الكارب
مدد يا الكارب مدد تعال نوثق لمن جمعته معنا الديمقراطية التالتة
وادخلت في قلبه الهلع والفزع الديكتاتورية التالتة
حتي ان الديمقراطية القادمة لا تستطع اخراجه من هذا الفزع بسبب عمايل الامن وعصابة يونيو المجرمه
|
|
 
|
|
|
|
|
|
|
|
Re: الفاتح غروباتشوف ومصطفي الناظر شيوعيين حتي الموت شيوعيين (Re: Sabri Elshareef)
|
غورباتشوف علي اليمين واللهم اجعله من اهل اليمين بتاع الجنة هنا افضل اليسار من اليمين
عموما اليسار طارح شعارات الخير والانحياز للفقراء صاح ام غلط
احسن اليسار بجبهته العريضه ان توحد قادر علي رفع المعاناة
علي اليسار ود الناظر بسمه ونظره يا مصطفي
له بنيه حليونه اسماها علي ربيكا وامها اسمتها روائع
فاصبحت روائع ربيكا
وتعالوا نغني لقرنق ولثورته التي لم تكتمل بعد
الفاتح غورباتشوف عضو مؤسس لمنتدي كنار الثقافي
اتت شركات عابرة القارات اسمت كنار لشركة اتصالات اذت اهلنا واضاعت اسم المنتدي في هرولة راس المال
الان غورباتشوف شيوعي من غير التزام حزب ويعمل اكثر من اعضاء الحزب دفاعا عن الحزب واهله
طرفة في الصراع بتاع الحزب وانه اصبح طارد اكثر من جاذب
عند خروج الخاتم عدلان والحاج وراق حزن جدا وقد اصبح شكله يثير الشفقه
فسالته يا غوربان وهو دلع لذلك الاسم الذي فكك الاتحاد السوفيتي لمجموعة دول
وجعل الناس تتضاير حتي عادل فيصل له وصف ابان حالة انهيار الاتحاد السوفيتي
قال لي اصبحنا زي المرفعين الاصبحت عليه الواطا
قال لي
ليه ناس الخاتم ووراق ديل طلعوا
ما كان يقعدو في الحوش الكبير وهو حوش الحزب الشيوعي
وقال لي مش ديل طلعوا ما حايلقوا حاجه خليهم يخمو ويصرو ولا زال معجبا بوراق ولا زال معجبا بالخاتم
ولا زال يحب الحزب الشيوعي
مع ان عجلات الزمن جعلته شيوعي الماكينة والبودي مع ازرق طيبه او العكس صحيح
| |
|
|
|
|
|
|
|
|
|
Re: الفاتح غروباتشوف ومصطفي الناظر شيوعيين حتي الموت شيوعيين (Re: Sabri Elshareef)
|
جمعية امل ومصطفي الناظر
انظر للامل واعجب بمصطفي كان متفاني فيها
ويقول كون كج عند رفضه لشي ما .................
في احدي المرات ماشيين نزور بت التوم جارتهم الشايقية اللطيفة في مستشفي ابن سيناء
وهو كان له اعمال خاصة بعد فصله ورفده واعتقاله
اتي عمل له فراشه في الصحافة مربع 24 ويا لها من فراشه يبيع الفاكهة فاصبح الفكهاني والخضرجي والجزار
معاه اخوه محمد الناظر
طرفه
مرة في احدي لقيانا باولاد الناظر
انا وغسان جعفر حضر شريف ليلا وسالته زوجة محمد
جاي من وين
قال ليها جاي من عرس محمد اخوي
انهارت الزوجه وسالته مرة اخري
اصحيح ما تقوله
قال لها نعم
حضر مصطفي ووجد امراة اخيه تبكي
تعرف عزيزي القاري \ه امتلكني احساس الكتابة في الرواية والقصه
بدلا عن محاربة الهوس الديني
والتبشير بالعلمانية ؟؟؟؟؟؟؟؟؟؟؟؟؟؟؟؟؟؟
اكمل القصه
اها الزوله دي بدات في الحكي والقص عما كانت تفعله ل محمد من حسن خدمة ووووو
وانها ضد فكرة ان تصبح زوجه تانية
المهم مصطفي حضر ووجد الزوله دي بتبكي
اها قال ليها مالك
قالت ليه ما سمعت اخوك بقول شنو
قال ليها لا
قالت ليه جاي من عرس محمد اخوك
قال ليها معقوله؟؟؟؟؟؟
وانا اخوه الكبير الزول ده ما يكلمني
اها انا وغسان المسالة اصبحت لينا لا بكا ولا ضحك
مشهد
حضر محمد وهو ليس بعريس ولا يرفب في التعدد
وان التعدد ضد النواميس للانسان
الاصل زوجه واحدة
قال لها الجماعة ديل بجننوك ما تسمعي ليهم
قصة بت التوم ذهبنا مع مصطفي
عند مدخل سوبا
اعطي حارس الباب او الغفير
البطاقة مكتوب فيها السوق المركزي ونحن مجموعه
دخلنا
قلت ليه كيف الزول ده دخلنا
قال لي
بيكون قراها
الامن المركزي
لعنة الله علي الدولة البوليسية
| |
|
|
|
|
|
|
|
|
|
Re: الفاتح غروباتشوف ومصطفي الناظر شيوعيين حتي الموت شيوعيين (Re: Sabri Elshareef)
|
عقبال ان تصبح الدهسيرة او بلكنة اهل ود الناظر
الدهسيري زي ما في الصورة اعلاه
بس قصار القامة من ساسة وحبرتجية كيف الناس تستطيع ان تحسم امر استيلائهم علي السلطة
والسرقه والنهب الصاح شيمة عصابة ينويو المجرمه
الصوره اعلاه في خلا الامارات استطاعوا ان يشتلو ويزرعوا ويضعوا الانارة والبصار لدولتهم
هل نحلم ان تصبح الدهسيرة مثل دبي
وان تصبح مليط مثل كوبنهاجن
| |
|
|
|
|
|
|
| |
خضر حسين خليل
فيس بوك
تويتر
انستقرام
يوتيوب
بنتيريست