متجرس موجوع وما صابر من جواي بترجاك حني وحتي البكاء ما برايحني وكمان الصبر زي زوال ختاأحاسيسو في تلاجة أجمد كلو من سأسو لي راسو أنت كان بتعرفي الطبابة ودا شغلتك ليه أنا منك بقيت مرضان معلول وأشتريت كفني وشفاي صعبان قالت (مولودة في أمدرمان ) وقرات في جامعة طلبان أتخرجت مسخ عجيب بالحيل عصرية تياب والله ما في كلام متخلفة دواخل تقول نحن في العصورالظلام وفوضوية مشاعر زي نحلة دايرة تمص كل الزهور برضو ما كرهتك وقلت أنت ممكن تكوني غطاي ومعك أبقي قبيله بالاولاد ونعمر لينا بويت كان جنب الجبل ولا في عشواوي يكون جنتا يافلانة بس أبقي فنانة فسري كلامي ويعجبك خط في الفانية وتناصريني دنيا وأخرة وتقولي دا القسمه بتكور بكون دابي وأسد صهور وأحمل الراية وأقاتل وأقلع واكون فارسك الجياب وأهديك عمري وأسجليك الباقي من أيامو يانافرة ما كنت بتزويني والبينا ما محرم و لا سيرة فجور حبا صميم وقوي يمتدد يصبح حياة وميراث خير لاهلنا ويقولوا في حكاويهم ماكان بريدا وكانت بتريدو عليك الله ما تبقي وجع وذكرت هم أبقي فزع وأم الكل وصدر حنين للبن مدرار أبقي المعشوقة والعاشقة والاخت الكان متا تبكيني وبت القبايل أن سافرت تحفظني وتعرف الاصوال للارحام تزور بالله محتاجك متعلق بيك ومن كل بنات حوا فوقك مكسر وكان دايراني أشرح وأبوح ولابوك أضنم وأقول بقول ولا ني خايف بس كيف تحني خلاص غلبني الصبر والعمر قرب يوديني القبر بالله حني .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
محمد البشرى الخضر
محمد عبد الماجد الصايم
فيصل نوبي
ناذر محمد الخليفة
osman righeem
فيس بوك
تويتر
انستقرام
يوتيوب
بنتيريست