...احوال الدولة الجديده بحدونا الجنوبيه....(جاور السعيد تسعد)!!

Quote: وصلت مدينه جوبا يوم 14\7\2008 يوم لايمكن انساوه.. شعور غريب دولة وليده ... مكثت بها مده شهرين عرفت الكثير المثير ما تسمعي لغوثت الحاقدين العايزين يقارونها بل الخرطوم السواها الانجليز دي وما صربوها جير ساكت وسكه حديدها ما زادوها متر عاصمه عمرها 100 سنه وجوبا يادوب مارقه من حرب حاقده والخرطوم امنه... ح ارجع ليك برواقه يا تراجي (كي نونسو عن جوبا دي)

Quote: مساهمه قديمه لكنها مناسبه لبوستك ياتراجى

Quote: واو حلقت الطائره المروحيه الصغيره على مسافة قريبه وبدت معالم المدينة تظهر، عندما توقفت الطائره على ارض المطار الترابى بدأ المسافرون فى الهمهمه بعد صمت طويل ومخيف، وبدت علامات الارتياح واضحه على البعض وكأنما عادت اليهم ارواحهم بعد ان كانت معلقة بين السماء والارض. واو (اى النار) تقع على ضفاف نهر الجور تبعد حوالى 1200 كيومتر من الخرطوم فى الجنوب الغربى وهى عاصمه ولاية غرب بحر الغزال. يبلغ سكانها حوالى 136 الف نسمه. سكان المدينة خليط من قبائل عديده من جنوب وشمال السودان، البلندا الدينكا والاندوكو والمسيريه، الرزيقات. الناس هنا على قدر كبير من الاريحيه و التعامل العفوى اللغة العربيه والانجليزيه واللغات الاخرى المحليه تسمعها من حولك فى كل مكان. المدينه ايضا تعج بالاثيوبيين والكينيين واليوغنديين. ، فى القرن التاسع عشر واو للاسف الشديد كانت عباره عن احد اهم مراكز تجارة العبيد فى ظل الدولة التركيه، حيث استقر تاجر العبيد الشهير الزبير باشا بالقرب منها فى ديم زبير. الطقس المعتدل، وموسيقى الجالوه الساحره تنطلق من المطاعم المختلفه والسيارات العابره والاذاعه المحليه، فى احدى قنوات التلفزيون الفضائيه يمكنك مشاهدة مسلسل من نيجريا. سوق واو يذكرك بمدينة كوستى، أشجارها الطويله المخضره تذكرك بنيالا فى دارفور، تربتها الحمراء علها تخبرك بأنك ليس بعيدا من امدرمان. حى الموظفين، الدرجة، نيفاشا، حى الجلابه...........................هى اسماء بعض الاحياء التى استطعت ان التقطها. فى الناحيه الشرقيه لنهر الجور تنتشر قطاطى يبدو انها شيدت حديثا فالمدينه ايضا تعج بالنازحين من ولايه واراب نتيجة للاحداث القبليه فى 2009. واو بها اقدم كنيسه كاثوليكيه فى جنوب السودان، وبها العديد من الجوامع حيث انك تسمع الاذان فى الاوقات الخمسه (لتكشف زيف وكذب الانتباهه). التقيت بعض التجار الشماليين، والميكانيكيه، والطباخين الذين عاشوا فى هذه المدينة لسنوات طويله منذ الثمانينات من القرن الماضى. كلهم تحدثوا بحماس مدهش عن انهم يمارسون تجارتهم بدون قيود، وان علاقتهم بسكان المدينه فى اجمل مايكون، الانفصال لبعض منهم هو انفصال بين السياسين ولايعنيهم فى شى لانهم "كشعب ليس لديهم مشكله مع بعض" قال احدهم. اهم ما تلاحظه انه فى حركتك لا تحتاج الى تصريح من اجهزة الامن او مفوضية العمل الانسانى كما يحدث فى شمال السودان، اجمل ما اعجبنى هو ان سلطات مدينة واو منعت استخدام اكياس البلاستيك حفاظا على البيئة، كبقية مدن الجنوب الاخرى كجوبا وملكال ، واو تشهد نشاط عمرانى، ونشاط تجارى لافت للنظر فى السنوات الخمسه الماضيه، من المطار الى مقر رئاسة الولايه يوجد طريق معبد يصل طوله الى 5 كيلومتر. وانتشرت المطاعم الاثيوبيه والكينيه فى المدينه، و تم فتح فنادق جديده، اسعار السلع الغذائيه غاليه لانها مستورده من كينيا او يوغندا، او مرحله من شمال السودان، مثلا قزازة المياه المعدنيه، تكلف اثنين جنيه فى واو (سعرها 70 قرش بالخرطوم). الطباخ ابن الابيض الذى يعمل باحد المطاعم دخله فى واو اضعاف ما يدخله فى الابيض او الخرطوم حيث يصل مرتبه الى 900 جنيه فى الشهر. المسافات بعيده: الرحله من واو الى جوبا والتى تاخذ ساعتين بالهيلوكبتر فانها تستغرق يومين بالبصات، بصات (نيشن) السياحيه تقوم بهذه الرحله المتعبه والتى تكلف 250 جنيه سودانى. هذه المدينة تضم قبر عبيد حاج الامين احد مؤسسى جمعية اللواء الابيض، وهى موطن جوزيف قرنق احد قيادات الحزب الشيوعى السودانى فى الستينات، وموطن كليمنت امبورو اول وزير داخلية من جنوب السودان فى حكومة ثورة اكتوبر 1964، وايضا هى مسقط رأس عارضة الازياء العالميه اليك ويك............... (عدل بواسطة أحمد أمين on 13-02-2010, 08:46 م)

Quote: يامبيو عاصمة ولاية غرب الاستوائيه، عدد سكانها يتراواح بين 40 الى 50 الف تقع على بعد 30 كيلو متر من حدود السودان الجنوبيه الغربيه مع الكنقو وتبعد حوالى 335 كيلومتر من جوبا و 1700 كيلومتر من الخرطوم، عبر الطيران يمكن الوصول لها عن طريق جوبا وعبر البر عن طريق يامبيو- طومبرا - واو (التى بدات عمليات بناء الكبارى والردميات فيه) و اويل – كادوقلى (رحلة تاخذ 3-4 ايام) . يامبيو مدينة ساحره تحفها اشجار المانقو الطويله الباذخه التى يصل ارتفاعاها الى اكثر من 35 متر، واشجار النخيل الزيتيه التى يرتفع طولها الى 20 مترا تنتشر فى كل مكان (والتى فى الامكان ان تكون مصدر دخل كبير للولاية). وغرب الاستوائية منطقة زراعيه ولها مستقبل باهر فى ذلك، حيث فى الامكان زراعة محاصيل نقدية كالارز والفاصوليا والقهوه بالاضافه الى صناعات مثل تعليب الفواكهة كالمانجو والانناس والبرتقال. الطقس فى ديسمبر ويناير وفبراير حار وجاف الى حد ما. لكن امطار متفرقه بدأت فى الهطول فى فبراير وحيث يمتد فصل الخريف من مارس حتى اكتوبر. منطقة غرب الاستوائيه الى حد كبير تجنبت الام و ويلات الحرب الاهليه التى دارت منذ 1983، حيث انسحبت قوات الحكومة السودانيه منذ منتصف التسعينات واصبحت تحت سيطرة الحركة الشعبيه حتى 2005، لكن المنطقه منذ 2007 تعانى من هجمات متفرقه من جيش الرب الذى اثار الرعب فى بعض القرى المجاوره ليامبيو عبر عمليات القتل العشوائى والاختطاف، يطلق سكان المدينة كلمة (توك توك) والتى تعنى قاطعى الاوصال على قوات جيش الرب. اذاعة يامبيو FM تصدح باغانى الجالوه وبعض الاغانى المحليه من امثال الفنانه سويت جى، واغنيتها الرائعه (سويت مامى) وفرقة لاسو ايما و مدى لاقوي هى بعض اسماء الفرق والفنانين المشهورين هناك. تذاع الاخبار بعربى جوبا. تمتد يامبيو شرقا وغربا وبها احياء مثل ماسيه، نابرى، الملكيه، بازو،نادرى هى اسماء الاحياء الشهيره بالمدينة، مرض الايدز منتشر بالمدنية وحملات التوعيه التى تقوم بها الولايه والسلطات المحليه اثرت بقدر كبير فى تحجيم انتشار المرض، كما ان العلاج متوفر والذى تقوم بتقديمه بعض المجمعات العلاجية التابعه للكنيسه والمنظمات الدوليه. اكلات الكاسافا والبافرا هى الاكلات الشعبيه لدى سكان المدينة وفقراءها. لكن سوق يامبيو ايضا يعحج بالبضائع المستورده من كينيا يوغندا ومن شمال السودان لذلك اسعارها غاليه مقارنة بالخرطوم (ضعف السعر)، صغار التجار ومعظمهم من سكان المدنية او من بعض الشباب صغار السن المهاجرين من دارفور وكردفان يعملون فى تجارة الموبيلات، السجائر والملابس، ومطاعم لبيع الفول والعدس والكباب والشاى. الكثيرين منهم اشادوا بعلاقتهم الجيده باهل المدينة وانه لم تواجههم مشكله منذ حضورهم الى هنا، البعض اشار الى ان الانفصال يمكن ان يجعل من وضعهم هنا امر معقدا. يامبيو مدينة تحت التشيد عبر شارعها الرئيس الذى يمر شرقا من المطار ثم مستشفى يامبيو الرئيسى، وبعض المؤسسات الحكوميه ثم سوق المدينة ومتجها غربا نحو انزارا، تشاهد حركة البناء فى المؤسسات الحكومية، متاجر حديثه تبنى بالطوب الاحمر، هوتيلات جديده تفتح مثل نيفاشا وتوريست هوتيل، مدارس ترمم مبانيها، سكان المدينة التى هجروها اثناء الحرب عادوا من مناطق نزوحهم او لجؤهم وبدأوا فى تشيد منازلهم من القش والطوب الاخضر أوالطوب الاحمر ويستخدم (قيبل رووف ذو الشكل المثلثى) فى عرش المنازل، بالاضافة الى القطيه. . يامبيو تستحق بجداره ان يطلق عليها مدينة (الدرجات) غالبية الناس يمتلكون درجات، رجال، نساء، شيب وشباب. وسيلة المواصلات الاخرى هى (البودا بودا) وهى دراجة بخاريه تنقلك من مكان الى اخر داخل المدينه، حيث لا توجد وسائل مواصلات اخرى، كالمينى بص او البصات. الزاندى هم سكان المدينه الاصلين لكن يوجد بها ايضا قبائل اخرى مثل الجور والكاكوا والماندى واالدينكا، الزاندى لغة لها رنين خاص (تنتمنى لمجموعة البانتو اللغويه)، عند التحيه استخدم كلمة (سنى) او قينى باى، للثناء او للشكر استخدم كلمة (تان بوى هر). تاريخيا الزاندى قبيلة زراعيه مسالمه، تدهشك البشاشه و الصدق، وعزة النفس (نادر ترى شحاد) رغم انتشار الفقر والمرض فيهم. بعضهم اصبح مسلم والاخر مسيحى واخرون لازالوا يؤمنون فى التقاليد القبيله مثل الكجور. لكن ايضا محن الطامعين من العرب وتجار الرقيق أو الاوربين لم تتركهم فى سلام. حسب مذكرات الزبير باشا والذى اطلق عليهم فرية (نيام نيام) ( وهى كلمة يبدو انه اطلقها عليهم الدينكا- اعدائهم المحليين)اى اكلى لحوم البشر كان قد صاهر ملك الزاندى حيث تزوج بنته (رانبوه) واكرمه فى مملكته لكن الزبير غدر به 1865. وتلك قصة اخرى. حسب رواية (زعيم الزاندى الحالى فى يامبيو الذى ينتمى الى سلالة الافانقارا الحاكمه) كان زعيم الزاندى الشهير (بيدوى) الذى اقامة حكومة الولايه ضريح حول قبره الذى شيد عام 1948 تكريما لشجاعته واستسبساله فى الدفاع عن المنطقه. ولد بيدوى بقرية بالقرب من نهر يسمى اليامب. وبيدوى تعنى بلغة الزاندى "الذى استقر". هو الذى اطلق كلمة يامبيو على المدينة حيث اعجبه جمال وخضرة المنطقه عندما اتى اليها اول مرة. حيث يعتبر الملك بيدوى هو زعيم الزاندى المطلق فى النصف الاخير من القرن التاسع عشر، حيث عمل على توحيد الزاندى فى افريقيا الوسطى، والكنقو، والسودان (قبل الحدود) وتوسعت دائرة مملكته حتى وصلت الى جوبا شرقا، وشمالا مع حدود بحر الغزال. قاتل قوات تاجر العبيد الزبير باشا (الذى كان يعمل لصالح الدولة التركيه) بعد ان غدر به، لكن الاخير انتصر عليه بصعوبة فى حرب دامت 13 شهرا. واعتقله لمدة 3 سنوات واطلق سراحه بعدها عمل بيدوى على تجميع قواته مرة اخرى ولم تسطع قوات المهديه من السيطره على منطقته او البلجيك والفرنسيين، عند دخول الانجليز السودان قاوم بيدوى ايضا المستعمر الجديد ورفض التسليم لهم..وتمت محاصرته بقوات قادمه من الكنقو، وبقوات بريطانيه قادمه من الشمال، بالقرب من مدينة اوزى الحدوديه (مع الكنقو)، وتم اعتقاله بعض ان اصيب بجروح خطيره ادت الى وفاته فى عام 1905. محاولة زعيم الزاندى فى بناء مملكة قويه مستقره تحالفت فيها بقسوه الظروف التاريخيه ضده، محليا كان يصارع تجار الرقيق من وكلاء الدوله التركيه والمهديه من بعدها، وهى نفس الفترة التى كانت تتربص بها دول اوربيه بالقاره الافريقيه، حيث تم تقسيم افريقيا بين الاوربين فى مؤتمر برلين عام 1984، وتفرق الزاندى بين ثلاثه دول الى هذا اليوم. ----------------------------------------------------------------------- من مفارقات القدر ان عمر البشير فى زيارته الاخيره الى يامبيو (يبدو انها اعجبته) صرح بانه يريد منزلا تحت شجرة مانقو.........................ده لو كان عملوا زمان كان فعلا الوحده بقت جاذبه.>> too late

Quote: امنيات صادقة لهم بدولة فتية وجيران عال العال رغم انف النظام

(عدل بواسطة Tragie Mustafa on 10-19-2010, 03:52 AM)

Quote: عمران...عمران...عمران.... هنالك كهربجيه شمالين.... مكنيكيه شمالين.... بل موظفين بحكومة الجنوب شمالين..... لواءات حرب وكمندانات بالجيش الشعبي شمالين

Quote: اولا كلمه صادقه لكلم القاطنين بما تبقى من وطن اسمه السودان. لو انتو عاقلين باركوا هذا الانفصال ولنبدأ نفكر جيدا في كيفية التعامل معا جارتنا الجديده لان الآخرين سبقونا.

Quote: ويتوقون للحرب باسلحتهم الجديده لان لهم ثأر سابق مع الجيش الشمالي!!

Quote: يا تراجي شباك (سلام يعني) إنتي مالك قاعدة بعيد ما تجي الجنوب الخير الوفير دا مالك مابياهو تعالي الجنوب عشان يعنوا ليك منكروا شكل منقة والله متخيلك وإنتي لافة في ملكال على فكرة لي كثير من الأصدقاء (وليس أصدقاء فقط بل أهل من قبائل الجنوب) هناك سوف يساعدونك على الإقامة بالجنوب إن أردتي مع تحياتي وأمنياتي بحظ وفير وإقامة سعيدة حال وصولك وما تنسي تديني خبر بجيك خافس بهناك كم يوم عشان أرتب ليك أمورك كلها مع ودي وتقديري عاصم فقيري

Quote: نحن تفكير جيدا ما عندنا .. اي زول بيكتب في موقع الكتروني بي اسمين ما يفكر لينا جيدا .. عندو كلام يجي يقولو جوه هناك من الخرطوم سلام .. الجنوبيين ماشين دولتم .. والبعتقد انو جزء متبقي فيما يسمى بالسودان القديم .. يجينا جوه هناك نحن نازلين نزرع خروع وجوز هند .. بالمناسبة يا ام اسمين .. خالد الطيب ح ينزل جوبا واللا الخرطوم ..؟ واللا ح يقعد قبلو ..؟

Quote: ويتوقون للحرب باسلحتهم الجديده لان لهم ثأر سابق مع الجيش الشمالي!!

Quote: تراجي مصطفى تعهر النضال وتفقده بريقه ومعناه لتصبح مفردة النضال مثلها مثل اي مفردة مبتذلة بين الناس اتوقع ان تدفع تراجي مصطفى ان استفادت من الدروس المجانية حاليا للاخ تمبس حقوق مالية مستقبلا لان الفضل يرجع له في تعليمها الابجديات في كل شي وقديما قال ابن الخطاب رحم الله اهدى الي عيوبي اخذين في الاعتبار ان تراجي كلها عيوب وملاحظات وتمبس لا يالوا جهدا في تقديمها لها كل مرة في قالب جديد وبصورة جديدة عسى ولعل ان يجدي ذلك ...اعتقد انها اذا تعلمت واستفادت لن تدفع شيئا فهذه نكارة جميل وهي كالعقرب يا تمبس ان تعلمت سوف تلدغك لانه ليس لديها شيئا سوى ان تلدغ وود الدابي بلدغ الرباهو.

Quote: نواي يا ايها الجميل....بالله مشيت لجوبا؟؟!! يا بختك

Quote: الجيش يضم نوعين من البشر الحاربوا قديما ويعرفون مرارت الحرب ولكنهم خبره لا يستهان بها وكذلك هم فرحين انهم امتلكوا كل هذا السلاح ويذكرون يوم كانوا يحاربون باقل منه ويتوقون للحرب باسلحتهم الجديده لان لهم ثأر سابق مع الجيش الشمالي!!

Quote: ناس ماسكين بلدهم جد واستنفروا كل ابناء المنطقه من خارج السودان خاصةً دول الغرب امريكا واستراليا وكندا ولندن..خبرات تعمل في صمت ونكران زات في البرلمان والمرافق المدنية والعسكرية ناس بتعمل بدون ضجيج وبصمت ومرتبات يمكن لا تقارن بمرتبات التي كانوا بتقاضونها في دول مهاجرهم.. وهناك من يقدمون دراسات للمجتمعات وكيفيه الخروج من الاشكالات من الازمات التي خلفتها الحرب.. وعن كيفية ان تتم العوده الطوعية للبلاد..ولهم لجان عن محاربه الفساد وبدات عملها منذ عام وتقوم بعملها بصوره ى اقل ما يقال عليها ممتازه ...الازاعه رايو (بخيته ) مثالاً يمكنك الاتصال مباشرةً وابدا اي راي في اي قضيه دون اي حجر عليك بلد بدات من حيث انتهاء الاخرين وبقوة وستشهد مدينه حوبا الكثير المثير في السنين القليلة القادمة في حالة انفصال ام وحده وستكون قبلة السودبنين من كل اتجاه يكفي الغناء عنها ...

Quote: عندما يضمحل شرف الامانة والمصداقية في نفس تراجي مصطفى كسياسية في زمان الغفلة وينضب ماء الحياء في كتاباتها المعطوبة والخربة فعلينا ان نتذكر قول ابوالطيب ومن البلية عزل من لا يرعوي عن طيشه وخطاب من لا يفهم

Quote: غريبة يعنى دينق بالله فى البلد ونحن ماجايبين خبر ولا كيف؟ ياعثمان نواى ماتستفز افكارنا... اى جنوبى فاهم او عامل فيها اتخارج ولو دفعت لى قروش مابيجى راجع... همهم زى الاخوة الاثيوبيين (المخارجة من البلد بس) وعندك دينق مثالآ وطراجى مثال آخر يمثل بقعة اخرى من السودان اى نعم جوبا تنمو بسرعة لكن بايدى اجنبية... يعنى كمية اليوغنديين والاثيوبيين والكينيين وهلم جرا ما تديك الدرب اذا انت مشيت السنة الفاتت انا كنت هناك الاسبوع الفات اتحدى اى جنوبى يجى يقول لى كلام غير كدا بعدين فى قناة اسمها Ebony بالله شوف ليك كم لقطة من الشكوى بتاعت الاخوة الجنوبيين من عدم توافر فرص العمل لانو الاجانب ماخلو للاخوة الجنوبيين حاجة... قصة العودة الطوعية دى معظم الاخوة الجنوبيين عارفنها ماسورة ابصم ليك بالعشرة الجنوبى الما غشيم لا تخطر على باله فكرة مغادرة الشمال اطلاقآ عارف ليه؟؟؟؟؟ لأنو اللقاهو هنا هناك لما يموت ما بلقاهو والعاشو منهم معانا اخوان لى يوم الدين يستحيل يبدلونا او نبدلهم والباقين حدث ولا حرج عصابات نــيــقرز وسيستم وجديع انسى بس ولا زول سألهم وزى ماكان بيقول لى واحد اخونا كدا امبارح انو الشمال بعد ما الجنوب ودارفور ينفصل حيجوع تقول القضارف دى فى اعالى النيل... اى جنوبى عارف كمية الحروب القبلية الحتدور فى حالة الانفصال فيا عزيزى مايترتب على الانفصال ثمنه غال جدآ الناس البتنبح فى المنبر دا ناس ضاربة الكنداشة فى بلاد من حيث كتبت انت لا علم لها بأرض الواقع عن شئ... مجردة دعايات نضال ضلت الطريق لا تمت للواقع بِصِلة لكن عارف شرحى دا كلو يمكن مايقنعك عشان كدا قالوا العِبرة بالخواتيم

Quote: الاخ محمد عوض سلام ارجوك الحوار ده يبقي كده بدون ما يدخل في الشخصنه حقيقي حاسي انك بتتكلم بصوره كويسه خاص عشان كده برد ليك مع كامل احتراماتي يا ود العوض انت مشيت جوبا قبل اسبوع لكن انا متاكد مشيت بعقل مغلق ومستفز اكثر من كلامي اللي بتسميهو استفزاز ده يا زول انت الوجعه حاره لانكم صورتكم نمطيه عن الجنوب وده البقي يتحقق كما زكرت تنميه وانا ديث عن الاشاء اللي بتحصل وعارفها بتحصل كيف وقريب جداً من اشاء في الجنوب ومن ولايتي هنا15 زول قاعد في جوبا ضباط في الشرطه والجيش والمرافق العامه وما عايزين يجو امريكا انت عارف بفهم شنو بالحساس هم اللي ح يغيروا البلد وما ناس حرب قبلها كانوا في الشرطه القوميه الوهم ديك اما وهمه الجنوبين ح يتحاربوا دي هي امنيه اكبر من واقع... اما بخصوص القضارف بتاعتك دي الي بزرعها ليك كان منو؟؟ بالتاكيد الجنوبي وبرضو لو اتخارج من الجنوب ما ح يمشي الشمال تاني علي حد قول عمك بتاع الحقن شوف مشاكل السودان بعد الانفصال وسيبك من حروب الجنوبين مع بعض دي...اما بخصوص العماله الاجنبيه دي البنقالة والصينين ديل من شندي ولا ح يتشلخوا تي.....علي الاقل الناس بتقدر تشتكي في الجنوب في التلفزيون بهناك في زول بشتكي لاخو حتي ...العمران في الشمال مربوط اصلاً بي منو؟؟؟ يا ود العوض الشمال بدون الخطاب العاطفي بتاع اخوانا ونبدلهم ويبدلونهاالجنوب فراقو حار وذو تاثير الا ان الشمال دوماً الجنوب لو انفصل ح وح وح دي وحوحات فراق ساكت... انت غير نظرتك المسبقه للاحداث واحكامك الانطباعية دي التي لا تنفصل عن شعور نا س كتيره في الشمال... اما بخصوص دينق وتراجي ارجو ان لا تقحمهم في حواراصلاً هو بيني وبينك ....انا زرت جوبا وكنت عايش في نص الاحداث ما عارف انت الاسبوع المضي كنت وين ما اظن في عمق الاحداث علي حسب ما ورد بتستقي تقيمك من قناة تلفزيونية... يا ود العوض معليش في التطويل لكن ممكن ارجع ليك بكتابه كبيره ما عشان اقنعك بس ح اسرد اشياء بعرفها بحكم ارتباطي بجوبا في المره القادمه شكراً ليك وارجو ان تدوم الموده يا محمد عوض اخوك عثمان نواي

Quote: اولا كلمه صادقه لكلم القاطنين بما تبقى من وطن اسمه السودان. لو انتو عاقلين باركوا هذا الانفصال ولنبدأ نفكر جيدا في كيفية التعامل معا جارتنا الجديده لان الآخرين سبقونا

Quote: تراجي مصطفى امراة تفتقد الامانة والمصداقية في تعاطيها مع العمل السياسي عموما ومرد ذلك الى الجهل المركب ومركب النقص الذي يجر عليها الاحتقار والاستخفاف من الناس .