|
جورج كلوني: يجب تجميد ارصدة وحسابات البشير للضغط عليه
|
البشير لا يحتفظ بامواله بالجنية السوداني.. انه يحتفظ بها في شكل يورو او دولارات وعليه يجب تجمديها للضغط عليه
الجنوبيين شعب كافح وناضل من اجل استقلاله ومن حقهم ان ينالوه
تابعوا اللقاء كاملا على قناة البي بي سي يوم السبت القادم الساعة 6 بتوقيت قرينتش
|
|
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
. .
الأخ / أحمد إبن عوف
صدقنى الشعب السودان ضايع بين الإثنين
حكومه خايبه أوصلت البلد لما هى فيه الآن والجاى افظع (( دولتين ))
عقليه غربيه لا تفقه فى الشأن السودانى شيئا.
أها البشير ده ممنوع عليه يزور أى بلد ، وبزوغات كده بديها خفسه لليبيا أو مصر أو إرتريا وبالكثير كده لتشاد
يعنى بالتأكيد ما عنده حسابات خارجيه ، زولنا بكون خاتيهم دولارات ويورو وممكن تقول كم كتله بتاعة ذهب.
. .
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: بشير حسـن بشـير)
|
الاخ حسن بشير تحياتي
Quote: يعنى بالتأكيد ما عنده حسابات خارجيه |
جورج كلوني اضاف : اننا نعلم انها مسألة قد تكون صعبة
الناس ديل ما بتكلوا ساكت، ديل اصحاب البنوك والانترنت وبكونوا عارفين ليك نمر تلفوناته الخاصة زاتو، خليك من حساباته
بس بطلعوها وقت ما بحتاجوا
والحديث اليوم سيكون: كم تبلغ ثروة البشير، ولو بالتقريب كده؟؟
على الحاج ما قصر وابا ما يخليها مستورة، وفت جزء من الكوميشنات
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
الأخ أحمد بن عوف ، تحياتى، صدقنى ياأحمد هذه خرابيط لا أساس لها من الصحة، الرئيس البشير لايملك ثروة سواء بالعملة المحلية أو العملة الصعبة، رجل بسيط ، يملك حوش فى حوش بانقا وهو ورثة، جورج كلونى دا عبيط ولا بستعبط، تفكيره بالطريقة الامبريالية الخائبة، على فكرة ياأحمد أنا ليس من مؤيدى الأنقاذ لكن أعرف الرئيس جيدا، مودتى .
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: عثمان نواي)
|
الاخ احمد تحياتي حضرت اللقاء مع كلوني وبرندرقاست بتاع منظمة كفاية برنامج لاري كنج في CNN وهو عندما قال ارصدة البشير لم يكن يقصد البشير كشخص انما يقصد البشير كمتحكم في اموال السودان الدولة اي ان دعوته هي لوضع اموال السودان كدولة وموارده تحت سلطة مجلس الامن (حالة العراق سابقا) ويبدو ان هذا ما سيحصل اذا حاولت الحكومة عرقلة اجراء الاستفتاء في الجنوب
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: عثمان نواي)
|
Quote: البشير لا يحتفظ بامواله بالجنية السوداني .. انه يحتفظ بها في شكل يورو او دولارات وعليه يجب تجمديها للضغط عليه الجنوبيين شعب كافح وناضل من اجل استقلاله ومن حقهم ان ينالوه |
والله دي حركة عجيبة خلاص .. الزنكلوني دا شغال في بنك البركة الاسلامي ..؟ طيب دقيقة واحده واحده كدا: - الزنكلوني دا شغال في بنك ..؟ ولو فرضنا شغال في بنك أو حتى قاعد يقرا لحدت الآن ما كمل تعليمو .. عرف كيف البشير دا بيحتفظ بي ضحاكاتو في شكل (صاجـات) ..؟ بي صورة أوضح: لو كان الزنكلوني دا شغال في البنك المحتفظ فوقو البشير بي قروشو في شكل يوروهات .. وأبو الجورج .. نفترض مثلا إنو شغال هناك .. هل دا بيتيح ليهو يطلع اسرار العملاء حقينو..؟ مثلا حسع دي زي ابو نعوف الكاتب البوست دا لو انا كنت شغال في بنك وبجي كل يوم بالصباح بدري يخت ليهو ريال في الحساب .. وبالنهار بدددررري يخت ليهو يورو في الحساب .. وقبال الساعة اربعة ونص عشان البنوك بتقفل هنا ما بتشتغل بالليل .. قبال أربعة ونص يجي يخت ليهو واحد بيزو ايطالي .. هل يستطع الزنكلوني إنو يجي بكرة الصباح يجيب لينا حركة الرصيد حقت ابو نعوف دا مرة بالريال ومرة باليورو ومرة بالدولار ..؟ .. السؤال الذي يطرح نفسو .. طالما انو (الزنكلوني) دا قدر يعرف إنو البشير دا يتفنن في ايداع الأموال .. مفروض كمان يجيب لينا كشف حساب بي تاريخ اللحظة .. لحدت لحظة كتابة البوست دا عندو كم ..؟
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: tmbis)
|
الاخ هاشم محمد الحسن تحياتي
Quote: جورج كلونى دا عبيط ولا بستعبط، تفكيره بالطريقة الامبريالية الخائبة، |
الامبرياليه عادت تحكم العالم مجددا عن طريق ما يسمى بالعولمه، وحقوق الانسان ... الخ لذلك فشل مشروع نأكل مما نزرع ونلبس مما نصنع فشلا ذريعا البي بي سي وبعد ان اوقفت الحكومة ترخيصها للعمل بالسودان ولا ادري ان كان لا يزال ساريا، قررت ان (تدق جرس) للبشير وحكومته سنتابع اليوم اللقاء كاملا ونشوف منطق الراجل اما كون البشير يملك اموالا ام لا، فممكن نسأل علي الحاج
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
Quote: جورج كلوني دا مااااا بتكلم ساكت اكيد اكيد الامريكان واجهزتهم الممكن تصورك وانت في غرفة نومك ديل بكونوا عارفين ليك عنده كم وخاتيهم وين |
.. دي فكرة كويسة .. الزنكلوني ما بتكلم ساكت .. معناته مالي خشمو ويدو .. ومدعمو مليانو دا بي الأجهزة البتصور الزول في اي مكان وعندو شنطة شايل فيها كاميرا فيديو ومنقاش يطلع بيهو الشوك من كرعينو .. طيب وجب هنا على الزنكلوني إنو يورينا بالضبط مكان القروش دي مختوته وين عشان كمان ما يبقى كلام ساااي بتاع أمريكان .. يجيب لينا صورة بي المصايب حقتم البتصور دي .. لي مكان داسي الحاجات دي .. ولو كانت الأجهزة بتاعتم دي بت لذينا كدا .. يجيب لينا الربط بتاعت الدولارات واليورو والفئات الورقية نحن اي حاجة عندنا بي نظام عشان ما يكون كلام خشم ساااي .. زي الكلام البجي بقولوهو لينا هنا دا استيف وملاذ .
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: tmbis)
|
الاخ محمد ابراهيم علي تحياتي
Quote: اي ان دعوته هي لوضع اموال السودان كدولة وموارده تحت سلطة مجلس الامن (حالة العراق سابقا)
|
انا انقل ما سمعته على البي بي سي وليس ال سي ان ان على العموم، وبافتراض ان ذلك صحيحا وهو يقصد اموال الدوله هل نستطيع اليوم ان نقول ونشير بوضوح اين اموال الدولة واين اموال التنظيم الحاكم؟؟ الكل في السودان يعلم ان اموال الدولة هي اموال المؤتمر الوطني و العكس صحيح اما اذا
Quote: اذا حاولت الحكومة عرقلة اجراء الاستفتاء في الجنوب |
فالاجراءات التي سيتخذها المجتمع الدولي كثيرة، اكثر من مجرد حجز اموال او تجميد ارصده
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
Quote: هل نستطيع اليوم ان نقول ونشير بوضوح اين اموال الدولة واين اموال التنظيم الحاكم؟؟ |
برضو ما فهمتني يا احمد كلوني عندما يتكلم عن البشير يتكلم عن نظام وليس عن شخص اسمو عمر البشير له حساب باسمه او باسم زوجته وعندما يتكلم عن اموال البشير لا يقصد اموال سرقها البشير وحولها لمنفعته الشخصية لانو لو بقت على دي الموضوع بسيط وما حيهتمو بيهو هو يدعو الحكومة الامريكية والكونجرس الامريكي للضغط على مجلس الامن لفرض الوصاية على السودان (في حالة عرقلة الاستفتاء او في حالة عدم الاعتراف بنتائجه) يعني اي قروش من عائدات البترول لا تورد للحكومة السودانية بل تستخدم مثل ما كان يسمى برنامج النفط مقابل الغذاء في العراق
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
الاخ علاء الدين تحياتي
Quote: السؤال الذي يطرح نفسو .. طالما انو (الزنكلوني) دا قدر يعرف إنو البشير دا يتفنن في ايداع الأموال .. مفروض كمان يجيب لينا كشف حساب بي تاريخ اللحظة .. لحدت لحظة كتابة البوست دا عندو كم ..؟ |
سؤالك في محله، واذا كان مذيع البي بي سي حصيف مفروض يسال الزنكلوني السؤال دا مباشرة من وين عرف ان البشير اولا هند قروش؟ ثانيا هي كم؟ ثالثا محتفظ بيها وين؟ لاننا كلنا محتاجين نعرف موش الزنكلوني براهو واذا ما جاوب ممكن نسأل علي الحاج، امكن هو الكلمو
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
الاخ محمد ابراهيم تحياتي فهمتك، وما زلت عند اجابتي
Quote: كلوني عندما يتكلم عن البشير يتكلم عن نظام وليس عن شخص اسمو عمر البشير له حساب باسمه او باسم زوجته |
اوكامبو عندما وجه التهم للبشير وجهها للبشير كشخص، وليس كدولة او رئيس حكومة وكان مصر على ان يردد، نحن نحترم حكومة السودان ونأمل ان تتعاون معنا ... الخ
وجورج كلوني ممكن يكون حب ان ينحى نفس المنحى، اي تحميل المسئولية المباشرة للبشير واعتباره طاغية يفرض كلمته على النظام في السودان حكومة ودولة.
تجريم الحكومات خطير وبقود زي ما قلت لعقوبات قد لا نحتملهاكشعب (النفط مقابل الغذاء) ومزيد من الحصار الاقتصادي والضغط الدبلوماسي ... ما زال المجتمع الدولي يعامل كوارث السودان باعتبارها من صنع هذا الرجل وحده وفي نظري هذا جيد، لانو بعدين الخير بخص والشر بعم لماذا برأيك لم يصدر البرلمان اي قرار بشأن التعامل مع موقف الرئيس من المحكمة الجنائية؟؟ يلحق البرلمان السوداني يصدر اي تشريع او قانون يحاول فيه معاندة المجتمع الدولي حينها سينسى اوكامبو وكلوني واوباما امر البشير، وتحول القضية ضد حكومة السودان وحينها سيعلم الجميع بما فيها المؤتمر الوطني انهم بقو في امرا ضيق
وانا عندما اتحدث عن البرلمان فانني اتحدث عن البرلمان الجديد، المنتحب فالقديم له ان يصدر ما يصدر من بيانات وقرارات ولن نسلم ولن نفعل، لكن احدا لم يكن يعبأ بهم، فقد كان برلمان معلوم للجميع انه معين. ولكن البرلمان الحالي برلمان منتخب (مخجوج ما مخجوج) فهذا لا يهم المجتمع الدولي لذلك بصم كارتر بالعشرة وشهد غريشن (قرب يحلف طلاق) انها انتخابات نزيهة. ليس حبا في البشير ولكن لمزيد من شد الحبل حول عنق البشير وحكومته. قل لي بالله عليك يا اخ ابراهيم، لماذا البرلمان السوداني الى اليوم في سبات عميق؟؟
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: ود الباوقة)
|
الاخ ود الباوقة تحياتي
Quote: كمان جابت ليها كلوني .. |
كلوني زار دارفور اكتر من مره (على ما اعتقد) وزار الجنوب مؤخرا
لا اعلم عن امرك، لكنني لم ازر درافور في حياتي، لا لمن كانت كويسه او كما هي عليه الآن، فمعرفته بدارفور ستكوت قطعا افضل مني ومن تراجي وقد تكون منك ايضا
هل زرت دارفور يا ود الباوقة بعد الاحداث الاخيرة، يعني من 2002 الى 2010 ؟
| |
|
|
|
|
|
|
Re: جورج كلوني: يجب تجميد ارصدة وحسابات البشير للضغط عليه (Re: أحمد ابن عوف)
|
ود الصايم تحياتي
Quote: ح يضغط عليها كييييييييييف؟ |
على ما اعتقد انك داير تقول ح يضغط عليه كيييف اقول زي ما ضاغط عليه اوكامبو بقصة السفر دي
جورج كلوني بلعب دور مرسوم ليهو، او كما قال هو شخصيا، ما انا الى مكبر صوت للاحداث، فانا لست بسياسي، انا فقط Amplifier
الضغط في مسألة القروش دي ح تأثر في البشير كيف؟ ما عارف، لكن ممكن اقول ح تبدأ كيف اول حاجة لمن البشير ومساعدينه يسمعوا بالكلام دا، وفرضا فرضا عنده قروش مدكنه بي هنا وللا بي هناك، اول حاجة ح يعملوها انهم يسحبوا القروش لو كانت موجودة في حسابات وبنوك الامريكان ديل يقدروا يصلوا ليها، ويمشوا يختوها باليوان في الصين مثلا، المهم، خبر زي دا، لن يتعامل معه المؤتمر الوطني باسلوب الاستهزاء والسخرية كما تعاملوا مع قضية المحكمة الجنائية لمن الفاس وقعت في الراس.
| |
|
|
|
|
|
|
|