|
|
|
 Re: مشاوير آخر الليل ... الي خدر وهو يستبيح سماء الخرطوم (Re: خضر حسين خليل)
|
Quote: اني أشهد ايها الناس أن لخدر صوت لا يقاوم صوتٌ يفيق خلجات القلب يدخلك عبر المسامات تسكن رئتاك واوردتك ـ صوت يعيدك لنواحي الانسانية التي افقدتك اياها فنانو وفنانات (الجيل السادس عالي السرعة) افقتني وقوم كثر يا طارق يا ابوعبيده افقتنا والله وانت تستبيح ليالي الخرطوم بحضورك السمح الوسيم .
|
اللهم هل بلغت اللهم فأشهد
خضر ياجميل انت عارف خدر ده جمل ليالينا
| |
  
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: خضر حسين خليل)
|
!!!
وهبة بتاعات شنو في الحر دا ياخ ..!!
كانت ليلة لا تنسى ..
والله يا خدر وصلت وأنا في قمة الإنتشاء من اليوم ..
زي ما بيقولوا (سكران بدون خمرة) ...
وأنا راجع شعرت بجوعة شديدة وأخوك عزابي اليومين ديل ..
غشيت أبو حمامة طلبت لي طلب فراخ مشوي .. الجرسون سمعني غلط جاب لي فرخة كاملة !!
قلت ليهو حرم ما بترجع .. نزلت فيها بي ثقلي كلو فرتكتها خليتا ليك زي كربريتر الكريسيدا ..
كلو قطعة في حتة ..!!
بعد شوبة شعرت بي عطش شديد ..
طلبت من الجرسون بيبسي برضو فهمني غلط جاب لي كرستالة كبيرة ..!!
قلت ليهو حرم ما ترجع .. وقعت فيها نوووطك نننييطك .. نوووطك ننيطك إنتهيت منها كلها ..
غايتو لحدي هسي أنا بترع ..!!
| |
|
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: ناذر محمد الخليفة)
|
والله بالغت لكن ياناذر ههههههه
انت الوداك ابو حمامة شنو ياناذر
انت عارف الحركة العملها ليك الجرسون غالباً تكون مقصودة
انا ملاحظ الحركة دي في المطاعم ليهم فترة
تمش تقول ليهم بالله واحد فول واتنين شطة
يجيبوا ليك وانت قاعد في محلك واحد كبدة واتنين شهية
وفي النهاية الواحد بلقي نفسو امام الامر الواقع
بالهنا يا ناذر
| |
|
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: طارق جبريل)
|
يا خضر
" ونحن نحب الحيالة اذا ما استطعنا اليها سبيلا ......"
أو كما قال محمود درويش !
خطر لي وانا اكتب هذه الكتابة مقطع قد\يم لقصيدة قرأتها قبل زمن بعيد : كانت الخرطوم واقفة علي ساق تغني ....
اظنه للصادق الرضي ان لم تخني الذاكرة ....
تسمع طارق ابوعبيدة فتنتشي ويأخذك الجمال ، ثم انك ولا شك ممتن لاولئك الناس الذين جملوا وجه هذي البلاد بالكلمات الجميلة والشجي والشجن : ما بين ظل الايك ... ونفحة الياسمين
الي لدن : أرميهو يا خية !
بعدها عليك ان تواجه واقعك القبيح ممن لم يقدروا اغنياتنا يوما فلم يقدرونا تاليا ، ومن ارتفاع سعر الرغيف وكيلو الطماطم !
شكرا يا خضر وياخي سعدت خصوصا بمقابلة قمربوبا وجها لوجه ......
| |
|
|
|
|
|
|
|
|
 Re: مشاوير آخر الليل ... الي خدر وهو يستبيح سماء الخرطوم (Re: خضر حسين خليل)
|
غايتو الزول دا بيبالغ ....
يا ريت يأخــى الواحد كان عرفو فى مكان غير المنبر دا ...
عندو حاجــة عجيبــة فى صوتو وكت يفكو ما عارف ليــه بذكرنــى بـيه محمود على الحاج ( بتاع الحقيبة )
رنــة حــزن عجيبــة وغريبة
والغريب كمان حافــظ ومتذكر حاجات عجيبة الزول الا ينحــت فى الذاكرة كـدا حتى يلقاها ...
الصقــت أذنــى بعوده ثم استلقيــت استقبل ما يدندن بــه
اسعدنــى جدا اسعاده للاخت الكريمة اشراقــه مصطفــى الى درجــة الفرح الطفولــى
. وسطر جديد
كمان المحيرنــى الزول دا قال طالبنــى حاجات كدا ليها عشرين سنــة وقال ما عندو مانع يدينــى اغنية
لحــن قصيدة ...
شكراً يا خــدر ياخ
وشكرا يا خضــر ياخ
قايتو الشوايعد ديــل بــس يطلعو ليك من ( عباس ) بيبقو حاجــة ما بتخلــص
| |
|
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: بدر الدين اسحاق احمد)
|
حتي ان (ميمي) صاحبي كان يشاغلني
إنت متأكد من الإسم، ولا غلطان في الصفة والفعل
-----------------------------------------
| Quote: اني أشهد ايها الناس أن لخدر صوت لا يقاوم صوتٌ يفيق خلجات القلب يدخلك عبر المسامات تسكن رئتاك واوردتك ـ صوت يعيدك لنواحي الانسانية التي افقدتك اياها فنانو وفنانات (الجيل السادس عالي السرعة) افقتني وقوم كثر يا طارق يا ابوعبيده افقتنا والله وانت تستبيح ليالي الخرطوم بحضورك السمح الوسيم . |
وانا معك من الشاهدين
| |
|
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: خضر حسين خليل)
|
خضر : سلامات واريتو حالك زين
شكرا علي لطافة ردك بس في ظروف بتمنعني من الحضور ...لكن لازم اداخل لان الجلسه كانت مستفزه لدرجة الجرسه.
خضر : احب ان اسجل هنا اعجابي باسلوبك في الكتابه ومنذ مداخلاتك تللك في بداية رمضان ودق الجرسه الذى جعل بعض اهل القرى يتكالبون عليك وانا كنت واحده منهم لان الموضوع كان شيق وحاولنا نرفه عن نفسنا شويه في نهارات رمضان تللك
المهم انا كنت مستمتعه بتلك المساجلات للغايه وما حدث بعد ذلك اني في يوم 16 رمضان فقدت شقيقي الحبيب ( محمد) ....ربنا يرحمهم ويغفر ليهو.
الظروف ما لمتنا ببعض لكني سماعيا اعرف عنك الكثير كرطاني وحبيب وصديق اصدقائي ...كدى اسال ازهرى.
اتمني يا خضر انت تكون مادام ساكن الكلاكله وبترطن بتكون بتعرف اعظم شخصيه قابلتها في حياتي والذى اتمني ان يكون بخير وعافيه حتي التقيه(( محمد احمد عبدالمنان)
تحياتي له وتحياتي لاسرتك وتحياتي للمدام ولكل الرطانه من صوارد وحتي عبرى وجزيرة صاى ونلوته و.....الخ
| |
|
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: قصي مجدي سليم)
|
قصي ازيك ياخ ازيك
ضحكتني والله
يازول انحنا اي زول اسمو محمد بنسميهو ميمي تيمناً (بميمي صفية) وهو سواق عريق
من أوائل سائقي اللواري وهسي كان ما اخاف الكضب سايق ليهو بص سياحي (الخرطوم عبري حلفا)
وميمي صاحبي ده برضو سواق (سواق احلاك ياقصي) .
يازول انت قاعد في البلد دي والواحد مالامي فيك ـ نجيك وين ياخينا نجيك وين ياقصي .
مودتي
| |
|
|
|
|
|
|
|
|
|
Re: مشاوير آخر الليل ... الي خدر وهو يستبيح سماء الخرطوم (Re: معاوية عبيد الصائم)
|
خضر يا وغد.. ياخ ما قلنا ليكم مربوطين في السرير .. وناس الكرين كراعهم ما انقطعت من الكلاكلةرغم بعد المسافة .. وحتى وهبة قطع المشوار من الشعبية .. وسبقتهم انعام حيمورة وزوجها واشراقة .. وانت يا ما عندك خوة قاعد على بعد خطوات وسايق خدر ولافي بيهو ..طبعا الحارقني انو خدر يجي ويمشي وما الاقيهو .. انت طبعا متوفر ..
| |
|
|
|
|
|
|
| |
خضر حسين خليل
Yassir Tayfour
ناذر محمد الخليفة
عبدالوهاب علي الحاج
معاوية عبيد الصائم
طارق جبريل
GamarBoBa
Elmosley
بدر الدين اسحاق احمد
قصي مجدي سليم
Ahmed Abdallah
محمد عبد الماجد الصايم
ريهان الريح الشاذلي
بخاري عثمان الامين
معتصم محمد صالح
فيس بوك
تويتر
انستقرام
يوتيوب
بنتيريست