|
|
|
 Re: محجوب شريف .. او متى يعتلى الشاعر درَج الغمام (Re: khatab)
|
أساتذي الفاضل خطاب ..
حقيقة كانت أمسية رائعة ..
وكعادة بيت الفنون والمايسترو طارق .. دائماً لا يرضون إلا بما فوق السحاب ..
لقد كان لي الشرف أن ألتقيك لأول مرة .. وكانت فعلاً أجمل أمسية لـ "خيوت التلاقي" ..
واستمعنا لأشعارك الجميلة والرائعة روعة الليلة نفسها ... وأنت تجالس العملاق محجوب شريف وهو يبحث عن الفرشاة الضائعة .. والدكتور الرائع عمر محمود وهو بصحة وعافية كالعادة ..
تحياتي لك ..
والتحية لبيت الفنون الذي جعل ذلك ممكناً ...
| |
 
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: صديق عبد الجبار)
|
Quote:
لقد كان لي الشرف أن ألتقيك لأول مرة ..
وكانت فعلاً أجمل أمسية لـ "خيوت التلاقي" ..
|
الاخ الكريم صديق عبدالجبار
شرف الله قدرك دوما ياعزيزى
لقد كانت امسية .. خيوط التلاقى ..
حقا ً
نولا زاخرا بكل الخيوت
مااروعها امسيه
نسيج وحدها.. وفى عبارةٍ اخرى
نسيج حقيقى لوحدة الانسان السودانى
وقدرته على تجاوز المحن والازمات
أمسيه
يقول فيها شاعرنا محجوب
: انا ما عملت حاجه والفكره والفضل
يرجع لعبدالله كير وفرقة نفاج
لهم التجله ولكم عظيم الوعد
.
.
| |
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: معاوية عبيد الصائم)
|
معاويه عبيد
ياخ سلام كتير
عرفتك تلك المداخله ما نقشته
- صاحب البوست سلام - قلت اهو كلام
كقولك ياسيد العربيه عربيتك لبنيه
اما بخصوص العُمره فاظنها طولت شويتين
تلاته حجات .. وح جاتك فى مالك !!
سلفتك .. السربعه كيف !
وبالمناسبه .. كتشب وزير شِك ملك
تحايا يا صديق لمكدونالد بطرفكم
اشواق محمد احمد العربى اشواق
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: khatab)
|
عليك يا خطاب
تقول لمحجوب عثمان عبدالرحيم يسلم عليك كتير .
والله يا خطاب سنة 1977 كنت حاضر تلحين هادا المقطع الشامخ
من أغنية يا جميلة ومستحيلة . المقطع البقول :
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتو فى صم الحجارة .
__
يا أخى يا أخى ما ممكن .
تحياتى يا عزيزى
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: Osman Musa)
|
Quote:
يا أخى يا أخى ما ممكن .
تحياتى يا عزيزى
|
ود موسى يا ارباب
يا اكتر زول كلامو بشبه ونستو
ليك وحشات شديده
صاحبك مع الجرمان اليوم او لسه فى الطريق
لفتره ويعود ..
بين جميله ومستحيله وعشه كلمينا ميرى ذكرينا
صلات حميمه بس مع جماعة عبدالله كير
صارت اوضح واقرب للنفس السودانى
الطالع
فى مواجهة الاسئله الكبرى
مثل اختبار الوحده والانفصال
او كما قال محجوب شريف
.
معزتى التى تعلم
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: khatab)
|
ود مريم محمود البديع
محجوب شريف يا سحاب خريفنا وشمسنا
ياسمح الخصال يا حبنا
يا شعبنا الذى احببت
ماخذلتنا ولا مشيت ورا الضلال تركتنا
ياك حبنا وعشقنا وامنا وساعة الحارة حضننا ومستقرنا
يا بلدنا واهلنا وشملنا
نضارة العيون تشوفنا تعمنا
يا حبينا واخونا وخالنا وعمنا
سيفنا ودرقنا وشيال تقيلنا وهمنا
لكم احبكما يا هؤلاء الاولاد احبكم واموت فى لحظة واشوفكم
كاتلنى شوقكم
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: سلمى الشيخ سلامة)
|
الاستاذ خطاب حسن احمد
(يعلم الله ماعرفت اكتب شنو قبل اسمك ,, قلبنى عدييييل والله ) كتبت استاذ
مرات كدا الزول بتكون بتريدو شديييييد بتتكبكب لمن تكون عاوز تناضمو ,, انا مالقيت غير
الاستاذ دى ماوصف .. لكن تادب (مهذب امامك يكون الكلاااام )
تعرف :
نحنا اتربينا على حبكم ,, مصطفى يا استاذ خطاب ,, علمنا حبكم وحب حرفكم وفات وخلى جوانا
الحب دا ..
ربنا يديك العافيه ,, يااااااااخ
*************************************************************
كنت قاعد انا فى اليوم دا ..
قلت اسلم عليك .. برضو قلبنى ,,
مافى ناس كدا بتحس انك بتتحرق بى وهجم مش ,, بيفرحو قلبك لو شفت حروفم ,, سمعت غناهم
قريت كلامم وما تقدر تقرب اكتر من كدا
***********************************************************
الاستاذ محجوب شريف وطن مافى حروف تكفى الزول يكتب عنو
انا جيت اسلم عليك هنا .......
واخلى الجمال دا
فوووووووووووووووووووووق
تسلم ياخ
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: اسلام عبد الرحمن عمر)
|
Quote: حنبنيهو البنحلم بيهو يوماتي
وطن شامخ
وطن عاتي
وطن خير ديمقراطي
وطن مالك زمام أمرو
ومتوهج لهب جمرو
وطن غالي
نجومو تلالي في العالي
مكان الفرد تتقدم
قيادتنا الجماعية ِ
مكان السجن مستشفى
مكان المنفى كلية
مكان الأسرى وردية
مكان الحسرة أغنية
مكان الطلقة عصفورة
تحلق حول نافورة
تمازج شفع الروضة
حنبنيهو |
محجوب انسان بقامة وطن له التحية
شكرا خطاب
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: ناصر المحسى)
|
العزيز ناصر
شكرا على المرور الطيب
واشكرك والمتصفحين للتأمل
فى هذا المقطع
:
.
.
رستُم ابيضانى
بيتر اسودانى
احمد لونو قمحى
سوسن لونها خاتف
من لونين بريق
قالت عزه سمحه
قالت ميرى سمهه
قالت عشه سمحى
اكتبى اقرى وامحى
مجدا للنساء
نحن تحت ظلالن
قمنا مكرمين
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: اسلام عبد الرحمن عمر)
|
Quote:
مرات كدا الزول بتكون بتريدو
شديييييد
بتتكبكب
لمن تكون عاوز تناضمو ,,
انا مالقيت غير
الاستاذ دى ماوصف .. لكن تادب
(مهذب امامك يكون الكلاااام )
تعرف :
|
يا اسلا م
ياخى
شكرن كثيرن
او كمااعتاد
حبيب نورا
..
ياخى انا
زول الله
ساكت
ساكت
.
.
المره الجايه
بفتش عليك
وبساعدة القوات
الصديقه
بلِم فيك
.
.
تعظيم سلا م
لكل هذه
المعزه
التى تجعل
للوجود والعطاء معنى
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: سلمى الشيخ سلامة)
|
Quote:
ود مريم محمود
البديع ..*
محجوب شريف
يا سحاب خريفنا
وشمسنا ..
|
*
اجازة التدخل فى الاصل رهن الاتفاق
مع السيده .. ام واخت الحبايب
سلمى الشيخ سلامه
*
حقوق القطع اللخدر
محفوظه لك ياسلمى
.
لذا وجب التنويه
*
القطع اللخدر
هو
: الشعرالذى يُنجر
للتو واللحظه
.
والله اعلم
.
.
ما اروعك ايتها
السيده
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: صديق عبد الجبار)
|
لكم
لسلمى ومعاويه
عثمان وصديق
,
لشمت ومحجوب
,
ولبيت الفنون
وكوكبته
وابوالفنون
المسرح
بتناقضه
الولود
اتحاده ومهنه
التى لاشغل
لها
المسرح
ردالله
غُربته
ولوزارة الثقافه
اعانها الخالق
والنفس اليمقراطى
المزعوم ,
وللتخطيط الوزارى
الحديث ,
ولكل انواع الوزارات
دوله
اقليمى
اتحادى
والعاملين
على شئونها,
بكل القطاعات
المخصخصه
والمخسسه
والتى نُذرت
للسوق
,,,
وللقادمين
من كل صوب[
وحين
.
.
نرفع هذا الجمال
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: khatab)
|
خطّاااااااااااااااااااااب
آه .. آه .. أنا أه ... آه
كل التحايا و الأشواق لهذا العقد المنضوم
للشريف محجوب مليون سلام " أحرمونى و لا تحرمونى ... سنّة العشاق السلام "
آه يا خطاب " تانى مافى كلام "
مودتى و أشواقى لكل من مرّ من هنا
أفتقدكم كثيراً و كثيراً جداً
لكم و للماجد محجوب شريف كل الحب و التحية و السلام !.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: فيصل الباقر)
|
تعرف ياخطاب انى ما كنت عارفة انه الاغنية دى كتبها محجوب فى الاول
لكنى حسيت بيهو
عرفت انه دا كلامه بشبهو
حقو لغته انسانيته
الله عليك يا ابو مريم ومى
يحفظك ويخليك لينا
ضروة وجدار يحصنا ضد نزواتنا
ضد انفسنا وكت تنغزنا وتهمس لينا ننسى الناس الحبيناهم
سلاما يا ابو مريم ومى
يغتيك ويضاريك ويفوت الليل يحجيك
وتتسهل عليك محل ما تقبل يا العشا اللبن الحليب الصافى زى نيتك
يضاريك من عاديات الزمان
الى ان الاقيك الفرح ينتم
وننضم جدلة الافراح وتلبس كم بنياتنا
يا ايها المغوار لكم اهواك واخشى عليك من الانسام
يا بسام
يا كلاّم وماك نضام
كلامك زى نسيم الصبح فى الروح الصحت يا داب
مع طلعة شمس البلد تتمغى وتسالم اهل كل الدار
حباب وسلام
يا انسام بشيش ما تالمى الولد البريدو بشيش
بشيش يا دنيا دا الجرتق وعديل السمحة وفال البنية تمام
محجوب حبيبى الله يخليك ويغتيك ويضاريك ويطرح البركة فيك ويجعلنى من احد حواريك
اغسل ليك ادياتك وامسدك روحك التعبانة من هم العباد والناس
يا حبيب الاهل من جم اقعد فى العافية تتولاك
ويامريومة ياميون يا اميرة البنات خلن بالكن من سيد السماح ابدا
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: سلمى الشيخ سلامة)
|
Quote:
كلامك زى نسيم الصبح فى الروح الصحت يا داب
مع طلعة شمس البلد تتمغى وتسالم اهل كل الدار
حباب وسلام
|
بت الشيخ ياحنينه
غايتويا سلمى ماتحبى ليك زول
اليشيل شيلتو بس
ماتخلي ليو صفحةً
يقبل عليها
من المحنه
.
.
نحن بنحب شاي الصباح
والمُغربيه مع العيال
.
.
ليك كل المعزه يا ام عزه
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: Hassan Senada)
|
Quote:
الدم شلال ... السد ارواح
الموج اترنح فى الحلال
اتراح اتراح
شهداء حياتم يالله
تلال وظلال
ومعيشة حلال ....
وضمير مرتاح
|
العزيز حسن سناده
مااقساها من مأساة
ومااحذق محجوب
فى صبها
منصهرةً
على قوالب
يعرف هو فقط
مدى جاهزيتها
على الاحتفاظ
بالنار
وروعة البريق
ما عاش الناس
مجرى النهر
السهل , الجبل
او اعالى الصحراء
.
.
فهنا يا سناده تختبئ
المرثية
ونهر البكاء
لاحظ معى
الاح .. منذ ارواح
وانظر حرف الحاء فى
نح فى الترنُح وفى الحلال
حتى يتم تكثيفها فى اح .. اح
فى اتراح اتراح
يطول الكلا م ايها العزيز هنا
لكنك لا تشبع من هذا التكثيف
تتبع تلك القدرات الغنائيه
فتتجمل المأساة ويسموعلى مكابدتها
الانسان
فتجمع بين الحزن .. تخليد السيره
والترحم والتجمل بالايمان ومن ثم
الصمود والوقوف برغم الجراح
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: khatab)
|
متى يعتلى الشاعر
درج الغمام ..
كيف يامحجوب نظرت للكون من حولك اول مره
كيف راقبته وانت بعد طفل .. حركة اوراق الشجر البيتى فى السهله
تلاعب الاغصان الرفيعة وحركة الهواء الخفيفه , اصوات دجاج البيت
صباحا او فى الضحى والى اين سرح بصرك فى حط او طيران الحمام
وكيف كان يبدو لون القمرى وضوء شمس الصباحات او الاصيل
كيف كنت توقع دندناتك قبل النطق وايقاع حبات الماء تلك
المنتظمه على نقاع الزير
وكيف حبيت .. كيف وقفت وكيف مشيت
وكيف الى الطريق مرقت
وهل لعبت كما لعب
الانداد
ام كان لك شكل وقانون لعبك الخاص
وما علاقتك بالكتاب المدرسى
شكل كنبتك والاتراب فى الفصل
الحبر السائل والريشه
وهل كان يتبلل الجلباب
حصة الاملاء وحثة الرسم
التاريخ هل كان الشخوص يمرقون من حكي الاستاذ
ليحوموا فى الفصل ام كانوا فى كل الاحوال
لايخرجون ولا يتحركون
قل لى يامحجوب
اي طفلٍ كنت
سأدوش رأسك بالاسئله
حتى اصل الى منبع
النهر
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: khatab)
|
.
قل أنت يا خطـّـاب للتاريخ
أيّ مستمع أنت؟
و كيف "إستهلكنا" نحن أشعار محجوب، متعة سالبة، و أتيت أنت تغوص في تاريخ طفولته كجلسة التحليل النفسي، كيف رضينا، معشر قرّاء محجوب و معجبيه، بأن إكتفينا بفهم ما تيسر من سهله الممتنع، و اخترت أنت تسـلـّـق قمة صديقك المحجوب و حروفه الشاهقة..أنت أيضآ تحتاج لحـفـّـار ماهر، لا لأعمالك الفنية فحسب، بل لنتعلم منك كيف "نرى" الوطـن من أبواب متفرّقة..
عسى الله أن يأتنا بكم جميعآ...
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: خدر)
|
تحياتي
أو ليس محجوب شريف معتلياً درج الغمام الآن؟؟؟؟
تحياتنا لي محجوب شريف من على البعد!!!!
وهو لا يكف عن التغريد حتى داخل الزنانزين (مساجينك... نغرد في زنازينك)!!!!
وهو فعلاً قد أعتلى درج غمام الوطن الكبير قبل التشقق!!!
له ولك التحية
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: جعفر خضر)
|
Quote:
التحية لمحجوب شريف الربانا
مشتهين نشوفو في القضارف
التحية لك خطاب
|
العزيز جعفر
لك التحيه ابتداءا
ونتمنى لكم ما تشتهون
يا سلام على القضارف ياعزيزى
كم التطواف فى تلك الربوع التى هى ليست
بالبعيده , لكنها المشاغِل
رحله للشرق الحبيب
تبتدر بها وتحوم ما طاب لها التطواف
لك خالص الود
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: عبد اللطيف عبد الحفيظ حمد)
|
Quote:
تحياتي
أو ليس محجوب شريف معتلياً درج الغمام الآن؟؟؟؟
تحياتنا لي محجوب شريف من على البعد!!!!
|
العزيز عبداللطيف
حول سؤالك
أوليس ...
الجواب
: بلا
اي اجل او نعم اذا احببت سيدى
ولكن للفعل المضارع تلك القدره رباعية الدفع
ومحجوب ينتمى لهذا الفعل مصطحباً عظمة الماضى
وانقى تجليات الانسان السودانى حال افصاحه
عن الحال ثقافيا ومعرفيا
ومستشرفا رحابة القادم
فلك منا يا صديقى
مُضارع الود
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: خدر)
|
Quote:
سلامات يا فنان
تلفونك قصدني عديل (او كما قال الغناي)
اظنك طيب غي الخرطوم , متابعك من بعيد
|
تتذكر يا مولانا
خِدِر
حين علمتنى
(الاقتباس )
اول الاسافير ,
وتعبت معى
ايماتعب
!!
ياخى تلفونى
مازال
سن الغزال
ويا
راقصه
بين
عينى
وبين
عين
الشمس
..
*
انت كيف
تعمل تلفون
او ..
وترمى لينا
غُنى
.
.
| |
|
|
|
|
|
|
|
|
|
Re: محجوب شريف .. او متى يعتلى الشاعر درَج الغمام (Re: الطيب بشير)
|
العزيز الطيب بشير
لقد احترت حقاً فيماذا اقتطع من مداخلتك الجميله والمربكه فى حين
انا يا صديقى لم افعل سوى التحاوم حول هذا الرجل النادر
الذى يموه نظرتنا اليه بعفويته وعاديته المُحنكه
رجل يطوق مجتمعه السودانى بحبٍ لا يضاهى
يلف جدائل العشق قوس قزح حول خصر خارطة
البلاد
استن للفرد فينا قانونا جديدأ
مجيبا على الاسئلة المرهقه مثل سؤال الهويه
باستخراج بطاقتنا السودانيه
الاسم الكامل انسان
الشعب الطيب والدى
ويمضى فى التعريف بنا على لسان فناننا
عبداللطيف عبدالغنى ليحس الانسان عند
محمد منير انه معنى بهذه البطاقه
فيرددها على الملأ
...
...
... والقلب مساكن شعبيه
اي قلبٍ هذا يالطيب
!!
اي رجل هذا الذى يحمل فى مخلايته
نافوره وقلم وكمنجه ومسطرينه وحليب
ليجمل العالم
ماسحا من عالمنا السجون والحراسات والزنازين
مشيدا للمستشفيات والمدارس والحدائق العامه
اي رجل هذا يالطيب الذى يكح من الالتهابات
ويرسل حملاته للعلاج المجانى لاطراف المدن
ليستشفى الناس فيتعافى طفل اوشيخ اوامرأه حُبلى
فيحس بالارتياح وينام فى سلام
كل هذا يقوم به الرجل ومن اّمنوا بقداسة رسالتهم
من اطباء وفنانين فى وقت تستشرى فيه المستشفيات
الخاصه وتجاهد فيه مراكز العلاج المدعوم وتفتقر
فيه المستشفيات الرسميه الى مقومات عديده للقيام
بواجبها على الوجه المطلوب
وعن المدارس ومجانيته حدث ولاحرج
وعن موقع اهتمام الجهات الرسميه
من التوعيه والثقافه والفنون
يمكنك ان تحدث بذات الطريقه
او احرج
..
لذا احاول الاقتراب والتصوير
مع سبق الحب والترصد
له ولك الورد
.
.
| |
|
|
|
|
|
|
| |
khatab
معاوية عبيد الصائم
ياسر بيناوي
Osman Musa
Elmosley
صديق عبد الجبار
فاروق أبوحوه
Tumadir
سلمى الشيخ سلامة
ناصر المحسى
ضياء الدين ميرغني
كمال قسم الله
على عمر على
الطيب بشير
خدر
عبد اللطيف عبد الحفيظ حمد
خالد العبيد
فيس بوك
تويتر
انستقرام
يوتيوب
بنتيريست