|
|
 عدد خاص اعجبنى جدا طلبة الجامعه ناس البوش الطعميه
|
والله كلام جميل يا اولاد نعم اكلو البوش والطعميه وفى ناس تحسبهم اغنيا من التعفف
يا سلام الحلقه جميله يابونى يا منى
والله انا بكيت اعجبنى السواد الاعظم ما زال بخير من ابائنا الطلبه
اتمنى ان تكونو كدا وتصمدوا امام الغلا فى كل شى
وراكم بيت ضحى وراكم اب مات او فقير وراكم ام شغاله
حتى ترفعوا الراس انا اقول مازال الوضع بخير
لكم التحيه يا ابناء المستقبل
|
|
 
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: هالة الأقرع)
|
Quote: الأستاذ خالد المحرب
أسعد الله صباحك
تابعتوا الآن مع الوالدة
و دار حديث بيني و بينها و لسى ما إنتهى
قررت هي نتموا بكرة لأنو النوم داهمها
لأنو قلّب علي ذكريات كثيرة جداً
لي عودة للبوست برواقة عشان أعكس ليك
جانب تاني من الجامعات الخاصة عن تجربة
من حيث البوش و البِرجر الفيتا و عصير الكوكتيل
كل الود و الإحترام |
الابنه هاله صباح الخير
الموضوع شدانى شديد وانبسط انو لسى الدنيا بخير
ما السو البقولوه الناس عن الطالبات انهن ما عايشات الواقع
بتاع اهلم
شكرا على المداخله ومنتظر ين البافى
والتحيه الى الوالد والولده
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: خالد المحرب)
|
يا خالد،
بقدر إحساسي بالتقدير والإحترام لهؤلاء الشباب،
الذين يذكرونك بعظمة شعب بلادي مرفوع الرأس دوماً،
أحس بالإحتقار لأبناء الفقراء ،الذين
لولا مجانية التعليم ، والداخليات التي
{وتهم وأطعمتهم ، من عرق كادحي بلادي ،
ما كانوا ليصبحوا شيئاً مذكوراً ،
يغلقون الداخليات ، ويمنعون الماعون
عن أبناء كادحي الوطن.
هؤلاء الشباب ، عزيزي ، هم
بشرى غدنا المشرق الجميل.
تحياتي
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: خالد المحرب)
|
والله كلام جميل يا اولاد نعم اكلو البوش والطعميه وفى ناس تحسبهم اغنيا من التعفف
يا سلام الحلقه جميله يابونى يا منى
والله انا بكيت اعجبنى السواد الاعظم ما زال بخير من ابائنا الطلبه
اتمنى ان تكونو كدا وتصمدوا امام الغلا فى كل شى
وراكم بيت ضحى وراكم اب مات او فقير وراكم ام شغاله
حتى ترفعوا الراس انا اقول مازال الوضع بخير
لكم التحيه يا ابناء المستقبل
شايل عناكليبك وقادل
ات قايل البلد ما فيها مفتش؟
يفتش .......
| |
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: طارق ميرغني)
|
Quote: يا خالد
تحفز الاولاد ياكلوا البوش والطعميه وانت من اكبر عشاق اللحم الاحمر
وبالاخص السواكني يا برجوازي؟؟
لكن بالجد اعجبتني المراه المناضله التي تعمل الاكل
وقالت انها تدين الطلاب وتدفع احيانا بعض مصروفات الجامعة لبعضهم
وهذا قل ما يحصل في اي حته في العالم |
طروقى العسل ات لانك عامل رجيم حاسدنى فى لحم السواكنى دا
ات عارف يا طارق والله شباب يحسسوك بالامل والمستقبل
وسودان امس سودانى اصيل لابسرق ولابدورا عن الاخر
ظهروا الان انصاف الرجال من اعطاهم الله مال بقوا يبتذوا به
به الاخر ويفسدوا فى الارض وهم ليس رجالا
لك التحيه طروقى اخوى وانا ناوى اخرب ليك الحميه بتاعتك دى
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: خالد المحرب)
|
Quote: خالد
ياه كم سرنى تغنيك بعظمة السواد الاسود عظيم في كل شىء
الكعبة المشرفة سوداء وغطاها اسود وايضا بركات حجرها
الاسود ....
والبياض دوما يطوف حول جمال السواد بدء من عيونا
وإنتهاء بالقمر |
اهلا البدر
ات عارف يا بدر الدين اخوى انا من ضمن حاجات كتار عا########ى فى الشعب السودانى دا
انو ما كان داير ليه حاجه من زول ودايما بحمد الله فى السمح والشين والحال مستور
والراس مرفوع دا كان السواد الاعظم
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: خالد المحرب)
|
الأستاذ خالد محرب
تحياتي و عودة مرّة أُخرى
طبعاً والدتي أثناء المُتابعة تأثّرت جداً و قالت لا شعورياً :
يا الله عان ظروف الناس صعبة كيف
قلت ليها يا أمي صدقيني الواحد بياكل بنفس
و قناعة
و حقيقي عن تجربة ايام الجامعة
يمكن في جامعتنا جامعة الرباط ما كان
الوضع زي الجامعات العادية و الناس في الغالب
الأعم مغتربين أو من المقتدرين
ففي أشياء ما عايشناها إلا
من خلال واقع العمل كطلبة في المستشفيات
لكن إكتشفت إنو الناس مجمعة على البوش و الطعمية
لدرجة كان عندنا أحد الخالات الله يذكرها بالخير
بتعمل بوش في الداخلية حقتنا و لو ما لحقناها قبل 11 و نص
حقنا راح
كان حتى الضباط و المُدراء في الجامعة بيرسلوا للخالة زينب
لأنو كان بوش على مستوى
و كان عدد مهول من بنات الداخلية
بياكلوا البوش من خالة زينب و بيشتروا
لوازمه من طعمية و جبنة و بيض
صدقني كنا يوم نفطر في الكافتيريا
بناكل ما لذّ و طاب لكن ما بيحس الواحد
إنو أكل إلا ياكل بوش أو صحن فول مُكرّب
يمكن دي حاجة فينا في السودان في الفطور بالذات
الفول شئ أساسي
حتى ايام كنا بنشتغل في المستشفيات
و نحنا شلّة من الجامعة
بنمشي نعمل طلبية الفول و لوازمه
حقيقي و الله يا أستاذ خالد
يمكن الإنسان لما يكون عنده قناعة
بيحس بقيمة إنو دي نعمة
ما بعدها نعمة
مهما كانت ظروفه
يمكن في ناس تفتكر إنو ده حديث
زولة شهادة عربية و ما فارق معاها
لأنو عندها خيارات حسب وضعها
و ما بتحس بالناس البياكلوا البوش طوالي
بس و الله أبداً ما كده
لأنو الفول و الطعمية ما بيخلا منهم بيت سوداني
حتى في الغربة
و يمكن تربيتنا على الأكل البلدي علمتنا
إنو أي وضع نتكيّف فيه
بالمقابل أستاذ خالد
طبعاً بتكون في ناس و ناس
ناس البيرجر اليومي و العصير الكوكتيل
و يوم هوت دوق و يوم ما بعرف و طبيعي
جداً الواحد ممكن يطلع بي 10 ألف من فطرة واحدة
خصوصي لما تدخل إضافات ثانية
و أعزمني و أعزمِك بتفوت مبالغ كبيرة
أبداً ما بعيب على أحد لكل إنسان
حريته و وضعه و قناعته
بس حبيت أوري جانب آخر
كذلك في نفس الوقت حتى في الجامعات الخاصّة
زيي كطالبة شهادة عربيّة أهلي ما متواجدين معاي
و مسؤولة من نفسي
كانت بتدي الواحد إحساس مغاير
الواحد بيقدر يتمتّع بكل شئ
و الأهل ما بيبخلوا عليه
بس في شئ بيذكره إنو
المتعة مطلوبة لكن بحدود المعقول و
إحتياجاتك و أسياسياتك
و عشان تستمتع لا بد إنك
تنظّم منصرفاتك
معليش لو طلعتا بره الموضوع
بس كلام الطلبة رجعني للذكريات دي
خالص تقديري و إحترامي
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: هالة الأقرع)
|
Quote: صدقني كنا يوم نفطر في الكافتيريا
بناكل ما لذّ و طاب لكن ما بيحس الواحد
إنو أكل إلا ياكل بوش أو صحن فول مُكرّب
يمكن دي حاجة فينا في السودان في الفطور بالذات
الفول شئ أساسي |
دا من اصلك عمك خالد بحب لحم الضان لاغير
لكن احب الزول يدينى مويه من زير السبيل بى بسمه
ولا زولا بضبح لى لى مصلحه ولا مجبور انا ماعارف كلامى وقع ليك ولا
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: خالد المحرب)
|
سلام المحرب وضيوفك..
شفت جزء من البرنامج والموضوع فعلا جدير بالنقاش..
لكن تناوله كان فيه الكثير من السطحية والتمييز
وكأنما هو مجرد هجوم على من كان عنده اكثر قليلا من غيره..
يعني نحن .. "ضدهم".. الفقر فضيلة وما سواه العكس..
مما خلق عدم توازن في تناول الموضوع..
كان ينبغي إستضافة شرائح طلابية متعددة..
بعض الخبراء.. ولا بأس من الأهل أيضا..
إلا ان البرنامج آثر أن يكون خفيفا على قلب المسؤولين
وفضّل أن يطعن في الظل..
التفاوت الإقتصادي شيء من الثوابت في العالم
لكن السرقات والتجاوزات التي تحدث الآن لا يمكن تجاهلها..
بعض الأهل ذكروا أن الحكومة "رفعت يدها" من مسؤولياتها..
لكن لم يتطرق البوني ومنى أبو زيد لقصور الحكومة في رعاية الطلبة..
ولم يناقشوا الحلول والبدائل..
وكأننا كنا من أثرى الشعوب.. "وفقرنا" بين يوم وليلة..
_____
اغفل البرنامج محاور مهمة.. فأتى كإستطلاع هزيل ..
____
ما زالت منى أبوزيد غير مرتاحة أمام الكاميرا..
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: نجوان)
|
| Quote: ما زالت منى أبوزيد غير مرتاحة أمام الكاميرا.. |
يمكن شخصية البوني الطاغيه واستخدامه بساطة العبارات المباشرة
لكنها توصل معلومتها ون كان بي كلام كتير شوية . الحلقة ناقصة كتير ، يمكن الإعداد كانت فترتو قصيرة !!
حلقة واحد لا تكفي لمثل هذه المواضيع .
شكراً أبو احمد
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: عمران حسن صالح)
|
Quote: يمكن شخصية البوني الطاغيه واستخدامه بساطة العبارات المباشرة
لكنها توصل معلومتها ون كان بي كلام كتير شوية . الحلقة ناقصة كتير ، يمكن الإعداد كانت فترتو قصيرة !!
حلقة واحد لا تكفي لمثل هذه المواضيع .
شكراً أبو احمد |
ابومحمد السلام عليكم فكرة البرنامج جميله عدد خاص دا
وبعدين تناول هيك مواضيع بخدم كتير جدا
نعم حلقه لاتكفى واظن فى باقى
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: نجوان)
|
Quote: سلام المحرب وضيوفك..
شفت جزء من البرنامج والموضوع فعلا جدير بالنقاش..
لكن تناوله كان فيه الكثير من السطحية والتمييز
وكأنما هو مجرد هجوم على من كان عنده اكثر قليلا من غيره..
يعني نحن .. "ضدهم".. الفقر فضيلة وما سواه العكس..
مما خلق عدم توازن في تناول الموضوع..
|
نجوان صباح الخير
كلامك صاح
البرنامج تطرق لى موضوع وترك مواضيع هامه جدا كما تفضلتى
اتمنى من البونى ومنى ان يتطرقو فى البرامج القادمه لى الحاجات الانت ذكرتيها دى
لك التحيه يا ستى
| |
|
|
|
|
|
|
|
|
|
Re: عدد خاص اعجبنى جدا طلبة الجامعه ناس البوش الطعميه (Re: هالة الأقرع)
|
Quote: وقع لي تماماً يا عم خالد :)
و المجبور على الضبيحة بالذات ده بذكرني
بالمثل البقول بليلة مباشر و لا ضبيحة مكاشر |
ات عارفه يا هاله يا بتى
كل الكلام الفوق دا وموضوع الحلقه
يتمحور فى انو لو ربنا اداك قروش ما تخلى اولادك يا كلو قدام زملاهم اكل مميز فى محيط الجامعه
ودى قمة التربيه
لكن لايمنع ان تكرمهم فى بيتك بى الاكل المميز بعد ما يجو فى البيت من باب اكرام الضيف
ودى قمة التربيه يا بتى من تواضع لله رفعه
| |
|
|
|
|
|
|
| |
خالد المحرب
هالة الأقرع
الطيب شيقوق
الفاضل يسن عثمان
بدر الدين الأمير
نجوان
عمران حسن صالح
فيس بوك
تويتر
انستقرام
يوتيوب
بنتيريست