أوعَكـ تكشِّح بالمطر.. بلّـيتنا يااااااخ

Quote: ابو حوه؟؟ شوية من الإلهام العندك، حٍتة بس؟ روائع

Quote: روعه...يااااااخ ما احياها لغتك..صور بديعه...انتياب الاحساس الغالب يصعب التعبير عنه الا بما جئت يه من وحي... لك الود كل الود كله.. ياااااخ

Quote: طاعم سماحك فينا ماش بي فد برق القبلي هاش ركـزت سحابتك للهبوب قلعت هديمات الغـروب شالت غيومك طب عصب إتغابت الحَـره الضهب سالت فرح ليك و إتوهب شوق الوطـن للقلب ناش بـلّانا ياااخ

Quote: غايتو يا أبحووه .. عندكـ تصاوير بتعرفا براكـ!! تسلم ياخ!

Quote: أبحوة يا بتاع التلج

Quote: ياخ وينو القزاز زاتو عشان نرفعو؟

ياكافي البلا إنت ماشي (علي النقاء الطلق)؟

Quote: إن شاء الله ماشي معانا السنة دي؟

نعم نعم
دا كلام يا عمك؟
أنا (بتوق) أهلي كل سنه
وإن شاء الله نتلاقي في الرمله الدقاقه..

شكراً يا جميل..







---------------
عندك عندي كم صوره كل ما أشوفه أموت من الضحك يا بتاع البطيخ.

Quote: مش قالوا البضحكـ براهو بزور!! لز الصور دي ياخ! لزها هنا

حاضرين يا عمك خلينا نرجع البيت بتجيك إن شاء الله

ياخي ما تخليني أجيبك هنا يا (بطيخي) إنت

Quote: لز الصور دي ياخ! لزها هنا [email protected]

Quote: فاروق أبو حوه أبدعت ياا ا خ ... وسكرنا يا ا ا خ ... من غير مدام ... وسكر حلال .. ما بالحرام ... وانتشى القلب الرهيف المن زمان هجر الهيام ... ورقصنا يا ا ا خ ...

Quote: لا شوقنا واقف لا هو ماش لا غافلك لا دقّ من جيهتك طناش وإنت الموزع في الوطن عافية حروف طيبة جروف كم أغنيه وكمين مناخ

Quote: لا شوقنا واقف لا هو ماش لا غافلك لا دقّ من جيهتك طناش وإنت الموزع في الوطن عافية حروف طيبة جروف كم أغنيه وكمين مناخ.

Quote: يا صاحب الحرف الدعاش ... جيتك وليد ضهبان وطاش .. روعة حروفك سايله من فرحة قليباً هاش وباش ... الليله في واحة جمالك... قيّل قعود ريدي وأناخ ... فرهد معاك حرفاً جميل ... ظنيتو شاخ ... عشرقنا يااااخ

دا كلام جميل يا إدريس إن شاء الله ربنا يديك الفي مرادك.

كامل الإمتنان

Quote: عسل انت وبسكويت واصل ياخ

Quote: أوعَكـ تكشِّح بالمطر.. بلّـيتنا يااااااخ

Quote: اخونا فاروق أبو حوه تحياتى خلاص رطوبة ابو ظبى ولت .. وفضيت للابداعات دى مودتى

Quote: تعرف حالياً انا قاعد لي قعة جميلة بشكل ضؤ خافض ممزوج بعطر بوستيك دا وبموسيقة جميلة لـ Kenny G شغالة هناك في الخلفية بعنوان "The Joy Of Life" هذا الامتزاج هو ما جعلتني اشعر بحب الانسان فيك والابداع .. ياخ عنوانك دا ضرب امضاء العزيز عزت الماهري " قد اصبح البورد وطن لمن لا وطن له" بكري ابو بكر اصح ياااااخ! عارف انا لو كنت في مكانك كنت كتبت عنوان "أوعَكـ تكشِّح بالمطر.. بلّـيتنا يااااااخ" دا و خليت البوست فاضي و وقفت من الكتابة ، اكيد ما عشان الكتابة حتغلبني.. لكن لوضعك تلك اللوحة الابداعية بمزاج عالي وعالي جداً في الحس " أوعَكـ تكشِّح بالمطر.. بلّـيتنا يااااااخ" ياخ عليكم الله، الما وقف في العنوان دا تمعناً يقول لي.. ووحاتكم ما حنقول عليه فاقد للحس وعمق الكلمة، "أوعَكـ تكشِّح بالمطر.. بلّـيتنا يااااااخ" ياخ دي لوحة جميلة بشكل!! اقرب منها جمالاً " المطرة ذي شفع العيد تدخل غرف كل البيوت حكمة الجوع الشرح للارضة كيف تقراء المرك" بالمناسبة انت كاتب شنو بعد "أوعَكـ تكشِّح بالمطر.. بلّـيتنا يااااااخ" قصدي النص التحت؟ لاني حقيقة ما اتقوقعت، وفضلت الانسجام التام بالعنوان وموسيقة Kenny G بالمناسبة.. نسيت اقول ليك.. انكــــ كشحتنا بموية المطر يااااااااخ.. وبليت حنايانا.

يا راني دا كلو من العنوان بس؟؟

أول شئ حسدتك علي المرفأ الإنت فيه أو بالأحري كم تمنيت أن أكون في نفس حالتك:
(ضوء خافت ، موسيقي Kenny G الجميلة ، وبعض الحروف)
أقول ليك حاجه إنت أصلاً كنت مهيأ الروح كما أن المحيط الحولك جميل وأنيق..
هذا زياده علي ذائقتك الشعريه النقيه، والدليل المطر السال من كيبوردك جمالاً ونقاء.

عاطف خيري الصديق الجميل يحلق في عالم لوحده و بلا أجنحه ، زاده في ذلك حرف أنيق ، وقلب يتسع ليستوعب كل الدنيا وصفاً وخيالاً جامحا.

- لا أحلم يا صديقي بأن يقوم بكري أبوبكر بتثبيت هذا البوست عالياً وذلك لعدة إعتبارات لا داعي للحديث عنها.

شكراً يا راني يا جميل علي جبر الخواطر وإن كنا في زمن (قلة الأدب في سودانيز أون لاين) أو كما أشار عنوان أحد البوستات لأحد الزميلات هنا.


أسعدتني عباراتك جداً..

كامل الإمتنان

Quote: ما اروع الصورة عندك كل التحايا

Quote: تكرر

Quote: وإنت الموزع في الوطن عافية حروف طيبة جروف كم أغنيه وكمين مناخ بـلّانا ياااخ بـلّانا ياااخ بـلّانا يااااخ