جلست بجوارها وصرت أردد أغنية الشجن الأليم للشاعر الرائع صلاح حاج سعيد
عارفنى منك لا المسافة ولا الخيال يشغلنى منك عارفنى ********* ببقى بعدك فى الأسى وتبقى إنت الظالم .. القاسى .. النـِّسى وغصب عنى أشيل ظنونى وأقول عليك .. إنت المسامح فوق شجونى أعيش زمان بالفرقة جارح وفى إحتمالى وبالى إنـّكْ إنت سايق فينى ظنك ********** تحرمنى منك والمواعيد لا بتشيل منـّك .. تودِّى لا الشجن قادر قادر يسوقنى عليك .. أعدِّى لا التحايا وىلا المشاعر الحيـّة فى عمق الحنايا لا رسالة تجينى منـّك لا خبر طمنـِّى عنك وإنت سايق فينى ظنك رغم إنك .. إنت عارف إنـّو منك .. لا الزمن يقدر يحول قلبى عنك لا المسافة ولا الخيال يشغلنى منك ******** يا هوى الألم النعيم خليك على الوعد القديم وخلينى فى الشجن الأليم وأبقى فى كل المداين سكتى .. وسفرى الجحيم تبقى أيه الدني من بعدك .. تكون وأبقى أيه بعدك .. أكون؟ عارفنى منك ... أغنية الشجن الأليم
لم تعر حديثي أي إنتباه وقالت في برود دي الفنان الغناها منوا ؟؟؟ تملكني الغضب وقلت في دوأخلي هل أنا في كوكب آخر ومن لا يعرف أغاني مصطفي سيد أحمد!!! رددت بتروي وبسمة مفتعلة دي أغنية مصطفي سيد أحمد >>>
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Omer Mustafa
فيس بوك
تويتر
انستقرام
يوتيوب
بنتيريست