وطئت فجر اليوم الاربعاء 6 أكتوبر2010م قدما عضو المنبر جدو (الدكتور / علي محمد سعيد دفع الله ) أرض السعودية بمدينة الرياض متعاقداً مع وزارة الصحة السعودية ، .. سيكون الدكتور علي - ان شاء الله - خير خلفٍ لخير سلف ، فقد أمضى والده الشاعر محمد سعيد دفع الله بيننا في الرياض أكثر من ربع قرن من الزمان وخلف ذكريات عطرة.. مرحباً بك د. علي ، ونتمنى لك اطيب الاوقات ومسيرة عمل حافلة بالعطاء والنجاح والتوفيق. لشاعرنا محمد سعيد دفع الله قصيدة رائعة بعنوان (مليت من الغربة آ علي) يخاطب فيها ابنه عندما كان طالبا بالمدارس الثانوية... نستمع اليها بصوت الفنان عبد القيوم الشريف
والآن ،بدأ علي نفسه مشوار غربته والذي نتمنى أن يحقق له أحلامه
مليت من الغربة
مليت من الغربه آعلى ياولدى يا ايدى اليمين داير الرجوع بس كيف يكون يكون وتفكيرى فيهو أنا من متين كل ما أقول اصبر شوي باكر تكون الحالة زين القي الظروف ياها الظروف بل زايده سوء بحلف يمين وآخد لى لفتة على الزمان القاها مرت كم سنين لمتين بتتفك القيود القاسي قلبها ماب يلين
جيت فاكر أنى أكون سعيد بى مال بيجرى على اليدين لكنو مقسوم ياالعزاز رزقا يكون دايما ضنين والشى العجيب مما وصل ولليلى فوق اكتافى دين حسره وهموم متواليات والدمعة يوت هالابه عين نيران مولعى فى القلب مسكين فقد لضرا الأمين كان عيشتو هاديه قبل يجى وفى بيتو كان قوتو اليقين والليله في الأهوال دوام يصرخ ومو لاقى البعين وينك بعدتى على ليه وأنا ليكى كاتلنى الحنين يالسمحه سموكى القرير والناس تجيك من وين ووين وأنا قمت منك شن أقول غير ده المسطر في الجبين يادرة الوطن العزيز ياالنادره ياالماليك وزين عشمى ومناي ارجع واجيك أنا غيرهواك متل السجين داير اكون بين الاهل محضون وحاضن اعز طين داير حياتى مع الصحاب واللقمه مابين العوين يا (لوبه) شمر للضراع والليلى جيت أوصيك دحين كونك تقصرمااظن وأنا عارفو طبعك ياالخزين يات من معلم درسك شاكرك علم وخلقا يزين ما عليك خوف مادام معاك زولا مسمى الزين وزين آنت البتعرف للأصول كاسب رضاء الوالدين من قمت درفونا صغير ماكت يوم نيا عجين دايما مواظب ومجتهد في الجانبين دنيا ودين ورافع السماوات غير عمد داعيهو ينصر وليك يعين
Quote: الرياض ترحب بعضو المنبر (جدو) دكتور علي محمد سعيد دفع الله متعاقداً
مليون مرحب بالدكتور علي محمد سعيد دفع الله ونتمنى ليه إقامة طيبة في الرياض وما جاورها وعلى المرحبين من الأقاليم مراهاة فروقات التوقيت....
إنت يا مامان جدو مش فاقد الباسورد ليهو زمن؟؟ طيب دي ما فرصة نطلب من بكري يرجهعها ليهو عشان يتحفنا بكتاباته، ولا شنو يا ريس بكري؟؟ حقو كمان يرسل ليه من بريده الخاص على [email protected] وتب ما بيقصر
شكرا على تذكيرنا بفقدان باسويرد جدو... طبعا هو برضو كان مشغول بالعمل والدراسة لكن بعد كدة حيكون عندو شوية وقت. وزي ما قلت أفضل يخاطب الريس بكري مباشرة للحصول على الباسويرد
10-08-2010, 00:03 AM
maman maman
تاريخ التسجيل: 11-21-2002
مجموع المشاركات: 1041
تداخل جدو معى ببوست قبل اكثر من خمس سنوات..سبب تذكرى له هو انى كثير الرجوع لذاك البوست لعمل مقارنة بين مرتبات الاطباء الان وبين مرتباتهم فى تلك الفترة.
واناشد بكرى بارجاع الباسويرد له فهو من قدامى المحاربين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
maman
صديق الموج
صلاح عثمان
osman righeem
Al-Shaygi
محمد عبد الماجد الصايم
اساسي
mohamed elshiekh
نادر النور آدم
آدم جمال أحمد
ombadda
فيس بوك
تويتر
انستقرام
يوتيوب
بنتيريست