|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Tragie Mustafa)
|
من افضل قيادات المسيريه وقدامى المنضمين للتجمع اخونا حمدان جمعه المقيم الآن بالولايات المتحده وكان مسنق التجمع باسمرا وغادر التجمع لانه اختلف مع الصادق المهدي.
امثال حمدان جمعه ورهطه هم من يجب ان يتقدم الصفوف الآن.
حمدان جمعه رجال سمحا اذا اشترى سمحا واذا باع سمحا واذا اقتضى سمحا.
ورغم سماحة نفسه وطيبته فهو فارسا نشمى لا يشق له غبار.
عرفته وهو يعمل بالتنميه بين اهلي اهل الشرق
وقدم لكسلا وتخومها من خلال منظمة(اكشن اكورد) الكثير.
خريج من جامعة الخرطوم ايام عصورها الذهبيه.....
عجن نضجه وتجاربه بتلاحم حقيقي مع كل الهامش السوداني
وزاد عليه بزخم التجربه الغربيه.
حمدان جمعه يا مسيريه ابحثوا عنه
فهو نموذج لمن يجب ان يتقدموا صفوفكم الآن.
يعرفه جيدا فطاحلة الحركه الشعبيه وكل ساسة السودان
لم يبيع اهله ولم يهادن يوما....يحبه اهل الجنوب تماما
كما يحبه كل مخلصي السودان!!
الله...الله...لو يتقدم صفوفنا امثال حمدان جمعه!!
فانتم يا مسيريه لن اقول البحر امامك و العدو خلفكم
ولن اقول بانكم في وضع لا تحسدون عليه!!
وناس المؤتمر الوطني لو بحترموكم ولا سالين فيكم وفي مراعيكم وابقاركم
لما تحدثوا عن الحقنه للجنوبين!!
لانه كان يجب ان يتذكروا بان مراعي الجنوب اهم من مليون حفنه من حقن العنصري كمال عبيد!!
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Elsheikh Mohd Aboidris)
|
يا الشيخ محمد ابو ادريس يا احد فتية المؤتمر الوطني امشي شوف الرجال الجد ديل منو وبعدين تعال كذب
Quote: اصطياد في الماء العكر
دا كلو افتراء وكذب المسيرية عمرهم ما ينضموا للحركة فهم
يعرفون جيد الحركة ونواياها ولقد انجلدوا باسواطها نهارا جهارا
شوفى ليك خبر ثانى وهو ما غريب عليك فبركة الاخبار
فالانفصال قادم والمسيرية يعلمون ذلك لذا هم متمسكون بحقهم الطبيعى في
التصويب لتقرير مصير منطقتهم التاريخية ابيى
فالى الامام حتى ينال اهلنا المسيرية حقهم الشرعى في التصويت |
يا زول ينجلد منهم المراحيل ويتسحقون الجلد.
كل من باع نفسه للعرقيه المريضه وحقر باهل الارض الافارقه يستحق الجلد.
المتنطعين من امثالك وضيقي الافق هم من يوردون اهلهم موارد التهلكه.
يحمد الله المسيريه ان لهم قيادات واعيه ليست مثلك.
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Tragie Mustafa)
|
اولاً انا لم اتهمك لاقول لانك سا بنت الشيوعية او يا بنت البعثية حتى تنعتينى بابن الموتمر الوطنى بس خاب ظنك انا ليس منهم وما تمنيت في يوم من الايام ان اكون عضو في اي حزب من احزاب السودان المتهالكة الضعيفة بما فيها الموتمر الوطنى
بعدين انتى بغض النظر عن انتمائي الذى هو ملك لى وليس لديك اي دخل فية انتى طرحتى موضوع ورديت عليك يجب ان تردى وبدون النظر للانتماء ولا الديقراطية عندكم والراي الاخر مشروط بالانتماء
تنادون بالشي وانتم لا تعرفون عنة شى
انت مثل ما قلت ليك اداة فتنة وتبحثين عن الفتن والمشاكل ومصورة نفسك انك مناصرة للضعفاء والمساكين طيب تعالى اقعدى معاهم عايشى مشاكلهم يا مناصرة المراة والطفل والمشرد والضعيف والمهمش انت جالسة في كندا ولا امريكا الان وتتكلمين من بعيد ولا تدري وين بتقع ابيب وما هى اسماء مناطفها وقراها
التنظير سهل وجميل والواقع شي اخر
من اراد ان يزيح الالم والتهميش علية ان يعمل لا ان ينظر وان يعمل ويناضل من الداخل
هذا ما اوسلنا الا ما نحن فية كل قادة احزابنا منظرين ومنافقين ولا جديد عندهم مصالحهم هى الاهم اما الوطن فالف لا
المسيرة اهلى لن ينضموا للحركة وسيناضلون من اجل حقوقهم في ارضهم ابيى ولن يتركوها للدينكا ولا لغيرهم وابيي شمالية باذن الله وابلوا رووسكم الانفصال قادم
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Tragie Mustafa)
|
Quote: الحركة الشعبية لتحرير السودان ولاية جنوب كردفان بيان ترحيبى ترحب الحركة الشعبية لتحرير السودان بولاية جنوب كردفان بكافة قيادات التنظيمات السياسية الذين انضموا الى الحركة الشعبية لتحرير السودان بكافة محليات الولاية ولا شك انهم يمثلون اضافة حقيقية ونوعية دفعا لمشروع السودان الجديد. والحركة الشعبية اذ ترحب بهؤلاء الاعضاء الجدد تؤكد ان مشروع الحركة الشعبية لتحرير السودان مفتوح لكل المهمومين بقضايا الوطن . وتجددالحركة الشعبية لتحرير السودان دعوتها لكافة جماهير ولاية جنوب كردفان بالانضمام الى الحركة الشعبية لتحرير السودان من اجل الخروج بالولاية من حالة التفرق الى مرحلة التوحد من اجل الاستفادة من مشروع المشورة الشعبية لتحقيق التطلعات المستقبلية لشعب جنوب كردفان. والنضال مستمر والنصر اكيد سكرتارية الثقافة والاعلام ولاية جنوب كردفان 2|اكتوبر 2010 |
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Tragie Mustafa)
|
ازيك يا تراجي
بسبب بوستيك دا كنت متابع تلفزيون الجنوب الذي استضاف
عميد حسن حماد من ابناء المسيرية بلبس عسكري
والمقدم محمود ابوتور من ابناء المسيرية وبلبس عسكري
العميد شرح بالتفصيل الترتيب التم بين ابناء المسيرية والحركة الشعبية والتنسيق التام في غرب النوير وشمال بحر الغزال و واراب
وقدم دعوة لابناء الرزيقات للانضمام للحركة الشعبية والدفاع عن مصالحهم من انياب المؤتمر الوطني
وقال اولاد المسيرية الشالو القروش في الخرطوم ما عندهم مقاتلين في الارض وما بقدروا يقدموا حاجة للمؤتمر الوطني
وزولهم المعتمدين عليه اللواء الدرديري من ابناء المسيرية (معتمد ابيي السابق) والمتواجد في اديس زول ماشي يدافع عن المؤتمر الوطني وليس عن حقوق المسيرية تابعت جزء من حديث الدرديري في قناة الشروق قبل يومين ايضا. الزول ما عنده حاجة غير حجة قانونية لا اعلم مدى قوتها في حق المسيرية في التصويت.
العميد زول كلام، وناقش الفيلم منذ ان تم تجنيده في قوات الدفاع الشعبي منذ 1993 وكفر ليك بالحكومة. في كلام عنصري قالوا في حق القبائل الشمالية ما بقولوا لانو بكري بلحس البوست. هههههههههه
العميد قال لو حاول ابناء المسيرية المخدوعين بالمؤتمر الوطني الهجوم، في اي محور سيجدون ابناء فلان في وجههم من ابناء المسيرية، واذا حاولوا في المنطقة الفلانية سيجدون ابناء علان ... الخ
وعيييييييييك
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: أحمد ابن عوف)
|
Quote: دا كلو افتراء وكذب المسيرية عمرهم ما ينضموا للحركة فهم يعرفون جيد الحركة ونواياها ولقد انجلدوا باسواطها نهارا جهارا |
الشيخ ابو ادريس..حبابك يا صديق
سؤال برئ يا صديقي: انت بتطمئن في روحك..ولا حريص على المسيرية؟
المسيرية يا صديقي دخلوا الحركة الشعبية منذ العام 1983..و ليهم قياداتهم و مقاتليهم..لكن الشعب السوداني ما داير يقتنع بالحكاية دي..! و ليس الغريب الآن اعلان انضمام البعض للحركة الشعبية (جنوب كردفان)..و هذا خيارهم و له ظروفه الموضوعية..
و لو دخل المسيرية ، عن بكرة ابيهم الحركة الشعبية أو لم يدخلوا..فعلى الشعب السوداني ان يفهم جيدا أنهم لن يقاتلوا مرة اخرى في حروب وكالة مزعومة..فان كان الأمر هو كرامة السودان ، كما يغشنا البعض ، فان هذه الكرامة ليس المسئول عن الدفاع عنها المسيرية براهم..فيجب ان يتحرك اهل السودان و يتركوا المسيرية يستريحوا شوية..و اما ان كان القتال سيكون دفاعا عن السودان المسلم..فالمسلمون في السودان على قفا من يشيل.. خليهم يجوا يشيلو شيلتهم..و لو كان الأمر امر دفاعا عن عروبة السودان..فالسودان فيه من يدعي العروبة اكثر من المسيرية..فليدافع عن عروبته..!!
اما ان كان المسألة مسألة مصالح..فعلي المسيرية أن يحسبوا مصالحهم جيدا..! و لو الحركة الشعبية حريصة على البترول..مالو..المسيرية و البترول يتبعوا لجنوب السودان..فوكا حاجة يعني؟..
كبر
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Kabar)
|
Quote: المؤتمر الوطني لو فكر فيكم لعرف بان مراعيكم ونمط حياتكم تعني لديكم كل شيء. |
تراجي..حبابك يا صديقة
كتر خيرك على الكلمات الطيبات في حق اخونا و استاذنا حمدان جمعة..و مثله كثر..لكن ما بتدي حريف..! وبعد..
مراعي شنو يا تراجي.. المسيرية بعده They will follow the Oil يعني مراعي و بترول..و ديل المؤتمر الوطني ما بيقدر يوفرهم..!
الحركة الشعبية لو دايرة تؤسس دولة مستقلة قوية عليها ان تشيل معاها المسيرية و البترول و دينكا انقوك..تخلف اي عنصر من العناصر التلاتة ديل..ح يسقط حجرها..!
زمان في المنبر ده قلت منطقة ابيي يجب أن تكون محمية دولية..و انقوك و المسيرية احسن يشوفوا مصالحهم الحقيقية وين..لكن كلام القصير ما بتسمع الإ بعد ما الساعة تبقى اطناشر ضهر..!!
غايتو..الحركة و المؤتمر يقعدوا يتكاوا كده..لمن نحن ناس ابيي (انقوك و مسيرية) نمشى لسياد الشي ذاتا (امريكا و الصين)..و ديل بنعرف كيف نتفاهم معاهم..عندنا بترول و ثروات..و هم دايرين ليهم ثروات..و بالمقابل يدونا سلام و تنمية..بعد شوية نفوت ليك الفاتيكان ذاتها..اشمعنا هي ليها وضعها الدولي و نحن ما يكون لينا وضع دولي؟..
و نشوفك يا تراجي.. كبر
| |
|
|
|
|
|
|
Re: قيادات من ابناء المسيريه ينضمون للحركه الشعبيه وسلفاكير يمنحهم رتب عليا بالجيش الشعبي! (Re: Kabar)
|
Quote: سلام يا محمود الدقم على المسيريه اين قدموا عقلائهم للصفوف وليس مجانينهم ومتشنجيهم ومترزقتهم والبتغشوا من الكيزان والعرقين!!
اليوم لا يهمهم جدهم العباس ولا بني هلال اليوم همهم مراعيهم وبهائمهم وكل زول عقله في راسه بيعرف خلاصه.
كانتونا1 اشارتك للحرب لن تفيد...ولو انت حريص على اهلك والمسيريه لحقنت دمائهم. دينكا نقوق اليوم ليسوا هم دينكا نقوق بتوع 2007 فاعقل تسلم!
|
كالعادة ( تدى النقارة عصا والفريق عيطة ) ولابد من حضورك المشهود لاذكاء نار الفتنة وتأجيج الحرب .. تماما تذكرينى بالبسوس بنت منقذ .. والتى اشعلت نار الحرب بين بكر وتغلب لمدة 40 عاما .. فقدتى الامل فى قضية دارفور امس . واليوم تضربين على دفوف الحرب وتحمسين فى النيران .. مالك ومال المسيرية ؟؟ تتحدثين عن مراعيهم وبهائمهم ثم تأتين .. لتهددى فة جملتك ( باللون الاحمر ) بان المسيرية لا يستطيعون الوقوف امام الدينكا لماذا .. لتطور السلاح وعتاد الحركة كما انت موهومه و########ة فى افكارك وتحليك ودراستك للواقع ...
Quote: الحركة الشعبية لو دايرة تؤسس دولة مستقلة قوية عليها ان تشيل معاها المسيرية و البترول و دينكا انقوك.. تخلف اي عنصر من العناصر التلاتة ديل..ح يسقط حجرها..! |
ول ابا كبر يبدو جليا ان الغياب طال .. والارتباط تأثر بعامل الزمن هل تظن ان الحركة تأتمن المسيرية ؟؟ زوهل تظن ان المسيرية سيتبعون ( الجانقى ) ؟؟ وهل انضمام ثلاثة او عشرون كما تروج تراجى او تلفزيون الجنوب كاف لحفظ حقوقهم ؟؟ لا ادرى اى المناظير تستخدم ؟؟ واى القراءات تقراء وغريب ما تقول وتفعل ..!!
---------------
قالو الايجو فى الموية ما زى الايدو فى النار
| |
|
|
|
|
|
|
|