|
يا "Hassan Senada"
|
تعال نفض الإشتباك والاشتباه دا ياخ :) نسبتن لأنه انا زاااااااااااااتي بقيت الخبت لما اشوف اسمك مكتوب اقول ياربي انا كتبت الكلام دا متين
فزي في الحته دي أحب أوضح إن انا "حسن سناده" ما "Hassan Senada"
|
|
|
|
|
|
|
|
Re: يا "Hassan Senada" (Re: حسن سنادة)
|
ياااا منصرف
مبروك العرس تاني ياخ
==============================================================
زولك دا لي هسي غطوه بي 1500 بطانية كل ما الهلال يغلب بيدوه 15 بطانية
| |
|
|
|
|
|
|
Re: يا "Hassan Senada" (Re: Faris Mohamed)
|
والله يا واحد زول دا انا حيرني عدييييييييييييييييييييييييييييل
وكلما القاهو كاتب حاجة استغرب واقول ليهو ياواحد انت بقيت اتنين وللا شنو ...؟ لمن استعنت بصديق قال لي ياخي دا ما واحد Hassan Senadaبردان طبيعي
لكن واحد بالعربي
فعليك الله قبلما تطلع من البوست دا غطيهو معاكـ وانت مارق
خالص الود
| |
|
|
|
|
|
|
Re: يا "Hassan Senada" (Re: Faris Mohamed)
|
قلت لي الزول مغت غت بالبطاطين دي عوجه
هسي بي قصه عرس دي الله يبارك فيك
لكن لما الكونفدراليه دي تنتهي و يطلع من تحت البطانيه أها انا البيقنع المدام شنو انو الزول البيكتي بالانجليزي دا ما أنا
| |
|
|
|
|
|
|
Re: يا "Hassan Senada" (Re: حسن سنادة)
|
الحل الوحيد إنك ماتنقطع من المنبر
وتجيب معاك المنصرفين
وتثبت هويتك الهلالابية
ما إنت سيد بلد برضو ولا ما كدا
أما المعلم دا فحدو معانا الكاس ما حنشوفوا تاني
| |
|
|
|
|
|
|
Re: يا "Hassan Senada" (Re: محمد عبد الماجد الصايم)
|
و عندك أتنين سامي عبدالوهاب
سامي عبد الوهاب مكي سامي عبد الوهاب إدريس
وأحتار لمن القاه كاتب موضوع عن الـ HR وانا برضو زول HR لكن ما بكتب عنها في البورد...أقول ياربي أنا خرفت للدرجة دي..
فيا سامي عبد الوهاب مكي أقصد إدريس يا تكتب عن الكورة وتخليني أقشر بمواضيعك ولا حا أكتب في الـ HR وابور ليك الشغلانة
| |
|
|
|
|
|
|
Re: يا "Hassan Senada" (Re: حسن سنادة)
|
.
Quote: عدم الإنقطاع دا بنقدر عليه |
..
Quote: حسن سنادة تاريخ التسجيل: 28-08-2006 مجموع المشاركات: 96
|
....
يا أخوانا الزول ده ما تهزروا معاه عدم الإنقطاع ده براهو ما بيقدر عليهو غايتو أنا متوقع المداخلة الجايه بتاعتو سنة 2016
....
| |
|
|
|
|
|
|
Re: يا "Hassan Senada" (Re: عوض عبدالله طه)
|
يا واحدنا
الزول ده طبعا هجمته ليك اول ما جا سودانيز، قلت ليه انت واحد حقنا الواااحد ده؟ قال لي يا اخت النمرة غلط، بمنتهي اللطف، فطالبني اعتذار للدخلة الشمال الفيهو
لكن انت كان بتجي زي مذنب هالي في عمر المنبر ده، بكري يتذكر كيف انك معانا؟
ــــــــــــ واحدة منصرفة
| |
|
|
|
|
|
|
Re: يا "Hassan Senada" (Re: Rihab Khalifa)
|
...
يا رحاب انتي زمان كان اسمك "زهور نوبي" ؟ لأنو زمان حصلت لي قصة شبيهة لقصتك مع الزول ده كانت بطلتهاأختنا زهور نوبي الله يطراها بالخير حكيتها لأخونا خليل في البوست ده (لما كان اسمي الزوول) ...
Quote: وأنا برلوم دايش ولأني اقليمي موغل في الإقليمية فقد كنت أملك صوتاً ذا تردد عالي جداً لسؤ حظ أختنا في الجبهة الديمقراطية ... ما لقت مكان تحاكمني فيهو الا وسط جمع كبير من الطلبة ...برالمتهم وسنايرهم وكان حوار الطرشان هذا بعد أن دخلت في شمال (بغير استئذان ...يا قول ود الصايم): أسمع ... امبارح ليه ما جيت؟ أنا: أجي وين؟ هي : الإجتماع ... ما تعمل فيها ما عارف أنا : وقد بدأت ترددات صوتي في الازدياد بحيث جمعت عدداً من الناس حولنا ... يا زولة اجتماع شنو ..انا لا بعرف اجتماع لا الله قال هي: هسع انت مالك بتكورك ... انت ما عارف أنا مسئولة الخلية بتاعتك؟؟ وهنا كان قد فاض بي الكيل : يا زولة خلية شنو ونحل شنو ..انا لا بعرفك لا بعرف خليتك دي ..... عرفت فيما بعد أنه قد أجريت للرفيقة (زهور نوبي ) محاكمة حزبية بسبب هذه القصة |
..... لولا بعولتهن لكنت اليوم وزيرا ...
Quote: لكن انت كان بتجي زي مذنب هالي في عمر المنبر ده، بكري يتذكر كيف انك معانا؟ |
| |
|
|
|
|
|
|
Re: يا "Hassan Senada" (Re: Rihab Khalifa)
|
Quote: يا أخوانا الزول ده ما تهزروا معاه عدم الإنقطاع ده براهو ما بيقدر عليهو غايتو أنا متوقع المداخلة الجايه بتاعتو سنة 2016 |
اها جيتك قبل سنة 2016 كيف معاك بالله
| |
|
|
|
|
|
|
Re: يا "Hassan Senada" (Re: وليد محمد المبارك)
|
برضو يا سنادة
في واحد اسمو الصادق الخليفة و لكن مختفي ليه فترة
في بداية تسجيلو سبب لي مشاكل مع أصحابي
كل واحد يتصل علي و يقابلني يقول يا زول انت قلبت طبعاكنا ضدين في كل شي
| |
|
|
|
|
|
|
Re: يا "Hassan Senada" (Re: Mohammed Ibrahim Othman)
|
والله يا عوض يا اخوي قدر ما قريت قصتك دي، قلت يا ربي الزوول ده قاصد ياتو تشابه، لوووول
اتاريك قاصد قصة الجية دي، لوووووووول ولا انا فاهمة غلط؟
لا لا انا ما زهور دي، انا من الله خلقني لا خلايا ولا جحور ولا حتي اصيص
| |
|
|
|
|
|
|
Re: يا "Hassan Senada" (Re: Rihab Khalifa)
|
.... رحاب ازيك تاني
Quote: يا واحدنا
الزول ده طبعا هجمته ليك اول ما جا سودانيز، قلت ليه انت واحد حقنا الواااحد ده؟ قال لي يا اخت النمرة غلط، بمنتهي اللطف، فطالبني اعتذار للدخلة الشمال الفيهو |
وجه الشبه هي قصتك بتاعة انك دخلت شمال في الزول الواحد ده وكنت فاكراه زول واحد تاني لغاية نبهك (بلطف) انو النمرة غلط أما قصتي مع الرفيقة زهور انها كانت مسئولة خلية في الحزب وكلموها انو في واحد برلوم اسمو (عوض) يتبع لخليتها وزولتك افتكرت عوض هو العبد لله فركبت غلط ودخلت فيني شمال عملت لي مجلس محاسبة وكانت القصة المشهورة بس الفرق انو انا ما نبهتها (بلطف) فلها اعتذاري إن كانت تقرأ هذا الكلام ...
| |
|
|
|
|
|
|
|