نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
وويـــن الناس ..؟
|
أنا كمشجع هلالي .. بحب الاكشن وعامل الاثارة .. ابحث دائما عن الجديد المبتكر .. في داخل هذا الموقع والمواقع الأخرى .. اتطلع إلى معرفة نفسيات الآخر .. وهو يكتب بإخلاص ويحدثنا عن امانيه العريضة من زاوية رؤيته المتعلقة بكل مباراة طرف فيها الهلال ..
|
|
|
|
|
|
|
|
Re: وويـــن الناس ..؟ (Re: tmbis)
|
أم أسكتهم المهندس هيثم مسطفى .. والمرعــب سادومبــا والغزال مهند .. والحريف الفنان بشـة وراس الطلقة كاريكـا ..؟ هذا بجانب كل الكتيبة المقاتلة التي تلعب للهلال بكامل المسؤولية بدون ذكر اسماء وتحديد مهام ..؟
| |
|
|
|
|
|
|
Re: وويـــن الناس ..؟ (Re: ادريس خليفة علم الهدي)
|
Quote: غايتوا يا تمبس كان ما شلتوا الكاس المرة دي الا تشيلوهو مع نجيب زيادة وين غاتس .. مشتاقين كتير |
.. غاتس في البطاطس يا درش .. غاطس لي اضنيني الكلام دخل الحوش اليومين دي ..
كاسنا دا يا درش طووويل عشان كدا ح نموت معاهو موت شديد .. اقلاهــا ما ندقس دقسة المرة الفاتت جوه استادنا .. لكن لو الكاس دا رفعناهو .. غايتو نجيب زيادة تعب معاي تعب شديد .. وهذا تصريح مني بذلك
| |
|
|
|
|
|
|
Re: وويـــن الناس ..؟ (Re: tmbis)
|
حــاجة عجيبة .. والله في حقب تاريخيه ماضية .. في يوم زي دا كان تجي الصباح تلقى ليك مية وخمسين بوست ونص .. مفتوحـات .. على شاكلة: الليلة ناس الكتاب الأخضــر ح يجيبو معاهم كسكسي .. توجد صور .. الكاتب اساسي.. جبتو المكرونـة .. الكاتب وليد لاشفت .. غاااك ... واااك .. ووووب .. الكاتبة أميرة الشيخ التيحــة وشايل مفاتيحة .. الليلة برشوكم في مقبرتكم .. الكاتبة مواهب ادريس
حسع الجماغعة ديل فكو لينا الفرحانين الجايين لنج ديل .. قايلين الكتابة في الهلال ساهلة .. الواحد يكتب ليهو كلمتين ويكسح يخلي البوست بتاعو مطوطح ما بين السماء والأرض ..
غايتو من هذا المنطلق احي الكاتبة مواهب ادريس .. أو بين قوسين ( تفيــده) لو لاها لما هــاجت اشجاننا في اي مباراة طرفها الهلال
| |
|
|
|
|
|
|
Re: وويـــن الناس ..؟ (Re: tmbis)
|
الجماعة ما بسكتو.. بالمناسبة ياتمبس.. أمس كنت بتونس مع صاحبي مريخابي متعصب جداً.. وبكره الهلال أكتر مما بحب المريخ.. قلت ليهو لو جبنا كأس الكونفدرالية.. بترحمونا وبتخلونا وبتسكتو عن موضوع الصفر الدولي وتمانين سنة وما أدراك.. قال لي أول حاجة أنا ما بطيق أشوف الهلال ده رافع الكاس.. وبشحد ربي الهلال يطير من كورة الهلال بتاعت الاتحاد.. عشان يفقد الأمل في دور الأربعة.. وقال لي لو جبتو الكأٍس برضو ما بنسكت.. وبنقول ليكم نحنا سبقناكم في الكأس بأكتر من عشرين سنة..
ياتمبس الهلال في كورة الليلة دي ما لاعب مع الاتحاد الليبي وبس.. لاعب مع معتصم جعفر ومع المريخ ومع مجموعة من الصحفيين العاطلين عن الموهبة.. من الذين لا يرون في الهلال شيئاً جميلاً.. ويتمنون سقوطه اليوم حتى (تتوازن الكفة)..
ضغط اتحاد معتصم جعفر الهلال ولعب 3 مباريات دورية في ستة أيام.. فكانت النتيجة 16 هدف.. ودخول بكري المدينة للفورمة.. أنا شخصياً في المباريات التلاتة الفاتت خفت على الهلال من العين..
| |
|
|
|
|
|
|
Re: وويـــن الناس ..؟ (Re: أيمن دياب)
|
Quote: قلت ليهو لو جبنا كأس الكونفدرالية.. بترحمونا وبتخلونا وبتسكتو عن موضوع الصفر الدولي وتمانين سنة وما أدراك.. قال لي أول حاجة أنا ما بطيق أشوف الهلال ده رافع الكاس.. وبشحد ربي الهلال يطير من كورة الهلال بتاعت الاتحاد.. عشان يفقد الأمل في دور الأربعة.. وقال لي لو جبتو الكأٍس برضو ما بنسكت.. وبنقول ليكم نحنا سبقناكم في الكأس بأكتر من عشرين سنة..
|
.. والله يا ايمن احييك في اختيار اصحابك .. دا زول واااضح وصريح وزول نجيضة .. ما بدسدس الكلام .. ويجي يشبكك والله انا الليلة بشجع الهلال .. يا يجيك بعد نهاية الكورة والهلال غالب يكتب ليك والله بالرغم من انتصار الهلال إلا انو كذا .. وكذا .. لكن زولك دا مريح .. بلاي تحياتي ليهو .. وقوليهو بل راسك الايامات دي الهلال بقى يلعب بي تسعة مهاجمين المعز محجوب زاتوو بقى يمشي يجيب أقوان ورا مخلنها فاضية الله كريم علينا .. Quote: ياتمبس الهلال في كورة الليلة دي ما لاعب مع الاتحاد الليبي وبس.. لاعب مع معتصم جعفر ومع المريخ ومع مجموعة من الصحفيين العاطلين عن الموهبة.. من الذين لا يرون في الهلال شيئاً جميلاً.. ويتمنون سقوطه اليوم حتى (تتوازن الكفة).. |
.. المشكلة الرئيسية في الصحفيين العاطلين من الموهبة .. القاعدين يجيبو كلامم الجماعة اياهم هنا دا .. ديل السبب في الوصل ليهو المريخ بي اسمو وحجمو الكبير .. لو بقو ناس حقانيين وناس نجيضة .. وما ناس دسدسة ونفخ في الفاضي .. كان الكفة اتوازنت .. الهلال اولادو قاعدين يعملو العليهم .. والحمد لله غلطات كل مباراة بيتم معالجته بي شكل جيد جدا .. ومستوى المنافسة داخل اللعيبة ارتفع داخل المراكز في الملعب .. مجلس إدارة من ابناء الهلال اعاد ترتيب الكثير من الأمور .. واللاعبين بيلعبو في حالة نفسية جيدة .. وشهية مفتوحــة .. وضغط التلاتة مباريات دا .. ميشو حسبو بي شكل كويس جدا على الاقل اللعيبة قريبين لي بعض ومعنوياتم في السماء واكتر من لاعب دخل الفورمة.. والجمهور انسجم معاهم انسجام تام .. كل المعطيات دي يا ايمن بإذن الله نتيجته ح تتحدد الليلة .. لانو الليلة دا اللقاء الفيصل .. نكون في القمة من جوة استادنا ومن جوة بلدناأو لا نكون
| |
|
|
|
|
|
|
Re: وويـــن الناس ..؟ (Re: tmbis)
|
علاء كيفك
عندي مزاج كده اتونس معاك فى الكوورة
تعرف السبب بوست كاتبه ودنوبي اعتقد قبل كم يوم عن هيثم مصطفى انو لو اده بكري باص بجيب قوون
تعرف التعليق دا ما عارف ليه اداني احساس انو حتى اعجابنا وتشجيعنا للكورة لسه قديم زي كورتنا.....
يعني بقصد طريقة مشاهدتنا للكورة نحن كسودانيين مختلفة عن العالم حولنا حتى طريقة تشجيعنا امس فى برنامج نجوم الغد واحدمن لجنة الحكام قال نحن فى السودان دا موسيقانا والحانا عندها شكل براهو وتعليقه كان بشكل متطرف لا يرمي الى شكل التفرد الابداعي يعني يديك احساس كده انو زمن الابداع كان فى السبعينيات جيل ذهبي فى الكورة فى الفن الاعلام الحكاية شنو...... يتبع
الليله يا علاء سوااااقه شديدة عامل ليك بوست زي ابوريالين وشغال تنادي على الناس
| |
|
|
|
|
|
|
Re: وويـــن الناس ..؟ (Re: طلحة عبدالله)
|
Quote: لانك بس قلت وجهة نظر مخالفة |
والله يا مسكين من غير تكسير تلج .. يعجبني المشجع أو الناقد أو المحلل أو الإداري البجي يطعن الفيل .. إنت ما مصنف ضمن الجماعة اياهم .. لكن مرات قاعد تنظر .. والحمد لله كلما تنظر بندخل ليك جرجرة .. يحاورك في فنجان
| |
|
|
|
|
|
|
Re: وويـــن الناس ..؟ (Re: alsngaq)
|
Quote: تعرف السبب بوست كاتبه ودنوبي اعتقد قبل كم يوم عن هيثم مصطفى انو لو اده بكري باص بجيب قوون |
و من الوقت داكـ إنت كاتم ؟ تنفس تنفس
| |
|
|
|
|
|
|
Re: وويـــن الناس ..؟ (Re: alsngaq)
|
Quote: أو بين قوسين ( تفيــده) |
تمبا ............ مبااااالغة
تفيده ادريس امل هارون اميره مروحه جنابو عمر و المطر
غاااااااااااااااااااااااااااغ
| |
|
|
|
|
|
|
Re: وويـــن الناس ..؟ (Re: محمد عبد الماجد الصايم)
|
Quote: باللاي وصلتوا السراميكـ؟ طيب ح تجيب الغسالة من الحراج متين؟ |
... أ،ا مش قلت ليك خشمك خفيف وما بتنفع تشتغل في الاستخبارات ..؟
غايتو بي حركاتك دي يجيك اللوتري وتمشي امريكا ما بتعمر كتير .. طوالي برحلوك .. لانو البلد ديك بتعتمد على مبدأ السرية التامة في إدارة الأمور
| |
|
|
|
|
|
|
Re: وويـــن الناس ..؟ (Re: معتصم محمد صالح)
|
Quote: نحنا كلامنا بنقولوا بعديين بعد الرشة ... |
.. يعني مثلا بين الشوطين زي المرة الفاتت ..؟ تعال اكتب لينا اقرار بذلك .. وتعهد
Quote: والله الزول يشوف تجدعك ده يقول غلبتو وكمان شلتو الكاس .... |
.. والبشوف بوسطيك بتاع الخرطوم داك .. يقول موردابي ..
غايتو بنمتعكم بره وجــوة ..
بالنسبة لي البوست بتاع الخرطوم تلاتة .. وووين الصورة ..؟
| |
|
|
|
|
|
|
Re: وويـــن الناس ..؟ (Re: طارق الكوتش)
|
Quote: غاااااااااااااااااااااااااااغ |
يا كوتش .. ياخ الناس دي وووين الليلة ..؟ والله ما عندكم اي خـــووة .. أخوانكم المتعهدين ديل افقدوهم .. ما يكونو كمان مشو بنغازي
| |
|
|
|
|
|
|
Re: وويـــن الناس ..؟ (Re: alsngaq)
|
ويينك يا ابو السناجك .. أخبارك ..؟
Quote: تعرف التعليق دا ما عارف ليه اداني احساس انو حتى اعجابنا وتشجيعنا للكورة لسه قديم زي كورتنا..... |
يا السنجك .. نحن شعب ارشيفي خالص .. نموت موت في القديم .. تجديدنا يبدا بالقديم .. بنرجع للقديم من القديم .. لاعب الكورة لحدت الآن عندنا بيلعب بي ثقافة قاطعة من راسو .. بيأخر الزمن وهو منتصر عن طريق الدردقة في الوااطة لفترة زمنية طويلة جدا .. وما عارف انو في استوب وواتش .. لسة بيشوت لاكورة في المدرجات وما عارف إنو الفيفا عندها مية كورة برة الملعب وفي كم واحد بجيب الكورة في ثواني .. لحدت الآن بنفتقر لي خاصية تخصيص اللاعب المناسب في المكان المناسب للحالة المناسبة .. ما عندنا لاعب بيتدرب على التهديف في المرمى وتدريبو ومعرفة امكانياتو .. ركلات الجزاء مافي شخص اختصاصي ليها ممكن يدخله مية مرة في القون وبي حسابات دقيقة جدا .. لحدت الآن نحن بنعتمد على انجازات قديمة جدا اصحابة الآن دخلو التراب والباقي منهم بعيد عن اي حاجة ليها علاقة بالكرة .. عشان كدا كل حاجاتنا لازم تكون قديمة جدا واسلوبنا محصور في منافساتنا المحلية .. وبي دا كلو من حقنا نفرح .. مع اي نقله جديدة مهما كانت درجة السلحفائية في انجازه .. هيثم مصطفى لاعب حريف يا السنجك .. لكن فيهو عيوب هو عارفة كويس .. وكتيرين عارفنها .. واللحظة البتمسك هيثم مصطفى من اي لاعب فريق خصم .. شكل الهلال بيكون جايط .. ودي الحاجة المخيفة جدا .. في الفترة الأخيرة هيثم مصطفى يعتبر كلمة السر في كل انتصارات الهلال والممون الأول لي الشق الهجومي .. عشان كدا الزول دا قال لو هيثم لعب باص لي بكري المدينة .. Quote: امس فى برنامج نجوم الغد واحدمن لجنة الحكام قال نحن فى السودان دا موسيقانا والحانا عندها شكل براهو وتعليقه كان بشكل متطرف لا يرمي الى شكل التفرد الابداعي يعني يديك احساس كده انو زمن الابداع كان فى السبعينيات جيل ذهبي فى الكورة فى الفن الاعلام الحكاية شنو...... يتبع
|
ف الحتة دي يا السنجك بختلف معاك شوية .. الزول دا ما متطرف بقدرما هو عارف فعلا بقول في شنو.. المزيكا في السودان مليانه ملي شديد .. كبر المساحة واختلاف القبائل خلق الوان مختلفة من الأبداع الموسيقي عايز شوية ترتيب لكن هنا بقيف التنظير عائق في التطور .. هيمنة الشخص الواحد على منابع الأبداع .. دا السبب الاساسي في تدني مستوانا .. الكروي والفني وكلوووو .. امسكو من عدة جهات ح تلقى كلامي دا واقع معاش ..
Quote: الليله يا علاء سوااااقه شديدة عامل ليك بوست زي ابوريالين وشغال تنادي على الناس |
... تعرف يا السنجك .. عندنا واحد مريخابي في الحلة كان .. ياخ دا منجضنا نجاض شديد غايتو لما المريخ دا يغلب كان إلا نشوف لينا مكان الزول دا بيكون حايم الليل كلو ويكورك في الشارع .. هو واحد بس .. لكن كان بيعذبنا ليك عذاب شديد .. المهم يوم قمنا رشينا ليك المريخ .. ياخ نحنا طلعنا من بيوتنا زي المجانين بنفتش على الزول دا .. دقينا الباب حقهم .. ماف اي حس ليهو .. مشينا اي مكان ممكن يتلقي فيهو مافيش .. آخر حاجة قام طلع لينا في راس البيت بتاعم وشايل ليهو علم كبير جدا بتاع مريخ وقاعد يكورك .. الكورة الجاية بنرشكم .. الكورة الجاية بنرشكم .. اهــا حسع زي ما شايف .. الليلة الجماعة المتعهدين مافيشين .. انا قلت اشيل العلم بتاعي .. وأعمل ليهم فرش متاع لحدت بعدين يحلها الف حلال ..
| |
|
|
|
|
|
|
Re: وويـــن الناس ..؟ (Re: tmbis)
|
تامبا ياحبيب
ومشتاقين وربنا يجمع القريب
كدي امسك عندك....!!!!
اطرد الاحلام ياجميل واصحي.....
ده بعد الساعة عشرة .
مشتاقين
| |
|
|
|
|
|
|
Re: وويـــن الناس ..؟ (Re: haroon diyab)
|
Quote: تعرف السبب بوست كاتبه ودنوبي اعتقد قبل كم يوم عن هيثم مصطفى انو لو اده بكري باص بجيب قوون |
.. يا السنجك .. .. اعتذر عن ايراد اسم بكري المدينة هنــا .. فبكري المقصود هو بكري تاني
لكن بيني وبينك يا السنجك .. والله كلام نوبي صاح .. عادي جدا باص قووون من هيثم بكري يدخله السيرفر
اقول قولي هذا وما خايف من اي زول هنـا
| |
|
|
|
|
|
|
Re: وويـــن الناس ..؟ (Re: haroon diyab)
|
Quote: تامبا ياحبيب ومشتاقين وربنا يجمع القريب كدي امسك عندك....!!!! اطرد الاحلام ياجميل واصحي..... ده بعد الساعة عشرة . مشتاقين |
اوووه هارون (مطـــرة) .. .. أحلام شنو يا هارون ياخ .. نحن ما بنحلم بنلعب بس .. بنمتع نفسنا .. أمبارح جماعتكم قالو قدو السلك .. كان تكون عليكم عطبرة ومدني .. وفي القولد التقيت بالصديق
بعد الساعة عشرة ليييه ..؟ ما واثقين في التيحــة واللا شنــو..؟
لما القطاااار صفر وقف .. ظهرت لي صورة عطبررررررة .. عطبرة
| |
|
|
|
|
|
|
Re: وويـــن الناس ..؟ (Re: فيصل نوبي)
|
نوبي والسنجك .. حقو الواحد يفتح فيكم بلاغ .. والله الليلة الأحد بي توقيت هنـا .. بيكون السبت الصباح هناك .. يعني راس الحربة دا ممكن يكون فاضي حسع دي يجي يعمل ليكم فرش متاع
| |
|
|
|
|
|
|
Re: وويـــن الناس ..؟ (Re: فيصل نوبي)
|
والله يا تمبس معاي اليومين دي أبوي مريخابي بشكل
اهم حاجة متفائل بيهوا ما حصل حضر معاي كورة للهلال إلا غلبنا
عشان كدة متحمل هم قعادي ساكت جنبوا أثناء المبارة
اهم شي كيفك انت ، وانشاء الله غالبين
تحياتي للجميع
| |
|
|
|
|
|
|
Re: وويـــن الناس ..؟ (Re: سيف بخيت موسي)
|
Quote: والله يا تمبس معاي اليومين دي أبوي مريخابي بشكل اهم حاجة متفائل بيهوا ما حصل حضر معاي كورة للهلال إلا غلبنا عشان كدة متحمل هم قعادي ساكت جنبوا أثناء المبارة |
كيف يا ابو السيوف .. حمد الله على سلامة الحاج .. تعرف ذكرتني ابوي .. غايتو ما بتقدر تكمل معاهو كورة للهلال خالص .. انا ارفس بي جهة وهـو يرفس بي جهـة .. يوم نكون مضروبين دا .. ان وهو بندخل مع بعض في حتات ضيقة خـــلاص .. عندنا عمنـا داك كمان في تمارين الهلال قاعدين يربطوهو في رجل العنقريب من هـو صغير .. عليك الله عاين مسيرة الهلال دي حافلة بالانجازات كيف ..؟
والله انا تمام التمام الحمد لله .. وكل الجماعة بخير .. وبإذن الله الجماعة ديل بنرشهم ..
| |
|
|
|
|
|
|
Re: وويـــن الناس ..؟ (Re: tmbis)
|
نحن قاعدين يا حاج تمبس
منتظرين متين الدوام يخلص الساعة ستة نجي ناخد لينا حمام ونتوكل ناس عمر بوب
عشان نشوف الكورة المسجلة دب
| |
|
|
|
|
|
|
Re: وويـــن الناس ..؟ (Re: khaleel)
|
Quote: منتظرين متين الدوام يخلص الساعة ستة نجي ناخد لينا حمام ونتوكل ناس عمر بوب |
يا خليل .. مع عمر بوب ما بتجيك الحبـه .. منصرين إن شاء الله .. لكن بس اعمل حساب الطابور الخامس
| |
|
|
|
|
|
|
Re: وويـــن الناس ..؟ (Re: tmbis)
|
تمبس يافنان
سلامات
الجماعة يشكون الم الاحتضار وارجو ان تدعو لهم بحسن الخاتمة الرياضية
فحالهم يغني عن سؤالهم والدليل اخونا الجميل هارون دياب فله التحايا لان فيه بعضا من ملامح سيد البلد
| |
|
|
|
|
|
|
Re: وويـــن الناس ..؟ (Re: عمر صديق)
|
Quote: الجماعة يشكون الم الاحتضار وارجو ان تدعو لهم بحسن الخاتمة الرياضية فحالهم يغني عن سؤالهم والدليل اخونا الجميل هارون دياب فله التحايا لان فيه بعضا من ملامح سيد البلد |
يا عمر صديق .. والله الحال ما بيسرنـا .. الناس ديل تعبانين شديد .. الدخلت فيهم من اتنين كاريكا ومهند ما بتطلع بالساهل .. لكن واله عايزنهم يشدو حيلم معانا شوية على الاقل ننافس بي فريقين ليهم خبرة وتجارب في المحافل الخارجية .. ما تبقى فرمالتم الواحدة نحن جبنا الكاس .. سنة كم كدا ما عارف .. وغنتو صفر لحدت الآن .. هاروون دياب أو هارون مطرة .. والله كان كويس .. خرب لينا علاقتو معاهو مهند الطاهر وكاريكا
| |
|
|
|
|
|
|
Re: وويـــن الناس ..؟ (Re: tmbis)
|
Quote: اقلاهــا ما ندقس دقسة المرة الفاتت جوه استادنا ..
|
ما انتو طوالــى كــدا ... واكبر انجاز افريقــى ليكم لعبتو فى الفاينل
لكن المقولة المشهورة من زمن عمنا ابو العائلــة الله يرحمو
الجماعة ديــل كلام الفلاتى راكب فيهم
كاس تشيفــي ولا تشيلــي
| |
|
|
|
|
|
|
Re: وويـــن الناس ..؟ (Re: حسين عوضاى)
|
Quote: ياريت ياااخ والباقي علينا تب .. ماكننى جنس مكنه الجماعه ديل .. |
ازيك يا عريس .. ومنور البوست والله .. الجماعة ديل يا حسين هم ممكونين لكن ما عندهم قبلة يقبلو عليها .. لذلك إنت احتسب .. ومتعم البقولوهو ليك كلووو قول ليهم ايوة كلامكم صاح .. حتى لو قالو ليك نحن الكاس دا شلناهو زماااان .. والفرمالة التانية بتاعت .. الفتوح بي خمسة أو ستة جواكر بتاعت الاسبوع الفات فزي ما شايف المسالة متطورة .. مع تطور فرقة الهلال
| |
|
|
|
|
|
|
Re: وويـــن الناس ..؟ (Re: بدر الدين اسحاق احمد)
|
Quote: ما انتو طوالــى كــدا ... واكبر انجاز افريقــى ليكم لعبتو فى الفاينل |
يا بدرالدين اسحق ,, ياخ دا ما انجاز كبير الحبه دي .. دا انجاز كبير جدا .. إنت عاين البطولة اسمه شنو وبعدين الفاينل ياتو القاصدو ..؟ بتاع لاراش ..؟ ياخ داك خلينا منو نحن زاتو ما قاعدين نتذكرو .. لانو التاريخ مسجلو بي حروف لونه زرقاء بي ابيض .. اهــا إنتو الشلتو كاس قبال كدا .. حسع دي قاعدين خشمكم ملح ملح .. ناس الامل عطبرة يطقطقو فيكم زي الما حصل حاجة .. وتعملو زغبير من اهلي مدني .. ولسة ارجو الراجيكم لي قدام .. والله انا لو منكم .. اعمل صندوق دعــم المتعة .. البتلموهو دا عافينو ليكم .. اشتروهو قصب سكر .. وفول حاجات وتعالو اقعدو لينا في المدرجات شوفو نمتعكم كيف بي باصات سيدا .. والهوبــا بتاعت مهند .. واقوان المعز .. طبعا ما عايز اجيب ليك سيرة الجماعة الباقيين .. بتتعبك اليومين دي
| |
|
|
|
|
|
|
Re: وويـــن الناس ..؟ (Re: فيصل نوبي)
|
تامبا
الهلال لديه فريق ولديه جال يقفون ورائه سجل صلاح ادريس هؤلاء الرجال وجاء بميشو وبعده ارادالله ان يجعل امر الهلال في ايادي رجال مهرة يعلمون ما يفعلون ويخططون بدءاً بالمهندس رئيس النادي ونائبه الرمح الملتهب قاقارين
الهلال لديه رجال مثلك وعمر فاروق وطارق الكوتش واحمد الريح وودالصائم وخليل ومعاوية حسين وقمر بوب يكتبو ويحللون ولا انسى دكتور صلاح البشير
الهلال يملاء فمك عندك ما تقول الهلال
الصادق
------------------ لكن يا تمس اخوك خايف من كورة الليلة دي يامان ومن الصباح ما اشتغلت لي ولا حاجة (هل تصدق؟؟؟؟؟؟)
| |
|
|
|
|
|
|
Re: وويـــن الناس ..؟ (Re: معاوية عبيد الصائم)
|
Quote: الصفوة الصفية اميرة الشيخ ومن اصتف فى صفها
|
والله يا معاوية .. أميرة الشيخ ليها كم يوم مافيشة .. من ايام الخمسات والستات والعشرات دي ما ظاهــرة .. انا خايف بس تكون اتعوقت من باصات هيثم دي .. والله اقوليك حاجة ..؟ حسع تلقاها بتقرا بي عين ومغمضة العين التانية ..
| |
|
|
|
|
|
|
Re: وويـــن الناس ..؟ (Re: بابكر التوم)
|
والله يا بابكر التوم .. ود عبد الماجد دا الله يخدر ضراعوو قاعد يمتعني ليك بشكل .. يمتعني انا بي هنـا .. وبي هناك مزمل ابو القاسم يجقلب محمد عبد الماجد دا اي حاجة عندو بي نظام
| |
|
|
|
|
|
|
Re: وويـــن الناس ..؟ (Re: الصادق صديق سلمان)
|
Quote: الهلال لديه فريق ولديه جال يقفون ورائه سجل صلاح ادريس هؤلاء الرجال وجاء بميشو وبعده ارادالله ان يجعل امر الهلال في ايادي رجال مهرة يعلمون ما يفعلون ويخططون بدءاً بالمهندس رئيس النادي ونائبه الرمح الملتهب قاقارين
|
.. الشباب ديل كلهم على قدر المسؤولية يا الصادق .. بتحس إنو في شغل حاصل .. المسالة لو بقت قروش .. والله اولاد الهلال مليانين قروش للحلقوم .. المشكلة كلها حلحلة الأمور الادارية ودي عايزه ليها قعدة .. وحسع اولاد الهلال قعدوا مع بعض .. وح يقعدوا الدور والباقي على اللعيبة .. واللعيبة ماشاء الله معنوياتم في السماء .. غايتو إلا يدخلم نوع من الغرور .. دي الحتة الوحيدة المفترض يتعمل ليها الف حساب .. عايزين شوية توعية وسط اللعيبة .. يعني الهبوط بي وتيرة اللعب في حال الفوز دا كلام ما كويس .. تضييع الفرص قدام المرمى دا كلام ا كويس .. فتح ثغرات في الدفاع دا كلام ما كويس .. يازول اشتغل شغلك والله الحبه ما بتجيك ..
| |
|
|
|
|
|
|
Re: وويـــن الناس ..؟ (Re: tmbis)
|
عزيزنا تمبس يا أخى سلامات والله جد الواحد متكيف كيف شديد . وعليك الله بعدين عصر يوم الاحد عندكم جيب لينا التسجيل . عشان الدنيا هنا تتفرج فى الشغل العجيب .
| |
|
|
|
|
|
|
Re: وويـــن الناس ..؟ (Re: Osman Musa)
|
Quote: عزيزنا تمبس يا أخى سلامات والله جد الواحد متكيف كيف شديد . وعليك الله بعدين عصر يوم الاحد عندكم جيب لينا التسجيل . عشان الدنيا هنا تتفرج فى الشغل العجيب . |
حبيبنا عثمان .. الله يبسطك كمان وكمان .. إن شاء الله الاولاد ديل الليلة يبسطوك زيادة .. التسجيلات ح تكون بي طرفك إن شاء الله .. وإن شاء الله نحتفل بيها هنا دا ..
| |
|
|
|
|
|
|
Re: وويـــن الناس ..؟ (Re: tmbis)
|
عارف يوم 28 ده عيد ميلاد رغيم
لكن الولد الصغير دايما بيسألني
يا بابا عمو طارق بتاع حفرة الدخان
عنده صلعة ومريخابي كيف يعني؟؟؟
احرجني الولد وعصر علي شديد اضريت
اقول ليهو حكاية قدح المونة وخريق الشعر
من تساقط الاسمنت .....
انا غايتو اليوم في الخرطوم و سجن سجن غرامة غرامة
| |
|
|
|
|
|
|
Re: وويـــن الناس ..؟ (Re: osman righeem)
|
Quote: عارف يوم 28 ده عيد ميلاد رغيم |
غايتو نادغين ما بتتبلا في خشوما فولـه
--------- كل ما اكون جاياكم في البيت نادرين تحميني وتقول لي : نحن صايمين (^_^)
| |
|
|
|
|
|
|
Re: وويـــن الناس ..؟ (Re: osman righeem)
|
الاخ تمبس
متعك الله بالصحة و العافية و أدخل اليك الفرح السرور بنصر مؤزر اليوم للهلال بإذن الله
اليومين ديل الجماعة ديل ماسكين فى الخمسات و الستات الله يستر على التيحا و نتمناها كذلك
و الجماعة لابتين و منتظرين الهزيمة للهلال فى المقبرة لكن كان غيرهم اشطر و المرة لن نرضى بغير الكاس
| |
|
|
|
|
|
|
Re: وويـــن الناس ..؟ (Re: Osman Musa)
|
بلاي عابن ديل؟؟؟
بقول ليك السنة دي لو ما شلتو الكأس؟
كأس شنو؟
أكتر من كدهّّّّ!!!!!!!
الفريق الطلعكم من البطولة ...نحن ماشبن نتونس ونتمرن معاهم ساكت.... تقولوا لينا كأس...
انت بروزوا الكأسات دي واتفرحوا في ناس سادومبا وبشة وهيثم مصطفي...بلاي دي اهداف بجيبوها ناس نصاح؟؟؟؟
وبعدين بعني لو ما جبنا كاس انتو حا تظلو في كرريكم تحدثوا عن رجال والل شنو الموضوع بتاع الكاس دا بالضبط؟؟؟ غايتو يوم الليلة دا كان ما مرقتو النصيحة.. بتكونوا صديتوا زي كاسكم
| |
|
|
|
|
|
|
Re: وويـــن الناس ..؟ (Re: سناء عبد السيد)
|
مبروك يا تمبس ياخ والله أنا من الصباح قريت البوست دا ومداخلاتك في بوستات الوصيفاب قلت الزول دا مالو الليلة ما عوايدو يكتب قبل الكورة كتير إلاّ كان داخلاك خوفة أتاريك راقد فوق راي رش يا معلّم قدر ما الله يديك فوق عديلك هلالابي وسيد بلد ومتصدر البطولتين وكورتك الجاية تمرين لناس النعيم ونادر الطيب
| |
|
|
|
|
|
|
Re: وويـــن الناس ..؟ (Re: محمد البشرى الخضر)
|
Quote: رش يا معلّم قدر ما الله يديك فوق عديلك |
وخاصة خاصة ...أساسي وهارون كااااااااك... الترزي البلدي...
الذي حاول ان يفصل قمصان BHS بمكنته الفي مدني.
قال اهداف المريخ في التيحا (مدني)
| |
|
|
|
|
|
|
Re: وويـــن الناس ..؟ (Re: محمد البشرى الخضر)
|
فوق يا اسياد البلد لحدت ما اجيكم راجع .. خلوني اخلص من الحفلة حقتي دي .. واتفقد رعايانـا المساكين ديل .. نشوف المعوق فوقم منو والقلبو واجعو منو والسكريهو فوق منو .. والله الهلال دا يقعدوا يتابعو فوقو مباراة مباراة كدا دا .. بعقوم .. بعوقم
ملحوظة: ابشر جماهير ومحبي الهلال .. انه تم انتقالهم مباشرة إلى مباراة الكاس .. وذلك في آخر تصريح للمساكين الحايمين هنا دا .. يعني بي صورة أوضح: الجماعة ديل قفلو صفحة كابس والجيش والتيحا نظرتم بقت مستقبلية على المدى البعيد
انا احبك يا هلال لما تضغط شديد وتجيب للمساكين حقهم
| |
|
|
|
|
|
|
Re: وويـــن الناس ..؟ (Re: tmbis)
|
Quote: أنا كمشجع هلالي .. بحب
|
يا تامبا صباحك أبيض
وبس كدا كفاية جملتك الفوق دي كفاااااااية ومبروووووووووووك زرقااااااااااء
تـحاياي
| |
|
|
|
|
|
|
Re: وويـــن الناس ..؟ (Re: لؤى)
|
تمبس
ســـلام .. كالعادة وزي كل مرة الهلال دا برفـــع ليكم سقف الأمنيات للسماء وبعدين في اللفة الأخيرة بدق بيكم الدلجة وباحـــلامكم المهم العبرة بالخواتيم وحــدنا معاكم لما تصلوا الميس وتكون النهاية سعيدة
التونسية منتظراكم
| |
|
|
|
|
|
|
Re: وويـــن الناس ..؟ (Re: محمد الامين احمد)
|
برضو جداد لنج ياتمبس ياخوى?
امانة فى ضمتك انا مانى قاعد اكتب من يومك الـعرفتنى ,, اها هسع جداد ولا حمام غنيتو يلا يا منقة ولا لسه ,, هارد لك ,, المرة دى بالجد الهلال لعب بروح عالية لكن نسو شنو الكورة بتريد العرب ,,
| |
|
|
|
|
|
|
| |