|
|
 ** كورس كعك العيد** بوست مفتوح لضيوف المنبر
|
دا فصل عدييييل...
و آنا حجزت مقعد في الصف الاول.. جنب السبورة
و مريم وصتني احجز ليها جنبي ..
كرسي المعلمة محجوز للحصة الاولى
و شوف عيني الاميرة لنا جاهزة بمنهج قوي
| Quote: يا جماعة دايرين نبدأ بوست كعك العيد بعد دة(:(: |
و انا مسحت ليها السبورة بموية سكر
و جهزت ليها الطباشير
و باب التعيين مفتوح لكل المعلمات..
و التسجيل لكل الطالبات .. الطلاب يمنعوا الفوضى بالله.. دا شعراً ما عندهم ليهو رقبة :)
ايميل البوست.. للمشاركة من خارج المنبر
khabeez(at)gmail.com
و مرحب بالجميع و كل سنة و انتو طيبين
ـــــــــــــــــــــــــــــــــــــــــ
لنوية .. تعالي حبيبة .. استلمي
|
|
 
|
|
|
|
|
|
|
 Re: ** كورس كعك العيد** بوست مفتوح لضيوف المنبر (Re: Sana Khalid)
|
اماني .. سمارت.. دانيا .. اميرة.. شبكة .. راوية.. فدوى.. دلوش.. هويدا.. وجن .. رشا.. سارة .. سحر (المنتسبة)..
غايتو كلكم اسماءكم مسجلة.. معلمات و طالبات اختاروا مقاعدكم و خلونا نبدا..
و يا ريت المواهب المكنوزة في البورد و قرائه .. كلها تجي و تشارك معانا.. منتظرنكم..
| |
|
|
|
|
|
|
|
|
 Re: ** كورس كعك العيد** بوست مفتوح لضيوف المنبر (Re: Sana Khalid)
|
اميرة.. منووووووورة البوست..
و الله يا اميرة محبتي ليك اضعاف.. و على فكرة انا البحس اني بتخذلني الفرص للتعبير عنها.. شكراً لانك هنا..
تعرفي انا مبتدئة جداً في موضوع الخبيز بكل اشكاله.. عشان كدا اكيد انت بالنسبة لي معلمة كبيرة..
| Quote: لكن لازم اقعد قدام |
طوالي.. غايتو غير سارة علي ما عارفة لي زول حيكون مجلي الموضوع و داير المقاعد الخلفية :))
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amira Elsheikh)
|
| Quote: دى صورة يجيبها زول مبتدى يا سنوية؟ |
هههههههه.. لا لا يا اميرة.. الصورة ما حقتي.. جايباها من النت.. لو نزلت صورة حاجة عاملاها انا.. حآكتب عليها اسمي كالعادة
على كل عندي وصفات قديمة حانزلها .. و بذاكر في النت اليومين دي حاترجمها برضو و انزلها
لكن الحصة الاولى دي عليك الله انت او داليا زول يتبرع لينا بيها..
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: أها يا سنويه ,
نبدا ولا نخلي لنا تجي ..؟؟
انا يدي اكلتني خلاص :)
اميره تعالي اقعدي جمبي عشان نعمل حركات كنبه ورا كنبه ورا |
لا آبدي طواالي.. لنوية بتلحقنا
آها عشان حركات كنبة ورا دي.. الفصل دا كللللو صف واحد.. قدام بس.. شبابيك للسرحان زاتو ما فيهو :))
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: انا ماشه اسوي الفطور لانو معانا ضيوف ,
وبجيكم المسا |
انا الحالة قلت انت تمسكي لينا الحصة الاولى.. طيب منتظرينك ..
****
على بال ما المعلمات يفطرو و يجو..
وصفة الكعك الناعم البشتغل بيها .. لما يهف لي اعمل كعك .. (الهففان دا مرة كل سنتين تقريباً :))..
4 كبايات دقيق
1و 1/4 كوب سمن
1/2 م ص ملح
1/2 كوب شاي ماء دافيء
1/3 م ص بيكنج باودر
كافور ناعم (كضباً كاضب اقول بعرف يعني شنو كافور ناعم.. !! هي مكتوبة عندي كدا لكن انا ما عارفاه.. عشان كدا لما اعملو بسحن بهاراتي براي.. بدون مقادير عين جمل و حبهان و قرنفل .. و بكب منها البيرضيني :))
الطريقة:
آخلطي الدقيق مع البهارات و البيكنج باودر و اعملي حفرة في وسطه
على النار ضعي السمن و الماء و الملح حتى يغلي..
اسكبيه في وسط الدقيق و اعجنيه .. افردي.. قطعي و اخبزي.. و بعدين سكريه بالسكر البودرة
ــــــــــــــــــــــــــــ
اميرة .. آمنت؟
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
سناء
اكتبيني مع الطلبة
واحجزي لاماني وفادية وانعام حيمورة كراسي جنبي هنا
لانو اماني دي مستجدة تماما
وفادية ممكن نلقى منها شي
اما انعام العروس ميييييييييييح
عشان اتوصي بيهم عليك الله في دروس التقوية دي
وعشان ما اجيكم فاضية
بسال ليكم امي من عجنة البسكويت وبجيكم طايرة بيها
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: SHIBKA)
|
Quote: سناء
اكتبيني مع الطلبة |
شبكة ازيك..
مكتوبة .. مكتوبة.. تب
| Quote: اما انعام العروس ميييييييييييح |
له له له.. انا قلت اكتب نعومي من قبيل مع المعلمات .. تكون عاملة ليكم فيها ما بتعرف عشان ما تفرط في اسرار الفن ؟ :)
غايتو اكان هي ما بتعرف اكيد خالتو حنانة بتعرف..
و انت منتظرينك.. خالتو اكيد فيها الخير و البركة :)
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: SHIBKA)
|
| Quote: لكن انعام دي ما تتكلي عليها شديد |
غايتو جنس شيل حال
**********
الوصفة دي من النت.. ترجمتها و نزلتها ليكم..
عجبتني و حسيت انها قريبة لفكرة الناعم بتاعنا لو ما البيض..
عموماً في احيان كتيرة انا بتحمس للطبيخ بنكهة بهار او عشب واحد عشان نكهته تكون واضحة و مميزة.. و اتحمست للكعك دا لانو بنكهة الحبهان بس .. ناوية اجربها كبديل للناعم و انتو جربو معاي لو حبيتو.. و باذن الله حاوافيكم بالنتيجة
كعك الحبهان ..
1 كوب زبدة
3/4 كوب سكر
صفار بيضة واحدة
1م فانيليا
1/2 الى 3/4 م ص حبهان مسحون ناعم
2 كوب دقيق
1 كوب سكر بودرة
الطريقة..
نقطة اساسية و مهمة في الريسيبي دي.. انك تحرقي الزبدة شوية.. (او السمنة) .. مش تحرق مرة واحدة.. لكن تختيها في النار و تخليها شوية لما لونها يبدا يتحول للدهبي.. و قريب للبني.. المسالة دي عايزة حرص و مراقبة شديدة لانه الفرق بين الدرجة المطلوبة و بين انها تحرق شعرة بس!
على نار هادية ختي الزبدة.. في الاول طبعاً حتدوب و بعدين حتعمل رغوة
بعد شوية حتتكون فقاقيع و حيبدا لونها يتحول للدهبي
لما يبدا لونها يتحول للبني نطفي منها النار و نكبها في اناء و نختها في التلاجة عشان تبرد.. حوالي نصف ساعة! (طبعاً بنبردها عشان ما ينطبخ صفار البيض)
بعد ما بردت الزبدة نضيفها للسكر و نخفقهم مع بعض كويس
بعدين نضيف ليهم البيضة و الحبهان و الفانيليا و نضربهم كويس
نضيف الدقيق بالتدريج و نعجن لحدي ما تتكون عجينة متماسكة
نسخن الفرن لدرجة حرارة 180 درجة / 350 فهرنهايت
بعدين نقطع العجينة و نرصها في صينية و نخبزها لمدة 10 الى 12 دقيقة او حتى يصبح لونها دهبي
نطلعها و نخليها شوية و بعدين نضيف ليها السكر البودرة و هي لسة دافية..
نقلبها مرتين في السكر لحدي ما تتغطى كويس و بعدين نديها رشة خفيفة اضافية
و النتيجة النهائية
****************
غايتو بلداً ما فيهو التمساح
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
وبما ان بوستك مافيهو تمساح
هاك الطريقة دي للكعك واقرب لطريقتنا
لانو السمن كتير والدقيق اقل ومن غير بيض
٣ كوب سمن
١ كوب حليب دافئ
١ م-ص ملح
١ م-ص بهار الكعك (يمكن طححن قرفة وحبهان)
١ م-ك بيكنج باودر
دقيق علي حسب العجينة تكون متماسكة
نصف كوب سكر ناعم
الطريقة:
يتم وضع السمن في الثلاجة حتي تتماسك
ثم توضع في قدر عميق و يضاف اليها الحليب و تخلط جيدا
و من ثم يضاف الدقيق و الملح و البيكنج باودر
و يقطع الكعك السوداني بقطاعة البسكويت
و تدخل في فرن متوسط الحرارة و تترك حتي النضج
بعد خروج الكعك السوداني من الفرن يرش عليه قليل من السكر الناعم
و يقدم الكعك السوداني بالسكر
مامن يدي وحياة عينيا
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: اساسي)
|
Quote: جميل انه الواحد يشوف الاخت سناء تكتب فيما (يبدو) انها تجتهد لاتقانه , وتدع عنها الكتابة فيما لا تفقه
بوست موفق يشبه امكانياتك
سناء رمضان كريم وكل سنة وانت طيبة ياخ
|
اجمل ما في البوست حتى الآن انه اثبت ان حولاً في القراءة يطرا على الاخ اساسي (احياناً) كحول الكتابة الذي سبق ظهور اعراضه!
فهذه هي المرة الاولى التي اكتب فيها فيما لا افقه
و رمضان كريم و كل سنة و انت طيب يا اساسي
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: عبدالوهاب علي الحاج)
|
Quote: المدام بتاعتي بتتفق مع اميرة الشيخ وبتقول ليك كعكك دا مويتو زايدة شوية
وظاهر عليهو ناشف وقوي بدليل السكر رغم التحانيس الكتيرة دي ما داير يمسك |
كل سنة و انت و المدام و احبابكم طيبين يا وهبة..
لكن انت و المدام و اميرة الشيخ طلعتو ناس بتحبو شمار الصور و بتجلو الكلام المكتوب.. ياخي دا ما ناعم انا قلت حسيت انو قريب للناعم.. دا(كعك افرنجي).. مكتوب بالانجليزي
لافحاه بصوره من النت.. و فيهو بيض و سكر جوة عجنتو .. و ما فيهو موية
لسة ما جربتو لكن بديكم النجيضة بعد اجربو..
سلامي الشديد للمدام و خليها تشاركنا لانها شكلها معلمة ماهرة..
********
مرفق نسخة لاميرة
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amira Elsheikh)
|
سلامات كتيرات للطالبات النجيبات
لينا زمن بنجيب الكعك والحاجات دي للعيد جاهزة
ومن دون محلات مصر الكتيييرة دي بنفضل حلواني توينكي في شارع الهرم
وكمان في العمارة الساكنين فيها في حلواني
دا مرات بننزل نقول ليهو يعمل لينا كيلو كعك ناعم بالسمن البلدي ويزود رشة ملح فيهو شوية(بتاعين المحلات مابيعملوا ملح في المخبوزات)
نفسي اروق كدا وأوصف ليكم الغريبة بتاعة أمي
صراحة وبالجد مالاقتني في حتة ولا شفت مرة سوت زيها (أمي أحسن مرة بتعمل غريبة في الدوحة)
وعلى قول المصريين
ياناعمة ياغريبة
أما تجربتي في مجال عمل الحلويات والمخبوزات ففعلا محتاجة تتحكي
فيري إنتريستنق
من الروائع المتخصصة فيها
كوكنت معكروني (زي الشكلمة عند المصرين) دي الكوكي نمرة واحد في اليونان حلوى تقليدية جدا ومحبوبة عندهم
الموند كريسنت
وكعك الكرانبيري
وعندي طريقة كعك ناعم مختلفة شوية لكن حلوة وناعمة شديد
وكل أيامنا يارب أعياد
وكل سنة وإنتو طيبين وبخير وعافية
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Rawia)
|
راوية.. كل سنة و انت طيبة
ياخي انا متاكدة انك حتكوني صندوق كنز لو بحتي لينا ذاكرتك..
Quote: نفسي اروق كدا وأوصف ليكم الغريبة بتاعة أمي
صراحة وبالجد مالاقتني في حتة ولا شفت مرة سوت زيها (أمي أحسن مرة بتعمل غريبة في الدوحة)
وعلى قول المصريين
ياناعمة ياغريبة |
عليك الله تروقي حسي دي و تورينا ليها.. ياخي العيد جاء و الناس الوقت ضايقها..
الحقينا بيها سريع.. بلييييز
Coconut Macaroni دي اخت الفرمالة بتاعتي.. انا فرمالتي الميرينغز..و الاتنين الوحيدات البعملهم بمناسبة و بدون مناسبة لينا برانا..
مع اني بحب الكوكونت ماكاروني اكتر... لكن ما عارفة السبب شنو انها بترطب لي شوية و ما بتفضل مقرمشة زي الميرينغز! يمكن اختلاف درجة الحرارة و زمن الخبز بيناتهم؟
عليك الله نحن منتظرينك بكل الروائع الذكرتيها دي..
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
و دي مداخلة عبر الايميل من سحر
Quote: ازيكم يا جماعة و كل سنة و انتو طيبين
البوست فكرتو حلوة و الله .. و انا من الناس المحتاجة ليهو و بشدة ..
بس رجاء ليكم كلكم .. خلو ايقاع البوست سريع شوية .. و ألحقونا بالخبايز
والبسكويتات سريع .. باقي كلها كم يوم بس ودايرين نلحق الخبيز و النظافة و الحنة
الليلة يا سناء عملت الكعك الناعم بتاعي .. بمشاركة صحبتي ..
ودي كانت مقادير عجنتها و طلع ظريف والله ( بالنسبة لي بحب الكعك المحمر و مقرمش شوية ما بحب الناعم شديد ولونو أبيض)
المقادير :
1 كوب زيت
1 كوب سمنة
1 كوب زبادي
ذرة ملح
ملعقة كبيرة باكنج باودر
سمسم محمص
كافوووور ناعم ( انا الليلة برضو اول مرة اشوفو .. ريحتو و نكهتو حلوة شديد و مهم قالو للكعك )
نخلط المكونات دي كلها مع بعض و بعدين كبي كمية الدقيق لحدي ما تتكون ليك العجينة الانتي عاوزاها
لو عاوزة العجينة جامدة و قوية حبة زيدي كمية الزبادي و لو عاوزاها هشة قللي كمية الزبادي .. هكذا قيل ..
دي غايتو صورة الكعك اول ما طلعتو ..
و دي بعد ما سكرت جزء منو .. بالنسبة للسكر استعملت icing sugar
بس ما عجبني زي السكر المسحون في البيت .. للباقي حاعملو بسكرنا العادي..
أميرة الشيخ .. يا زولة يا لزيزة .. الصور دي ساهرت بي والله .. و اجتهدت في عينة من البريزنتيشن النهائي لكن السكر خذلني .. ف بالله اقبليها مننا كدة ....درس الخبيز دة على درس التقديم بتاعك لازم يطلعو شيالة و جيهة و إلا حيبقى مافي داعي الواحد يساهر معاكم في بورديكم دة ..و حأصور ليكم الشيالة وقتها ان شاء الله..
سناء عليك الله سلمي لي على أماني و مريم و قولي لمريم ربنا بحبني .. العزومة فشنك بقدرة قادر ..هههه
و انشغلت حبتين عشان كدة ما رجعت ليهم تاني بهناك..
تحياتي ليكم كلكم يا حلوين و بانتظار جديدكم لكن بسرعة عليكم الله .. عشان لو جربنا حاجة و خستكت نلحق نشتري جاهز ..
سلااااام..
سحر خالد..
|
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: محمد أبوالعزائم أبوالريش)
|
Quote: غايتو لو زي هففان كتابة الروايات .... واطاتنا أصبحت.
سناء .... مشتاقين ياخ ... ويشهد الله مشتهين كتابتك (التانية)
كل عام وأنتم بخير |
ابو العزائم كل سنة و انت طيب..
كيف عرفت انو انا بتهف لي كتابة الروايات؟ مع اني ما حصل صرحت بهفة زي دي! .. الا اطمنوا دي ما جربتها لكن الخبيز جربتو..
الكتابة (التانية) خليها.. اليومين دي زعلانة لي زعلة.. اكان مشيت كتبتها بفتح نار في الجهات الاربعة.. و اول زول حيزعل سيد الكفر:))
الدنيا قبايل عيد .. اخير ننجض الكعك
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: محمد أبوالعزائم أبوالريش)
|
ازيكم يا بنات ....و يا استاذات
شكلى سبقتكم و خلصت المقرر فى الصيف.
اليوم من الصباح دورتا خبيز....الان و بعد حوالى 4 ساعات ...خلصت و نظفت المطبخ و وصليت و قلت اشوف البورد الحاص فيه شنو...لقيت بوستكم ده
يا ريت لو كنت انتظرت يوم واحد بس...كان هسى عرفت المعلمين بيعملوا شنو و حاكيتهم.
غايتو بحصلكم فى البتوفر و الحجات الظريف التانية
اصللى اليوم خلصت الفرض (الكعك و بسكويت المكنة )....بكره نشوف معاكل باقى الحجات
اها و ادى قعدة جنب سناء و مريوم و راجين المعلمة لنا
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: smart_ana2001)
|
سلام و كل سنه و انتوا طيبين قبل الزحمه
الغريبه
كوبايتين سكر ناعم
كوبايتين زبده ناعمه
خمسه كوبايات دقيق
ذرة ملح
نضرب السكر الناعم و الزبده بالمضرب على حمام ثلجي لحدي ما يكونوا زي الكريمه
نضيف الدقيق تدريجيا لمن تكون عندنا عجينه ناعمه
نشكلها كور و نضع عليها لوز او فستق او قرنفل من فوق. ندخلها الفرن لمن لونها يشقر بس و تحمر من تحت ما تستنوا لمن تحمر من فوق لانها بتتشقق. نطلعها و ناكلها
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: smart_ana2001)
|
سناء خالد... اطلعي برّه البوست ده... انت وقت بتعملي الناعم وبي هففان كمان، بتعملي في شنو بي جاي!
يا جماعة انا سنة خامسة زواج، ما حصل عجنته لي دقيق ولا عندي عدّة الخبيز زاتها! غايته انا عايزه اي وصفة حايمه...
حأجرب وصفتك بتاعت الناعم بكره يا سناء، لانه شكلها ساهله.... البتي فور غايته بت خالتي جلاله الله يديها العافية رسّلت لي وصفتها.. ورسلت لي وصفة بتاعت بسكويت اليانسون... بكره بعمل مقدار بتاع بسكويت يانسون، وبوريكم النتيجة....
بسكويت اليانسون وصفة جلالة
5 بيضات مع الفانيليا. كوب زيت نظيف نباتي. كوب سكر غير بدرة. 3كوب ونص دقيق. 2ملعقة باكنج باودر.ملعقة يانسون ملعقة سمسم وأخري كمون أسود.
يخلط البيض مع الفانيليا في الخلاط جيدا مع ذرتين ملح ويصب علي خليط الزيت مع السكر ثم تخلط بقية المواد باليد .
يوضع في صينية مدهونة بالزيت جيدا ويخبز في الفرن ويقطع وهو ساخن شرائح رقيقة ويقلب بالجوانب ويدخل الفرن مرة أخرى..
عاد الله يستر نادر عبّاس ما يخش البوست ده، حيشمت فيني
| |
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: مريم بنت الحسين)
|
سمارت، hats off ياخ.. والله اخجلتينا عديل كده وجبتي لينا الهوا... هدا نادر يضحك فيني، قال لي احنا ياتو يوم كان عندنا خبيز عيد! عليك النبي ده تشجيع ده!!! دايرني احرد.. لكن اصلي ما بحرد... بعمل، وكان ما نجح برميه قبل ما يجي يشوفه.... حاكم لسانه طوييييييييييييييل
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: مريم بنت الحسين)
|
وب علي يا دانية.. غايته منفّعه ناس الزبدة ... لو ما انت، البيزنس بتاعهم بقفّل
لقيت وصفة على قدري كده... الشكلمه، مافي واحده تجي تضحك علي...
المقادير
اربعة كبايات جوز هند
علبة واحده بتاعت حليب مركّز ومُحلّى (400 غرام)
ملعقة صغيرة فانيليا
الطريقة
كوبو الحاجات كلها سوا واخلطوها... حتطلع عجينه بتتشكّل... دخّلوها الفرن لحدي ما تتماسك.. ما بتذكر لونها بطلع كيف...
لما اعملها، اظني حأتذكر...
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amira Elsheikh)
|
Quote: أميرة الشيخ .. يا زولة يا لزيزة .. الصور دي ساهرت بي والله .. و اجتهدت في عينة من البريزنتيشن النهائي لكن السكر خذلني .. ف بالله اقبليها مننا كدة ....درس الخبيز دة على درس التقديم بتاعك لازم يطلعو شيالة و جيهة و إلا حيبقى مافي داعي الواحد يساهر معاكم في بورديكم دة ..و حأصور ليكم الشيالة وقتها ان شاء الله..
|
سحر ..ياجميلة ...ازيك ياخ واحييك على مشاركتك نيابة سناء ورائدات البوست
ياسحر مافى اى طريقة نقبلها طالما سمارت انا موجودة بالبوست وشايلة قلمها الاحمر بتاع التصحيح ......
احى زوجة اخونا عبدالوهاب على الاتفاق معنا فيما يخص صورة الرغيف
| |
|
|
|
|
|
|
|
|
 Re: ** كورس كعك العيد** بوست مفتوح لضيوف المنبر (Re: Amira Elsheikh)
|
ياحبايب ازيكم,,
وكل سنه وانتو كللللكم طيبين,,
سنويه ميرسي خالص علي فصل الخبايز,,
وأكيد معاكم في الكنبه الأخيره جنب داليا وأميره,, :)
قصتين مكررات حأحكيهم,,
الأولي: اني رغم انه ماما خطيره في الخبايز,
وعمري كله بقيف معاها يدي بيدها وهي بتعجن, وبقطع ليها الخبيز أنا بعد ما يتعجن,
لكن أتنطر لو فاهماها بتعمل في شنو
السبب طبعا أنها بتتعامل مع العجينه بالاحساس, وبتضيف الحاجات بالسينس كالعاده, ومابتتقيد بمقادير :(
وعليه فهي لاتصلح كمعلمه للزي حالاتي :)
رجاء خاص كله واحده فيكم ياحبايب تكتب وصفتها بالصور والمقاديييير وتصور لينا الشكل النهائي,,
الثانيه: انه السنه دي ما خابزين لأنه حنشتري جاهز لزوم عندنا عقد وكده,,
وعد حأصور ليكم الحنشتريه لأنه البتعمله خطيره ومجربه, ولأني بعتقد انها بتعمل أجمل كعك ناعم وكعك عجوه في الدنيا,
طعمه زي كعك الجنه كده
لكن ناويه أعمل بسكويت يانسون لناس البيت وحأوافق بين وصفة داليا ووصفة قريبة مريم وأوريكم طلع كيف :)
---
سحوره ياحبيبه, حلوه القلوب قلوب, في انتظار الشكل النهائي والشيّاله :)
أميره الشيخ طلب خاص,,
بالله في البوست ده اتخصصي لينا شيّالات وطرق تقديم, :)
خلينا نظبط البريزينتايشن والشكل الجميل :)
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amira Elsheikh)
|
ازيكم يا جماعة..
و الحضور الجدد منورين البوست.. الا ملاسي طبعاً
بجيكم واحدة.. واحد.. ان شاء الله
..
اميرة عليك الله ما تاكلينا حنك ساي..
لهسة وصفة واحدة ما اديتينا ليها.. خلينا نخبز.. بعدين اكان في كورة طلس بنقدمو..
هسة الفايدة شنو الواحدة تشتري ليها شيء سمح زي دا..
تضطر تملاه من السوق عشان لاحقاني في قصة الخبيز!
**********
يا لناااااااا... ما طولتي ياخ..!
دلوش؟.. الضيوف حبستهم المطرة عندكم و لا شنو؟
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: معليش يا جماعة، اول يوم مدرسة... وراحت علي نومه خخخخخخخخخخخ... حاقرا الكتبتوا واجي اعلّق، انا هنا طيش الفصل، ما حأضيف حاجه، لكن بطبّق وبجيب وصفات، وبتعلم معاكم...
شكرا يا سنو |
بركة الجيتي.. و ما تقلقي.. شكلها هنا المنافسة على المركز الطيش ما الاول
| |
|
|
|
|
|
|
|
|
 Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: يا زولة أنا من قبيل بضحك على روحي ........... خليها في سرك .. وما تكلمي زول ... أصلي لخبطت (خالد) بي (جعفر).
لكن شكلو كدة بقى (سهم من غير رامي).
|
و الله يا ابو العزائم بالغت.. هسة سهمك دا انا احتفي بيهو و ابروزه عديل.. القايلني اديبة و اريبة زي ست الجمال بت جعفر،
لكن غايتو سناء جعفر الا تدخل ليها واسطة شان ترضى.. غايتو يا سنوية اعفي لينا..
لومتنا ساي مع بكري... الله في!
| |
|
|
|
|
|
|
|
|
 Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: ازيكم يا بنات ....و يا استاذات
شكلى سبقتكم و خلصت المقرر فى الصيف.
اليوم من الصباح دورتا خبيز....الان و بعد حوالى 4 ساعات ...خلصت و نظفت المطبخ و وصليت و قلت اشوف البورد الحاص فيه شنو...لقيت بوستكم ده
يا ريت لو كنت انتظرت يوم واحد بس...كان هسى عرفت المعلمين بيعملوا شنو و حاكيتهم.
غايتو بحصلكم فى البتوفر و الحجات الظريف التانية
اصللى اليوم خلصت الفرض (الكعك و بسكويت المكنة )....بكره نشوف معاكل باقى الحجات
اها و ادى قعدة جنب سناء و مريوم و راجين المعلمة لنا |
ما شاء الله يا سمارت.. عيني باردة..
كدي قومي..! تقعدي جنبي انا و مريم تعملي شنو؟!
امسكي لينا الحصة الاولى الما لاقية ليها ست لهسة دي..
و ورينا عملتي الكعك و الخبيز كيف.. و عليك الله اكان في طريقة دعمي لينا بالصور..
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: الاخت سناء خالد
كل سنة وانت طيبه
والله حرم خبرتك الرهيبه دي تكون للجندريات الجدد
المهم ربنا يحقق ليك مقاصدك وأنشالله زي ما ما قالوا يكونوا سريعات أستيعاب وفهم
القصة ماالقصة ما قصة فهم لكين نكهة وطعم |
مرحب يا زهير و كل سنة و انت طيب..
شكراً على كلماتك الطيبة... لكن انا و الجندريات هنا كلنا طلبة.. غايتو لحدي الخبيز و الخبرة بتتجهجه..
ربنا يحقق امنياتك
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: سناء خالد... اطلعي برّه البوست ده... انت وقت بتعملي الناعم وبي هففان كمان، بتعملي في شنو بي جاي!
يا جماعة انا سنة خامسة زواج، ما حصل عجنته لي دقيق ولا عندي عدّة الخبيز زاتها! غايته انا عايزه اي وصفة حايمه... |
مريم.. مرة عملت لانكشير.. بهرت ليك نسوان العرب الهنا ديل كلهم.. لكن بيني و بين نفسي ضحكت.. قلت صحي الطشاش في بلد العمي شوف!
و قلت ليهم يا ريت لو شفتو في السودان الناس بيعملو الحاجات دي كيف!
غايتو انا و انت الغربة باقية لينا سترة حال
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: سناء خالد... اطلعي برّه البوست ده... انت وقت بتعملي الناعم وبي هففان كمان، بتعملي في شنو بي جاي!
يا جماعة انا سنة خامسة زواج، ما حصل عجنته لي دقيق ولا عندي عدّة الخبيز زاتها! غايته انا عايزه اي وصفة حايمه... |
مريم.. مرة عملت لانكشير.. بهرت ليك نسوان العرب الهنا ديل كلهم.. لكن بيني و بين نفسي ضحكت.. قلت صحي الطشاش في بلد العمي شوف!
و قلت ليهم يا ريت لو شفتو في السودان الناس بيعملو الحاجات دي كيف!
غايتو انا و انت الغربة باقية لينا سترة حال
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: السنه دي ما خابزين لأنه حنشتري جاهز لزوم عندنا عقد وكده,,
وعد حأصور ليكم الحنشتريه لأنه البتعمله خطيره ومجربه, ولأني بعتقد انها بتعمل أجمل كعك ناعم وكعك عجوه في الدنيا,
طعمه زي كعك الجنه كده |
امووووون...كل سنة و انت طيبة و عقبالك..
يعني يا امون يا حبيبتي في داعي للشحتفة دي؟ عايني.. دكتور كاواهارا جاي بكرة.. ما في طريقة تخنصري لي من كعك العرس دا كورية صغيييرة خالتو ما تشوفها و ترسليها معاه؟ (وش دني!)
غايتو ان شاء الله اوصيك لحق عيد الضحية.. من هسة احجزي لي عند جارتكم عشان ما تقول لي مشغولة بطلبات الحجاج
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: د. سناء قلب الاسد
كامل التضامن و الدعم
البوست ده مفروض يكون زي مساجد واحات أدنوك
( مصلي النساء) |
يا رغيم الاب.. رغيم قلب الاسد..
بركة الشفاك طيب..
انا قبيل قلت البوست دا فصل للطالبات فقط.. لكن لو كنا قفلناه مصلى ما كان لقينا شرف الطلة دي منك..
عليك الله اقنع لينا فتحية تشرفنا بزيارتها و خبرتها.. نحن محتاجين تضامن عملي.. لرفع مستوى خبرتنا في المجال دا!
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: لوووووووول الله يديكم العافيه يا بناتي
غايتوا كلما اشوف العده والفرش والخبائز وتعب السودانيات
بقول احمدك يا الله
المرقتني منها
اضافه للحنه والحكايات التانيه |
ماما دوما ازيك.. و كل سنة و انت و حبايبك طيبين..
تعرفي انا ذاتي مرات بقول ياخي انا في نعمة.. الله ريحني
لكن و الله .. مرات اشوف الحاجات دي و ابغر.. ياخي عندها طعم خاص و بتدي اي شيء طعم! عيد عيد.. و فرح فرح!
تصدقي لو اقول ليك في سنة من السنوات لحدي الساعة واحدة ظهر.. حتى اتذكرنا انو اليوم كان عيد الاضحى!
السنة دي.. عشان نطلع الاولاد من قصة الاعجاب بزينة الكريسماس و نحسسهم انو نحن كمان عندنا حاجات اكتر من انو نوديهم تويز آر اص يشتروا هدايا العيد.. اكتر من انو يكون يوم واحد.. بالكاد يكون مختلف..
قمنا من اول يوم في رمضان زينا البيت بانوار و بالونات.. و حنخليهم ان شاء الله لحدي تالتة العيد.. ناوية اخبز و اخليهم يجوطوا الدنيا بالتلوين.. لكن شديد حنفتقد دخلة الحبان.. و لمة الجيران.. غايتو.. الحمدلله!
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: اميرة عليك الله ما تاكلينا حنك ساي..
لهسة وصفة واحدة ما اديتينا ليها.. خلينا نخبز.. بعدين اكان في كورة طلس بنقدمو..
هسة الفايدة شنو الواحدة تشتري ليها شيء سمح زي دا.. |
ياهو جنس حركاتكم دى عاملة لينا مشاكل مع مسالة البرينزينتيشن .
من البداية قلت ليك انا ماحريفة فى مسالة الخبائز دى(حريفة فى الهوت كيتشين والكولد كيتشين اونلى )
ممكن نترسل ليكم .....
وبعدين امانى الامين صديقتى فى التشرد هى الادتنى مهمة البريزينتيشن دى وانا بت فالحة وبسمع الكلام
اخبزو خبيزكم ونحن بنلم ليكم العدة وبنضف الحتة
قصرنا معاكم ؟
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amira Elsheikh)
|
سلامو لسناء ولكل الحلوات (البشبهن الكعك)
طبعا اناأظنى ح اكون طيش الفصل دة بلا منافس ولله الحمد , فبالله عليكم أشرحوا بالتفصيل الممل :-)
داليا - بما أنك استاذتى إلى الآن فـ أنتى أخدى كل الوصفات وتعالى أعملى لى فصل إعادة.
أميرة الشيخ , أزيك وبجرب وبرسل ليك منو غيرك ح يستحمل!!؟.
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: ندى عثمان حسن)
|
ازيكم يا حلوات
سحر، مبروك كعك العيد... وماشاء الله، عيني بارده.... والله بركه الربنا ريّحك من العزومة... انا عزومتي كانت الجمعة، واختدته فيها 10 من 10... الحمدلله... يوم السبت عملته تمرّد سلمي على الفطور في البيت، ومشينا فطرنا برّه... جاتني صدمه من الطبيخ ههههههههههههه
سنّو... عملته مقدار من الوصفة بتاعت سمسماية الجبتها... وحأزينها الليلة واوريكم الصور بتطلع كيف... برضه حأعمل مقدار بتاع كعك بي وصفتك... ومقدار بتاع بصمة الاصبع... وبوريكم النتيجة بالصور بعدين... حاكم الليلة فاطره برّه برضه، قلت استغلها فرصة اخبز، مافي وقت... بكره عندي مشوار (مهم جداً) وبعد بكره بتجيني الحنّانه... وبعداك الوقت بزانق..
انتظروا الصور
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: مريم بنت الحسين)
|
سنّويه يا حبيبه,,
دكتور كواهارا ما أظن نحصّلو, كعكنا حنستلمه للعقد, يعني لسه ما استلمناهو,,
لكن بالنسبه للموضوع ده:
| Quote: غايتو ان شاء الله اوصيك لحق عيد الضحية.. من هسة احجزي لي عند جارتكم عشان ما تقول لي مشغولة بطلبات الحجاج |
فـ Done ياحبيبه,,
انشاء الله حيكون عندك في عيد الضحيه اللي هو شهر 11 ;) أجمل كعك ساده + كعك عجوه حتتذوقيهو في حياتك,, 
مرمر يا بريزينتايشن, 
عجبتني الشيّالات خاااالص,,
واصلي ياحبيبه, طالما ما حنقدر نفتي في الفصل ده في وجود المعلمات ديل,
يبقي أقلّلاها نتفرج في العده هههههههه
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amany Elamin)
|
والله كلام ماما دوما صاح, ياخي السودانيات ديل بيتعبوا جنس تعب في الدنيا دي
ملايات ستان و مطرزه و مزركشه و مشكوكه و بخرز و بلولي و مكرمشه و غيره
حنه و خبيز و شيالات و فوط و مفارش و ورد
تياب و شباشب و غيروا
القروش دي لو وفرناها لدراسة اولادنا مش احسن لينا :)
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Dania Elmaki)
|
ازيكم يا سيدات...
دي صورة الكعك الناعم... غايته لحدي بعد الفطور يجي الذواقة بتاعي يضوقه، حاكم انا ما بحب الكعك الناعم ولا بطيقه خااااالص.....بديكم النتيجة...
غايته لاقيت صعوبة يا سناء في تشكيل الكعكات، العجينه كانت بتتفتفت... لكن في النهاية اتشكّلت كويس.. وما اتهرس لي بعد ما نضج... برضه حسيت بيه شرب اول طبقة بتاعت سكّر لما كان حار... لكن بعداك زي ما ظاهر في الصورة...
دي الوصفة بتاعت سمسماية.... والتزيين بعض الخستكه المشتركه بيني وبين محمود...طعمه لزيز اكلنا منّه امبارح... لكن اعتقد انه مفروض يكون crunshy اكتر....استمتعنا انا وحمودي بالتزيين... وكان فرصة حلوة نتونس فيها.. طبعا اصلا استفته من لعبه عشان اقطع البسكويت زاته.. لانه اصلا انا ما عندي قطّاعات... ومبتدئة في هذا المجال...
بكره يا سناء حأعمل وصفة البصمة لأنه وقتي ضايق وانا مارقه.. واحتمال لو لقيت فرقة مع الفطور وزحمته، اقوم اعمل منين...
محبتي
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Hussein Mallasi)
|
Quote: و الله يا ابو العزائم بالغت.. هسة سهمك دا انا احتفي بيهو و ابروزه عديل.. القايلني اديبة و اريبة زي ست الجمال بت جعفر،
لكن غايتو سناء جعفر الا تدخل ليها واسطة شان ترضى.. غايتو يا سنوية اعفي لينا..
لومتنا ساي مع بكري... الله في! |
لا ياخ ........ كل زول عندو منطقتو .... تعفي ليك عن شنو؟ ... ما إنتي كمان سنوية.
ما تجيبي لينا الكلام.
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: محمد أبوالعزائم أبوالريش)
|
Quote: اخبزو خبيزكم ونحن بنلم ليكم العدة وبنضف الحتة
قصرنا معاكم ؟ |
و الله يا اميرة ما قصرتي.. لم العدة و النضافة بعد الزول ينتهي دي ابيخ حاجة في الموضوع! شلتي مننا التقيلة..
خلاص يا زولة..عليك الله الشيالات فاضيات جيبيهن.. خلينا نتنور.. طبعاً انا زيك بسلك كويس في حتة الهوت و الكولد دي يا قولك.. لكن بباصي بالتيلة في الخبيز!
الليلة زي الخبزت كدي .. انتظريني بجيك بعد شوية..
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: سلامو لسناء ولكل الحلوات (البشبهن الكعك)
طبعا اناأظنى ح اكون طيش الفصل دة بلا منافس ولله الحمد , فبالله عليكم أشرحوا بالتفصيل الممل :-)
داليا - بما أنك استاذتى إلى الآن فـ أنتى أخدى كل الوصفات وتعالى أعملى لى فصل إعادة.
أميرة الشيخ , أزيك وبجرب وبرسل ليك منو غيرك ح يستحمل!!؟. |
احلى سلام ..لاحلى ندى.. نورتي البوست..
ياخوانا قولوا خير .. الطيش دي بقت ما حايقة.. و انا شكلي كدا حاتسلبط ليكم في الاولى مشترك مع دانيا و ابيعكم.. خاصة في ظل غياب الاستاذات.. داليا و لنا و سمارت.. و قبيل قلنا ليكم بلداً ما فيهو التمساح
بعدين نحن كلنا بنستحمل .. رسلي لينا الصور لو ما في طريقة للاصل.. و على كل البوست دا ان شاء الله نستحضره معانا لحدي عيد الاضحى.. البيغلبنا هسة نتعلمو شوية شوية و نقشر بيهو بعد شهرين
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
ميمو حبيبة.. يسلمووووو ايديك.. قلتي لي النسابة انبسطوا؟ اكيد ما شاء الله..
لكن يسلمو ايديك اكتر شيء على اللعب اللذيذ اللعبتيهو مع محمود.. لانو في رايي دي اكتر بهجة الواحدة ممكن تحس بيها.. و هو اكيد حيستمتع بيهو شديد و حياكل منو اكتر مما لو كنت جبتيهو ليهو جاهز..
يوم جوني هبة و هديل شايلين ليهم كتاب اطفال من المكتبة فيهو وصفة بتاعة كوكيز بالشوكولاتة.. و قالوا عايزين يعملوه.. ما كان عندي مزاج بصراحة.. لكن ما هان علي اكسفهم.. بقيت اخت في الشروط.. انا حاطلع ليكم الحاجات المحتاجين ليها..و حادخلو و اطلعو من الفرن.. لكن تاني ما حاعمل حاجة..موافقين؟ قالوا موافقين..
الشرط التاني. ما تجوطوا لي الدنيا.. موافقين.. تغسلوا العدة و تنضفوا المكان.. موافقين.. فاسقط في يدي و قمت طلعت ليهم الحاجات..
مع اول قولة ..ماااما.. قلت ليهم اهااا.. بدينا؟ ابوهم كان متكيف منهم قام قال لي خليهم علي.. .. وفعلاً ساعدهم و طلعوا كوكيز ظريفة شديد.. ما صبحوا منها و لا فتفوتة لتاني يوم (بنزل الصورة ان شاء الله).. و طبعاً اهم شيء انهم انبسطوا.. هسة شكلنا حنبرمج باقي الاسبوع دا بالالوان زيكم كدا
على فكرة الكعك انا ما بيتفتت لي .. احتمال يكون زيادة بسيطة في كمية الدقيق تقوم تنشف ليك العجنة شوية.. لكن شكلو كويس و الله و ما دام اتماسك بعد الخبز يبقى ان شاء الله الطعم ما حيتاثر.. نادر قال شنو؟
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
والله يا سناء انا من اتزوجت موضوع الخبيز ده ما عندي موضوع معاه, الغريبه قبل الزواج كنت بساعد ماما و بعمل لي وصفه لحاجه ما تقليديه
اتزوجت مشيت الامارات الله يخلي لي بنت عمي كانت بتعمل لي معاها, بنمشي نشتري الحاجات مع بعض و هي تخبز و انا اتفرج على التلفزيون و اونسها و اشيل حقي اوديه البيت حتى الشيالات هي كانت بتشتريها بتقول لي ما تفضحينا انت عروس ههههههههه
هسه في امريكا لمن جيت راجعه الله يخلي الماما, من امس انا شامه ريحة الخبيز من بعد صلاة الصبح, اتخيلي بدت من ساعة السحور امس مشيت المطبخ لقيت الحاجات مرصوصه لكن لسه ما ضقتهالانه بصراحه انا الخبيز ما عندي فيه كبير شغله.
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Dania Elmaki)
|
غايتو يا ماما دومة انا الا اتفق معاك من باب (الما بيطول العنب)
لاني حاجات النسوان من حنة و الذي منو برييييدها.. بس ساي ما عندي ليها طريقة.. بعد ما جيت عروس و حنة العرس راحت و فضل اثرها في اضافري.. مشيت الدكتور بالم في المعدة..
الدكتور الياباني.. مصر يتجاهل شكواي من الام بطني.. و مركز في الاثر الفي اضافري.. متخيل انو عرض لمرض غريب.. جايبنو الافارقة ديل من بلدهم
يشيل و يسال ظهر لي متين.. و انا جيت من السودان متين!! غايتو البركة في هرشة خالد الهرشها ليهو!
اها تاني مرة بعد جينا من السودان و لسة النقشة يا حلاتها قاعدة.. قمت مشيت اسجل في نادي رياضي ..
في الاول رفضوا انهم يقبلوني.. و فضلوا يسالوا عن التاتو الفي يدي.. قلت ليهم انو دا ما تاتو دي حنة و كلها كم يوم و تطلع.. حتى بعد داك تسجيلي في النادي مشى
ولو انو خالد نصحني ما امشي تاني لحدي ما تطلع خالص!
السبب انو التاتو هنا بمختلف اشكاله ماركة مسجلة و حصرية للمافيا اليابانية (الياكوزا) .. و ناس المافيا طبعاً ما بيتقبلوا في الاندية الرياضية و احواض السباحة هنا!
اها دا كلو طفشني من المحاولة طالما انا هنا..
لكن وقت ارجع السودان بتفشى كويس..
بعدين عاداتنا و تراثنا دا بكل تفاصيلو البلد دي علمتني احترمو .. و اقدرو شديد.. لانو هنا الناس ديل بيحتفوا بعاداتهم احتفاء ما عادي
بما فيها نظافة راس السنة البتشبه نظافة العيد عندنا..
و كيكة الرز بكل طقوسها البتشبه عواسة الحلومر بكل طقوسه..
طقوم الشيالات بتاعتنا بتشبه عدة فطور راس السنة اللي عادي جداً انو يكلف في الحد الادني 300 دولار و قد تصل للالف دولار حسب الحالة المادية للاسرة (دا فطور بس!!)
لبس الكيمونو في المناسبات .. غالبية اليابانيات ما بيعرفو يلبسوه براهم الا يمشوا لصالون او يجيبوا واحدة تلبسهم في البيت.. و دا بيكلف اكتر من حناناتنا و كوافيراتنا بكتير..!
ما عارفة اذا كان الاوروبيين في ثقافاتهم في حاجات زي دي.. لكن الاكيدة انو كل شعب عندو طقوسو البتميزو..
دا غير انو الرجال السودانيين لو الواحد مرتو بقت من دون النسوان ما محننة و مميزة.. لو بقت (سبور) شنو داك يفضل يقارنها بباقي النسوان .. ويشوفها كيف كيف.. و لا ما كدة يا نسوان؛) ؟
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
دندون.. دا كلام شنو؟ و انا القلت انت الاولى و انا اتسلبط في المشترك.. يا شماتة اميرة فيني.. شكلها حتطلع الاولى هي .. شيالات سااااي
**********
تسلم يا ابو العزائم.. ياخ كلو واحد و الله.. سناء جعفر صديقة عزيزة و انت برضك ما مشيت بعيد (في شكل قشرة و كدة )
**********
مرمر (عجبتني دي يا اماني.. عن اذنك)
اها دي تجربة الرغيف الفوق الما عجبك انت و وهبة دا
هو من ناحية طعمو ناعم ناعم.. و الله طعمو ناعم ناعم:))
و هو سخن السكر مسك فيهو زي العجب.. لكن ما عملت ليهو طبقة تانية لانو طعمه كان حلو بزيادة :((
قمت الباتش التانية بعد نجضت ما سكرتها.. و طلعت لذيذة جداً بدون طبقة السكر .. يكون عشان كدا ست الصورة الفوق ديك خلته بعد برد و رشته بشوية سكر!
دا اللي الله قدرني عليهو الليلة :)
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
سنّو، باركي لي... اخدته 10 من 10 في الناعم! ... غايته نادر ما بعجبه شي بسهوله.. أو يكون عنده low expectations واتفاجأ ههههههههههههههه...
بكره حأعمل المنين... والبصمة.. نشوف الامور بتمشي كيف....
ما تتصوري انا فرحانه كيف انك فتحتي البوست ده السنة دي... امي تضحك فيني، قالت لي شايفاك تفتشي في الخبير بي الفيس بوك وسودانيز اونلاين...
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: مريم بنت الحسين)
|
سناء,
الغريبه رغم عدم اقتناعي بكتير من عاداتنا الا اني بعملها ممن باب مجبر اخوك لا بطل هههههههههههههههههه
الا موضوع الجيهه النسوانيه دي بحبها و بتخليني اشعر اني ملكه, رغمي اني برضه مقتنعه انها مضيعة زمن و مال ازدواجية شديده, التربيه بره دي مرات بتعمل مشاكل ههههههههه, لي كم يوم بفكر في بوست نسوان درجه اولي من تدبير منزلي و تجميل.
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: في الاول رفضوا انهم يقبلوني.. و فضلوا يسالوا عن التاتو الفي يدي.. قلت ليهم انو دا ما تاتو دي حنة و كلها كم يوم و تطلع.. حتى بعد داك تسجيلي في النادي مشى
ولو انو خالد نصحني ما امشي تاني لحدي ما تطلع خالص!
السبب انو التاتو هنا بمختلف اشكاله ماركة مسجلة و حصرية للمافيا اليابانية (الياكوزا) .. و ناس المافيا طبعاً ما بيتقبلوا في الاندية الرياضية و احواض السباحة هنا!
اها دا كلو طفشني من المحاولة طالما انا هنا.. |
لووول عاد يا سنويه بتي نبقي لي كدي؟؟!!
الذ شئ اول مره زولنا دا يزور السودان جاء عن طريق اديس ابابا
واول مره يقابل سودانيات محننات لما وصل بعد كم يوم كدا قال لي في نساء سودانيات جو معنا في الطياره يدينهم فيها سكن.
انا من طبعي وانا في السودان ما اتمنيت اتحنن لا اتدخن ما قادره اشوف الناحيه الجماليه الفيها
لاني زوله براقماتك جدا يعني ما بعمل الشئ الا اولا اقارن جدواه بالتعب المبذول فيه .
ممكن اعمل كيك علي الطريقه الالمانيه وطبعا الالمان والنسماويين ديل هم اسياد الكيك
مش الجنك كيك بتاع الانجليز والامريكان Artificial colours and butter cream
لكين بقول اسع تتعبي تعملي الكيك تاكلوه يتردم ليكم شحم ساكت
عشان كدا ما عندنا شئ اسمه حلو بعد الاكل . بس فواكه وحتي سلطه الفواكه مابريدها
يعني عايزه اكل موزه من قشرتها راسا عايزه اكل تفاحه بقشرها وباكلها طوالي عشان ما تتاكسد و هكذا .
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: doma)
|
ماما دوما كل سنه وانتي طيبه ياحبيبه,,
الشيّالات ديل بالذات أنا مابرضي فيهم لأني بحبهم خالص
بعدين العلم اتطوّر, والشيّالات بقت بغطايتها وSafe جدا,,
هسي عايني لشيالتنا دي: (صورتها ليك مخصوص)
بنخت فيها أي حاجه ونحن مطمئنين انه لا نمل ولاحشرات ممكن يدخلوا فيها,
ونفس الشئ شيّالات أميره الفوق ديل, مغطيات وشكلهم جميل,, :)
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amany Elamin)
|
مريومه مبروك نجاح الكعك وحلوه سمكة محمود المزينه براهو دي :)
دانيه وسنويه وماما دوما نقاشكم جميل,
الاقتصاد والتدبير مهمين, وفي عادات كتيره بتاخد زمن وبتضيعه فعلا,
لكن بصراحه عاداتنا حلوه وبتميزنا,
بعدين هسي ستات البيوت خصوصا العاملات, بقوا عشره علي عشره ,,
بيهتمو بالدايت والغذاء الصحي لبيوتهم, وفي نفس الوقت شغالات أو بيقرو, ومرات الاتنين مع بعض,
وكمان بيوتهم حلوه وأنيقه, وهم في نفسهم مهتميات بمظهرهم جدا وأنيقات,
يعني مكمّلات من كلو, وقادرات ينظمو وقتهم عادي وريلاكس جدا في يومهم,,
مابتكلم عن الاهتمام الأوفر وبيكلف قروش علي حساب تعليم أولاد أو علاج لاسمح الله,
لكن في حدود المعقول ناجحات ومتمكنات من ادارة بيوتهم ودي أحلي حاجه,,
خصوصا انه المجتمع دي حاجات متوارثه فيهو ومميزه ليهو,
يعني طالما لازم حنه وفرش وخبيز و و و يبقي ليه ما نعملها بمزاج وحب واتقان وتدبير؟
دانيه في انتظار بوستك المرتقب,,
خلونا نستفيد من خبراتكم ,,
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Amira Elsheikh)
|
غايته يا اميره وقت طلع الناعم بتاعي ناعم، تاني ما في يتكلم معاي زاتو ههههههههههه... او يكون نجاح لحظي، نبقى في اليحلّنا...
سناء هوووووووي... وصفتك بتاعت البصمة دي فيها مشكلة... غايته عجنته العجنه، وبعداك دخلتها الفريزر لمدة ساعة زي ما قلتي... لكن قلبي ماااااكلني، ساعه حتطلع لي لوح تلج!... ما عارفه...طلعّتها وشكلها قوييييييييه... بنتظرها شوية كده... ونشوفها.... انا اعتقد انها ساعه في التلاجه! ما حصل سمعته لي بي عجنه بتخش الفريزر ساعه كامله
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: مريم بنت الحسين)
|
| Quote: ما حصل سمعته لي بي عجنه بتخش الفريزر ساعه كامله |
مريم.. انت صاح و مية مية.. و تستاهلي الاولى بامتياز كمان.. انا كنت بكتب بسرعة و ما ركزت.. فعلاً هي التلاجة ما الفريزر.. سامحيني و ان شاء الله ما تتاثر معاك..
مبسوطة انو الكعك طلع ليك كويس.. و عجب نادر.. و مستنينك بنتيجة البصمة..
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
| Quote: انشاء الله حيكون عندك في عيد الضحيه اللي هو شهر 11 ;) أجمل كعك ساده + كعك عجوه حتتذوقيهو في حياتك, |
امون.. ما عندي اي فكرة كيف فاتت علي مداخلتك دي امس!
يسلموو حبيبة ما بتقصري و الله.. و شوقتيني شديد.. الزولة دي لو عرفت حجم الدعاية الانت عملتيها ليها .. مفروض تخبز ليكم كعك العقد دا مجان..
غايتو انا و اميرة حنمشي نتفاوض معاها عشان نعمل فرانشايز للشغل بتاعها..
رايك شنو يا مرمر؟
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: نديكم العينة دى من البوليس !!
عشان تآمنوووا |
و آمننا و الله يا صلاح .. ما شاء الله و تبارك الله.. شغل بتاع فنانين ما بواليس.. الله يدي المدام العافية و يسلم ايديها
تحياتنا ليها و قول ليها كل سنة و كلكم طيبين و يا ريت تشاركنا بوصفتها للبتيفور دا او اي وصفات تانية
| |
|
|
|
|
|
|
|
|
|
Re: ** كورس كعك العيد** بوست مفتوح لضيوف المنبر (Re: Sana Khalid)
|
Quote: الغريبه رغم عدم اقتناعي بكتير من عاداتنا الا اني بعملها ممن باب مجبر اخوك لا بطل هههههههههههههههههه
الا موضوع الجيهه النسوانيه دي بحبها و بتخليني اشعر اني ملكه, رغمي اني برضه مقتنعه انها مضيعة زمن و مال ازدواجية شديده, التربيه بره دي مرات بتعمل مشاكل ههههههههه, لي كم يوم بفكر في بوست نسوان درجه اولي من تدبير منزلي و تجميل. |
تعرفي يا دانية دي المرة التالتة القاك كاتبة (الغريبة) بفتح الغين.. و انا اقراها (الغريبة) بضم الغين.. شفتي حالة الدناوة الانا واصلة ليها
بامانة يا دندون.. جيهتنا دي بتميزنا عن نسوان الدنيا كلهم.. و انا بالرغم من اقتناعي انها متعبة.. لكن ما بشوفها مضيعة زمن و لا مال.. لانو دي سنة الله في الكون.. و دي فطرتو في النساء ..
و برضو لانو النسوان في كل الدنيا بيصرفوا على زينتهن و مكياجهن و جمالهن.. صاح انو اشكال المكياج و الزينة دي بتختلف.. لكن كلها بتصب في خانة واحدة.. العناية بالجمال و حسن المظهر! الكلشر الانا قاعدة فيها دي بتدي الجانب دا اهتمام موازي (و في احيان يفوق ) الاهتمام بيهو في السودان.. لكن طبعاً الشكل مختلف..
مستنيين البوست.. و بصراحة انا في حتة التجميل دي مهرية و مرارتي مفقوعة من البشوفو في تلفزيون السودان و الدراما السودانية.. يعني مرات في فهم اشتر شترة للمكياج.. يحير!
اخير استنى البوست بتاعك!
| |
|
|
|
|
|
|
| |
داليا الكباشى
SHIBKA
khaleel
عبدالوهاب علي الحاج
اساسي
Rawia
محمد أبوالعزائم أبوالريش
مريم بنت الحسين
smart_ana2001
Dania Elmaki
زهير عثمان حمد
Hussein Mallasi
تيسير عووضة
osman righeem
doma
صلاح أبودية
فيس بوك
تويتر
انستقرام
يوتيوب
بنتيريست